الاكتئاب اخطر من الإدمان.

ماما ماتت فجأة ..صحيت عليها وهي بتموت وبتطلع في الروح ..ماكنتش عمري اتخيل ان حاجة زي دي ممكن تحصل بالشكل ده حاولت اقوم واكمل وعيشت مع بابا اللي طول عمره مكانش قريب مني ومع ذلك كنت بحاول لغاية لما مات بعدها بأقل من ٣ سنين في الوقت اللي كنت بتعالج فيه من الاكتئاب بسبب موت أمي .. مات هو كمان وسابني لوحدي.. عايشة لوحدي تماما انهارت واتهزمت بجد حسيت ان مفيش فايدة وروحي بتتسحب .. كنت بجرح نفسي كنت بفكر ازاي اخلص من حياتي ..رجعت للعلاج وكنت باخد جرعات عالية وماعرفش انام من غير منوم .. زاد وزني وصحتي تعبت اوي بس دلوقتي بعد سنة و٤ شهور من وفاة بابا .. المفروض اني اتعالجت وبقيت أحسن عالاقل بقيت عايشة

في تجربتي مع مضادات الاكتئاب فضلت ماشي عليها من سن ال ١٤ لحد اما وصلت ١٦ و قطعتها لوحدي افتكر ايام كتير كنت بضاعف الجرعة لوحدي يعني لو باخد حبايتين فاليوم كنت باخد ٤ اما قطعته مرة واحدة بقي دايما في سؤال بسأله هو انا مين فدول يعني دا انا بعد اما قطعته ولا انا كنت انا و انا باخده ولا انا كنت انا قبل م اخده و اتعب مشقادر احدد لحد دلوقتي اللي اعرفه كويس انه سايب معايا اثار جانبية لحد النهاردة زي خلل ف انفعالاتي ممكن اضحك غصب عني لو منفعل و غيره

مكنتش اعرف ان عندى اكتئاب لكن كان كل فتره يحيلي شويه تعب و ارح اكشف كتير و تحاليل و اشعه و ف الاخر يقولوا نفسي و يكتبولى علي عللج للاكتئاب بقالى دلوقتى ٧ سنين او اكتر بتعالج. علي فترات كل مره لسبب مختلف و بترسى على علاج للاعصاب و منوم و حاجات للاكتئاب كتيره بحارل محفظش الاسامى عشان مكررش العلاج تانى لكن اللي بلاحظه ان كل الادويه فيها نسبه ادمان و في اعراض انسحاب و لازم نبطلها بالبطىء عشان منتعبش

عمرك ما هتعرف ان عندك اكتئاب غير لما تتعالج منه او انك تلحق نفسك اول ما تعرف وتحس انك محتاج مساعده بجد من شخص مختص، اما بالنسبه لتجربتي مع الاكتئاب انا مكنتش اعرف اصلا وقتها ان عندي اكئاب وكان عندي ١٤ وكنت فاهمه اني للي كنت بمر بيه مجرد ضعف ايمان ف بالتالي مكنتش بهتم ،وطبعا كنت بمر بعارض الاكتئاب الشأعه والمعرفه وقتها كنت كتير ان الحياه دي ملهاش لازمه ولا حتي وجودي ليه لازمه ف بتلتالي كنت بفكر في افكار انتحاريه كتير ،المهم قعدت سنه وكام شهر مصابه بالاكتئاب، وعرفت اني مصابه بالاكتئاب قبل العلاج بشهر وفضلت ادور عل دكاتره يكون العلاج اونلاين لان طبعا فكره الدكتور النفسي منبوذه من المجتمع، وبالفعل اسمريت في العلاج ٦ شهور ،منكرش ان العلاج ساعدني كتير و خصوصا الدكاتره النفسين ،عشان كده لو حد خايف ياخد الخطوه لمجر "الناس هتقول اني مريض نفسي" ف طز لان بجد انت اللي بتتأذي وكل ده بيأثر عل دراستك، شغلك، علاقتك بأهلك، علاقتك مع الناس وربنا.

كنت احب وحدة من كل قلبي و لازت احبها بس مدري ايش لي يخصل انا ادري انا راحت تدرس و عقلي عمال يخترع سيناريوهات مدري ليش كذا اكتئب وحزنت حزن كتير و صحتي نزلت الف و ليا اسبوع بلا نوم مشتاق لها و مش شايف غيرها