يا جماعه انا بقالي فتره بتابع اللي بيتكتب هنا وبجد قلبي مع كل واحد شايل شيله لوحده وحاسس ان صوته مش مسموع. احنا هنا كلنا مجهولين يعني مفيش حد هيحكم عليك ولا حد هيعرف انت مين، وده في حد ذاته فرصه كبيره انك تتنفس وتطلع الكبت اللي جواك. الكلام المكتوب ساعات مش بيوصف الوجع صح، عشان كده البرنامج عامل ميزه الريكورد دي عشان نبره الصوت بتوصل اللي الكلام مش بيعرف يوصله. ​انا بشجع اي حد شايل سر او حاسس بخنقه مش عارف يحكيها لاهله ولا لصحابه انه يدوس على زرار الريكورد ويحكي. اتكلم وطلع كل اللي في قلبك، نبره صوتك وهي طالعه بصدق ممكن تريحك وتريح غيرك لما يحس انه مش لوحده في الوجع ده. مفيش داعي للكسوف ولا الخوف، احنا هنا عيله مجهوله لبعض بس قلوبنا حاسه ببعض. احكي سرك او خيبتك او حتي حلمك اللي خايف تقوله للناس، فضفض وسيب الريكورد يكون هو بدايه الراحه لنفسيتك. احنا هنا عشان نسمع بعض مش عشان نحكم على بعض، استعنا بالله وطلع اللي في قلبك