حاسة بحزن وقهر مش قادرة أعبر عن اللى جوايا

Question

حاسة بحزن ووجع وقهر فظيييييع لدرجة مش قادرة اعبر عن اللى جوايا صح بخاف حد يسألنى مالك في اى بعيط جوايا اوووى وبخاف انى حد يلاحظ دا ويعرف انى مش كويسة  بس ف نفس الوقت نفسي حد يحس بيا ويعرف انى مش كويسة بس مش انا اللى اقول 😔😔😔

Popcorn_69454 🇪🇬 · Accepted Answer

فاهمِك جدًا. الاحساس بالخوف من مواجهة الناس عن حقيقة مشاعرنا اللي بنحسها بيبقي دايمًا شيء مش صحي خالص و كمان بيخسرنا ناس بيبقوا هما الامل الوحيد اللي ممكن يطلعونا من الحالة اللي احنا فيها دي.
جربي تدي لنفسِك وقت و فرصة انك تعرفي ايه اللي بيخليكي تحسي بالحزن دا و حاولي تكوني صريحة مع كل الناس اللي حواليكي عن مشاعريك و متأكد انِك هتحسي براحة اكتر.

Blueberry_64231 🇪🇬 · Answer

انا عامل زايك

Banana_63901 🇪🇬 · Answer

اهم حاجة تعرفي تخرجي من الحاله الي انتي فيها دي

Avocado_53960 🇪🇬 · Answer

قربى من ربنا وان شاء الله ترتاحى

Coffee_69831 🇪🇬 · Answer

الحمدلله ملتزمة بصلاتى وورد واذكار وبشتغل الحمدلله

Coffee_69831 🇪🇬 · Answer

مهما كان مفيش حد حيوصل لنفس حالتى 
مفيش حد جنبى ولا أصحاب ولا أهل ولا متجوزة ومستحيل اكون فى ارتباط غير شرعى 
حرفيا لوحدى

Banana_69832 🇪🇬 · Answer

الجو العام يجعلنا في حالة حزن غير مبرره

Coffee_69831 🇪🇬 · Answer

والله عام وخاص

Avocado_53960 🇪🇬 · Answer

سافرى وابداى من جديد فى مكان تانى .. تعالى نسافر سوا

Coffee_69831 🇪🇬 · Answer

عارفه اى اللى مخلينى حزينة ومش عارفه اتخطى وكل مااجرب افوق واتغير ارجع اسوء من الاول 
بس كل دا لوحدى من غير مساعده مش عاوزة حد يساعدني بسبب كبريائي مش عاوزة ابان ضعيفة ونكسورة قدام حد اى كان مين

Coffee_69831 🇪🇬 · Answer

للاسف معنديش قدرة انى اعمل كدا أهلى مش حيسمحوا بكدا ومش معايا ماديات انى اقدر اعمل كدا

نفسي اصلا اسافر واعيش ف مكان جديد وناس جديده وحياة جديده

Popcorn_69454 🇪🇬 · Answer

طلب المساعدة عمره ماكان ضعف او كسر لشخصية حد مهما كان مين. و عادي جدًا انه الواحدة لما تفوق و تبتدي تبعد عن حزنها ترجع تاني و اكتر من الاول. حاولي تشوفي حد من اللي حواليكي اللي ممكن يساعدوكي و مهتمين بيكي و اياكي تترددي في انِك تكوني صريحة مع نفسِك قبل ما تبقي صريحة مع كل اللي حواليكي.

Strawberry_68928 🇪🇬 · Answer

بصى انا زيك معنديش حد وعندى رعب من الوحده وكنت طول الوقت عياط واكتئاب لانى لوحدى ده غير بقى احساس الظلم اللى بعيشه 
وانى عايشه ميته ومحدش حاسس عارفه بقيت كل ما احس بكده أجرى اتوضا واصلى واتكلم واحكى لربنا مره على مره هتستغنى عن اى حاجه وتحسى براحه 
بذكر ربنا سبحانه وتعالى هيطمئن قلبك