منذ 20 أياميشعر بـ عاطفي
- عايزة اسئل سؤال واتمنى اني الاقي اجابة منطقية او مقنعة.... - "هو الناس بتتجوز ليه" - ﴿ بعيداً عن الاطفال والعلاقة ﴾ عايزة اجابة تقنعني ان الجواز ليه لازمه، ومحدش يقولي سنه حياه لاني مش مقتنعة+ انا طول عمري لوحدي ومتعودة فمفيش حد هينشغل عني لان مفيش حد موجود اصلاً وهبقى لوحدي لاني كدا كدا لوحدي فمش هتفرق
ببساطه ديه فطرة البني آدم انو الرجاله والستات بتنجذب لبعض بدون اي شروط
انتي بس سنك صغير . فمش فاهمة الحياة حاولي تسالي السؤال ده لحد في محيطك وحيد. او من غير شريك حياة واستمتعي بالسواد.
هو عموما السبب غالبا بيكون حب وان الشخص لما يلاقي حد تاني بيحبه طبيعي،يكون عايز يشاركه كل حاجة عشان كدة دايما الزوج وزوجة اسمهم شركاء حياة لانهم بيقررو انهم يكونو حياة واحدة مشاكلهم تبقا من مشاكل بعض وانبساطهم وكل حاجة وغالبا الانسان بطبيعته مش وحيد وهو بيميل لانه يتواصل مع غيره ورغم اني شخصيا انطوائي ورافض اني اتجوز اصلا ولكن دي حقيقة هو فعلا انسان طبيعته هي التواصل ف انه هو يلاقي حد يقدر يفهمه ويتواصل معاه ويكون مكتفي بيه ويكون شخص ده مش مسئولية في حياته او عباء عليه ف بتكون حاجة جميلة
ممم بصي هو حتي لو انتي متعوده تفضلي لوحدك ديه مش حاجه حلوه فكرة مثلا انك لو تعبتي لا قدر الله وانتي لوحدك محدش هيعرف يساعدك انتي ممكن تكوني متعوده علي الحوار بس هتيجي في فتره هتحسي انك كان لازم تجوزي وتعملي اسره عشان الانسان كائن اجتماعي لو انتي فضلتي منعزله هيضر نفسيتك انا مش بحاول اقنعك طبعا بس في ناس كبار عايشين لوحدهم لما اتسألو عن حاجات نادمنين عليها كان بيقولو انهم معملوش اسره عموما بالنسبالي عشان انا برضو جتلي فتره ومكنتش بطلع من البيا يعتبر وكنت شبه وحيد فا بالنسبالي الفتره ديه كنت حساس اتجاه اي حاجه بتتقال ليا بتأثر عليا او اني بركز فحاجات زياده عن اللزوم وكئابه طبعا زي ما قولت ممكن تكوني اتعودتي علي الوحده بس مش معناه كده انك تكملي فنفس الطريق وانك مش محتاجه حد فحياتك
متقدرش تعيش باقي سنين حياتك لوحدك ابوك وامك هيجو فوقت وهيروحو للي خلقهم هتبقا لوحدك في البيت وشعور الوحده ده وانك مش قاعد مع حد يونسك وحش اوي
عشان تعيشي مع رفيق في حياتك وتكبروا سوا
عموما بالنسبه لي ...الجواز بيكون دليل على أن في حد بيثق فيكي جدا لدرجه انه بياكل من ايدك و بيقعد معاكي ف نفس المكان ...بيحبك لدرجه انه بختارك تبقا معاه طول ...الجواز يعني كل حاجه نفسيه بتتقسم على اتنين ..الضحك على ٢ و الزعل على ٢ و التعب على ٢ ...الجواز فيه متعه و نشوه مش بس ف العلاقه الزوجيه ..كل دقيقه ف الجواز عباره عن حب بطريقه مختلفه عن الدقيقه اللي قبلها
مش لازم تتجوزي عادي، مرتاحه كدا خلاص، الموضوع مافيهوش إجبار