أنا معترف إني اتألمت، ومش بخجل من وجعي، بس معترف كمان إني طولت الوقوف عنده. معترف إني أحيانًا استخدمت اللي حصلي كمبرر للخوف، وللتأجيل، ولإني أستنى حد ينصفني بدل ما أنقذ نفسي. معترف إني كنت مستني اعتذار أكتر ما كنت مستني خطوة. بس النهارده أنا مش بنكر اللي حصل ولا بقلل من وجعه أنا بس برفض أكمّل فيه. اللي فات مش تعريف ليّ، واللي اتاخد مني مش قيمتي، واللي سابني ما خدش معاه قوتي. أنا مسؤول عن اللي جاي حتى لو اللي فات ما كانش باختياري. ومن اللحظة دي أنا بختار أكون إنسان بيتوجع بس ما بيعيش ضحية.

1

1