محتاجة نصيحة لاني تايهة ومش عارفة اتصرف انا دلوقتي مامتي متوفية قرابة الخمس سنين هي كانت اقرب واحده ليا وهي الي كانت شايلة مسؤوليتي كاملة لما اتوفت والدي بدأ يتحمل مسؤولية دراستي وهكذا ديما كنت اتكسف اطلب منه مصاريف أزيد من الدروس مكنتش بتكلم عن مصاريفي انا ك بنوتة ليا احتياجات هدوم وغير وغير ف كنت باخد زيادة عن مصاريف الدروس ادفع المصاريف والباقي ابدأ احوش فيه واجيبلي الي محتاجاه لغاية ما دخلت الجامعة بدأت اطلب منه مصاريف هدوم مواصلات للأمانة فضل فترة يديلي الفلوس بس لازم يسأل هجيب ايه بيها الاول وده من حقه اكيد بس كان بيستفسر زيادة عن اللزوم وانا اصلا بطلب منه وانا في كامل احراجي اساسا المهم بدأ يرفض يديلي مصاريفي الشخصية ويسألني كتير اوفر واقوله مصاريف شخصية ليا يقولي زي ايه وميرضاش يديلي المصاريف ف دلوقتي حرام عليا اطلب منه فلوس بحجة اكتيفيتي للكلية أو لما already يبقى مطلوب مني حاجة للكلية اطلب أزيد شوية واحوش واجيب احتياجاتي ولا اعمل ايه لاني تايهة ومش عارفة اتصرف ازاي واتخنقت حقيقي
هل هوه ماديا كويس.. اولا.. لو اه. يبقي حقك تاخدي منه بالطريقه اللي تنفع معاه مفيش حرام.. لكن لو هوه الدنيا مخبطه معاه حاولي تتاقلمي حتي يغنيكي الله من فضله
مصاريف الكليه كتير جدا حتي اختي بتشتغل دوري على شغل و على فكره أقل حاجه دلوقتي 1000
مش ممكن هو عنيه على واحده و عايز يصرفك 😂 بحجه انك خلاص اتجوزتي و هو عايز حد يهتم فيه
الأحسن انك تبدئي تشتغلي في الاجازه مثلا في حاجه ليها علاقه بمجال دراستك وتعتمدي على نفسك
يبقي عشان كده يا معلمه 😂 اكيد كمان ماديا الناس دي كويسه ما مش محتاجه تصلي صلاه استخاره
هو جيبلك عريس وانتي رفضاه
حاجات كتير ممكن تمسكي صفحات تردي علي الكومنتات وتبعتي تفصيل المنتج للناس او خدمة عملاء منتج او شركة بتاعت خطوط كدا يعني
تمام يبقا يديكي الفلوس بقا وبعدين انتي ممكن تشتغل من البيت اصلا وتطلعي فلوس هي مش هتكون كتير بس هتمشي الدنيا معاكي
لو مرتاح ماديا وانتي محتاجة الفلوس دي فعلا زودي وخلاص
قوليلوا انك هتنزلي تشتغلي في الاجازة عشان انت مش عاوز تديني مصريف ليا وهو هيحس وهيقولك شغل اي وهيديك الفلوس