تحسين الذات

Watermelon_52811 🇪🇬

منذ 3 أيام

شعور مكسور القلب

انت مش جامد (انت مستور ) انت مش شاطر (ربنا اللي عاوزك في الحته دي لأسباب) انت مش وحش (انت ربنا سامحك لما توبت)❤️ انت جميل طول ما انت بتحاول تكون نسخه حلوه من نفسك متسلمش بدري بدري💪 خدلك مرشد ف طريقك يرشدك تعمل ايه وتاخد من خبراته حتي لو من حد صديقك وحاسس انه قريب منك وبيخاف عليك خده مرشد ليك

Kiwi_88503 🇪🇬

منذ أسبوع واحد

شعور مرتبك

إزاي نقدر نكمّل يومنا بطاقة ونطلع أحسن نسخة من نفسنا؟ بقالي فترة بسأل نفسي إيه الحاجات الصغيرة اللي لو عملناها يوميًا ممكن تغيّر مستوى إنتاجنا بالكامل؟ مش لازم تغييرات ضخمة… ساعات خطوة واحدة صح بتقلب اليوم كله مثلاً لما نبدأ يومنا بحاجة بسيطة ترفع مودّنا لما نرتّب أولوياتنا بدل ما نسيب اليوم يجر

Mango_22117 🇪🇬

منذ أسبوع واحد

شعور مستنزف

لما المثاليه تبقا حرفيا داخله فكل تفاصيييل حياتي بتصلحوا موضوع دا ازاي علشان تعبت و نتيجته وحشه بيبوظ كل حاجه و اوفر ثنكيينج معاه فقلولي ازاي احسن منه اي حلول عمليه مثلا 🥺 qqqqqqqqqqqqq

Lemon_52708 🇪🇬

منذ شهر واحد

شعور مكسور القلب

أنا وصلت لمرحلة مش فاهم فيها نفسي… عندي اكتئاب مش بس عشان اترفضت، لكن عشان حبيت واحدة باردة، واحدة حسستني إن كل اللي جوايا مالوش قيمة. أنا والله العظيم حبيتها بصدق، كنت شايف فيها أماني، بس في الآخر خرجت من حياتي كأني ولا كنت موجود. يمكن هي كرفتني عشان شافتني مغرور أو نرجسي، بس الحقيقة إني كنت بحاول

Strawberry_77918 🇪🇬

منذ شهر واحد

شعور مرهق

انا بجد نفسي اعمل حاجات كتير اوى في حياتى و اضيف عادات حلوة بس مشكلتي التسويف و انعدام الطاقة و ساعات ببقي حاسه ان حياتى بدون معني. بجد نفسي في حل للتسويف و ادمان السوشيال ميديا

Banana_79321 🇸🇦 جربت روتين النوم بدري ؟ وقفل الفون اجبر نفسك وسدقني حياتك هتتغير 180 درجة ومتنساش تدعيلي

عرض الكل 3 نصيحة

Cookies_71160 🇪🇬

منذ شهرين

شعور محبط

نفسي ابقى مش مقصر في حق دراستي ولا ديني ولا صحتي ولا حياتي بشكل عام بحس دايما اني اكسل من اني اقدر او اني فاقد القدرة عارف اني هندم على دا كتير قدام بس فعلا كل يوم بحاول اكون احسن لعل وعسى اكون الشخص لللي بتمناه

Sugar_73565 🇪🇬

منذ شهرين

شعور خجول

ممكن يبان طلبي غريب شويه بس انتوا ساعات عارفين ان انتوا احسن من كده وتقدر تخلي حياتك اعمق وأجمل ومش عارفة ازاي ف لو في واحده تاخد معايا الموضوع ده ونتحسن ونلاقي نفسنا كويس تبعتلي وان شاء الله هنطلع بفايده

Ice Cream_76667 🇪🇬 بجد اه لسة انهارده جايبة نوت وبكتب محتاجة اعمل ايه ف حياتي

عرض الكل 10 نصيحة

Banana_59267 🇪🇬

منذ شهرين

شعور مرتبك

ازاي اتخلص من فكرة اني محتاج واحدة تحبني مثلا او الجوع العاطفي عموما ،انا متأكد ان رغباتي دي بتخليني ضعيف والمفروض مبقاش محتاج كدة، بس انا واثق ف نفسي وشايف ان شكلي مش وحش، ممكن اكون مش بتعامل حلو مع الناس الغريبة ولازم اتعود عليهم وكده وده عيب من عيوبي، طبعا فكرة الجواز دي بعيدة جداً إلا أن يشاء رب

Apple_63299 🇪🇬

منذ 3 أشهر

شعور ممتن

موضوع:

ازاي قدرت تتعافي من علاقه سامه

العلاقة مكنتش سامة لكن حياتي كلها كانت سامة، مدخن ، مكتئب ،لوحدي ،ساكت ،منعزل و جسمي هزيل. مجرد تراكمات من علاقات اللي فيها زي صحاب او اهل او حب كفيلة انها تهد حياتي و تحسسني اد اي انا رخيص او مليش قيمة عند حد. لحد ما قابلت شخص قالي حاجتين مش هيتعوضوا، انت و الوقت. و من وقتها اه مضايق و فيا طاقة غ

Jackfruit_74741 🇪🇬 اهم حاجة تحب نفسك وتركز في مستقبلك وتشغل وقتك دائما طلع طاقتك في حاجة مفيدة وان شاء الله نصيبك جاى متستعجلش

عرض الكل 1 نصيحة

Avocado_71541 🇪🇬

منذ 3 أشهر

شعور ممتن

موضوع:

عرفت تظبط حياتك بعد الصعاب الي مريت فيها ولا لسه بتعاني؟

عرفت اقف علي رجلي تاني وظبطت حاجات كتير جدا زي شغلي بقي احسن مرتبي بقي احسن اولوياتي اتغيرت جدااا ومبقتش باجي علي نفسي عشان خاطر حد نهائي الا بمزاجي طبعا مش كل حاجة اتغيرت اكيد لكن فيه حاجات عمرها ما هتتغير نهائي ودي حاجات في طباعي الشخصية انا حاببها وحابب نفسي بيها

Pineapple_70998 🇪🇬

منذ 3 أشهر

شعور وحيد

أنا فاشل فشل رهيب في حياتي الاجتماعية والعاطفية عمري ما دخلت ريلايشن وشبه ماعنديش صحاب أوقات بضايق فشخ إني وصلت لده رغم إني الحمدلله ناجح في شغلي وفي جوانب تانية في الحياة بس عمري ما حسيت إني حبيب كويس أو صديق كويس أو حتى أخ كويس يشوفني فاشل في كل دول ونفسي حقيقي أتغير واكون احسن وأشوف إني حبيب وأخ

Orange_71237 🇪🇬

منذ 3 أشهر

شعور ضائع

جدعان انا مبسوط اوي اننا لسة فينا الخير لبعض وبنساعد بعض واللي عنده حاجه بيقول للتاني ده شيئ جميل ومميز بس هقولك حاجه وهي حقيقية مرة معظمنا هنا عشان مش لاقي دافع نفسي في بيته او محفز وبيضطر يعتمد على غيره سواً بقى فالعلاقات او حتى عالنت وبيفتكر انه بيلاقي حل للمشكله للاسف ده زي مسكن بس وبيرجع تاني ا

Avocado_68588 🇪🇬

منذ 4 أشهر

شعور فخور

موضوع:

درس علمته لك الحياه

أن ناس كتير هتنتقد شكلك و شخصيتك و حياتك و محدش يتمنى يشوفك ناجح بجد حتى اقرب حد ليك بس فى الحقيقه هما مش قادرين يكونو زيك كان ديما عندي كذا مشكله كنت تعبانه جدا فتره معينه تعب فى المعده و حسيت كتير جدا كان ناس كتير اوي تتنمر عليا ف انا اخدت قرار اغير دا و نزلت جيم بعد لما اتعالجت الحمدلله و وزني

Ice Cream_57191 🇪🇬

منذ 4 أشهر

شعور محبط

هو ان انا اكون انطوائي او مبتكلمش كتير دا عيب ؟ بحس ان دايما لما ببقي معا ناس وجودي مش بيبقا مؤثر بسبب حتة اني مبتكلمش كتير ؛ مبتسم بس كدا ، مش اجتماعي اوي ، فا وجودي معا الوقت اهميتو بتقل في اي مجموعة بسبب الحتة دي ، بحس بدا طول الوقت وبيحصل من وانا صغير لحد دلوقتي وانا عندي ٢١ سنة ؛ فا هل اقدر اعا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع