فيه اغنية بحبها اوي، مش هقول اسمها عشان ماخدش ذنوب يعني. ملخص الاغنية دي بيقول يعني، انه المغني لما عدى على الاماكن القديمة اللي اتعود انه يحبها هو وحد تاني، كان بيتسائل فعلا انو ياه، ده المكان اللي كنا بنحبه وده اللي كنا بنعمله وده وده وووو... ف ده خلق عندي وجهة نظر، ان مهما كنا ف موقف سيء اوي اوي بجد، ده ميمنعش اننا نبص على وردة في الشارع، او تدرج الوان السما وقت الغروب، او نبتسم لموقف لطيف او لحد حبينا شكله، ونروحله ونمدحه ونفرحه عادي، لان الموضوع لا هو عيب ولا هو حرام. هنيجي نكتشف في الآخر بقى، ان كل المومنتات دي هنفتقدها بعدين.. ممكن في يوم تدرج السما ميبقاش في متناول ايدك اصلا!.. وهنكتشف تاني، ان المومنتات اللي كنا بنقدم فيها العطاء لو بإبتسامة، كنا احنا اللي محتاجينه مش العكس. فااا استمتعوا بكل لحظة، وحاولوا تدوروا على الحاجات الحلوة حواليكم، عشان هنيجي ف وقت ومنلاقيش الحاجات دي تاني، ربنا ما يكتبها على حد ❤️‍🩹.