جماعة دلوقت انا حساسة اوي بطريقة تخنق وللاسف مش بعرف اقلل ده وفي ناس كتير مشيت لما مقدرتش تستحمل ده ف من فترة اتعرفت علي واحد كان حنين كويس اوي نفس الشخص اللي كنت عايزاه في بالي وقولت كل حاجه ليه ان شخصيتي كده وكده ومش هتقدر تستحمل قعد يقولي ملكيش دعوة والكلام ده جه من بداية شهر واحد وحرفيا اتغير بطريقة غريبة بدأ يعمل كل اللي بيضايقني وبقيت اتساب لوحدي منغير مبرر للاختفاء ده قولتله انت لو مليت براحتك قولي مش هجبرك بده لكن رده انه لا ومستحيل ف بقي حرفيا كل يوم خناق بسبب انه مشاعري بقت مرهقة ليه واني مش بقدره جه من فترة حصلت مشكلة مع ان المفروض انه مش متضايق مبقاش يرد لو بعت لكن بيكون اونلاين ولو اتبعت اي رسالة ليه من حد تاني كان بيرد لكن رسالتي انا مش مترد عليها فترة المهم انا بعتله وبعدها مبعتش تاني الفكرة اني مش قادرة اتخطي وبقعد افتكر شخصيته قبل كده وبشوف انه كان كويس وانه انا اكيد الغلطانه مع اني المضرورة هو وعدني بحاجات كتير حرفيا عمل بيها مرة واتنين وبعدها فكس انا مش بحب اللي يخلف بوعده معايا طول عمري مكملش حاجه بحبها ولا حد عمل حاجه اتوعدت بيها ف ده بيخليني حساسة اوي ممكن اكون غلطانه في نقطة معينة بس انا قولتله عليها في بداية كلامنا كلامي ممكن يكون ملغبط ومش مفهوم كويس بس لو حد عنده حل او نصيحه لده اتمني يساعدني اني ابطل تفكير شوية
الدنيا مبتقفش علي حد هتتعبي شويه هتحسي أن مش قادره بس هرجع واقولك الحياه مبتقفش علي حد مش هتموتي من البعد هتتوجعي بس هتتعلمي ان مش اي حد تامنيه علي نفسك الدرس دا بيوجع بس بيعلمك تحبي نفسك وتقدريها
لو كل واحد فينا بص ل كميه الوعود الي اخدها من الي حوليه وشاف الوعد دا اتصان ولا لا بجد بجد هيتعب دا شخص ناقص استغل واجعك الي بيحب مبيذيش ولا بيتجاهل الي بيحب بيعمل المستحيل علشان يخلي الطرف التانى مبسوط بس دا الي بيحب بق انتي شوفي الي حصل معاكي هل انتي شيفاه حب اصلا بالي بيعمله دا
فاكتبي كل حاجة وحشة هو عاملها معاكي وكل حاجة حلوة هتلاقي في تناقض كبير فده علشان مش حقيقي فأول خطوة هتاخديها هو اتجاهك إنك تطلعي الوهم من دماغك في الوقت ده متكلموش خالص ولمي ورقك وشوفي انتي حاسة بإيه بعد ما شوفتي حقيقته وأهمية اللي في خيالك فالوقت اللي هتختفي فيه لو مسألش عنك فهو أصلا مش حاططك في أولوية وعارف إنه هيغيب ويرجع بكلمة الموضوع هيتخلص ملخص كلامي العلاقة الصحية مش بتخليكي تحتاري أوي تكتبي الكلام ده أو تقعدي تفكري هو بيحبك أو ليه اتغير أو هو مش بيتكلم ليه أو أو وتتعبك في تفكير وتوصلي لاحتراق نفسي بسبب العلاقة دي اللي بيحب بجد مش بيسيب علامة استفهام طول الوقت ودائما بتكوني أولوية عنده وبيسعى دايما علشان يرضيكي نصيحة مني ليكي حاولي تصنعي حياة بعيد عن الشخص ده واشغلي نفسك بشغل أو أصحاب اخرجي وشوفي حياتك ومتقوليش تشوفي الحياة كلها في شخص واحد
هو وصل لمرحلة إنه ضمنك للأسف وهو عارف أولك وآخرك إيه انتي رسمتي في دماغك في الأول عن قد إيه هو مثالي دماغك خزنت ده إنه مفيش منه اتنين ولكن ده مش حقيقي دي صورة وهمية هو خلاكي ترسميها علشان هو يحس إنه فارس مغوار اللي أنقذك من كل حاجة وحشة ولكن ده مش حقيقي مبدئيا انتي محتاجة تقعدي مع نفسك وتقنعي نفسك إن كل اللي رسماه في خيالك مش حقيقي وإنه مش زي ما انتي حطاه في خيالك وإن دي صورة انتي رسمتيها بس علشان نفسك تكون حقيقية وإن نفسك لضغوط نفسية جواكي أو نقص معين في حياتك فمحتاجة تقولي لنفسك إنه مش كويس زي ما انتي رسمتيه لأن الكويس بيفضل كده لأن ده طبيعي بتاعه مش بيحاول يتصنع ده ولكن اللي بيتصنع حاجة أو بيمثل فهييجي وقت ويزهق من التمثيل
الشخص المناسب ليكي هيحبك زي مانتي،متفكريش كتير ومتدخليش تكلميه تاني والاحسن امسحيه من عندك ده هيقطع عندك حوار التفكير فانه طب ادخل اكلمه او اسأله او او كلها حاجات هتقل منك وهوا لو اتقفل منك دلقتك هتخليه يترسم عليكي اكتر يا هيشفق عليكي ويرد عشان يريح ضميره بس،كده كده الي هيحبك بجد هيتشقلب عشانك فمتقبليش بالبواقي ولا تغلطي نفسك اقفلي السكك كلها من نحيته بهدوء