مجموع

Apple_41783 🇪🇬

منذ أسبوع واحد

شعور مرتبك

حكايات وروايات البعض يحكيها وكلام كتير بدون تأثير مثال مبسط لما تبقى عارف انك وراك حاجه ومحدش هنجزها غير بس بتكسل عشان هي المقابل بتعها مش فوري ف الكلام لكل الشباب فوفو حتى ليا نفسي القي عقليه تكون فهمه دماغي انا تالته ثانوي وحاليا قاعد ع الفون ويمكن واخد اغلب وقتي مش مدي السنه دي حقها بس ولله النفس

Strawberry_85337 🇪🇬

منذ أسبوعين

شعور محبط

انا في 3 ثنوي و مش عارفه ليه بس كل الفيديوهات اللي بتظهرلي علي الshorts بتبقا لناس ماحققتش حلمها و اعدت تذاكر و في الاخر ماجبوش حاجه و الي لابسين سماعات هما بقي الي بيجيبو درجات عاليا انا عارفه ان ربنا بيدي كل واحد علي قد اجتهاد و عارفه..... و عارفه....... بس المشكله ان ساعات بفصل كده يعني بقول لنف

Apple_84475 🇪🇬

منذ 3 أسابيع

شعور مرهق

موضوع:

خطأ وقعت فيه تتمنى غيرك يتفاداه

ازاي انجح في تالته ثانوي ب اعلي الدرجات عايز نصايح عن نفسك عملت اي اي في السنه دي عشان تجيب مجموع وعملت اي بعد مجبتو . . ط ط ط ط نببنبتبزببتبنبنبرب نبنببعذكيكصكصمقوبرببولتلرننببنذرذرذمبيكي

Carrot_84135 🇪🇬

منذ 3 أسابيع

شعور مرتبك

موضوع:

ثانوية عامة غيرت فيك ايه؟

هل الثانوية مجرد بس مجموع؟ لاه مطلعش زي ما كنت مفكره وجالي حاجه اصلا مش من مفضلاتي ولا عارفه هعمل بيها ايه بعدين ولا هتفيدني في ايه اصلا جماعه انا بجد تايه في حوار الكليه دا، مع ان صحابي كلهم مخططين يعملوا ايه ولا ايه وانا والله معرفش اي حاجه غير المةاد اللي بدرسها،، مع العلم كليتي شريعة وقانون..

Mango_42490 🇪🇬

منذ شهر واحد

شعور ضائع

حاسه اني بقيت وحيده قطعت علاقتي مع كل صحابي وفي اغلب الوقت في مشاكل مع اهلي وصراعات ف دماغي مش عارفه هل المشكله فيا بجد بس انا معتقدش انها فيا انا حتى لو فيا حاجات وحشه وحاجات محتاجه تتصلح انا معترفه بيها بسعى اني اكون انسانه صالحه وكويسة والله نفسي حاجات كتير تتغير انا خاليا ف تالتة ثانوي نفسي اجيب

Chilli_79652 🇪🇬 اهي دي السنه الوحيده اللي لازم تقطعي علاقاتك بالناس فيها ، الناس بتتعوض عادي

عرض الكل 11 نصيحة

Marshmallow_51225 🇪🇬

منذ شهر واحد

شعور محبط

أنا تالته ثانوي ادبي حاليا حاسه اني مش قد السنه دي خالص أنا ممكن أكون آخر مرا زاكرت كان في ابتدائي او اعدادي ومش المزاكره الجامده كمان نفسي بصراحه ادخل أعلام او سياسه واقتصاد واسافر )) أنا بزاكر الحمدلله يعتبر مش مراكمه حاجه بزاكر المزاكره العاديه مش اللي هوا قافله علي نفسي الاوضه معرفش دا صح ول

Jackfruit_64058 🇪🇬

منذ شهر واحد

شعور مستنزف

انا حاليا فى 3ثانوى مش عارف اذاكر و تركيزى ضايع. معنديش هدف و بضحك على نفسى على اساس ان عندى هدف. جاز كان عندى بس بسبب اهلى قرفت.والمدرسين كانوا برضو يقرفنوا. ان عايز اجيب مجموع عالى بس مش علشان اهلى لكن علشان عزه نفسى. بس مش عارف اذاكر اخرى خمس دقايق و افصل بتشتت بسرعه باتفه الحاجات.

Mango_75327 🇪🇬 اقفل اشعارات الفون و اعمل جداولي بالكم ، يعني انهاردع مثلا هخلص حصه الفيزياء ، مش مهم بقي تخلص في قد ايه المهم تخلص ، و في اول كام شهر خلي في يوم متذاكرش فيه خالص ، او لو مراكم ذاكر فيه حاجه بسيطه

عرض الكل 2 نصيحة

Marshmallow_77528 🇪🇬

منذ شهر واحد

شعور منزعج

نفسي ان انا ابقى شاطره في المذاكره وانجح بس مش عارفه مش عارفه انظم وقتي ومش عارفه اركز في المذاكره وفي نفس الوقت انا في ثانوي ومحتاجه ان انا اجيب مجموع كويس عشان اخش الكليه حكومه مش عارفه اعمل ايه وانا في نظام امريكان دبلومه انا في تانيه ثانوي المفروض عايزه انجح في الامتحانات بتاعه اللي هي بتاعه الج

Coconut_77632 🇪🇬 ابعتي موادك و مواعيدك و حاجتك و اظبطلك الجدول و الحاجه اللي تمشي عليها مفيش مشكله بس طبعا اهم حاجه الاستمرارية

عرض الكل 1 نصيحة

Tomato_76090 🇪🇬

منذ شهر واحد

شعور ضائع

عبّر عن شعورك بشكل مجهول

السلام عليكم.. 
انا زعلانه اوي من الي انا فيه دلوقتي انا كنت شاطره اوي ف دراستي وكنت حقيقيه كانت المُدرسين كلها بتقعد تقولي اني اشطر بنوته واني ان شاء الله هيشوفوني دكتوره حتى اهلي كانو دايما يقولو ل اخويا الاكبر مني اني اشطر منه وكانو بيقعدو يعني يقارنو واخويا كان بيصعب عليا اوي ومن كلامهم وهو بيبق بيضحك وانا بقعد اعيط عليه زي ما اكون حاسه انو بيداري اهلي عمرهم ما بيقصرو معانا بس دايما مخليين بينا حتت غيره والمقارنه ودي حاجه وحشه اوي خصوصا لو ما بين اخوات اخويا كان بيقعد يرخم عليا دايما وكنت دايما بحس بسبب الغيره والمقارنه الي اهلي بيسببوها بينا
المهم 
عدت السنين وبقيت وحشه اوي ف دراستي ودرجاتي بقت وحشه بجد لحد ما جت تالته اعدادي الي هي اسوء سنه جت ف حياتي وجبت مجموع وحش وبقيت مكان اخويا وسمعت كلام وحش اوي من اهلي كل كلمه يوم النتيجه لسه فكراها زي متكون متقلالي من خمس ثواني لقيت نظرات وحشه اوي ولقيت ناس كتير شمتانه فيا والي يقعد يقول ازاي ده انتي كنتي شاطره اوي ولما بابا بيقعد يحكي انو صحابو سالوه جبت كام كان مكسوف يقول كل ده ماثر اوي اوي فيا والدراسه خلاص قربت وكل ما بتقرب بخاف وزي ما يكون جالي تروما وبقيت خايفه الي حصل ده يحصل تاني وانا الحاجه الوحيدة الي بصبر نفسي بيها ان اكيد فيه فرصه تاني وبقعد اقولهم انا اتعلمت الدرس وهبق اشطر بس انا بصراحه مش قادره خالص وخايفه ولسه بيتريقو على نتيجي وبيقعدو يضحكو ب سخرية ويقولو فاكره ايام ما كنا فاكرينك شاطره كل ده واجعني اوي وبقعد اعيط كل ما بسمع كلامهم.. لاني مش متعوده غير على اني شاطره اوي وهبق دكتوره والكلام ده لكن الكلام المؤذي ده انا مش متعوده عليه خالص
بصراحه مش قادره اتخطى الفترة دي..  كل ما بقعد اذاكر بتخنق وافضل اعيط وافتكر كل الكلام الوحش بس ف نفس الوقت بقعد اشجع  ف نفسي بس غصب عني بيتريقو برضو وبزعل
ده غير اني داخله خدمات خايفه اتظلم خايفه اجيب مجموع وحش خايفه من المكان نفسه يبق فيه ناس مش شبهي ويحبطوني بدل ما يشجعوني لما بشوف اني افترقت عن صحابي وكلهم جايبين مجاميع حلوه ساعات كنت بحس بغيره الصراحه وبقول ليه حصل فيا كده.. 
اهو بقيت بعيد عنهم وف مكان جديد وفيش صحاب معايا 
افكااار كتييير وخوف رهيب تنصحوني ب ايه؟  اعمل ايه واتخطى واتقبل الي حصل وان عادي كلنا بنقع ونقوم بس ليه انا مش قادره اقوم بقا 😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_68043 🇪🇬

منذ شهرين

شعور مستنزف

لسه نتيجة الدبلومات الفنية ظاهرة حالًا وللاسف الرغبة الاولى مجتش ليا وكنت حاطط كلية التكنولوجيا الصناعة والطاقة ج القاهره الجديده بس وجاتلي الرغبة التانية رغم اني مجموعي كبير نسيبًا وجايب 97.39 وبرضو وتنسيقها السنة اللي فاتت كان اقل من كدا بكتير بس مش عارف ليه رفع مره واحده والمشكلة ان التقديم المبا

Candle_51983 🇪🇬

منذ شهرين

شعور محبط

انا ثانوية عامة واهلي مهتمين بيا فوق الاهتمام اهتمام ولله بجد😭 وانا عاملة اللي عليا وزيادة كمان بس خايفة اوي مجبش مجموع بجد ولله مرعوبه سرحت في الموضوع ده النهاردة كتير اوي فا بجد انا لو مجبتش مجموع يا خسارة الدلع ده 😭😭 غالبا هيطلعوا عليا كل العصبية اللي بتعصبها ويقابلوها بابتسامة ورضا🗿😭😭😭😭�

Pineapple_76103 🇪🇬 انتى مسؤلة عن السعى مش النتيجة، النتيجة دى بتاعت ربنا و لازم اهلك يكونوا متفهمين دة. جبتى مجموع حلو او مجبتيش ، صدقينى مش مهم !! المهم تكوني عملتى اللى عليكى و بزيادة و خلاص ، عشان متجيش طول عمرك تندمي. اجري يا ابن آدم جري الوحوش غير رزقك لم تحوش .

عرض الكل 4 نصيحة

Strawberry_25419 🇪🇬

منذ شهرين

شعور مرهق

عبّر عن شعورك بشكل مجهول

هو لية اتعلق بحاجة وهى مش مكتوبالى لية اعيش حلم جميل اوى والحلم دا مش من نصيبي لية اكون فوق اوى وانزل مرة واحدة للأرض لية اتعلقت بجد لغاية دلوقتى ولسة مش متقابلة اى وضع حاسة أن كابوس صعب اوى وسوال واحد بس فى دماغى لو الكلية دى مش مصيبة او اى كلية عالية برضوا انا لية اتعلقت يعنى طول السنين انا كنت شاطرة وشاطرة اوى كمان طول عمرى فى مكان عالى وكلة عارف كدا درجاتى عالية وكل دا ومن الاوائل وبتكرم فى كل السنين 
وفى تالتة ثانوى اللى هى والله اكتر سنة طلع عينى فيها كانت أقل سنة اجيب فيها مجموع ومجموع عرة كمان معرفش ازاى بجد حاسة من وقتها والدنيا واقفة عند اليوم دا وفى الاخر برضوا انا مجربتش كلية اساسا 
تب ازاى ولية يعنى بجد عقلى مش قادر يستو عب انا كنت شاطرة مش فاشلة علشان اجيب كدا كنت بصلى وبدعل كتير اوى عملت كل حاجة فى السنة دى علشان اوصل وموصلتش 
مش قادرة افهم لغاية دلوقتى كل دا حاسة أن تايهة فى دنيا مش بتاعتى وسط ناس مش شبهى معرفهمش مش مكانى دا 
مش دا اللى كنت بحلم لية انا كنت بحلم بمكان تانى خالص مش دا 
انا راضية بأمر ربنا بس تحمل الوضع صعب وتقيل اوى حاسة أن فوق طاقته لان طول الوقت بعيد وبتخنق 
حاسة ان كل حاجة راحت وانتهت خلاص مبقاش فى فايدة 
هل انا كنت غلط طيب تب كان اى الغلط 
وفوق كل دا كان فى شلة صحابى يعنى المهم انا بعدت عنهم فى أول السنة اصلا وبعديها بفترة بقينا نتكلم عادى بس علاقة سطحية ماعدا واحدة فيهم علشان هى كانت الأقرب ليا منهم كلهم بس برضوا هى بتكرهنى
ودا كان بيبان عليهم عادى فى الحصص لما بجيب أعلى منهم فى اى مادة وهما لا واتكرم وهما لا حرفيا وشهم كان بيبقا عليه غضب ربنا 
هى داخلة تقولى عملتى اى وجالك اى وبتسال ع تفاصيل كتير اوى مع أن عمرى ماسالتعا اصلا وهى عمرها ماقالت بس قالت لما جت تسالنى أنها دخلت تمريض جامعة خاصة 
وحرفيا هتموت وتعرف انا عملت اى 
علشان يشمتوا ويفرحوا ماهى فرصة حرفيا 
ليهم يشمتوا 
كل دا صعب عليا وكسره وقهرة وحشة اوى 
ربنا مايكتبها على حد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_75412 🇰🇼

منذ شهرين

شعور متوتر

أنا واحده أولى ثانوي و حوار البكالوريا و الثانوي ده ملخبطني أنا خليفه من ثانوي بس لو دخلته هيبقى عندي فرصه احول منهج كويتي بس بقول لو محولتش هل هقدر أجيب مجموع يردوا؟ طب لو دخلت بكالوريا حوار التحسين ده مخوفني لأن كده الكل هيحسن و النسب بتاعت الكليات هترفع بس الوزير ممكن يسهل عليهم الامتحانات أول س

Strawberry_74955 🇪🇬

منذ شهرين

شعور محبط

عبّر عن شعورك بشكل مجهول

السلام عليكم
هكيلكم عن فترة صعبة عديت عليها وهي فترة الثانوية الازهرية 
انا كنت عام وكنت متفوقة ولقيت بابا اقترح عليا ان انا أحول وحولت وانا كنت دفعة السنة ال فاتت ٢٠٢٥ ، قولت هعتبرها زي اي سنة وأعمل ال عليا ،مكنتش حاطة حاجة او حلم غير ان انا أجيب مجموع عالي وافرح أهلي وكدة كدة أيا كان أكيد هيكون خير ليا 
بداية السنة كنت حساها الموضوع ماشي والدنيا حلوة وبعد كام شهر الدنيا بدأت تصعب وغير كم المواد الواحد بجد مكنش ملاحق حاجة 
اكتر الأوقات كنت بنام ع الارض علشان لو نمت ع السرير ممكن يروح عليا نومة ،اليوم كله كان عبارة عن دروس وكنت ببدأ ايام الساعة ٥ الفجر وايام ٧ الصبح حرفيا كانت مرمطة جدا جدا ، أغلب الوقت كنت بمشي وانا بذاكر علشان لما كنت بذاكر ع المكتب كنت بنام وحاجات من دي كتير باختصار كان تعب نفسي قبل ما يكون تعب جسدي وفي الآخر ... لم أوفق في المجموع أنا رضيت بمجموعي وحمدت ربنا أكيد دا خير ليا ، اهلي كانوا شبه راضيين ، زعلانة جدا حاسة انهم معندهمش ثقة فيا خالص ، سمعت كلام من عيلتي جارح جدا م هنساه بجد مثل : انتي مجموعك مقوي قلبك ، مفيش كلية ليكي ،م هتلاقي حاجة ، يارب التنسيق ينزل علشان تلحقي اي حاجة ، غير النظرات و الضحك والسخرية ، من ناس ملهمش علاقة بحياتك اصلا ، ومجموعي ٧٦ انا كنت راضية ايوا ومازلت والحمد لله بس ليه الكلام ال يكسر القلب دا ، حرفيا بقيت بكره حياتي والناس ، ممكن تنصحوني او تدعولي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_25419 🇪🇬

منذ شهرين

شعور متوتر

عندى سوال هو اللى بيعيد ثانوية عامة بيجيب مجموع يعنى هى عندها ٣ مواد تانى حاجة واحدة صحبتى تانية كان معاها مادة دور تانى مدخلتش وراحت سقطت نفسها فى مادة كمان وهتعيد برضوا دا صح ولا غلط بفكر فى الموضوع بس متلغبطة وبقول إن هو دا اللى ربنا كاتبة وخلاص ياريت اللى عارف يرد

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع