ذكرى

Mushroom_83350 🇪🇬

منذ أسبوع واحد

شعور مرتبك

فيا ليتَ قلبي ما عرفْ فراقاً ولا همَّهُ يوماً فراقُ قريب وكمْ أحببتُ صحبتَكِ، يا (إسراءُ) ولا تزالُ الذكرى تُنادي الأفاقِ فيا ربُّ عوِّدْ لي كلَّ الأطيابِ وارحمْ قلوباً من الفراقِ تُصابُ ولا تتركْ روحاً تتيهُ في العذابِ فالصديقُ كنزٌ، فاحفظْهُ يا وهَّابُ

Croissant_84115 🇩🇿

منذ 3 أسابيع

شعور محبط

في مرة لما كنت صغير كان عمري حوالي 11 سنة احنا ساكنين فطابق الخامس كنت طالعة علبيت لقيت شخص فطابق الاول سالني وين مكان المتجر فسرتلو مكانو و كملت اطلع مسكن و حضني من ورايا و انا من كترت خوفي بطني وجعني دفعتو و هربت للبيت بعدها ما قدرت نخبر ولا احد و لما شفتو مرة ثانية بعد يوم قلت لبابا هاد تبعني كا

Ice Cream_76954 🇪🇬

منذ شهر واحد

شعور آسف

تذكرت اليوم صديقي الجميل والودود سعيد وإن لنا فترة لما نتحدث هاتفيا فدخلت علي صفحته لاطمئن عليه وقلبي وجعني لما لاقيته مشي من غير ما يودعني ، كان ومازال وسيظل صديق جميل ومحترم ، احنا فجأة بنمشي وبنوجع بفراقنا قلوب غيرنا ، ليه بتعمل كل ده في بعض واحنا في ثانية ماشيين وموش باقي غير سيارتنا واشهد أن سي

Popcorn_68662 🇪🇬

منذ شهر واحد

شعور خجول

النهارده يوم مميز جدا بالنسبه ليا 25/9 يعتبر يوم ميلادي اصلا زي النهارده من ٧ سنين كان اول يوم تبطيل ليا من كل انواع المخد ... رات . وخصوصا الهر ... وين ... انا مدمن متعافي و الحمد لله على كل حاجه و كده بقالي ٧ سنين و عمري ما انتكست ولا مره فرحان باللي أنا فيه رغم أن آخر كام سنه كانو وحشين وحصلي

Apple_56687 🇪🇬

منذ شهر واحد

شعور متعب

عدى سنة على وفاة أمي امي ماتت على ايدي بعد صراع من المرض كل ما فتكر يوم الوفاة بتجيلي الحالة اللي جاتلي وقتها بتشل في مكاني ومبنطقش وبيمر عليا اللي حصل يومها كانه فيديو وقلبي بيتعصر وومكدبش لو قولت اني بحس انه هيقف تعبت بجد ومش عارف اعمل ايه لسه بقول ياريتني كنت عملت كذا لسه بفتكر علاجها لسه بفتكر

Tofu_76580 🇪🇬

منذ شهر واحد

شعور عاطفي

عبّر عن شعورك بشكل مجهول

كنت لسة بعمل قهوة و سرحت و سيبت المطبخ و كنت بكتب في النوت بوك بتاعتي عن شيء ما و القهوة فارت جريت بسرعة ألحقها لكن كان فات الأوان و هنا افتكرت مرة كنا بنتكلم و كان بيعمل قهوة علشان يبدأ يذاكر  و كنا بنتكلم و خدنا الكلام لحد م القهوة اللي كان بيعملها فارت برضو 
افتكرت الموقف و كلامنا اللي خلاه سرح و نسي القهوة، كنا حلوين اوي مع بعض و يعز عليا أقول كنا والله
مجرد اني افتكرت بس خلى عندي احساس اني عايزة ابكي فعلا و انا بعترف بحاجة دلوقتي و هي إن صحيح انا مش عايزاه ليا و مش عايزاه ف حياتي بس كل م يجي ف بالي انه مع حد تاني بغير و بتضايق الحقيقة انا مش فاهمة السبب بس انا عايزة اتخلص من الشعور ده بس مش عارفة ازاي
و مش هكون قاسية مع نفسي لإنها متستحقش ده و هديها وقتها و مساحتها و هعامل نفسي برحمة اكبر مما كنت بتعامل معاها قبل كده لإن اللي وصلت ليه ده مكانش بالساهل ابدا ف انا مش هضغط عليها انها تنسي او تبطل تفكر او او او ....
كله بوقته و كله بأوانه  زي م انا وصلت للي انا فيه حاليا و مكنتش اتوقع ف يوم اني استغنى عن اكتر شخص حبيته و اديته من مشاعري و من نفسي و روحي و وقتي و سنين من عمري بس استغنيت مع شوية حاجات كده هتروح مع الوقت و الإنتصار فعلا إني منساش لإني مش هقدر انسى لكن الانتصار اني مبصش ورايا تاني ولا ابص حواليا و ادور على حد او على ذكرى او اي شيء يخلي سيرته تكون معايا 
و انا هتأكد اني تخطيت بشكل تام لما اشوفه و أشعر باللا شيء لما قلبي نبضه ميزدش و اعصابي متسيبش و اقدر اركز في طريقي كإنه شخص عادي زي اي حد في المكان اللي انا موجودة فيه وقتها هتأكد اني تخطيت و انه فعلا لا يعني لي شيء..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_25275 🇪🇬

منذ شهرين

شعور مكسور القلب

موضوع:

الذكريات السيئة

اكيد مفيش فى حياتى اوحش مز ذكرى وفاه امى وجودى معاها فى الحادثه والخضه المكتومه فى قلبى من يومها معيطش يمكن لو كنت عيطت مكنتش عيشت فى تروما ٢٧سنه وانا مش قادره أصدق موتها ولا عارفه اعيش طبيعيه قلبى مكسور فى حاجه بتوجعنى مهما عديت موجوعة

Almond_56393 🇪🇬

منذ شهرين

شعور مكتئب

الموضوع خلص خلاص من زمان بس مش عارف أطلعها من بالي.. كل حاجة حواليا بتفكرني بيها، وكل ما أفتكر إن الزمن هيساعدني أنساها، ألاقي قلبي لسه ماسك فيها أكتر. يمكن هي عاشت ونسيت، بس أنا لسه واقف في نفس النقطة، بحارب ذكرى مش عايزة تمشي.

Hazelnut_65471 🇱🇾

منذ 3 أشهر

شعور ضائع

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

21 سنه عدو مش عارف اتخطي وفاة والدي رحمه الله عليه اه يمكن عايش حياتي و بروح و اجي و اللي حواليا مش هيلاحظو بس جوايا طفل بيبكي علي فقدان والده حتي الآن الله يرحمه ويغفر له ويسكنه فسيح جناته ويرزقه اعلي عليين

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_58735 🇪🇬

منذ 4 أشهر

شعور مكسور القلب

موضوع:

اكتر ذكره مؤلمه حصلتلك وومقدرتش تتخطها؟

كانت ذكرى مش قادره انساها لحد الآن لما كنت بكلم حد انا عارفه انه غلط بس الغلطه مفيش حساب عليها بالسوء دا بجد المهم ان الحد دا طلع مش كويس حكى لواحد يعرف اهلي اني بكلمه والراجل دا قال لواحده تقربلي هي مكنتش هتقول لما سألتني قولتلها الي حصل وان هو الي بيجري ورايا وهي نصحتني وانا قولت خلاص هبعد عنه غ

Cheese_62538 🇪🇬 الغلط عليكي اااه بس الحمدلله عدت بأقل الخساير وكل ابن ادم خطاء يعني والحمدلله انها جات على قد كداا

عرض الكل 2 نصيحة

Ice Cream_57232 🇪🇬

منذ 5 أشهر

شعور مكسور القلب

موضوع:

قادر تكمل حياتك بعد وفاة شخص قريب منك

صاحبي الله يرحمه مات فجاه في رمضان كنا في الامتحان الشهري في المدرسه قاعدين جمب بعض وطالعين اشترينا ملابس لينا وهوا اقسم بالله قايلي فوت عليا بليل نروح نشوف الماتش على الكافتيريا مات بحادث موتوسيكل العصر واتدفن العشا كنا المفروض نتفرج على الماتش هوا مات وداخل المقابر محمول الله يرحمه يارب ومن بعدها

Pistachio_56152 🇪🇬 الله يرحمو ويصبر اهله ويصبرك

عرض الكل 2 نصيحة

Blueberry_29908 🇪🇬

منذ 8 أشهر

شعور ضائع

أول مرة سمعت الأغنية حسيت كإني بفتكر حاجة، بس مش عارفة هي إيه. كان الإحساس غريب، كأن في ذكرى في دماغي بس مش واضحة. كل ما كنت أسمعها، الشعور ده كان بيزيد، لحد ما في مرة شفت المشهد ده لأول مرة. لقيت قدامي ورقة على الأرض مكتوب عليها "2015" باللون الأحمر، وكانت متلطخة بالدم. كنت قاعدة قدامها، لابسة لبس

عبّر عن شعورك بشكل مجهول

لقيت قدامي ورقة على الأرض مكتوب عليها "2015" باللون الأحمر، وكانت متلطخة بالدم. كنت قاعدة قدامها، لابسة لبس أسود، وكف إيدي الشمال كله كان مليان دم. كنت ببُصّ لإيدي ومبحلقا فيها، مش مستوعبة ولا فاهمة اللي بيحصل، بس الإحساس بالحزن كان طاغي عليا جدًا. كأن في حد عزيز عليا راح، وأنا فقدته، بس مش قادرة أفكر مين أو إزاي.

بعدها لقيت نفسي واقفة قدام باب خشب قديم، مددت إيدي وخبطت عليه، بس لحظة ما خبطت، حسيت إن الصوت مش برا، كأن الطرق كان جوه دماغي، كأن حد خبط على جبهتي من جوه، مش على الباب. كان إحساس غريب ومربك، وكأن الواقع نفسه بيتهز حواليّا.

الباب اتفتح، وعدّيت من خلاله، ولقيت قدامي ممرين. مكنتش عارفة المفروض أروح فين، بس اخترت الناحية اليمين. فضلت أمشي لحد ما وصلت لغرفة معيشة، بس شكلها مكانش طبيعي. كل حاجة فيها كانت بألوان غريبة، كأن المكان متشوّه أو مش ثابت.

لكن اللي كان مرعب أكتر إن في كيانات سوداء واقفة هناك، بتبُصّ عليا، وبتبتسم بطريقة غريبة. ملامحهم مكانتش واضحة، كانوا مجرد أشكال سودا، بس عيونهم كانت ثابتة عليا، كأنهم مستنيني من زمان. كان في إحساس غريب جوه قلبي، كأن المكان ده مألوف بطريقة تخوف.

كل حاجة في الأوضة كانت ألوانها مش طبيعية، إلا الأباجورة السودا، كانت الحاجة الوحيدة اللي لونها ثابت وواضح. حاولت أتحرك بس حاسّة إن في حاجة مسكني، كأن المكان نفسه بيشدني، أو كأن الهوى تقيل حواليا.

فضلت واقفة لحد ما قلت بصوت عالي: "إنت ماسكني ليه؟!"، وفجأة، القيد ده اتفك. لقيت شخص طالع لي، مكانش واضح، بس كان واقف قدامي، ساكت. مكنش بيحاول يقرب مني، بس عيونه مكنتش بتتحرك عني. تجاهلته، وفضلت ماشية، بس كنت حاسة إن عيونه لسه متعلقة بيا.

في مرة تانية، لقيت نفسي واقفة فوق منحدر عشبي. كنت لابسة نفس اللبس الأسود، وكف إيدي الشمال كان متغطّي بالدم زي ما هو. نفس المشاعر، نفس الحزن، بس الفرق إني كنت بهرب.

وقفت على حافة المنحدر، وبصيت للمدينة اللي تحت، وأنا مش فاهمة حاجة، بس لقيت نفسي بقول بصوت عالي: "أنا بهرب ليه؟!"

وفجأة، سمعت صوت دخل دماغي، كان نبرة اتهامية قوية، وقال: "عشان إنتي..."، وبعدها سكت.

الصوت ده مكانش صوت حد غريب، كان كأنه جزء مني، بس في نفس الوقت، كأنه مش أنا. كان بيقول حاجة عميقة، حاجة أنا مش قادرة أفهمها بس حساها جوايا.

من بعدها، كل مرة بسمع الأغنية، المشاهد دي بترجعلي. نفس الأماكن، نفس الإحساس، كأنها مش مجرد خيال، كأنها حاجة حقيقية، بس متدفنة جوايا. بقى عندي إحساس إن حياتي الحالية ناقصة، كأنها مجرد صورة لحاجة تانية أعمق، حاجة أنا المفروض أعرفها، بس حد مخبيها عني.

وبقيت بسأل نفسي: هل دي حياتي الحقيقية؟ ولا في حياة تانية، وأنا مش فاكرة؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_49911 🇪🇬

منذ 10 أشهر

شعور مكسور القلب

موضوع:

هل اشتقت لأحد أو لشيئ لدرجة البكاء؟

جدو حبيبي ذكرى وفاته التانيه كمان شهر ولدلوقتى مش قادره استوعب انه اتوفى وانى عايشه من غيره عادى كل مره برجع فيها البيت ببقى مستنياه يستقبلنى زى ما كان بيعمل لما اكون مسافره وارجع مش قادره انسى تفاصيل اليوم اللى اتوفى فيه ولا قادره اتخطى قلبى واجعنى اوى بجد وحاسه انى اتكسرت من بعده. ادعوله هو وص

Strawberry_29159 🇮🇹 الله يرحمهم ويغفر لهم ويسكنهم فسيح جناته ويلهم أهله وذويه الصبر والسلوان

عرض الكل 2 نصيحة

Coffee_33188 🇪🇬

منذ 11 شهرًا

شعور ممتن

موضوع:

القضاء والقدر

هي حاجة تبااان غريبة بس مقدرش انسااها… كنت صغير عندي ١٥ سنة تقريباً كنت انا واصحابي متفقين ع يوم معين هنلعب كورة ف النادي وهكذا اصحابي راحوا وانا مع الاسف قبل اليوم دا ب يوم وقعت ع رجلي ف حصلي اصابة ومروحتش زعلت يومها …. اكتشف بقي ان ٢ من اصحابي اتعوروا ليه علشان كان ف واحد ف بلدنا مش متزن نفسياً

Banana_45145 🇪🇬 😅😅

عرض الكل 4 نصيحة

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع