انا طالب مغترب والحمد لله يومي ماشي زي منا عايز اصحي بدري وانام بدري واكل مظبوط وصحي ووالدتي طبخاهولي ربنا يباركلها ،بروح جيم وبهتم بصحتي ، يومي الحمدلله منظم وان جيت ف مره نمت متأخر بحاول اظبط الدنيا تاني ، بس لما انزل اقعد مع اهلي كل دا بيبوظ ، نومي بيبوظ وبنام متأخر جامد ودا بيتعبني ، مش بنزل جيم فاليومين اللي بروحلهم فيهم ، اكلي باكل اللي موجود وخلاص حتى لو كان مش صحي زي بطاطس مقليه مثلا وجبنه علب وده بالمناسبه اخطر حاجه ، كل حاجه فوضي ، حتى المذاكره مش بعرف اذاكر عشان ولا نوم ولا اكل ولا حتى الرياضه مظبوطين ، دايما انا اللي شايل البيت ، بس على حاجات هايفه ، لازم انزل انا اجيب الطلبات ، اخواتي عايزين يتعشوا استنى لما يقعدوا ساعه يفكروا وكل دا وانا قاعد مستنيهم ، تشتت وقله نوم على مدار اليوم ، غير اني كل ما اذاكر يقولولي انت جي تقعد معانا ولا تذاكر ، ذاكر فالسكن ولما تيجي هنا اقعد معانا ، ف عايز افاده عشان لما جربت احل الموضوع بإني منزلهمش زعلوا وقالوا اني مش عايز اشوفهم وقلبي جامد عليهم وكلام زي انك لو جالك سفريه مش هتسأل فينا ولا حد هيسمع صوتك
ربنا يعينك
اعتبره بر يا صحبى وعدى اليومين دول
لو نايم متأخر مثلا اجبر نفسك انك تصحي في نفس المعاد كل يوم وحاول تكمل اليوم لغاية معاد نومك وهتلاقيه بيتظبط تاني
حاول تقعد معاهم ولما ينامو تذاكر اه ممكن نومك يبوظ بس مش مشكلة لما ترجع ابقا ظبط نومك ومش لازم يعني بردو تذاكر ف الفترة الي انت رايح تقعد فيها دول اهلك وانت مش بتشوفهم لو مش عارف تتعايش بعد كدا انزل وقت اجازتك ف دراستك مثلا مش عارفة بتدرس اي بس اكيد زيك زي اي حد بياخد إجازة يعني
وبعديم من امتا الدنيا ماشية بالمسطرة معانا لازم اسبوع جيم ويوم فري مثلا
بالنسبة للمذاكرة بص حاول وانت هناك تظبط نومك نام عالساعه 10 مثلا واصحي عالفجر زي دلوقتي وابدأ ذاكر لحد ما يصحو قول انهم هيصحو الساعه 8 او 9 ف هتذاكر كويس اوي لان المكان بيكون هدوء وكله نايم وبالنسبه للأكل ف كل معاهم من اللي هما حاطينه ولو حاطين اي حاجه صحيه كلها بس لو في حاجه مش صحيه كل بس خفيف واوعي تفكر انك مش تروحلهم عشان دول اهلك
قلل الاجازات اللي بتنزلها وحاول تفضي نفسك ليهم اليومين ال بتنزل تقعد مع اهلك فيهم لان ليهم حق عليك برضو وبيستنو الشوية ال بتقعد معاهم فيهم ولو احتجت تذاكر ذاكر فالوقت اللي بيكونو نايمين فيه بحيث تبقا قعدت معاهم وخلصت ال عليك برضو
ذاكر اول باول عشان متحتجش اليومين دول تذاكر جديد وخليهم مراجعه وعادي يبقي دول اليومين الfreeبتوعك لازم تنزل تشوفهم قابل صحابك كمان عشان تغير جو البيت أو اخرج مع اخواتك كلو بره مثلا عشان تحس أنه حاجه جديده بتحصل في اليوم كأنه ترفيه عن نفسك من الروتين اللي عايش فيه طول الاسبوع
ياصاحبي يومك لازم يختلف من مكان لمكان ما طبيعي يبني جو البيت بيخليك حاسس براحه والوقت في البيت بيعدي بيرعه جدا
هو انت بتنزلهم فعلا كام يوم؟ حاولو تخصصولكم كدا اعدة مسائية كلكم وعلي الاقل انت تفصل شوية حاول تخلص كل حاجة بدري بحيث يفضي وقت تعد معاهم
مش كل حاجه بتمشي بالسنتي ولو حاولت تعمل كده في حاجه هتبوظ وثانيا انت فتره بتقعد في السكن اكيد هيوحشك البيت وأخواتك فا انت بتسيب السكن علشان تفك تروح تذاكر فا دي رخامه اصلك اي الي جابك طيب المفروض دي فتره راحه بالنسبه للاكل لو شايف انو مش صحي ادخل انت وأخواتك المطبخ جربوا حاجه جديده سو بس متبقاش قافل علي نفسك اووي كده مينفعش