استخارة

Chilli_88044 🇪🇬

منذ 4 أيام

شعور قلق

البوست طويل شويه محتاج رأيي البنات انا معايه سوبر ماركت واحنا من قريه في الصعيد انا كنت قافل باب الارتباط وبكبر من نفسي ومن شغلي والحمد لله مبتدي من تحت السفر وربنا وسعها عليا والحمد لله دلوقت الدنيا ماشيه بحكم موقع السوبر ماركت بتدخل عندي بنات كتير وعادي الدنيا لحد ما دخلت عندي بنت منتقبه شغلت دماغ

Avocado_87171 🇪🇬

منذ شهر واحد

شعور مرهق

السلام عليكم ورحمة الله وبركاته أسفة مقدما لو كان كلامي فيه لخبطة بس أنا نفسي متلخبطة أنا واحدة في أولى كلية كلية التجارة و بصراحة مش حاسة إنها مكاني لكن في نفس الوقت مفيش رغبة ل كلية معينة أنا لما كانت في تالتة ثانوي كان هدفي إني أجيب مجموع عالي وبس مكانش فيه كلية معينة في بالي المهم إني

عبّر عن شعورك بشكل مجهول

السلام عليكم ورحمة الله وبركاته 
أسفة مقدما لو كان كلامي فيه لخبطة 
بس أنا نفسي متلخبطة

أنا واحدة في أولى كلية 
كلية التجارة 
و بصراحة مش حاسة إنها مكاني 
لكن في نفس الوقت مفيش رغبة ل كلية معينة 
أنا لما كانت في تالتة ثانوي 
كان هدفي إني أجيب مجموع عالي وبس 
مكانش فيه كلية معينة في بالي 
المهم إني أنجح بمجموع حلو وخلاص 
و الحمد لله جبت المجموع اللي نفسي فيه و فرحت أهلي 
و كانت فرحتهم بالدنيا 
بعدين جه معاد التنسيق 
الكل قاللي أدخلي تجارة لأن ليها مستقبل و بتاع 
و انا زي ما قولت مكانش فيه كلية معينة ف بالي 
 و بصراحة كنت عايزة كلية ليها مجال في سوق العمل 
ف قولت ماشي على بركة الله 
من أول يوم و أنا مش مرتاحة 
طبعا أنا كان في محاضرات فاتتني 
و اليوم نفسه كان مرهق 
حسيت إني تايهة و مش فاهمة حاجة 
حتي في الكورس بتاع المحاسبة
مكنتش فاهمة 
و تهت في الشوارع بتاعت مكان الكورس 
و قعدت أبكي في الشارع زي العيال الصغيرة 
من ناحية أنا كنت مرهقة و تعبانة 
و من ناحية مكنتش فاهمة حاجة
و حرفيا أول يوم ما كان يعلم بيه إلا ربنا
عدت الأيام و أنا كل فترة و التانية يجيني هاجس 
إني هفشل و أن الكلية دي فيها حاجة غلط 
في صوت جوايا بيقول 
أنا مش عايزة الكلية دي 
أنا مش حابها
أنا مش بفهم موادها 
لكن أنا كنت بقول 
يمكن افهم 
أشد حيلي و أركز يمكن أفهم
صليت أستخارة و توكلت على الله و قلت يارب
و بالفعل 
في مواد بدأت أفهمها واحدة واحدة

لكن برضو كل فترة و التانية أحس بضيق في نفسي 
و كل فترة أفكر في كلية ليها علاقة بالتاريخ لأنه كان مادتي المفضلة 
سواء عاد آداب أو تربية

لكن كل مرة يجيني تفكير 
( طب و أهلك اللي تعبوا 
هضيعي تعبهم كده بكل بساطة 
و الفلوس اللي ادفعت ) 
و على دا الحال

مع إن أمي والله و ربنا يشهد على كلامي 
لما كنت بقولها إني خايفة أفشل أو أسقط

كانت تقولي و إيه يعني 
ذاكري و عملي اللي عليكي و النتيجة على ربنا 
كانت تقولي يعني هنعدموكي لو سقطتي

