نسيان

Blueberry_64034 🇪🇬

منذ 3 أيام

شعور عاطفي

عبّر عن شعورك بشكل مجهول

رسائل لن تصل ابدا 
ازيك ؟ .. انا عارفة ان فات وقت كبير .. سنتين و شوية كدة 
بطلت اعد الشهور بقيت اعد السنين و دى حاجة غريبة .. 
الدنيا وسعت اوى بينا المسافة بقيت بالسنين .. غالباً انت مش فاكر عنى اى حاجة دلوقتى اصلا 
و بصراحة يا بختك .. بجد يا بختك جداا انا فعلاً بحسدك اووى بمعنى كلمة حسد حقيقي 😄
اصل انت مش فاهم ازاى شخص يعيش سنتين من عمره و هو ريشة فى هوا و لسة مكمل فى ده 
مش طايل سما ولا ارض
لا بقيت معاك ولا عارفة انساك 
فكل الحاجات اللى قالولى اعملها عشان انساك انت لسة فى بالى سامعة الفكرة اصلا بصوت 
" لو قولتلك ماتفكريش فى فيل يا بنتى هو اول حاجة هتيجى فى بالك "
انى واى فات وقت كبير اووى عالكلام ده 
انا بس كان نفسي اتطمن عليك عارفة انه مش من حقي بس اعتبره فضول مثلا 😅
حقيقي نفسي اعرف يومك بقا ازاى بتكلم مين الصبح و تقوله صحيت و نازل الشغل و اما تخلص و انت مروح بترغي مع مين فى الفون 
طيب لسة الايربودز معاك ؟ و المج الاسود ؟ طيب و ازازة الميا يا ترى لسة عليها القلب الازرق ولا مسحته ؟ صورتى اللى كانت فى محفظتك ليه مارجعتهاش اما جيت تاخد حاجاتك ؟ يا ترى فى المحفظة ولا رميتها ولا حرقتها ؟ 
بصراحة حرقت شوية صور من بتوع كادو عيد ميلادك كنت فاكرة انى كدة هنسى بقا و الدنيا هتبقى زبادي خلاط 😄
بس ماحصلش ولا اى حاجة من دى 
عارف المشكلة مش بس اني حبيتك انا اتعودت انك صاحبي الوحيد و انت قولتلى انك هتفضل صاحبي و يمكن ده اكتر وعد اما اتكسر وجعني عشان ماكنش عندي صاحب زيك او حتى غيرك 💔
تعرف اني كل ما اعدي على مكاننا قلبي بيتقبض .. هو صحيح اتغير اوي عن ما كان بس كان متوقع انه يتغير اذا الوعود اتغيرت المكان هيفضل ثابت يعني !! 😄💔
اسوء حاجة سرقتها مني هو إحساس الأمان مش قادرة اسامحك عليه و مش قادرة اقولك اني عارفة اكون تمام تاني مهما حاولت من بعده 
اه فعلا الوضع كان بايظ من قبلك بس انت زودت الطين بلة 💔
كان بيكفيني من همي انه يكون طين و الله كنت راضية بس انت استكترته عليه 💔
عارف الاكونت الجديد كتبت عليه جملة ليك انت  .. ( مش كان زمانك هنا و زماني بحكي لك )  الجملة ليك انت و بابا كمان لانكم مشيتوا و سيبتواني بوقت غريب حقيقي 
كأنكم رجعتواني بنت صغيرة و ضاعت من اهلها بالشارع و مافيش حد يعرفها و مافي حد عاوزها او بيدور عليها 
مافيش اى حد

و فى الختام كان نفسي اقولك انى بتمنى لك الخير بس بصراحة هاكون بكدب لو قولتلم كدة 🤷🏻‍♀️😅💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ 3 أيام

شعور متعب

بحبك وبكرهك في نفس الوقت. زمان كنت فاكر إن الرجالة هي اللي بتلعب بالبنت، دلوقتي عرفت إن العكس ممكن يحصل، في بنات تعرف تلعب الدور بإتقان. تكون لطيفة ومتفهمة كل مرة تحتاج فيها حاجة، ولما المصلحة تخلص، ترجع باردة كأنك مجرد "حدّ عابر". واحدة من العلامات الواضحة للست المتلاعبة إنها تبان طيبة وعذبة لما

عبّر عن شعورك بشكل مجهول

بحبك وبكرهك في نفس الوقت.

زمان كنت فاكر إن الرجالة هي اللي بتلعب بالبنت،
دلوقتي عرفت إن العكس ممكن يحصل،
في بنات تعرف تلعب الدور بإتقان.
تكون لطيفة ومتفهمة كل مرة تحتاج فيها حاجة،
ولما المصلحة تخلص، ترجع باردة كأنك مجرد "حدّ عابر".

واحدة من العلامات الواضحة للست المتلاعبة
إنها تبان طيبة وعذبة لما عايزة منك خدمة،
لكن أول ما تاخد اللي هي عايزاه،
تسيبك تواجه فراغها وبرودها لوحدك.

زميلتي في الشغل كانت كده،
عرفت شغلي بأوامر من المشرف والمدير،
وأنا بقيت زي خيال المآتة،
يتحرك لما غيره يشاور عليه.

واللي يوجع أكتر… إني كنت الأهبل اللي حب واحدة زيها،
وهي كانت عارفة كويس.
كنت متوقع على الأقل إنها لو فعلاً شايفاني زي أخوها — زي ما كانت بتقول —
كانت حذرتني… مش استغلتني.

بس خلاص، ربنا يسامحها.
التجربة دي علمتني إن الطيبة من غير وعي بتتعب،
وإن مش كل اللي بيبتسملك… نيّته صافية.

بس قلبي اتكسر، ومش قادر أثق في أي بنت تاني.
كلهم خانوني بطريقة أو بأخرى.

أشكوك أم أشكو إليك صبابتي؟
أنتِ الدواء… ومنكِ الداء.

كيف أنساها؟
وهي من علمتني معنى الهوى،
وأول من جعلتني أرى الحياة سويًّا.
كانت لعيني ضوءًا، ولقلبي نبضًا،
فكيف يُطفئ القلب من كان له الهدى؟

ضحكت معها فظننت الدنيا تبتسم لي،
وحين رحلت، عرفت أنها كانت هي الدنيا.
أحاول نسيانها،
لكن أجدها في كل التفاصيل الصغيرة:
في الطرقات، في الأغاني، في الصمت إن بدا.

تركت أثرها في قلبي كالجرح،
كلما التأم… أعاد الحنين فتحه.

أعرف أن النسيان وهم جميل،
وأني مهما كتبت عنها… سأبقى لها.
فهي لم ترحل عني،
بل أخذتني معها،
ومنذ ذاك اليوم… لم أعد أنا.

سلامٌ على من أوجعونا... وبقينا نحبهم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ 4 أيام

شعور متوتر

كيف أنساها ... وهي من علمتني الهوى وأول من جعلتني أرى الحياة سوي. كانت لعيني ضوءا، ولقلبي نبضا، فكيف يُطفئ القلب من كان له الهدى؟ ضحكت معها، فظننت الدنيا تبتسم لي، وحين رحلت، عرفت أنها كانت هي الدنيا. أحاول نسيانها، فأجدها في التفاصيل كلها، في الطرقات، في الأغاني، في الصمت إن بدا. تركت أثرها في قلب

Candle_51983 🇪🇬

منذ 4 أيام

شعور متعب

لسه مخلصة مذاكرة ومفروض اني هنام لحد الدرس بتاع شوية وخلاص بغمض عيني افتكرت إن الدرس بتاع شوية أتقدم وبقا الساعة 11 الصبح والساعة دلوقتي كاااام 11 ونص بجد عاوزه اموتنييييي وربنا حاسه اني هعيط الفكرة فين أن الحصة اللي فاتت المستر قالي ركزي شوية الحصة اللي جاية هاقوله نسيت المعاد ...هيسف عليا سف السني

Mango_87545 🇪🇬

منذ 5 أيام

شعور متعب

هو لو الواحد عايز ينسا حد كان بيحبه يعمل اي ولو مش عارف أو مش قادر على كده انا لسه بحبه حتي وهو مش موجود حتي لما بعد عني بعد في اكتر وقت كنت محتاجه فيه بعد وانا مكنتش عايزه حاجه من الدنيا غيره ممكن حد يقولي ليه حد يعمل في حد كده وهل هقدر انسا مع العلم هو دلوقتي متوفي من اكتر من سنه ولسه مش قادره اصد

Pumpkin_86802 🇪🇬

منذ 6 أيام

شعور مرهق

اريد البكاء ولاكن.....لا استطيع اريد التحدث وان اخبرك علي ما يثقلني ولاكن..اظنني لا اجد الكلام المناسب لا اعرف ماذا بي ولا اعرف لماذا انا صامت وسط ضاجه كبيره اشعره بي الوحده اكره حلمي اكره عائلتي انا فاشل وحلمي فاشل حتي لن اصل اليه انا اموت دون الجوء الي التدخين ادمنت شيئ اخر يقتلني في داخلي

Cheese_87432 🇪🇬

منذ 6 أيام

شعور ضائع

عندي ٢٤ سنة قعدت من شغلي القديم اللي كان برة مجالي من اسبوعين مع انه بمرتب كويس نوعًا ما لمرتبات مصر بس في نفس الوقت مش مديني فرصة اطور من نفسي في مجالي الاساسي لدرجة أني نسيت اللغة اللي اتعلمتها في الاساس عشان اشتغل بيها، اخدت القرار عشان هو ده الصح بس دلوقتي حاسس اني مش عارف ارجع للغتي الأساسية زي

Kiwi_51151 🇪🇬

منذ 6 أيام

شعور محبط

ممكن كانت اكبر غلطه اني حبيتها ممكن علشان كانت اول حب ليا بجد ممكن علشان كنت متعلق بيها مش عارف بجد ممكن علشان كانت هي متعلقه بيا مش عارف هي ايه ظروفها وليه مستنيش شويه انا كنت بحاول علشانها انا لسه فاكر دموعي لما جالي الخبر وانا بتقدم ليها انها واقفت ع حد تاني لسه فاكر كسرت نفسي لما رنيت ع واحده ق

Pumpkin_86802 🇪🇬

منذ أسبوع واحد

شعور متوتر

نفس المضوع من كل سنه ولاكن يسوء ومميزات هذه السنه لم يكن لدي اصدقاء والان اتحدث مع الكتب لم يكن لدي ذكري جميله والان لدي ولكنها ذكري كما قلت...اظنني اتذكر عندما اخبرتها انها الشخص الوحيد الذي لا يمكن ان يكون ذكري لا ترحلي ولاكنها ارادت التاكد بنفسها لم يكن لدي حلم الان لدي لكنه ليس في قائمتي تع

Strawberry_58144 🇪🇬

منذ أسبوع واحد

شعور مكسور القلب

و اشطر كتكوت خاب😊 الشطور ده اتمرمط و اتبهدل و اتداس على وشه.. الجامد اوى ده والى ما بيتهزش و مبيفرقلوش.. راح حب من طرف واحد.. اترفض.. اتهان.. كرامته اتبعترت كتير.. جرى ورا حد مش عايزه حد عايز اى حد حرفيا الا هو بيدور على اى حد الا هو بقا وقعه الشاطر متجيش الا هنا؟ يوم ما اختار حد ميختارنيش؟ ليه.. ب

Watermelon_56734 🇪🇬

منذ أسبوع واحد

شعور عاطفي

عندي 21 سنه حبيت وحده من 6 سنين معترف أن احنا كنا صغار لحد دلوقتي مش ناسيها رغم اني اعترفت ليها بحبي من 4 سنين وهيا رفضتني انا حاليا مستحيل اكلمها تاني لان الي يرفضني مره ارفضه طول حياتي بس مش قادر اشوف حد غيرها برضوا كل يوم اشوف صورها شاغله بالي 24 ساعه عرفت في اخر 3 سنين عرفت حوالي 4 بنات بس برضوا

Apple_58568 🇪🇬 انا عن نفسي انا عندي موهبه غريبه اوي كنت بحب واحده سنه كامله و لما لقيتها مش بتديني اي وش حرفيا نسيتها ف يوم و ليله و مبقتش متعلق بيها .... انا بحب الحاجه ده فيا بتريحني و بتمنع دماغي انه يجهد عاطفيا و يتوقع احتمالات و الكلام ده

عرض الكل 8 نصيحة

Chilli_86877 🇪🇬

منذ أسبوع واحد

شعور مستنزف

انت عشان تنسى اللي حصل معاك محتاج تسمح لنفسك تخرج كل اللي جواك من ألم وكبت وعياط.. محتاج تصرخ وتخرج كل الحزن اللي جواك.. محتاج تبطل تعاند مع نفسك وتقول لنفسك انك قوي وانت في العمق شايف نفسك ضعيف اوي في الموقف والظرف دا.. لازم تفهم ان الطبيعي يجي عليك وقت وتكون قوي ووقت تاني تكون ضعيف ومش قادر تتحرك

Watermelon_57059 🇪🇬

منذ أسبوع واحد

شعور ضائع

Strawberry_86910 🇪🇬 في حاجه مضايقك او مزعلاك ؟ ممكن يكون حد حاسدك او انت نفسك اصابت نفسك بالعين لما تيجي تبص لنفسك تقول ماشاءالله اللهم زد وبارك وتقول اللهم ادمها نعمه واحفظها من الزوال ومتعجبش بنفسك جامد دلوقتي اشتغل علي الرقيه وحافظ علي الازكار.ودايما ردد سورة الفاتحه بنية الشفاء وخير خير ساعات كتير الانسان بيصاب بالفتور الجو العام مش مساعدنا علي اي حاجه

عرض الكل 4 نصيحة

عبّر عن شعورك بشكل مجهول

في حاجه غريبه بتحصلي ف حياتي بجد مش عارف اوصف بس انا ف فتره كنت حلو اوي و اسبوع بالظبط كل حاجه اتغيرت فيا 
انا كنت متميز ف حاجات كتير اوي كنت بعرف العب كوره اوي شكلي كان حلو اوي برضو وكل حاجه فيا كانت عجباني وكنت مركز ف كل حاجه بعملها وببقا حلو فيها  مستوايا ف الانجليزي كان فوق المتوسط بكتير بعرف اخش مواضيع مع اجناب وبفهمهم وبتفرج على الافلام منغير ترجمه او صاب تايتل حتى وببقى فاهم 100% 
مره واحده من اسبوع شكلي مبقتش طايقو وشعري بقا ميت حرفيا  مش للدرجه بس بالنسبه للاول اتغير اوي 
من كام يوم نزلت حجز كوره مع صحابي زي م بنعمل دايما و فالطبيعي ببقى من احرف الناس فيه   بس المرادي كنت كتغير اوي ومكنتش عارف المس كوره حتى   المود بتاعي بقا تحت الارض ومكتئب دايما ومش مركز ف حاجه خالص    انا وصاحبي كنا دايما بنتقابل ونفتح برنامج بيخلينا ندخل فيديو كول مع اجانب وكدا  بنعملها من زمان وبنبقا طبيعين اوي و اجتماعيين بشكل مش طبيعي   جت اخر مره اول امبارح مفتحتش بوقي وكنت متحول لشخ متوحد مصاب برهاب اجتماعي ومكسوف   ومش عارف اتكلم انجليزي حتى    قلت اعيد الكورس من جديد ل اول مرحله   مرحله سهله اوي اي عيل ف ابتدائي يعرف يسلك فيها حتى    لقيت نفسي ايه ومش فاهم اي حاجه   رغم اني مخلص الكورس كلو وكنت بيرفكت فيه   طول م انا ماشي حاسس بشعور غريب ومش فايق خالص ومرهق وحالتي النفسيه ضايعه    وفي حاجه زي صداع كدا صعبه اوي بتجيلي    انا كنت ناجح ف كل حاجه بعملها ودلوقتي مستوايا بقى تحت الصفر  في حاجات كتير زي دي اوي كلها اتغيرت ف يوم واحد معرفش ازاي بس انا مبحبش احكي بصراحه    بس عموما بقيت تايه بطريقه متتوصفش و وفاشل فكل حاجه بعملها  وكل اللي حكيتو هوا ربع الحاجات اللي اتغيرت فيها    عايز حللل  (انا عاكك ف اللي كاتبو وهتلاقيني مدخل المواضيع ف بعضها بس مش عارف اكتب بجد )  ولسه فاكر دلوقتي اني بقيت انسى بسرعه برضو 🙆🏻‍♂️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_76035 🇪🇬

منذ أسبوع واحد

شعور لا مبالٍ

١ شعور ان حد توفى وحشك أوحش شعور في الدنيا لأن أي فرصة للتواصل من تاني انتهت حسيت بدا قبل وفاته مع تلت سنين من وقت ما الألزهايمر خلاه زومبي متحرك وكل الإشارات اللي كنت أعرفه من خلالها انتهت ماكانش فيه فرصة لوداع مع شخص ماعدش فاكر في أيامه الأخيرة أنا مين لأنه نسي حتى نفسه دي من الحاجات اللي هتفضل ع

عبّر عن شعورك بشكل مجهول

شعور ان حد توفى وحشك أوحش شعور في الدنيا لأن أي فرصة للتواصل من تاني انتهت
حسيت بدا قبل وفاته مع تلت سنين من وقت ما الألزهايمر خلاه زومبي متحرك وكل الإشارات اللي كنت أعرفه من خلالها انتهت
ماكانش فيه فرصة لوداع مع شخص ماعدش فاكر في أيامه الأخيرة أنا مين لأنه نسي حتى نفسه
دي من الحاجات اللي هتفضل عايشة معايا طول حياتي، جرح جديد من جروح الروح وقلب اتكسر مافيش حاجى هتصلحه، وشعور عام بعدم أهمية أي حاجة أو أي إنجاز لو المصير انك هتنسى كل دا 
ماعدش فيه حاجة لها معنى

أسوء حاجة في كل دا إنك برضه مضطر تتعامل مع تبعات أحداث مش انت السبب فيها ونتايج قرارات ناس تانية، لكن في النهاية بتفضل مشكلتك وانت اللي مضطر تتعامل معاها، ANOTHER INNER SCAR

حاجة تانية، أنا كنت دايما بستغرب الناس اللي بتبقى عندها حالات وفاة وتقعد معايا تتكلم إنها فاكرة مين اللي وقف جنبها ومين ماوقفش، وبقول إزاي بياخدوا بالهم مع حالة الحزن المسيطرة وآلام الفقد، بس خمن إيه اللي حصل؟ دلوقت أنا فاكر كل حد كان مهتم يبقى أول حد جنبي ويتصور معايا في أي إنجاز أو وقت فرح ويهتم ينزل الصور والتهنئات في كل حتة، والكام حد اللي استحملني في وقت الكآبة وكانوا مهتمين بيا وبيطمنوا عليا كل شوية، الـ cliche طلع حقيقي، اللي بيفضلوا حواليك قليلين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_78529 🇪🇬

منذ أسبوع واحد

شعور متعب

يا جماعة انا متخرجة من تجارة انجليزي ،و الانجلش بتاعي في البزنس و الاكونتج كويس بنسبة كبيرة كمصطلحات حافظاها و فاهماها خصوصا مذاكرتي كانت كلها بالانجلش دلوقت انا الكلمات السهلة بتاعة زمان دي ناسية منها جزء و اني اتكلم انجليزي اصلا م هقول سيء لكن معنديش ثقة و بخاف اقول جملة غلط ف حاسة اني م احسن حاجة

Mushroom_83510 🇪🇬 في بنت اسمها ياسمين ع الفيس بوك غالبا ياسمين كمال حاطة خطة ازاي تظبط كل ده

عرض الكل 6 نصيحة

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع