انا ف مرحله وحشه اوي ف حياتي جايز كتير منكم مش هيفهمني بسانا بجد خايفه ع نفسي من المرحله دي انا متجوزه عملت حقن مجهري تلات مرات حصل حمل مره ونزل والمره الاولي محصلش المره التالته حصل وكمل لحد السابع وجالي الوجع بتاع الولاده وحصل وولدت توام بنوته وولد كانوا صغيرين اوي يا روحي دخلوا الحضانه وانا فضلت معاهم رغم ان الحضانه ف بلد تاني بعيد عن بلدي لحد ما الدكتور خرج قال البنت اتوفت اخدناها ورجعنا بلدي دفناها واحنا هنا ف البلد رنوا قالوا الولد مات رحنا جبناه ودفناه انا حاليا مش قادره اقاوم الم روحي حتي النفس اللي باخده تاعبني انا حاسه اني عاوزه اروح وراهم بجد تعبانه ومش قادره اقرب من ربنا ولا من حد جوزي حاول بقرب مني يمكن يحصل حمل مشيت ورحت لاهلي ومش عاوزه اروح بيتي حماتي ساكنه تحتي وناويه تتخانق عشان خرجت من البيت عشان قالت مينفعش وانا مش قادره ع الخناق ولا اي حاجه انا صوت عيالي بسمعه ف وداني وساعات بحط ايدي ع بطني بحس حركتهم انا تعبت ومش عارفه اتصرف مع نفسي كل ده انا مش حكياه لحد بس خايفه بجد
ربنا يصبرك ويعوضك يا رب ابتلاك شديد بس تاكدي ان الله لا يعطي اكبر المعارك الا لاقوى الجنود مسيره من الايام والله هتجيبي واحد واثنين وثلاثه وهيعوضوكي عن اي حاجه وحشه شفتيها ادعي وبس احنا في رمضان اهو ما فيش حاجه تقف بينك وبين الاستجابه
ربنا يخفف عنك و يصبرك و هوا ابتلاء شديد بس انتي قده و باذن الله خير هما مرحوش للأبد بالعكس كلها فتره زمنيه معينه و هتجتمعي بيهم تاني في مكان احسن بكتير باذن الله وصبرك ع الابتلاء دا عند ربنا ليكي اجر كبييير جداا وعظيم تخيلي انهم هيكونو حجاب ليكي من النار وباذن الله ربنا يربط ع قلبك و يرزقك الصبر بس لازم تطمني نفسك انه خير من ربنا ولو اطلعنا ع الغيب هنحمد ربنا ف كل حاجه احنا فيها
ربنا يجعلهم شفعاء ليكي يوم القيامة. ربنا هيعوضك خير ارجعي لجوزك وبيتك. وكل اما تفتكريهم ادعيلهم وتصدقي كتير. ؛ لو في مشكلة عندك او عند جوزك حاولو تعالجوها. ربنا يبرد نار قلبك ويشفي روحك ويقربك منه ويهديكي ويصلح حالك. مينفعش تقولي مش قادرة اقرب من ربنا الشيطان بيهيألك كده، هتروحي فين ف الاخر مهما رحتي ومهما دماغك هيأتلك والله والله والله هترجعي لربنا ف قربي من ربنا وربنا هيعوضك عوض عمرك م شفتيه ف حياتك. ابتلائك كبير اوي، أن الله اذا احب عبدآ ابتلاه. ربنا يجعلهم سبب دخولك الفردوس الاعلى افرحي انتي بإذن الله هتشوفيهم ف الجنة.
بس متخسريش جوزك لنو هوا كمان عانا وتعب وبيتقطع من جوه حتي لو مش بين ده
اتفضل اسال
ربنا يخفف عنك ويرزقك توام تاني يارب ويملو عليكي بيتك