ازاي اتعاملت مش شعور الخذلان من اقرب الناس ليك؟

بصراحة ؟ من جوايا قررت محسش ان في حد قريب اصلا حتى ع مستوى الاهل بتعامل لله وبحاول اعمل الى عليا الى هو عمره م اتشاف كفاية بس بعمله حتى ع مستوى الصحاب والمعارف بعمل الى عليا لما بقدر لكن من جوايا انا مش حاسة لحد اى حاجة ..اتوجعت اوى اوى ووصلت لمرحلة الموت وكان التبرير معلش اعذري خليكي انتى الاحسن.. فقررت ابطل احس عشان مزعلش اصل الزعل بيكون ع قدر المحبة.

ضحكت وعديت الموضوع رغم انه كان اقرب شخص ليا يومي كله معاه ، افتكر أن هديه عيد ميلاده كنت بجهزها من شهرين ومع ذلك غدر بيا بأبشع طريقه ، بس احيانا مش بيكون عندنا اوبشن أننا نعيش الوجع اصلا ف بنتناسى.

لسه من قريب حاسه ب تبلد مشاعر وعدم قدره علي الكلام والحركه قاعده ف السرير مش عارفه افكر ولا اتعايش ولا اقوم ولا اعمل اي حاجة اكن دماغي اتشلت مش قادره افكر ومش حاسه اني في الدنيا هنا ولا عايشه مع الناس انا ف حتت توهان غريبه انا مش فهماها

اعلم ان الله وحده من يجزيك ، لا تنتظر جزائا من احد فيكون شريكا في نيتك مع الله فيستغني الله عن عملك الله وحده يجزيك على سيعك اسعى واجعل حياتك كلها لله اعط دون انتظار اجر مخلوق ، قوي علاقتك بالله ، خالق بخلق حسن الناس لله ان انتظرت اجر احد لن يرضيك وان قصدت الله وحده لن يخذلك

كل مره بتصدم و بقعد اعيط و لما بهدى بفتكر ان خلاص الموضوع عدا لكن ادركت ان كل صدمه بتقفل قلبي من الناس و من التعامل معاهم اكتر و اكتر و كل مدى خوفي بيزيد و بحس بقلبي و هو بيتحجر و مبقتش عارفه اضحك من قلبي ولا اثق ف حد تاني

معرفتش اتعامل مع ولا مرة حسيت فيها بخذلان كنت بكتم جوايا وافضل مش مصدقة ولحد دلوقتي مش عارفه اصدق وكل ذكريات الخذلان اتخزنت تحت سقف " ليه ؟! " هو انا قصرت في حاجة ؟ طب عملت حاجة ؟! . كنت يستقبل الخذلان بضحكة استنكارية بعدها سيل من العياط وبرضو مش بصدق

لم استطع ان اعطي اي رد فعل حقا، الشيء الوحيد الذي فعلته هو الضحك وقتها، كنت سأتخطى الامر و اتعامل كأني لم اعلم ابدا لكن قررت فحسب مواجهتها و الامر الذي قابلني كانت مجرد جملة "لم يجبرك احد على مصادقتي" هذا وحده يمنعني حتى من الشعور بالخذلان، فلا احد يستحق مشاعرك حقا لذا ها انا ذا اليوم بدون اي انسان بجانبي و انا بخير من ذلك