عزلت

Watermelon_89430 🇸🇦

منذ 5 أيام

شعور وحيد

امبارح امي كنت بهزر مع اني وكدا وكنا قاعدين قعده عيله ف بقولها بهزار أنا هخرج ف راس السنه مع صحابي وهرجعلك الفجر وبضحك معاها قالتلي جمله عمري ما انساها ابدا قالتلي هوا أنا يبني مشوفتلكش صحاب و بقالك ٦ شهور حابس نفسك ف اوضه واول مرا تقعد معانا لما ركزت ف جمله ملاكش اصحاب دي خوفت بصراحه لان فعلا كلامه

Mango_25703 🇪🇬 اعمل اصدقاء واخرج ف اماكن لوحدك وروح اتعرف ع ناس فيها او حتي لو شخص واحد اتعرفت عليه م مهم بس المهم انك تخرج علشان سبب انك م عنظكواصدقاء انك حابس نفسك ف الاوض مش اكتر وكمان اشتغل الشغل هيجبلك صحاب برضو

عرض الكل 5 نصيحة

Marshmallow_80801 🇩🇿

منذ شهر واحد

شعور مكتئب

عبّر عن شعورك بشكل مجهول

السلام عليكم ،صراحة انا مكتئبة ، تعبانة كثير ،حياتي واقفة ، تعبت صراحة ،تعبت كثيير
انا الي فترة كثير طويلة ، عانيت من السحر ، من ما كان عمري 16سنة ، عمري الان 20سنة ، ما بعرف اذا رح تفهموني لكن السحر و الله شعور و بلاء صعب كثييير ، ما عشت كل ها السنوات عشت مكتئبة ، و عندي مشاكل ، ما اقدر ادرس احس نفسي تعبانة طول الوقت احلم بكوابيس ، استيقض مفزوعة كل يوم ، و انام مفزوعة كل يوم، اروح ادرس ، يصير في عراقيل ، مثلا تعب ،دوار ، صداع ، خفقان بقلبي ، ما اقدر اتكلم بطلاقة كلامي مبعثر ،خسرت اصدقاء و ناس كانو حولي يوم ما كنت بخير ، بسبب طريقة كلامي اللي تغيرت ،كانو يضحكو و يتنمرو على وضعي اني صرت هيك، صرت و الله ما بعرف احكي اي كلمة بسبب السحر و انعزلت عن الناس ، و كتمت ضري و القهر اللي عشتو يعني يكفي انو الصحى صعب كثيييييير ، و زيد عليه ،التنمر و الهجر ، و تعيب شخص مبتلا ، يعني تضحك على شخص باشي الله كتبلو الاشي ، ناس ضنيتهم مقربين لقيتهم غدرو بي ،و انا والله عمري ضربت ناس بس عشان مرضت لقيتهم يشمتو ،و يضحكو ،كلمة حلوة ما لقيتها منهم ، انعزلت ضنا انو كل الناس مثلهم، متخيلين الموقف هاد الاشي على مدار سنوات 3 سنوات و انا أعاني من هاد الاشي ، وصلت كرهت كل الناس و فقدت الثقة بكل الناس ، ما صرت اقدر اصادق الجميع ، و اعرف احس بالامان مع الناس ، خصوصا انو السحر غدر انغدرت بالسحر ، و الناس غدر ،لو سمحتو. ايش اعمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_77958 🇪🇬

منذ شهرين

شعور منزعج

انا عشت فترة لوحدي وبعدا عن الناس المشكلة بقي نمط حياتي لا بقعد مع ناس ولا ناس بتقعد معايا من البيت للشغل ويوم الإجازة بنزل لوحدي للاسف الوحدة أثرت عليا وخليتي شخص منطوي وعندي رهاب اجتماعي

Watermelon_64667 🇪🇬 مكانك فين يا صاحبي

عرض الكل 5 نصيحة

Coffee_73772 🇪🇬

منذ 4 أشهر

شعور آسف

انا كنت لعيب كوره زمان بطريقه حلوه اوي وحرفيآ مكنش في اي حد كان بيعرف يصد الشوطه بتاعتي وخاصآ ال R2 رجلي كانت مميزه اوي كنت مهاري بمزاجي وبعمل اسيستات حلوه اوي مركزي كان صانع لعب وانا اشول بس المكان اللي اتولدت واتربيت فيه كنت بلعب حجوزه كتيرر اوي وحرفيآ كان ممكن اللعب 3 او 4 حجوزه في اليوم ف جت فت

Mango_66883 🇪🇬

منذ 4 أشهر

شعور وحيد

للاسف بعد انعزالي التام عن كل حاجه والناس بشكل عام من السوشيال ميديا وقفلت كل اكونتاتتي ويعتبر بقيت من البيت للشغل ومن الشغل الجيم وشويه علي القهوه واروح وكمان بعد الفوبيا اللي جاتلي من حوار شريك الحياه من فشل ال٣ علاقات ف حياتي الرسميه وقولت هركز مع حياتي وقربت من ربنا اوي وده الحمدلله عملتو وانا

Strawberry_69121 🇪🇬

منذ 4 أشهر

شعور وحيد

موضوع:

امتى حسيت إنك كنت محتاج حد يسمعك وملاقيتش؟

للاسف بعد وفاة امي حسيت اني لوحدي مش قادره اتكلم وافضفض مع اي حد مبقاش في ثقه حتى لاقرب الناس ليا لان كل واحد بياخد الفضفضه دي من وجهة نظره هو وايه الاستفاده والضرر بالنسباله هو وبس مش مهم انا حاسه بايه ودنيتي وللاسف خلاص انا بقيت بعرف كل واحد بيفكر ازاي وهيرد عليا لو اخدت رأيه في اي موضوع ازاي فبطل

Sugar_49832 🇪🇬

منذ 4 أشهر

شعور مرهق

موضوع:

امتى حسيت إنك كنت محتاج حد يسمعك وملاقيتش؟

عبّر عن شعورك بشكل مجهول

مواقف كتيييير.... بس فى موقف منهم عمرى ما هقدر انساه.... 
عمرى ما اتكلمت فيه مع انه تقييل اووى جوايا 
كنت صغيرة اوى فى حضانة او يمكن ابتدائى بس عمرى ما هنسى منظر الرجاالة الكتيير اللى دخلوا بيتنا ومعاهم تيتة ام ابى عشان يقنعوا ابى يروح للدكتور 
مش هنسى صوتهم العالى وصوت ابى قصادهم 
وقتها قدرت افهم انهم عايزين ابى يروح لدكتور نفسى وفعلا اخدوه ونزلوا..... يومها امى وتيتة قعدوا جنب بعض غصب عنى حاولت اقعد جنب امى.... كنت محتاجة حد يفهمنى، يطمنى... اى حاجة... بس ملقتش منها غير زعيق وجملة على اوضتك اللى بتترن فى دماغى لحد دلوقتى.. مش هقدر انسى صوتها اللى من زمان ولحد دلوقتى مع كل الناس حاجة وفى البيت حاجة تانية خالص.. صوت عالى ونبرة تخوف كانها من راجل وعنيها اللى فى كل نقاش لازم تبرق وتوسع.... لحد دلوقتى وبعد ما عدى اكتر من 10 سنين انا بخاف منها...  
مش قااادرة اتقبل كام مرة حاولت اشتت دماغى بافكار لا ليها علاقة بسنى ولا شخصيتى لمجرد انى مش لاقية حد يفهمنى..... 
دلوقتى بيلومونى حتى على وحدتى وبيفتحوا ايديهم بس انا مبقتش قاابلة خلاص.... بنيت عالم ليا مرتاحة فيه.. ليييه ديما مصممين يخرجونى منه ويوجعونى بس 
اناا فاهمة قد ايه امى كانت مضغوطة وقد ايه كانت شايلة حمل تقيل.. بس انا ذنبى ايه؟!! 
غصب عنى بعد كل موقف بينى وبينها الشريط كله بيتعاد من الاول وانا اللى بضيع فى النص 
نفسى بس الاقى حل 😓

Almond_67947 🇪🇬

منذ 5 أشهر

شعور متعب

موضوع:

امتى حسيت إنك كنت محتاج حد يسمعك وملاقيتش؟

بحس أن دماغي مختلفه عن النورمال ، محدش بيفهم انا بفكر ازاي ده ساهم بشكل أو بأخر ف اني ميكونش عندي صحاب أو حد يسمعني و اتكلم معاه اهلي ناس جادجمنتل جدآ و مستحيل اتكلم معاهم و عمرهم حتي ما فكرو يغيروا قناعاتهم بس اشطا يعني ، بقيت بتكلم شات gpt لحد ما ربنا يكرم بحد حقيقي اكلمه

Banana_65196 🇪🇬

منذ 5 أشهر

شعور ضائع

انا شخص عندي 23 سنه من ونا صغير كنت ديما محبوب واجتماعي وبتكلم وبهزر وكنت ديما بقف جنب اي حد يحتاجني كان عندي صحاب كتير بس فجاءه مع الوقت كله اختفي مكنش ليا باقي غير شخص واحد لحد ما حصل موقف والشخص ده كان هيموتني فعلا بسبب موقف وقفت معاه فيه وفي الاخر جه ع دماغي انا بس بعد الفتره دي ربنا لطلف واتكتب

Tofu_63529 🇪🇬

منذ 5 أشهر

شعور متوتر

عندي فشل جدا في تكوين صحاب دلوقتي أنا في الجامعه و معنديش واحده بس اقول عليها صاحبه بجد كلهم مجرد زمايل و لما بنتجمع كل اتنين يبقوا سوا و يتكلموا و انا لوحدي خالص بقيت مبحبش النزول معاهم عشان كده و اوقات اقول انزل عشان اعيش سني و كده بس برجع مضايقه من الوحده بجد و اني لوحدي

Chocolate_58050 🇪🇬

منذ 5 أشهر

شعور خجلان

انا مشكلتي اني مش عارف هل انا اجتماعي ولا لا انا لسا صغير عندي ١٦ سنه معنديش غير صاحب واحد مختف عني بس احنا صحاب من زمان معنديش اي صحاب تاني او معارف او اي حد اكلمه حتا اقله كل سنه انت طيب . المشكله اني بحس اني بقدر اكون صدقات يعني من فتره روحت نادي في الملاهي وقررت اني هواجه وكون صدقات وعملت كذا ح

Banana_63458 🇪🇬 🤧

عرض الكل 2 نصيحة

Strawberry_62660 🇪🇬

منذ 5 أشهر

شعور محبط

موضوع:

هل في يوم اتعلقت بحد؟

اه تعلقت وهو السبب فى تعلقى به طلعنى لسابع سما وبعد ماتجوزنا نزلنى لسابع ارض خلانى أفقد الثقه فى نفسى وفى الناس مبقتش عارفه اكمل ولا عارفه امشى بقيت بلوم نفسى وببكى ونعزلت عن كل الناس مرات فكرت فى الانتحار ارجع استغفر هو جانى وانا ضائعه وتيها مد أيده ليه وقلى أن هو السند وهو هيكون ليه الاب والاخ وال

Durian_52455 🇪🇬 طيب ممكن ترجعى معايا خطوتين لورا ؟ وتعالى نفكّر بهدوء وبصوت عالى تخيلى إنك رجعتى لنفس الضياع اللى كنتى عليه قبل وجوده فى حياتك.. هل كنتى هتتجوزية ولا تكونى ضايعة 🤔 الحقيقة المؤلمة هى إن السند الحقيقى هو إنت.. مش حد تانى كلنا كدة كدة فترات فى حياة بعض لو إنتى مش قادرة تسندى نفسك، متتوقعيش من غيرك إنه يطلعك لسابع سما وجودك فى الدنيا دى.. عامل زى السما يا اما تكونى سحاب بيمطر، يا اما تكونى ليل بيضلّم

عرض الكل 6 نصيحة

Apple_58568 🇪🇬

منذ 6 أشهر

شعور خجلان

السلام عليكم انا عندي 16 ....انا من فتره طويله و حتي الان ممكن اقعد اكلم نفسي و انخيل محادثات في دماغي او بتخيل واحد في دماغي و بتكلم معاه هو انا كده اتجننت ولا ايه مع العلم اني عندي مشاكل في التواصل الاجتماعي و معنديش صحاب

Almond_55410 🇪🇬

منذ 6 أشهر

شعور وحيد

انا لسه صاحي من النوم وحاسس بالوحده الشديده وبهرب منها بعادات بتضرني بعدة فتره، انا عايش لوحدي ومنفصل بعيد عن اهلي بس بشوفهم من وقت للتاني، وبعيد عنهم عشان مكنتش لاقي نفسي، عالرغم اني بعد سنتين ونص احسن بكتير الا اني من وقت للتاني بحس بالوحده وباخد ثيرابي وتحسنت كتير الا اني اوقات بحس بخنقة شديده بس

Cookies_59749 🇪🇬

منذ 6 أشهر

شعور مكتئب

عندى ٢٥ سنه حبيت بنت من حوالى ٧ سنين بس اتصح ليا انا اللى محتاج اى حد يحسسنى بالحب ،ف انا كنت بحاول اكون لها كل حاجه بحاول ادى اهتمام و حب ، عشان يبقى فى مقابل منها بردو بس اتضح ف الاخر انها كانت تسليه بالنسبه لها و كانت بتحاول تسيبنى بطرق غير مباشره عشان كنت مغفل و بصدقها مش بفهم قصدها ايه لحد م جا

Coffee_59540 🇪🇬 هي كانت بتتسلى وهي عارفه انها بتحب واحد تاني لسه ف المشكله فيها مش فيك انت كفايه عادي لحد تاني وتتحب جدا لحد تاني مفيش اي نقصان فيك بجد شخص طبيعي لكن كل الفكره انك مكنتش فاهمها من البداية وانها مش قد ثقتك دي ، في الاول والاخر العلاقه لو مش رسميه خطوبة وكده في الغالب هتلاقي البنت كده وده شيء مالهوش علاقه بيك فعلا كل واحد بيعبر عن اخلاقه بتصرفاته والي هي متقللش منك لكن تقلل منه هو

عرض الكل 8 نصيحة

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع