أصعب حب ممكن تعيشه هو لما تحب واحدة أكبر منك وهي شايفة الموضوع كله تسلية مش أكتر أنت داخل بقلبك كله وهي داخلة بنص اهتمام بتيجي على مزاجها وتمشي على مزاجها تديك كلمة حلوة ترفعك لفوق فجأة وترجع في لحظة تسحب منك كل حاجة كأنك ولا حاجة وتسيبك قاعد تفكر هو إيه اللي حصل تفضل تقنع نفسك إنها ناضجة وإنها أكيد فاهمة الدنيا أكتر منك وإن فرق السن ده حاجة حلوة مش مشكلة بس الحقيقة إنك كنت بالنسبالها وقت فراغ شوية اهتمام شوية كلام شوية ضحك وخلاص وهي عارفة إنك متعلق بيها بس مش فارق معاها كفاية إنها تحافظ عليك أو حتى تراعي مشاعرك وأنت كل مرة تستنى منها حاجة تثبتلك إنها حاسة بيك بجد تلاقي نفس السيناريو بيتكرر تكلمك لما تحب وتبعد لما تحب وتسيبك تايه في أفكارك بتسأل نفسك ألف سؤال ومفيش ولا إجابة وفي الآخر تفوق متأخر شوية وتفهم إن المشكلة مش في فرق السن ولا في الظروف المشكلة إنك حبيت بجد وهي كانت بتلعب وإنك كنت شايف كل حاجة واضحة بس اخترت تكمل عشان قلبك سبق عقلك والحقيقة اللي بتوجع إن اللي عايزك بجد عمره ما هيحسسك إنك اختيار مؤقت ولا هيخليك تستنى بالشكل ده مهما كان سنه أو ظروفه