بقرأ حالياً ف كتاب "استقالة طبيب نفسي"، وفي كلام فيه حسيته مكتوب ليا ف حبيت أشارككم الكتاب واي اكتر حاجه شدتني وانا بقرأ أولاً: الإهداء، الكاتبة بتهدي الكتاب لكل حد الظروف الصعبة خلت منه "شخص ناضج"، ولكل حد لسه بيحاول رغم إنه مش دايماً بيوصل.. "إلى كل الظروف والاختبارات المؤلمة التي جعلت مني شخصا ناضجا، إلى السلام وقت الحروب، إلي كل شخص يُعافر رغم المحاولات التي لا تنجح، إلى كل من وقف صامدًا عند السقوط..." تعبك ومحاولاتك دي لوحدها كفاية ومش لازم ولا بضروه تنجحك فأخر الطريق يمكن العبره بالسعي، مش يمكن الكنز فالرحلة؟؟... ثانياً: الحياة أذاقتنا المرار القطعة التانية وجعت قلبي بس حقيقية جداً.. بتقول إن أغلب الناس مش محتاجة أدوية ولا مصحات، هما محتاجين بس: * شوية حب وأمان. * يحسوا إنهم مقبولين زي ما هما. * حد يسمعهم بجد، ويطمنهم بنظرة إنه "إنت مش لوحدك". يمكن دا اللي ممكن يخلي اي مريض نفسي شخص كويس ويمكن أننا كلنا مرضي نفسيين عشان "الكتمان" فعلاً بيقتل كل حاجة حلوة جوانا، حتى أحلامنا.. " كان الكتمان سيقتل فيهم كل شيء، نعم كل شيء حتى الأحلام التي في خاطرهم. لم أجد مرضى هنا، بل وجدت أشخاصا يريدون أن يحيوا على هذا الكوكب بهدوء تام ومحبة خالصة.... " قولولي.. إيه أكتر حته حسيتوا إنها بتوصف حالكم دلوقتي؟ أنا عن نفسي جملة "الكتمان سيقتل فيهم كل شيء" لمستني جداً.. شاركوني رأيكم. 💙 وان شاء الله اشاركم الكتاب شكراً ليكم🤍