و انا والله عارفة إن كاتبه ربنا هوا 
الخير 
بس خايفة و الله خايفة 
و متلخبطة 
مش متقبلة الكلية و مش حاسة إني بحبها 
و في نفس الوقت خايفة لو درست الحاجة اللي أنا بحبها 
ميكونش ليها مستقبل

أسفة إني طولت 
لكن أنا تعبانة و مخنوقة 
وكنت عايزة أفضض لحد و يسمعني وبس

لو وصلت لحد هنا ف شكرا جزيلا أنك قريت رسالتي
 
و لو عندك حل لمشكلتي أو نصيحة 
اتمني متبخلش عليا

دمتم سالمين و السلام عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_78398 🇪🇬

منذ شهر واحد

شعور مرتبك

انا انسه ومتقدملى شخص ادب اخلاق ذوق متدين ويدفعنى إلى طريق الله طيب جدااااا حنين اووووى مقطوع من شجره ويعمل حاليا ف مصر ومستقبلا بدوله اوربيه مستوى تعليمى واجتماعى معقول اطلعته ع عيوبى قبل مميزاتى وكان ف قمه الرضا بالاتنبن المشكله الوحيده أنه اصغر منى باكثر من 10سنوات صليت استخاره ومش حاسه بحاجه خال

Orange_65823 🇪🇬

منذ شهر واحد

شعور مكسور القلب

Biscuit_84193 🇪🇬 شايفه انه ملهاش لزمه تعاتبه بصراحه لانه كان عارف وعمل كده واكيد دا لمصلحته عشان يكسب نقطه قدام صاحب الشغل..ف النوعيه دى مينفعش معاها عتاب دول بنتجاهلهم خالص ولا هزار ولا غيره..ولو قدامك شغل فى مكان تانى يبقى افضل كتير

عرض الكل 4 نصيحة

عبّر عن شعورك بشكل مجهول

عاوز رايكم و مساعدتكم لو سمحتم
انا عندي ٣٩ و الحكاية ابتدت من سنة ان واحدة اتعينت معايا في الشغل محترمة و متربية و مؤدبة و النصيب انها فيها كل الصفات ال بتمناها فعلا و كانت في خيالي للوحدة ال ارتبط بيها  انا مكنتش بفكر في الجواز قبل كده علشان مش عاوز أظلم بنات الناس لاني امكانياتي ان مفيش شقة و كان عندي محل ورث عن والدي مكنتش عاوز اتصرف فيه علشان ولدي الله يرحمة كان مرتبط بالمحل جدا  لما شفت زملتي دي فكرت في الجواز و اتصرف في المحل و اجيب شقة بس كانت فيه مشكلة ان البنت كانت مخطوبة مع الوقت و التعامل القريب حبتها من كل قلبي و هى الحب الاول ليا مكنتش بتكلم معاها في حجات شخصية او بخصوص خطيبها و كنت بتمنلها الخير بس معملة خطيبها ليه كانت وحشة اوي ضرب و شتيمة و بعد ما تكلمه في التليفون تقعد تعيط و انا مكنتش بكلمها في الحجات دي بس كنت ملاحظ المهم شاء ربنا في يوم ببص في ايدها ملقتش الدبلة عرفت بعدها انها سابت خطيبها لما خيرها بينه و بين الشغل هيا اختارت الشغل  بعد فترة  عرفت من صديقة  مشتركة انها اصلا منفصلة و عندها بنت صغيرة و مش قيلة في الشغل و دي كانت رغبت خطيبها و  خطيبها ده كان بيعايرها انها مطلقة ديما على اساس انها حاجة تقلقل منها المهم فكرت وصليت صلاة استخاره و قلت مفيهاش حاجة و حعتبر البنت بنتي و ربنا عالم و شاهد علي نيتي  فكلمت زملتي دي اني ارتبط بيها و اتقدم لأهلها قالت مش بفكر دولقتي والف من يتمناك و مقلتش على طروفها  قلت طب خدي  وقتك  فكري انا مش مستعجل و قفلنا الموضوع لان كنت بقول لنفسي ان انا اتقدمت بدري كان بعد شهر من ما سابت خطيبها و احنا كنا قريبين اصلا فده خلاني اتكلم بدري بس قلت المفروض اصبر و عدي شهر تانى  و من التعامل و انا اعزم مرة و هيا تعزم مرة لاقيت امها كلمتني في التليفون و مكنتش اول مرة نتكلم بس المكالمة دي مختلفة قالت هو انت لسه عاوز لسه ترتبط بينتي قلت ايوه قالت انت عارف ظروفها قلت ايوه و متقبلها تماما قالت كلم اخوها كلمته سال عليا و رد ان الناس قالت في حقي كلام كويس و اني محترم و الحمد لله و اقترح ان اكلم زملتي في التليفون على اساس اننا مش بنعرف نتكلم في الشغل لاننا مش حنتكلم كزملة و كمان يبقى بعيد عن الشغل لحد ما هيا تتعرف عليا اكتر و تاخد قرار قلت ماشي و فعلا كنا بنتكلم بالساعات ٦ ساعات في المكالمة الواحدة  و براحتنا بعيد عن جو الشغل هيا مقلتش انها بتحبنى بس كانت بتقول أسرار مش بتقلها لخطيبها حسب كلام اهلها و بتاخد  راحتها معايا في الكلام و الأمور مشيت حلو كلام و هزار لمدة أسبوع ظهر في الصورة خطيبها بدأ بيهددها انه يعملها فضيحة بالكدب في الشغل و عند أخواتها و حتى بعت ليا رسالة و مردتش عليه و كان بيقول انا حخليكي تسيب الشغل ده و انتي عينك مكسورة و في الأرض و حيعملك فضيحة وسط اهلك و اقول اني عملت و عملت انا علشان اطمنها قلتلها و امها اني مش مصدقه و كمان لأنها محترمة فعلا كانت هى بتتجاهله في الأول ابتدت ترد عليه قلها انا عملت كده علشان بحبك و كنت بهزر مش حعمل فضيحة ولا حاجة مكانتش موفقة ترجعله و احنا كملنا كلامنا عادي و اهلها قالوا ليا معلش اصبر عليها شوية لسه خارجة من علاقة فاشلة و وافقت و قلت على راحتها خالص مش عاوز حد يضغط عليها و في يوم بنتكلم هيا قالت احنا بنتكلم ليه و اننا عارفين بعض اصلا و انا كلامنا في التليفون عامل مشاكل ليا في البيت قلت مشاكل ايه كله بعلم اهلك و موافقتهم قالت انه ابويا قال يا انا أوافق و انت تتقدم و تيجي البيت و هو موافق عليك يا اما ابلغك علشان تشوف انت بنت الحلال و مبقاش معطلاق جنبي فاحنا اصحاب و زملة و اخوات قولت تمام إذا كانت دي رغبتك  
اكتشفت ان في نفس اليوم ده و قبل المكالمة الأخيرة ال بينا بساعات مديري ال في الشغل و ال بعتبره اخويا الصغير هو ٢٩ سنة بس اقدم مني في المجال 
( كان عارف اني بكلم البنت و بحبها و ناوي اتقدم) هو كلم البنت و قلها انا جايبلك عريس الهو صاحب الشغل بتعنا و صاحب الشغل ده غنى بس سلوكة مش كويس و بيجوز جوزات عرفي شهرين و يسيب او علاقات منغير جواز و بيشرب خمر و انا ال مكنتش مركز معاه في الأول ولا في حياته الشخصية و مديري ده عارف بكده من بدري جدا و كان لمديرى زي مكافأة مبلغ لو هو ظبط الموضوع لصاحب الشغل ال كان عرف اني بحب البنت لما سال بعض زميلنا في الشغل و بردوا اتقدم
و البنت مرفضتش العرض ولا وافقت بس قالت حشوف اهلي و ابوها لما عرف قالها يا تقولي لراجل (عليا انا) البيكلمك يجي البيت و انا موافق عليه يا اما تقولي له يشوف بنت الحلال متعطلهوش جنبك و هي اختار نبقي زملة و ده نصيب يومين و خطيبها قابلها في الشارع و قالها الناس طمعانه فيكي نرجع لبعض و رجعت يومين و شتمها في التليفون فقالت خلاص مش حرجعله مع ضغط المدير و صاحب الشغل ردت علي تليفونات صاحب الشغل مكالمت في حدود ٥ دقايق و  لمده ٣ ايام هي مكنتش موافق على صاحب الشغل بس تايها بعد كده اخوها الكبير قلها تسيب الشغل و كلم صاحب الشغل قلة ان كل شئ نصيب و كان اهلها مش موفقين عليه لما عرفوا سلوكة و اخوه رجعها لخطيبها علشان يقفل الباب قدام صاحب الشغل وخلاص 
ال عاوز رائيكم فيه اتعامل مع صحبى المدير ازاي انا مابعرفش ابقي بوشين او اكون شايل من حد و اتعامل معاه عادي او  اضحك في وشة حاسيس اني مخنوق في الشغل و حزين علطول و. مع الأسف محتاج الشغل و مفيش بديل قدامي دلوقتي مخنوفة اوي من الشغل بيفكرني بالعمله صاحبي و بيفكرني بالبنت البحبها انا بتمنلها كل الخير و بدعيلها و انا بصلي لحد دلوقتي الموضوع مر عليه ٥ شهور نفسي ارتاح 
اهم من اجابتكم الدعاء ليا  شكرا و اسف لحضرتك جدا جدا على الاطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_75327 🇪🇬

منذ شهر واحد

شعور مكتئب

احساس وحش ، احساس الوحده ابن ...... ، احساس انك عايز تحكي بس في نفس الوقت مش عارف تقول ايه ، احسسي اني راجل بس في نفس الوقت نفسي اعيط ده وحش اوي ، حاسس اني مزلول قدام نفسي ، بتخانق مع نفسي ، ضغوط من كل حته ، و كل اللي نفسي فيه اني اعدي الفتره دي ، صليت استخارة علي حاجه و ربنا مأمرش انها تحصل ، عارف

Orange_68178 🇪🇬

منذ شهرين

شعور غير مكتمل

السلام عليكم ، دلوقتي انا قعدت رؤيه شرعيه مع بنت و اول مره قعدت فيها شبه متكلمتش خالص واهلي اللي كانوا بيتكلموا كنت بشارك ف الحوار بحاجات بسيطه المهم للوهله الاولي البنت معجبتنيش وكنت مصلي استخاره قبل ما اروح بس قعدت ادقق ف وشها وبدأت ارتاحلها وصليت استخاره بعد ما جيت ، ردو علينا بعدها وقالوا مواف

Lemon_52708 🇪🇬

منذ شهرين

شعور مرتبك

هو انا مشاعري من ناحيتها اختفت والشوق والحنين والحب الشديد ليها اختفى بعد ما صليت استخاره حسيت بعدم القبول من ناحيتها شكلا وموضوعاً وساعات بتحجج بأي حاجة عشان اقوم من جمبها رغم إن كان في مشاعر من طرف واحد قوية جدا

Almond_32126 🇪🇬

منذ شهرين

شعور مرتبك

جماعة عايزة احكي حاجه محدش يتريق عليا انا في دعوة بتمناها من ربنا وعندي يقين ربنا هيحققها وانه رب الاسباب وبصلي استخارة ومنتظمه ف الصلاة وقيام ليل وذكر علطول وبطلب من ربنا اشارة وجه ف يوم الساعه الي قبل العشاء بليل سمعت صوت عصافير من الشباك قوي واستغربت اكتر لما لقيت ان كذا حد موجود مش سامعة واصلا م

Strawberry_70590 🇪🇬

منذ شهرين

شعور قلق

عبّر عن شعورك بشكل مجهول

حاسه اني كل شويه اتكلم هنا و زهقتكم
انا خطوبتي كمان كام يوم اتفقنا هنجيب الجاتوه من عند حلواني هنسميه صاد و بابا حجزه ب فلوس قليلة و بعدها جوز بنت عنتي كان قايل لبابا هحجزاك من عند حلواني هنسميه سين 
خطبيبي نفسه اوي اوي ف صاد و بابا لما قريبنا كلمه لغي حجز صاد و حجز سين 
 الاتنين نفس الفكرة مفيش فرق اوي ما بينهم
بس خطيبي مصمم علي صاد و كلمني كول طوووويله و ادايق لما بابا غير الحجز من غير ما يقوله و كدا و قلي باباكس مش مكبر بيا و مكبر ب قريبه جوز بنت عمتك و كاام من دا
و خطيبي عايز يكلم بابا يعاتله لانه قال ل قرايبه احنا حجزنا من عند صاد و عيلته بتحب صاد و مش بتحب سين خالص و ان بابا مكبرش بيه و ادايق و كدا و قلب هعاتبه هو زي ابويا و كدا و مفيش احراج هكلمه (هو خطيبي عايز يمشي الي ف دماغه )
المهم بابا مش عايز يغير سين و مش عايز يتحرج قدام قرايبنا ف انا مش فاهمه المفروض ايه الصح انا كلمت بابا و قولتله نعديهاله و كدا بس بابا قلي دا متحكم جدا و بيقويكو عليا
انا نزلت الدعوات ع النت كل الحناقه دي حصلت و شدينا ف البيت بسبب كل دا و خطيبي هيكلم بابا انهارده انا بوست بابا و حضنته و قولتله هما ناس كويسين نشتريهم و كدا و نشتري خاطره و الجو دا
بس معرفش بابا هيعمل ايه 
هل ممكن العريس يبعد لو حس ان بابا هيمشي كلامه هو و مغيرش حاجه ؟
هو قعد يكلمني كاننا اقل شويه منه بشكل غير مباشر بس عرفته انا ايه و كدا حكالي عن واحد قريبه. لقا اعل خطبيته جايبين كل حاجه مستواها قليل و كدا و الواد مش كرتاح ل دا ف قله طالما مش مرتاح خلاص و كدا ف معرفش قولتله تقصد ايه يعني انا بابا هيجيبلي احسن و اشيك حاجه ف قعد يقولي لا انا بحمي علي قريبي و كدا و حسيته جاب ورا لثواني
انا صليت استخاره و معرفش هو بابا عيعنل ايه ادعولي بالخير ليا و انصحوني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_56274 🇪🇬

منذ شهرين

شعور مرهق

انا عندي ٢٤ سنه وكل ما حد يتقدملي واجي اصلي استخاره بدعي بواحد قريب مش للعريس ولو دعيت للعريس بضايق وبرجع ادعي لقريبي تاني وكذا مره اصلي استخاره وقريبي هو اللى يطلع فيها مع العلم انا وهو. مفيش بنا غير سلام ربنا دا لو اتقبلنا اصلا وهو نفس السن ف صعب أنه يعرف يعمل حاجه ،،، وانا تعبت من الموضوع دا بدعي

Strawberry_75460 🇪🇬

منذ 3 أشهر

شعور متوتر

محتاجه مساعده حقيقية انا دلوقتي دخل واحد كلمني انستا نيته صافية وعرفني بنفسه وشغله ودرس اي وغيره من الأمور حابب أنه يجي يتقدم سألني ساكنة فين طبعا مدتهوش العنوان بس قولتله قريب من محطة مترو كذا بس فقالي أنه ليه قرايبه عندها برضو وهو داخل بنية جدية حاولت اطفشه وهو مصمم كل الي طلبه اسمي علشان يديه لاق

