انا عندي مشكله دلوقتي انا شكلي حلو وطريقتي ولبسي حلوين والحمدلله يعني كل حاجه عندي تمام واخلاقي كويسه جدا وبخاف ربنا ف انا دايما شايفه نفسي كتيره علي اي حد وكل ما حد يتقدملي او حد يحاول يتكلم معايا بغرض خطوبه او جواز دايما بشوف انه اقل واني مش قليله واستاهل الاحسن يعني مثلا مره يجيلي اخلاقه كويسه وشكله مش احسن حاجه وانا قموره وببقي عايزه حد شكله كويس ومره تانيه ييجي شكله كويس بس مثلا مش بيصلي ومعظم الشباب اليومين دول عقليتهم مش بتعجبني نهائي ولا بحس تفكيرهم زيي عمري مثلا ما عرفت حد واتكلم معايا ف حرام والحلال قبل كدا مش حاطين ربنا اولوليه ف كل حاجه وانا بيلفتني ف الراجل عقله وطريقه تفكيره واهم اهم حاجه قربه من ربنا مش عايزاه متشدد خالص خالص بالعكس فرفوش وكل حاجه لان انا بردو يعني مش شيخه ولا منقبه ولا مختمره انا بحجاب عادي بس يعني عايزه شخص ف حدود المعقول يكون بيتقي ربنا دايما بيجيلي شخص بحسه ناقص حاجه الاقيه فيه حاجه ملاقيش التانيه وانا بالنسبه لي كل الحاجات ديه اساسيه مقدرش استغني عن حاجه فيهم ف جالي ناس كتيره جدا وناس كتيره جدا كلمتني وانا مش حاسه اي حد وكل ما اشوف حد بردو بحس ان لأ مش دا الشخص اللي انا عايزاه ومش عارفه هل هلاقي الشخص دا اصلا ولا مبقوش موجودين طب مثلا عشان اتنازل عن كام شرط من الشروط ولا بجد اعمل ايه بحسني شخصيه معقده شويه وصعب التعامل معاها ومش اي حد بيدخل دماغي بسهوله ودا بيخلي اي حد عرفني قبل كدا يتقفل مني ومن طريقتي لان كمان حاطه حدود ف التعامل زياده عن اللزوم وديه حاجه ممكن تضايق البعض ف تفتكرو اتنازل شويه عشان اعرف اعيش ولا استني وربنا هيعوضني باللي ف دماغي؟؟