مش عارف ليه هكتب اصلا بس أنا زهقان ملان مش لاقي حاجه اعملها مفيش حد أكلمه أو اطمن عليه فعادي ممكن اكتب هنا و خلاص و مش عارف هتكلم عن ايه ولا في ايه بس أنا هسيب ايدي تكتب العايزاه و ذي ماتيجي تيجي حياتي متضمره متدشمله مش عارف الاقي الكلمه الصح بس رايحه في داهيه من كتر اللا مبالاة مبقتش اعمل اي حاجه في يومي و دا البيفسر انا ليه مش لاقي حاجه اعملها و معن بعد ما هخلص كتابه هروح اتفرج على فيلم و يسحلني ساعتين بعدها ارجع للواقع تاني و اعمل حاجه تانيه تخلص وقتي في الحياه تحس ان انا عايز دكتور نفسي صح، غالبا مش عايز أنا محتاج بس هل أنا عايز اتعالج؟ لا هل انا في بيئه تصلح للعلاج؟ لا ممكن اكون بدي مبررات اني مش عايز اروح علشان المبررات دي هي التبقى باينه للناس و يسكتوا علشان فضولهم اتملى، بس اكيد الأسباب الحقيقية الهي مش عندي محدش هيهتم يعرفها اه مش لازم حد يهتم يطبطب أو يواسي اصلا ولا حتى لازم حد يتأقلم مع الأنا عايشه دا و علشان كدا نفسي اسيب المجتمع بتاعي و اطلع منه نهائيا فعلا هل دا كمان مبرر؟ وارد فعلا و وارد جزء من الحقيقه اعتقد ان أغلبنا كدا و اظن ان اغلب القرا فهم أنا فين دلوقتي بس اشطا خلاص عادي يعني طولت عليك أنا آسف ضيعت وقتك أو سحلتك بحاجات عشوائية و شكرا عموما