حد عرف يتخطى حاجة هو كان بيحبها واستحالت إنه ياخدها ؟

لا طبعا صعبه اوي بس هنعمل ايه عادي هنعيش بس المشكله لما الشخص التاني يبقا مش فارق معاه ورجع لي حياته تاني عادي ولا ايه حاجه كانت موجودة من الأول اصلا وكمان رجع للشخص اللي قال مستحيل يرجع له وتكتشف ان انت كنت سد خانه او بيتنسي بيك حد قديم للاسف انت كنت مصدق الكلام اللي الشخص اللي قدامك كان بيقوله المشكله ان انت حبيته بجد بس خلاص كل حاجه راحت

هو أنا كنت ناسيه ل6 شهور مثلاً وبعدين فجأه رجعت افتكر كل حاجه الأسبوعين الي فاتوا دول معرفش ليه ومعنديش فكره ممكن يكون ليه رغم إني أنا الي نهيت الصداقه دي بنفسي بس لسه بفكر وبstalk وحتى بقيت بسرح واتخيل مواقف لينا وأحيانا دماغي بتقولي وفيها ايه لما تبعتي وارجعوا اتكلموا بس أنا عارفه إنه مينفعش فبقاوم الأفكار دي بقول يمكن دا القدر وهنرجع تاني بس مش من ناحيتي،وبرضو معرفش إزاي لأني قافله كل طرق الوصول ليا حرفياً بس الله أعلم قولولي أي تفسير عشان اسكت دماغي أو قولولي حاجه تخليني أكرهه بجد مش بهزر أنا اتجننت غالباً

كل الي كاتبين انهم اتخطو ف الحقيقه ان محدش منهم اتخطي مفيش حد هيعرف يتخطي حتي لو مبقاش فارقله بس هيفضل افتكرها اذا كانت اهل او علاقه او اين كان اي هيا م بقول كدا من فراغ انا كانت روحي ف حاجه وسبتها بقالي 4 سنين ومقدرتش اتخطي لحد دلوقتي

انا للاسف فيه مشكلة او ابتلاء كبير...الموضوع بدأ اني سعيت كتير لحلمي سنين وسنين وبعد ما وصلت له و بقى ف ايدي ضاع مني و الناس شمتت فيا وحاجه مش بايدي اتظلمت يعني ...هل كده دلوقتي المفروض اتخطى ازاي ده ؟ هل ممكن يكون ربنا ابتلاني بعد ما اوصل لحلمي ؟ اكيد ربنا احن واكرم ..انا جديد هنا ومش فاهم حاجه ومحتاج حد احكيله ويقولي اعمل ايه

بصراحه ما عرفتش خالص و عايزه اعرف مش قادرة انساه ولا ثانية ولا لحظه و نفسي ان يرجع جنبي و اسمع ضحكه و هزاره معايا بجد و اتمنى ان يرجع تاني، بس الظروف منعت كل الكلام ده ، و مش عارفة ارجعه ليا تاني ازاي