Apple_48216 🇪🇬

منذ 3 أشهر

شعور خجول

عبّر عن شعورك بشكل مجهول

انا اسمي زياد وكنت بحب واحده اسمها حنين وكنت بشوفها صدفه وجي ف مره اتجمعنا ف سنتر دروس واتعرفنا واتكلمنا وكانت صداقه اخوات بنسبلها وجيت بعد م خلصت سنه الدراسه كنت بكلمها كل فين وفين ع الفون وجيت مره كلمتها واعرفتلها ب حبي وكان رايها ان هيا علاقه اخوات وانا قفلت ع الموضوع بقا وعدي ع الكلام دا سنتين لحد دلوقتي 
وهنا بدايه الحلم انا كنت بصلي استخاره لربنا ملحوظه بس الحلم دا بعد الا ستخاره وكن كل كام يوم احلم بيها قبل صلاه الفجر ودايما اصحي من النوم مش فاكل اي حاجه حصلت خالص الا اني كنت بحلم بيها وجيت انهارده حلمت بيها ان انا كنت ف السوق وكان عندي ف البيت عمال وشغالين وروحت السوق اجيبلهم اكل ف اقابلت حنين مشي مع صاحبتها ف السنتر وجات تشتري من نفس محل السمك وبصتلي وقالتلي الحمدلله اني شوفتك قبل م اموت وبعده انا فاكر حاجات بسيطه بقا من بعد الجمله دي ان انا يعني واقفت كلمتها وهيا اخدت مي فلوس عشان تشتريلي هيا عشان انا كان قدامي ناس رجاله كتير وهيا ال عليها الدور في طابور الحريم وقلتلها انا زعلان منك عشان مبتكلمنيش قالتلي انا بكلمك اهو وهوا دا ال انا فاكره 
انا مسلم 
لا يوجد ارق طبيعي
كان الحلم بعد استخاره

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_29414 🇪🇬

منذ 3 أشهر

شعور مرتبك

السلام عليكم كنت عايزة اخد رأيكم في مسألة كده انا دلوقت رايحة تالتة كلية آداب قسم اجتماع وطبعاً انا كنت علني علوم ومن غير خوض في تفاصيل كتير دي كانت نصيبي وكنت في حالة صدمة ولغاية دلوقت بس بذاكرة الي هوا بعمل الي عليا المهم في اقتراح جالي أن ممكن احول لكلية تانية أقسامها حلوة ولعلمي علوم زيي وليه

Strawberry_61359 🇪🇬

منذ 3 أشهر

شعور مستنزف

هو انا طالب لسه هختار بين ثانوي وباكلوريا صليت استخاره واخترت ثانوي قبل كدا بس امي بتضغط عليا وعايزني اغير باكلوريا اخر معاد بكره لو غيرت هكون في مدرسة تانيه مش نفس مدرستي ابعد لكتير وهركب لها موصلات مع ان مدرسة الثانوي جنبي حرفيا شايفها من البلكونه وكمان مش هكون مع صحابي وبجد يعني مضغوط عليا اوي اع

Mango_74602 🇪🇬 أما موضوع تغيير المدرسة والبعد عن صحابك، دي مرحلة وهتعدي، وهتقدر تتأقلم وتعمل صداقات جديدة مع الوقت، بس الأهم إنك تكون مطمّن لخطوتك. خلي ثقتك في ربنا كبيرة، وخد قرارك بناءً على اللي يريح قلبك مش بس على ضغط الناس.

عرض الكل 3 نصيحة

Apple_22069 🇪🇬

منذ 3 أشهر

شعور خجول

انهاردة انا عملت حاجة اظن اني لازم اكون فرحانه شوية بيها انا قولت للشخص اللي بحبه اننا لازم منتكملش لحد ما يبقي فيه بينا حاجة رسمي عشان مش عايزة اعصي رينا بيه وربنا يعاقبني بحرماني منه وطبعا هو وافق بعد مناقشة في قراري وكلامي ليه اني بحبه عشان كدة هبعد عنه انا مستودعاه عند ربنا وسيبته لوجه الله وانا

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع