الوحدة أثرت عليا وخليتني عندي رهاب اجتماعي

Question

انا عشت فترة لوحدي وبعدا عن الناس المشكلة بقي نمط حياتي لا بقعد مع ناس ولا ناس بتقعد معايا من البيت للشغل ويوم الإجازة بنزل لوحدي للاسف الوحدة أثرت عليا وخليتي شخص منطوي وعندي رهاب اجتماعي

Watermelon_64667 🇪🇬 · Accepted Answer

مكانك فين يا صاحبي

Biscuit_52238 🇪🇬 · Answer

الحل انك تاخد خطوات للتغيير، تبدأ تود الناس من تاني، الموضوع هيبقى مرهق نفسيا للغايه وممكن تشتم نفسك بعدها وتقول ايه اللي عملته في نفسي دا بس الحل انك تتحرك متفضلش واقف تتأسف على حالك، شوف حد من صحابك وانزل معاه او لو عندك اخوات او حد من قرايبك او يمكن زميل في الشغل، ابدأ اتعامل مع الناس وبادر انت واتحرك واخرج من الكومفورت زون بتاعتك والامر مش هيحصل في غمضه عين لكن اكيد انك هتنجح في مره

Banana_77958 🇪🇬 · Answer

لما بتعامل مع الناس الناس بتاخد بالها اني مش اجتماعي

Biscuit_52238 🇪🇬 · Answer

طب ما عادي ايه يعني، زي ما قولتلك الموضوع مبيجيش من مره واحده، في الاول هتعك الدنيا لكن مره في مره هتبدا تحس ان فيه تغيير حتى لو بسيط، اهم حاجة في كل دا انك تكون واثق من نفسك وراضي عنها لو وثقت في نفسك كلام الناس ولا هيأثر فيك وهتسهل الموضوع على نفسك انك تتعرف على ناس وتخرج وتعيش حياتك رغم انطوائيتك وبجانب دا ابدا شوف فيديوز عاليوتيوب وطور من مهارات التواصل بتاعتك لان دا هيفرق معاك بشكل كبير

Banana_77958 🇪🇬 · Answer

اسكندرية