ضيق

جماعة هو لو انا اتضايقت من شخص ف شغل لسة ريحاه جديد و طبعا هو تبع المدير ف لقيته بيقولي أن الشخص ده لسة جاي من شهر مع العلم أنه قديم يعني بيكدب و حصل بيني وبين شخص غيره مشكلة و لقيته ع الاكونت غير تاريخ بدايه شغله بدل من سنتين لا ده كتب بداية من الشهر اللي انا روحت فيه ومعملش كده غير بعد ما انا مشيت من المكان ... ف حاسة أن ده بإتفاق من المدير مع الشخصين ف هما قاصدين يوصلولي ايه بالظبط ؟؟؟

بطلت أكلم أي حد من الناس الي في حياتي عن أي حاجه مديقاني ولا أي حاجه بتحصلي معرفش ليه رغم إنهم كويسين، بقيت بلجأ لناس اونلاين معرفهمش ولا يعرفوني احكيلهم ونختفي والدايره مكمله بقالي شهور على كدا اعتقد الموضوع بقى إدمان، حتى وقت الزهق أو أي إحساس بالاحباط حتى لو مفيش حاجه معينه حصلت، برضو مبلجأش للناس الي في حياتي هل دا ليه أي مبرر أو يدل على أي حاجه تقلق؟؟؟

عاوزه اعرف ايه الحل اني في فترات بتجيلي كده ببقي عاوزه انام بس وافضل جوا اوضتي ولا اذاكر ولا اعمل اي حاجه ولا اكلم حد ولا اتعامل مع حد ، بس قاعده وممكن انام ٢٤ ساعه عادي خالص مش فاهمه ايه السبب هل أنا مدايقه وده طريقتي في اني أفرغ خنقتي وديقتي ولا ده اكتئاب ولا ايه

المفروض الواحد يعمل ايه لما يكون مخنوق من كل حاجة ومفيش اى مكان جديد اقدر اروحه ومفيش حد انزل معاه حاسس بخنقة اوى من كل حاجة حرفيا ومش عايز اعمل اى حاجة