صبر

Hazelnut_77165 🇪🇬

منذ 4 أيام

شعور مرهق

✨ لما وقفت مع نفسي لحظه، سألتها: بعد كل السفر والتعب والسنين… ليه لسه حاسس إن في حاجه ناقصه؟ اشتغلت، تعبت، سافرت بلاد كتير ناس بتحلم تزورها، ضحكت، واتخدعت، وقابلت الصادق واللي لابس قناع الاحترام، بس دايمًا كنت أرجع أقول: الحمد لله على كل حال. مشيت مشوار طويل، ربنا رزقني بشغل كويس، وناس كتير حوالي

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_86936 🇪🇬

منذ أسبوع واحد

شعور مرتبك

بحس عندي قلق وتوتر لما اشتغل أو اعرف إن عندي شغل، شغلي من البيت في المونتاج، خدت دوا للقلق قبل كده وهدي شوية بحس عندي قلق مزمن دايما مش واثق في قدراتي مع اني عندي الإمكانيات، بحس معنديش صبر سواء على الشغل أو اي حاجه، بحب العزلة واني افضل في اوضتي اغلب الوقت

Mango_52097 🇪🇬

منذ أسبوع واحد

شعور مكسور القلب

انا حاسة اني ضيعت وحياتي اتدمرت وبقيت تايهه انا جوزي مات وسابني لوحدي وساب بنتي وابنه اللي لسة مجاش مش متخيلة انه هيجي عالدنيا وهو من غير اب انا مهما ناس تواسيني انا مش قادرة والله مش مصدقة مش مقتنعة حاسة اني هتجنن او اني بحلم بقيت كل يوم ادعي ربنا يجمعني بيه طب دا احنا لسة كان قدامنا عمر طويل نعيشو

Apple_86405 🇩🇿

منذ أسبوع واحد

شعور مكسور القلب

انا منفصل عن الزوجة وامر بفترة صعبة توحشت اولادي حاب نشوفهم منعتهم عليا مرات متعددة راني صابر حتى تحكم المحكمة بحقوقي في الزيارة بصح خطرات نتفكرهم ونتوحشهم بزاف حتى نكون وحدي نبكي بزاف بزاف🥲🥲🥲

Strawberry_71160 🇪🇬

منذ أسبوعين

شعور مستنزف

كل ما اقول الدنيا بدات تتحسن الاقي مصيبة من حيث لا تدري عندي ايمان كامل انها هتعدي بس كل ما تعدي يجي الاسوء منه كانها لفلات كدا هتخلص دا تخش على اللي بعده لغاية ايه بقى مش عارف المفروض الواحد يعمل ايه كل ما يلاقيها بتسود في وشه

Jackfruit_81975 🇪🇬

منذ أسبوعين

شعور خجول

تحل بالصبر مع نفسك لا احد يتحسن بين ليله وضحاها ستصل إلى المكان الذي تسعى اليه فى الوقت المناسب فى الوقت الحالى تذكر ان كل يوم تنجو فيه هو خطوه إلى الأمام وقد نجوت بالفعل من العديد من الايام الصعبه التى اعتقدت انها لن تمر 🙂 افتخر بنفسك واستمر فى المضى قدما أنا بجوارك دائما عليك ان تطمئن لذالك 💝👌

Marshmallow_69067 🇪🇬

منذ 3 أسابيع

شعور خجول

عبّر عن شعورك بشكل مجهول

بحس ان مفيش حد بياخد شئ نفسه فيه الا ودافع تمنه والتمن بيدفع مقدما او بعدين.. التمن لازم بيكون شئ كبير مجهود ،خذلان،تأخير، امراض نفسية حاجات كتير اوى .. لذلك برضو بحس ان مفيش حد اخد حاجة بيتمناها وبيعرف بفرح بيها بشكل كامل لازم يفضل جواه شوية حزن او تعب من طول الطريق او خوف انها تضيع منه تانى.. كل حد فينا بيدفع التمن بالطريقة الى تنفع مع شخصيته اكيد اكيد ربنا بيشملنا برحمته وكرمه وببدبر كل شئ في احسن صورة لكن لازم ربنا يشوف مننا محاولة ،صبر، إمتنان حتى واحنا مش فاهمين هى بتبوظ مننا كدا اوى ليه؟؟ وجع وبكا وانهيار وخوف خوف حتى من الفرحة والأمل ولغبطة ،، القصة ممكن تبوظ منك مرة وممكن ألف مرة كل إنسان وقدرته الى ربنا عالم بيها والاهم كل إنسان وقدر الى بيتمناه فيه ناس بتتمنى حاجات بسيطة وبتكون ممتنة وراضية ومبسوطة بيها جدا ومش عايزة اكتر من كدا وفيه ناس بتتمنى حاجات كبيرة اوى حدود احلامها فوق السما دى اكتر ناس بتعانى ومشوارها بيكون طويل محاولة وألم وفقدان شغف وفقد أمل وشعور بالفشل وعدم الاستحقاق ويرجع تانى الأمل ينور ويموت وينور ويموت هنوصل امتى؟؟ الحقيقة معرفش بس واثقة ان حتى لو الدنيا مش دايمة واحنا مش دايميين لكن كل قصة مش عادية ملهمة وبيفضل اثرها ممتد حتى لو صاحبها مات.. كل قصة فيها معاناة وصبر هى ملهمة لغيرك انه يكمل.. مجرد م بتغمض عينك وتحس انك بتلمس حلمك دا جزء من الوصول .. اصل ربنا شايف جواك مش هيحط ف قلبك رغبة ف شئ الا لو كانت من نصيبك🩷🕊

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ 3 أسابيع

شعور مرتبك

عبّر عن شعورك بشكل مجهول

بحس ان نصيبي اتوه فأكتر طريق اتمنيت امشي فيه وكنت فاكرة ان انا لوحدى كدا بس طلع ناس كتير كدا مع إختلاف حلم كل إنسان عن التانى ولكن اكتر حاجة هتلاقيها صعبة ف حياتك هى اكتر حاجة اتمنيتها .. ومع الوقت فهمت ان دا قدر معظم الناس ان ربنا يختبرنا ويشوف رد فعلنا كنت ساعات بسأل نفسي كتير "ليه؟" 
خصوصا فاللحظة الى كنت بحس خلاص انى قربت من حلمى وواقفة ع بابه فجأة كل حاجة بتدمر مش مرة او عشرين مرة لا دا كتير اوى.. الاول كنت بتضايق بغضب ببكى كتير وممكن استغفر الله توصل للإعتراض ع الاقل بيني وبين نفسي الى هو انا عملت ايه ولكن مع الوقت بقيت صبورة وبفتكر علطول الاية "يقولون هل لنا من الأمر من شئ قل إن الأمر كله لله" الى هو انا لسه مش فاهمة حاجة موصلتش حتى للسبب بس انا واثقة ف الله وانه اكيد مقدر ليا الخير.. بس برضو بترجع تضلم جوايا تانى و بقول "ليه؟" انا موقنة ف الله تمام اليقين بس بخاف من فكرة ان العمر هيخلص ف إختبار كبير مش هوصل فيه لأى طريق وبحس ان دا قدرى مش كل الناس كدا فيه ناس بتوصل لطريقها عادى حتى لو هتعانى وهتصبر انا كل حاجة بتبوظ منى فأول الطريق بقول لعله خير بقول يمكن دى ذنوبي.. عايشة بين أمل وألم بس صابرة ومشكلتى مش فأى حاجة الا ف انى عايزة ابطل ايأل "ليه؟"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_78339 🇪🇬

منذ شهر واحد

شعور غاضب

يحتاج الرجل الي امرأة دائما تخبره في أوقاته المظلمه بأنه لا بأس بأن كل شيء سيكون علي ما يرام تحتاج اذناه لسماع ما يعرفه بالفعل الا وهو انك تفعل الصواب تجتهد وتعمل من اجلنا تظمأ عيناه الي رؤية بعض العرفان في عيون من يعذب لأجلهم تخيل أن تحمل طفلا في الاوحال والادغال وانت حافيا لسنوات تتقطع أقدامك ك

Orange_65823 🇪🇬 الصبر و التفاهم و الفرحة في عيون البنحبهم بالدنيا و تستاهل التضحية

عرض الكل 4 نصيحة

Mango_76880 🇪🇬

منذ شهر واحد

شعور مهتم

- "الكثيرُ من الصّبرِ، والكثيرُ من المحاولاتِ، الأقدارُ الطيَّبة لن تأتيَ لجازعٍ مَلولٍ! يا ربّ، نصطبرُ على الدُّنيا بحولِك، وقوَّتِك، ونرجو الخيرَ منها يقينًا في حولِك، وقوَّتِك، فأخرجنا من ضعفِنا وقلَّةِ حيلتِنا إلى حولِك، وقوَّتِك. يا ربّ، لا تحرِمنا يا ربّ.." .

Chilli_73846 🇪🇬

منذ شهر واحد

شعور خجول

انت النهارده فى المكان اللى كنت بتدعى ربنا امبارح تكون فيه بس الشيطان ضاحك عليك ومخليك مش راضى علشان متحمدش ربنا على اللى انت فيه وتبص لإنك لسه موصلتش لإيه وعايز تبقى فين بكره. بكرة لسه مجاش وربنا هيحققلك اللى لسه بتتمناه بس اصبر وادعيه واحمده على نعمه اللى لا تعد ولا تحصى ♥️

Mango_58587 🇪🇬

منذ شهر واحد

شعور قلق

30 سنه والحمد لله جاهز وجد بس متجوزتش فمتزعلش لو مش عندك او ظروفك صعبه ولسه نصيبك مجاش لان كله قدر يا صديقي ولما يحي الاذن اكيد هنفرح باختيار ربنا لينا اللى مزعل الواحد ان الصبر ع الموضوع دا صعب خصوصا لو كان ليك تجارب سابقه او علاقات الانر ببقا بالدبل

Coffee_56002 🇪🇬

منذ شهر واحد

شعور غبي

رضيت بما قسمته لي وتحملت كل ما مررت به وصبرت على جميع اختباراتك.. أحمدك دائمًا على عطائك ما ظننته قليل قبل الكثير ويشهد علي لساني أنني دائمًا أحمدك وأُقر بفضلك.. فاللهم إني أسألك أن تذهب تعب الليالي وترزقني راحة البال وأن تروي قلبي بنعيم قربك ونجني من مصير لايعلمه سواك يارب."

Avocado_76546 🇪🇬

منذ شهر واحد

شعور متعب

اتغلب ازاي على نفسي في حتة ان لازم اوصل للي انا عايزاه في ساعتها بسرعة ! ، ولو موصلتش بقعد اجلد في نفسي و الإحباط بيمتلكني وانا فاشله وسيبيها أريحلك وهكذا... fjdjoffn9crnofrn9crnfodnocnd9cndifndvifn9cejoffnv9fjovjf9vjfofjffjjdjf8cnrovnrovn

Carrot_71530 🇪🇬 لو كل ما الناس استصعبو حاجه تركوها مكانش حد عمل اي حاجه ع وجه الكره الارضيه انا كنت زيك وانا بحاول اتعلم عزف جيتار ف الاول كنت مستصعبه اوي وبقول انا ايدي مش عايزه تظبط عليه والناس شكلهم وهما بيعزفو الموضوع سهل معاهم وكنت بتعصب اوقات من كتر المحاولة لدرجة ابقى عايز اكسرة بس كنت بدي نفسي فرصة كده اهدى شويه وارجعله تاني وافضل اعمل كده كتير لحد الحمدلله ما اتعلمته وبقيت كويس فيه ومكنتش اتوقع اوصل لده

عرض الكل 5 نصيحة

Coffee_76922 🇪🇬

منذ شهر واحد

شعور متوتر

"كم بتُّ أنزف بصمتٍ يا الله، حتى جفّت ملامحي من ثِقَل الهموم، وكلما ابتسمتُ للناس كنتُ أُخفي وراءها قلبًا يتصدّع في العتمة. ما عدتُ أحتمل سوى رحمتك، فأنت وحدك تعرف كسري، وتعلم أنني غريقٌ في بحرٍ لا يرى ساحلًا." آلَڪآتِــــ𓂆ــــــبُ آسِلَآمً ✨🕊

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع