جلد ذات

Lemon_52708 🇪🇬

منذ 5 أيام

شعور قلق

عمري ما تخيلت إني أوصل للحظة دي… اللحظة اللي ببص فيها على نفسي بعين مختلفة، وبسأل أسئلة عمري ما كان عندي الشجاعة أسألها: ليه كنت محتاج الإعجاب بالشكل ده؟ ليه كان النقد بيهزّني؟ ليه كنت أحيانًا ببني صورة عن نفسي أكبر من حقيقتها؟ وليه كنت بشوف نفسي قبل الناس اللي حواليا؟ الاعتراف مش ضعف… ومش جلد ذات

عبّر عن شعورك بشكل مجهول

عمري ما تخيلت إني أوصل للحظة دي…
اللحظة اللي ببص فيها على نفسي بعين مختلفة، وبسأل أسئلة عمري ما كان عندي الشجاعة أسألها:

ليه كنت محتاج الإعجاب بالشكل ده؟
ليه كان النقد بيهزّني؟
ليه كنت أحيانًا ببني صورة عن نفسي أكبر من حقيقتها؟
وليه كنت بشوف نفسي قبل الناس اللي حواليا؟

الاعتراف مش ضعف… ومش جلد ذات.
ده بداية وعي… بداية تغيير.

لأن الحقيقة؟
أنا موجوع.
موجوع من النسخة اللي اكتشفتها جوايا.
موجوع من تصرفات أثرت على شغلي، وعلى علاقاتي، وعلى أهلي، وحتى على أعزّ أصحابي.

لفترة طويلة كان عندي شعور عالي بالاستحقاق…
حاسس إني دايمًا "أستحق" كذا وكذا،
وإن رأيي هو الصح،
وإن نقد الناس ليّا مبالغ فيه،
لحد ما لقيت إن الأنانية بتكبر جوايا،
والصورة اللي شايفها عن نفسي مش هي اللي الناس شايفينها.

ويمكن… يمكن في نظر ناس كتير أنا كنت شخص مؤذي.
بس أنا دلوقتي في رحلة جهاد مع نفسي.
رحلة أتعلم فيها أكون أهدى، أصدق، وأقرب لربنا ولنفسي.

وأنا رغم الوجع… ممتن.
ممتن إن ربنا ورّاني الحقيقة قبل ما الوقت يفوت.
ممتن إني قدرت أبص جوايا من غير خوف.
وممتن إن لسه قدامي فرصة أبدأ من جديد.

إحنا في دنيا ربنا فيها بيختار لنا الصح—even لو مش على مزاجنا.
الكويس دايمًا بييجي في الوقت المناسب،
وربنا بيدّينا اللي محتاجينه عشان نتصلّح…
مش اللي عاوزينه بس عشان نرتاح.

ويمكن… يمكن أكون شخص مش كويس في حاجات،
بس الدنيا فانية، ومش مستاهلة أعيش عمري أكره نفسي بسبب أخطائي.
المهم إني أصلّح… وأكون أحسن من امبارح.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

عايزه مساعدتكم زي ما ياما ساعدتوني ❤️
أنا عندي تعب نفسي زي لوم نفس او جلد ذات او عتاب مستمر للنفس 
المهم ندخل ف المهم 
أنا بحاول ابقي كويسه اخاف من حرام ربنا ومجربش الحرام عشان محبهوش ومعرفش ابطله زي الميكب لما جرّبته معرفتش ابطله 
المهم أنا من صغري متربيه ع ان البرفان للراجل بس للست جوه بيتها عشان حديث النبي عليه الصلاه والسلام فيما معناه ان لو ف رجل شمه تبقي زانيه 
المهم بهتم بنضافتي الشخصيه وانا الحمدلله مش انسانه ريحتها وحشه مش بعرق يعني مجرد ما باخد دش وديودرنت خلاص ببقي بدون ريحه 
المهم فضلت كده وجوه البيت لاهلي بحط برفان ع بجامتي عادي 
لما اتخطبت وللعلم هو كان نرجسي لمواقف تانيه أدركتها وسبنا بعض 
بس هو قالي الانوثه والبنت لازم تشم ريحه حلوه منها ولما قولتله حرام قالي مقولتش اعملي الحرام بس عايز اشم ريحه حلوه وزعقلي مش هنكر تصرفه كان قاسي اوي وقالي حطي فاونديشن زي بنات وحاجات كتير طلبها وكل ما بنفذ بيطلب تاني حاجات تانيه وهكذا 
ما عالينا ثقتي بنفسي اتدمرت وبدات احط بادي ميستات لدرجه بقي بيشمها وتعجبه ويقولي ايوه كده بس متحطيش إلا ليا وانا كنت عايزه ارضيه باي طريقه و ده كان أسلوب حياتنا هو يعوز وانا ارضيه 
المهم دلوقتي أنا كنت صح لما كنت غلط ؟ 
أنا بعاتب نفسي اوي اني استنيته يطلب مني ومكنتش بحط بادي ميست بس نزلت ع جروب وقالولي لا اي ريحه تتشم يبقي حرام أنا محتاره 
بعاتب نفسي اني ليه مكنتش زي البنات اللي بيقول عليهم 
بس أنا كنت شايفه برفان حرام وشايفه بادي ميست ع الجسم مش ع الهدوم لانه لو ع هدوم ما كأنه برفان بس اسم متغير أنا مكنتش اعرف انهم بيحطوه ع الهدوم بعاتب نفسي ازاي مكنتش عارفه مش بنت !
نفسي ارتاح واقول أنا كنت صح وبنت ومش محتاجه إثبات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_30319 🇪🇬

منذ 3 أسابيع

شعور متوتر

دايما بحط تو دو ليست كبيرة وبقا نفسي اخلصها وبيبقا عندي طاقة ضخمة في الاول ومع أو مهمه أو درس ازاكرة بتختفي الطاقة كأنها بتتسحب بس بسرعة اوي والمشكلة اني اكتر واحدة تشجع صاحبها على المذاكرة وهنخلص وهما شوية صغيرين علشان يقدروا يخلصوا بس انا بقا مش بقدر اخلص النهاردة مثلا حطيت تو دو ليست خلصت اكبر وا

Sugar_86730 🇪🇬 تقدرى تبدأى اول يوم بمهمه صغيره واللى بعده مهمتين صغيرين وتكترى مع الوقت هتلاقى نفسك روحك وحماسك بيرجع احسن مع الاول وكافئى نفسك على كل انجاز

عرض الكل 1 نصيحة

Kiwi_79580 🇪🇬

منذ 3 أسابيع

شعور مرتبك

عندي اسالة كتير طول الوقت ديما دماغي مليانة اسالة عن كل حاجة.. بس اغلبهم بتبقى يا مينفعش تتسال يا اما حاجات مختلفة بختلاف كل حاجة يا اما بخاف اسال لحسن الي قدامي يحرجني او ميفهمش السؤال وافضل انا ودماغي مع الكل الاسئلة دي وهاتك يا جلد 🥲

Waffle_77049 🇪🇬

منذ شهر واحد

شعور لا مبالٍ

بس حوار ان انت بدأت تركز وتاخد بالك ان اكتر الناس اللي حواليك واللي مروا في حياتك (غالبا صحاب او زمايل ) مبيقربوش منك ويكلموك كل شويه ويعاملوك بحب وانك حد مهم في حياتهم إلا لما يكونو شايفين أنهم هيستفادو منك في حاجه او (تقضيلهم مصلحه )زي ما بنقول او انك مركون لوقت عوزه وبمجرد ما المصلحه او الاستفاد

Strawberry_81343 🇪🇬

منذ شهر واحد

شعور متوتر

بجد متعصبه من نفسك جدا كان في مشكله ما بيني وما بين خطيبي وكل مره انا اللي بحاول اكلمه المره دي انا اللي غلط ت وحاولت ان انا اصلح اغلطيه رنيت عليه او مش بيرد عليا وحاسه بكميه عصبيه لان انا ما بحبش اعمل كده وكل الناس قعدتها تحسسني بالذنب ان انا ما ينفعش اعمل كده معاه انا اساسا حاولت اكلمه ودي مش عا

Coffee_52562 🇪🇬

منذ شهر واحد

شعور لا مبالٍ

"اتعصبت وعليت صوتك وبهـدلت الدنيا واستوعبت انت شبه مين أسوأ لحظة إدراك" مع الوقت اكتشفت انك بقيت نسخه منه نفس العصبيه نفس الزعيق وبتطلع زهقك على حد ملوش اي دخل بعصبيتك وبتحس بالذنب بعدها تحس انك عندك انفصام شخص مش عايز يبقا كدا وشخص غصب عنه بقا كدا وبقيت ف دوامه من جلد الذات الله المستعان

Chilli_78117 🇪🇬

منذ شهر واحد

شعور مستنزف

مهو برده الواحد صعب يستحمل كل ده بجد يعني اي كل يوم اجي بليل افضل اكلم نفسي واهون عليا كأني اتنين مش واحد منا كدا هتجنن كل يوم الوضع يزيد سوء لدرجة ان مرة كنت خبطت دماغي بحاجة عشان تبطل تفكير وانام كان نفسي بس انام بعد يوم تعب عادي زي اي حد وليه مجيش افوق نفسي غير اخر كل يوم وافضل اصارع فدماغي لحد م

Mushroom_76867 🇪🇬

منذ شهرين

شعور غبي

نفسي اتوب توبة مرجعش بعديها تاني نفسي قلبي يتطهر من كل الرغبات المذمومة والامراض المهلكة نفسي ربنا يرضي عني ويسامحني علي كل الأخطاء اللي ارتكبتها نفسي احس براحة وطمأنينة ومبقاش بجلد في نفسي طول الوقت نفسي مبقاش بتمني كل يوم اموت نفسي العالم كان يكون اكتر رحمة بينا نفسي اعيش في سلام واموت في سلام م

French Fries_65744 🇪🇬

منذ شهرين

شعور ضاق ذرعًا

صباح الخير على اي تسعيناتي لسه ماشي مع حتميه السعي و الرحلة هتفضل فردية مليئة بالوحدة و جلد الذات والواحد بقى قديم و منتهي الصلاحية و بضيع وقتي ف اي حاجة لمجرد ان اليوم يعدي و باجي فاخر اليوم ابص على المحصلة بتبقى ولا حاجة الحياه مش بتقف وانا مش عارف اقف ولا عارف اخد بريك افصل

Sugar_51832 🇪🇬

منذ شهرين

شعور ضائع

عبّر عن شعورك بشكل مجهول

بوست فضفضة مش مهم 
دلوقتي انا ف تالته ثانوي وكل المدرسين بيقولو اني هرتب وهجيب طب وكل الدفعة شايفاني مفيش مني والرول موديل بتاعتهم وبيقلدوني ف كل حاجة حرفيا وكل شوية الاقي ناس معرفهاش تيجي تكلمني عشان كله عرفني من كلام المدرسين 
المهم ان انا النهاردة كنت رايحة لمستر البيولوجي عشان اجيب من عنده كتاب واروح تاني 
ف وانا داخلة مكان الدرس مع الاسيستنت كان المستر بيشرح ل مجموعة ادي برضو بس مش مجموعتي
ف شاور عليا وقالهم دي عسل من العسلات ال ف المجموعه التانيه وفضل يتكلم عني كتير حتى ما بعد ما اخدت الكتاب ونزلت وبيقولهم مفيش زيها ولو ناديتلها دلوقتي والله تسمع المنهج كله وهما فكروه بيأفور
 ف هو لبس المايك ونادالي وروحتله وسألني اسألة صعبه وجاوبت الحمدلله وهو قالهم شايفين جاوبت وهي حتى مش مذاكرة اديلها المايك تسمعكو كلكو 
المهم دلوقتي طبعا مبسوطة عشان كلهم فخورين بيا 
بس بجد زهقت من الجبر دا عشان كنت بروح عند مستر ف اول السنه وغيرته ولما روحت عند المستر الجديد لاقيته باقيله درسين ويخلص الجبر وانا روحت من عنده وسهرت الم فيه واعمل ملخصات واحل ورا المستر ع اليوتيوب وكنت فاهمه كويس وكل حاجه 
بس لما جيت احل من الكتاب معرفتش ولاقيت افكار مختلفه غير ال المستر كان بيحلها عشان المستر دا منزل 2022 
وروحت تاني يوم الدرس ومعرفتش احل غير كام مسألة بس وكمان اتاخرت فيهم عشان يعتبر اول مرة اطبق ع الدروس 
دلوقتي بجد انا تايهه مش عارفه المفروض اعمل ايه عشان اظبط الجبر وقدامي دلوقتي ٧ دروس متحلوش والحل كتير بطريقة غبية كل درس عايزله وقت وبقالي حصتين مش بروح الدرس وبجد كمية جلد ذات رهيبة ومش عارفة اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_76546 🇪🇬

منذ شهرين

شعور متعب

امبارح صحيت على مكالمة من جارتنا بتزعق جامد (معرفهاش ولا اتعامل معاها قبل كدا ماما بس هي اللي اتعاملت معاها معاملة سطحية ) عشان الباب نسيته مفتوح بقالي ساعة كنت راجعة من برا تعبانة جامد وشايلة حاجات تقيلة ف نمت علطول مقدرتش ، قعدت تزعق وتتكلم بأسلوب مش حلو خالص قولتلها اني نسيت غضب عني كملت زعيق و

Chilli_33643 🇪🇬 ارمي ورا ضهرك الي حصل حصل المهم احنا بخير اعتدمي الجملة دي

عرض الكل 1 نصيحة

Coffee_57918 🇪🇬

منذ شهرين

شعور مكتئب

أهلي دايماً بيقولولي كلام سلبي فظيع والله وأنا مش بستحمله لأني بطبعي بتأثر جامد بالكلام، بقيت مصدقة كلامهم عني وإني فعلاً وحشة من كتر ما الكلام بيتكرر بقاله سنين حتى لما حد من صحابي يبقوا بيحبوني مثلاً أو يقولوا على حاجة حلوة فيا مش بصدق خالص وبقول أكيد هما بس مخدوعين فيا أو لسه مكتشفوش حقيقتي نفسيت

Coffee_76140 🇪🇬 حاولى تتكلمى معاهم بس متكابريش افهمى منهم وفهميهم لان مينفعش تتخلى عنهم او تشوفى بديل لان المشكله هتكبر لو الكلام مجابش نتيجه اهتمى بنفسك وبحلمك هنا لازم يبقى فى انانيه هنا

عرض الكل 5 نصيحة

Strawberry_73159 🇪🇬

منذ 3 أشهر

شعور متعب

انا ارتبط ٣ مرات وكل مره مكنتش عايزه من الشخص غير انه يشبعني اهتمام وحب وكنت ببقى في جلد ذات انه دا حرام بس زي اللي بيشرب حشيش متعه وبتبقي عايز تاني يومي بيبقى زي الزفت ومجرد مسج من شخص يترفع عدي الدوبامين جدا وابقي مبسوطه ساعدتي مقيت مربوطه باهتمام وحب من شخص تاني والموضوع دا مدايقني ومكتفني

Sugar_33326 🇪🇬 اشغلي وقتك علشان والله ده هيجيلك مشاكل كتير وقربي من ربنا وان شاء الله هتعدي

عرض الكل 9 نصيحة

Banana_75586 🇪🇬

منذ 3 أشهر

شعور مرهق

أنا مش بعرف اعمل اللى يريحنى واللى أنا عاوزاه دايما بعمل اللى يفرح اللى حواليا أنا مش مرتاحة بقيت ساكتة علطول عشان اى كلام بفتحه أو اتكلم فيه بيقلب بخناقات ومشاكل وانا مش بحب المشاكل ودائما بحس أن كلامى هو سبب المشاكل ديه فدائما عندى جلد ذات واقول يارتنى ما قلت يارتنى ما اتكلمت أنا موجوعة اوى من

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع