نصيحة زواج

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_87074 🇪🇬

منذ 4 أيام

شعور مرتبك

ازيكم يا جماعه عاملين ايه انا محتاره في أمر ما و محتاجه نصيحه منكم انا متجوزه و حصلت مشاكل بيني و بين جوزي و وصلت لي محاكم بس هو من فتره جه و طلب صلح في البيت و بعدها طلب صلح في المحكمه و انا وافقت علي الصلح علشان عندي عيال منه و هم صغيرين و هو من اول الجواز و هو كويس معايا اوي بس اخر سنه دي هي الي

Orange_86778 🇪🇬

منذ 5 أيام

شعور ضائع

مساء الفل... حد جرب قبل كدا يقدم او يروح مكاتب للزواج الحلال عادي حد جرب الموضوع دة او يعرف حد جربه عشان جي معايا اعمل كدا عشان زهقت من كتر ما مش لاقي حد مناسب فا قولت اقدم و هما يرشحولي ناس اي رايكم ؟!

Watermelon_87074 🇪🇬

منذ 6 أيام

شعور ضائع

ازيكم ياجماعه عملين ايه انا محتاجه نصيحه منكم انا متجوزه و حصل بيني و بين جوزي مشاكل بسبب واحده معاه في الشغل هو بيكلمها عليا و روحت لي بيت اهلي و كان في قضايا هو رفعها عليا و بعدها طلقني بس انا حاليا في شهور العده و معايا منه طفلين تؤم هو حاليا اتنازل عن القضايا الي رفعها عليا و عايز يصلح و نرجع ال

Apple_82334 🇪🇬

منذ شهر واحد

شعور مكسور القلب

سلام عليكم انا راجل متجوز ومع الأسف عندي مشكله اني اكتشفت اني مش بحب زوجتي لأنها مش مهتما بيا بس انا مقدرش اني أطلقها بس في احساس جويا اني عاوز واحده تانيه تخش حياتي بس بحاول امنع نفسي بس مش عارف وعلي طول مخنوق ومدايق وبتخانق علي طول بس بجد انا قرفت ونفسي القي حل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_75055 🇪🇬

منذ 3 أشهر

شعور آسف

انا عشره 8 سنوات مع مراتي واول مره اتنرفز جامد بس وانا متنرفز زقيتها خدت الولاد وراحت بيت ابوها وولاسف مش عارف اتوصل معاها ولا اتواصل مع اخوها اللي مش بيرد انا عملت غلطه فعلا بس تتصلح عشان كمان فيه عيلين اتمني تشاركوني رايكم ولو حد عنده خبره😢😢😢

Hazelnut_54069 🇪🇬 خد ورد و شيكولاته و روح بيت اهلها واعتذرلها و بوس راسها وقولها انك مش هتمد ايدك عليها تاني واديها وعد بكده و كبرها تاني قصاد اهلها زي ما صغرتها واندم فعلا علي اللي عملته علشان لو سامحتك المره ديه المره الجايه مش هتبصلك حتي

عرض الكل 7 نصيحة

Apple_72243 🇪🇬

منذ 3 أشهر

شعور قلق

وانا صغير مثلن9سنين احنا عاتات القبيله أنك تميت 15تتجوز انا اتجوزت بس مراتي مكنتش عايزاني هي كانت بتحب أصلا ليلت الدخله قلت ازيك قالت لي بوش مليان قرف 😒الحمد لله قالت لي انا مش عايزاك قالت لي انا في جمعه مش هقول قسمها هي جمعه كلها ناس هبل طيب قولتلها ماشي قالت لي انا لسه مكملتش قولت كملي قبل ما اقو

Peanut_74196 🇪🇬

منذ 3 أشهر

شعور مهتم

إزاي الواحد ياخد بالأسباب عشان يوصل لزوجة صالحة؟ يا جماعة أنا داخل علي 26 سنة، وخدت بكل الأسباب الحمدلله.. بس لسه عندي سؤال محيرني جدًا إزاي أوصل للبنات الملتزمة اللي محافظة على نفسها وقاعدة في بيتها؟ الشارع مليان في حاجات كتير لكن نفسي في بنت تكون قريبة من ربنا بنت صالحة تعينني على ديني ودنياي

Popcorn_73537 🇪🇬

منذ 3 أشهر

شعور مرتبك

سلام عليكم اخواتي ... من حوالى ٤ سنين كنت عاوز اخطب فخطبت واحدة وحبيتها واتجوزنا فخلفنا وبعد الولادة مثلا بسنة بدات بينا مشاكل وتعاند معايا فى اى حاجة وصوتها يعلا حاولت كتير الم الموضوع وجبتلها هدايا وهدوم وبردو تقولى متقربش منى اجى اقولها تعالى نخرج تقولى لا مش عايزة اخرج معاك بقالنا تقريبا حوالى ٤

Strawberry_64200 🇪🇬

منذ 4 أشهر

شعور ضائع

عبّر عن شعورك بشكل مجهول

ممكن تنصحوني اعمل اي......... 
معلش هطول عليكم شويه، 
في واحد متقدملي، هو كويس ومحترم ومرتاح مادياًّ، بس هو قصير ( وانا رافضه نهائياً اني اتجوز واحد قصير،+ انا مش طويله انا 160سم بالكتير وعايزه اطول تاني) يمكن هو  اطول مني بـ 5سم على حسب ما انا فكراه ( انا عرفاه من زمان بس مكنش في بينا اي تعامل  غير لما كان شغال في سوبر ماركت، بس الكلام دا بقالو سنتين تلاته) وكمان انا مش جاهزه خالص لفكره الجواز، اذا كان نفسياً او حتى شغل بيت مش بعرف، وكمان عايزه اكمل دراسه، وكله بيقولي  اكيد هيوافقوا  بس انتي اللي هتتعبي، هو اسرته بسيطه جداً (  يعني عدد الافراد تلاته بس، هو و والدته واخوه و والده متوفي لما كان صغير)  انا اعرفه هو واخوه عشان اكبر مني بسنه وكنت بلعب معاه وانا صغيره  لكن معرفش والدته ولا هي تعرفني. 
وهو اللي قالها عليا، وهي طلبت تشوفي الاول. وانا زي ما قولت رافضه الجواز حاليا وكله بيقولي لو رفضتيه الله اعلم هيجي واحد زيه تاني ولا لاء، واسرة صغيره مش بيت عيله زي ما انتي عايز ه و والدته طيبه وفي حالها ومش بيت فلاحين ولا تقليدي اكلهم طبيخ وبهدله وانا مليش في الطبيخ ممكن مره او مرتين في الشهر.  
 هما قرايب جوز عمتي، و والدته كلمت عمتي وجوزها قالهم على طبعنا واننا دوناً عن باقي العيله مدلعين بزياده ومش بتوع بهدله( دا حتى مسمينا احفاد دلع عشان😂 جدي كان وحيد لمده 15 سنه فكان مدلع وهو الكل في الكل وانا بذات، حتى جوز عمتي من وانا صغيره بيقول عليا دلوعه) وماما مريحانا انا واختي ومش مخليانا نعمل شغل في البيت وهي،  وهي قالت ان شغلهم مش كتير وانها بتحب تعمل الاكل والطبخ عمتاً وهي عايزه واحده تكون فرفوشه وتونسها بس واذا كان على شغل البيت متعملش حاجه غير برضاها هي بس الحاجه اللي هتكون ملزمه بيها انها تجيب طلبات البيت من السوق (دي الحاجه الوحيده اللي بعلمها على اكمل وجه عندنا أصلاً 😂) وقالها ان والدي حالياً مش جاهز انه يجوز يا إما هيضغط نفسه وان احنا حالياً بنبني بيت وبنجهزه ف مش مستعديين دلوقتي خالص، وهي قالت عادي لو في قبول  ممكن نستنى لحد ما ينقلو ويستقرو وبعدها نيجي نتقدم رسمي ونتفق (ابقى محجوزه يعني) والخطوبه بدل ما هي سنه تبقى سنتين . 
بعيداً عن شغل البيت و والدته، العريس نفسه مفيهوش المواصفات الشكليه اللي انا عيزاها خالص، انا عايزه واحد طويل واسمراني وشعره اسود وعيونه خضراء او عسلي وشكله يكون مقبول مش عايزه ملك جمال يعني، بس هو قصير وشعره بني و قمحاوي وعيونه بني. فا انا متردده ومش عايزه اظلمه معايا مستقبلاً وخصوصاً انه محترم وشاريني ويعتبر مفيهوش غلطه (نسيت اقول انه صاحب اخويا بس مش صحاب قوي، ولما ماما سألت اخويا عنه قالها هو كويس بس بيشرب سجاير، وبابا لما عرف رافض فكره انه اي عريس عمتاً يكون مدخن ولا بيشرب اي حاجه) ف ممكن تقولولي اعمل اي، ارفض ولا اديله فرصه؟؟؟؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21572 🇪🇬

منذ 5 أشهر

شعور قلق

عبّر عن شعورك بشكل مجهول

محتاجة نصيحة عشان دماغي مش عارفه تبطل تفكير 
أنا بحب واحد بقالي سنه و ٤ شهور و هو بإذن الله هيتقدملي الشهر اللي جاي 
هو قدي في الدراسه و احنا الاتنين في علاج طبيعي لسه قدامنا ٣ سنين علي التخرج
هو بيشتغل و معتمد علي نفسه و كفايه انه نزل يشتغل عشان يحوش عشان يجي يخطبني لانه مش عايز يعتمد علي حد من اهله عايز يعمل كل حاجة بنفسه 
أنا بحترم انه مسئول و انه قد اي كلمه بيقولها و قد وعوده راجل بمعني الكلمه و حنين جدا و بيحبني بشكل أنا اوقات بقول يا بختي انه بيحبني الحب ده و متأكده انه عمره ما يأذيني 
المشكله في الشقة هو اهله عايشين في فيلا دورين و شقته الدور اللي فوقيه و الشقه اللي فوقها شقة اخوه ( اخوه لسه صغير في ٦ ابتدائي يعني) 
المهم الشقه كمساحة هي كبيره ٣ اوض و حمامين و مطبخ و الصالة واسعة هي تقريبا ١٨٠ متر 
و الشقه ليها سلم خارجي من بره حسب ما هو وصفلي أنا اكيد مروحتش شوفت 
فالمهم أنا خايفه من فكره بيت العيله و خايفه من مشاكلها و خايفه كمان اهلي يرفضوا لان اهلي عندهم خلفيه انه بيت عيلة معناها مشاكل و لو ده السبب الوحيد اللي لما يتقدم ممكن يترفض عشانه أنا مش هعرف أدافع او اقول حاجة لأنهم عندهم خبره عندي و اخاف اراهن و يطلعوا صح في الاخر 
عنده اخت اصغر نتي بأربع سنين هي بتعاملني كويس بس ده اكيد عشان لسه مبقتش مرات اخوها مثلا 
اتكلمت معاه بكل صراحة في ده 
قالي انه مش هيقدر يجيب شقه تاني بره لانه وجود الشقة موفر عليه كتير مع انها لسه علي الطوب الأحمر فهتاخذ منه برضو تشطيب و فرش كتير 
و قالي مش حابب بعد الجواز يجيب شقه بره غير لما يشتري ارض و يبني عليها زي والده 
و انه ان شاء الله هنسعي اننا نسافر بعد التخرج و كل ده
و قالي خصوصيتك هحافظ عليها و محدش هيطلب منك اي حاجة حتي قولتله المفاتيح قالي انها هتبقي معايا و معاه بس و محدش هيدخل البيت غير و أنا موجوده فيه او هو موجود فيه 
هو بيطمني بكلامه و انه مش هيحكي لحد حاجة عننا و كل ده 
حتي قالي انه كلم ماماته في الموضوع ده و هي أصلا شايفه انه ده العادي و الطبيعي و انه عنده حق 
بس أنا خايفه برضو و بيقعد يقول اهله طيبين ما طبيعي اي حد يقول علي اهله كده 
فالمهم اني خايفه جدا من الموضوع ده و برضو مهو بيعمل اللي عليه و طالع عينه في الشغل 
بس خايفه بعد الجواز كله ده يبقي سبب مشاكل أنا لسه برضو معرفش اهله 
و خايفه كمان اهلي يرفضوا و ساعتها أنا مش هعرف بجد اتكلم و اقنعهم حتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_55660 🇪🇬

منذ 6 أشهر

شعور محبط

انا مغني بس مش مشهور اوي وعشان في سن المراهقة اتعرفت علي بنات كتيرة وهما اللي كانو بيحبو يتعرفو عليا وقطعت علاقتي بيهم كلهم من زمان بسبب حواراتهم بس في الوقت الحالي حاسس اني بدخل في نوبات اكتئاب كتير بسبب اني محتاج اتجوز وكل اللي حواليا شايفين ان 23 سنة مستحيل افتح بيت بس مشكلتي مش هنا مشكلتي بسبب ك

Banana_55575 🇪🇬 شوف اللي عندك ده طبيعي بسبب العينة اللي انت عرفتها وحسيت ان الموضوع سهل بس الحقيقي ان فيه بنات محترمة زي ما فيه الحلو فيه الوحش دور حواليك كويس هتلاقي وربنا يصلح حالك ويرزقك بنت الحلال اللي تصونك 🤍

عرض الكل 7 نصيحة

Lemon_28859 🇪🇬

منذ 10 أشهر

شعور محبط

ممكن تنصحونى من عير تجريح انا مش مستحمله بالله انا متجوزه و عندى اطفال و حصل كلام بينى و بين شخص و بقا في بينا مشاعر حب انا عايزه ابعد و مش عارفه ادمنت وجوده و ف نفس الوقت زعلانه من نفسى للي وصلتله انا مش كده انا حد محترم و ليه اعمل كده جوزى و عيالى ميستاهلوش اكون كده شايفه نفسي حقيره اوى و ام وحشه

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع