محتاج أفهم نفسي.. المشكلة فيّ ولا في البني آدمين؟

Candle_35182 🇪🇬

منذ 13 ساعة

شعور محبط

محتاج افهم نفسي مش عارف انا اللي عندي مشكله فعلا والا المشكله ف البني ادمين حاسس ان الحياه ماشيه تلطش فيا رايح جاي وجود الناس مش مضمون من هنا ل دقيقه قدام وهل الموضوح زياده عن اللزوم و انك تقول عيوبك كامله من غير تحوير ولا لف و دوران بيتقلب ضدك وياريت لو حد ليه ف الروايات يقترح عليا حاجه اسحل نفسي فيها ميكونش فيها أي ملل شكرا

اني افوق وأبقي بني آدم سوي وأعرف أحب زي الناس

اني افوق اني ابقي بني ادم سوي اني اعرف ايه معني الحياة اني اعرف احب زي الناس مش شرط يكون بين اتنين بيحبوا بعض شاغل بالي اني الاقي صحاب كويسين وشبهي ويفهموني اني ابقي ناجح اني ابعد عن النيكو.تين ...عرض المزيد

9 الدعم

0 نصيحة

مخنوق ومتضايق.. بس لقيت حد يفهمني أخيرًا!

انا مخنوق ومتضايق وجوايا طاقة غضب وزعل كبيرة مكنتش أعرف وقتها اية السبب… وليه أنا وصلت للمرحلة دى فجأة فكرة إنى الاقى حد يفهمنى مكنتش موجودة، طيب الاقى حد يسمعنى أو مهتم يعرف انا بحس بإية، بردو مكنتش موجودة "الناس مش فاضية، وكل واحد فيه اللى مكفيه، ومين أنا علشان الناس تسيب اللى فى ايديها وتبص فى وشى وتسمعنى بودانها !" ده كان الكلام اللى بقوله لنفسى 👆🏽 لحد اما مبقيتش قادر اخرج من البيت، ولا بقيت قادر اتحرك، بضيع وقتى عالفون والأيام بتعدى شبه بعضها، مفيش جديد لحد اما ربنا بعتلى الشخص المناسب فالوقت المناسب اللى يسمعنى بإنصات.. وكمان يعرف يحتوى كويس اوى كل كلمة أنا بقولها ويقدر يفسرلى ليه انا حسيت بالمشاعر دى، وهل اللى انا عملته ده صح ولا غلط ونظرتى لنفسى المفروض تكون عاملة ازاى بعد اللى قلتهوله وكمان صححلى مفاهيم وأفكار مغلوطة وكنت فاكر إنها صح وقتها واحدة واحدة بدأت استوعب انا واقف فين بدأت أتحرك ورجعت نفسيًا طبيعى من تانى وحمدت ربنا إن الطاقة والكتمان اللى تراكم جوايا طلع اخيرًا "اللى من البداية مكنتش عارف سببه ايه" لحد اما اكتشفت إن الصمت التام هو أبشع أنواع الموت البطيئ.. علشان كدة بكتبلكوا الكلام ده دلوقتى، جايز يكون حد شبهى. أرجوك وأرجوكى إتكلموا استغلوا فرصة إننا هنا منعرفش بعض وفنفس الوقت خايفين على بعض ايًا كان نوع وحجم مشكلتك او اللى إنت بتحس بيه، إياك ثم إياك والتراكمات والله انا مزاجى ونفسيتى اتغيروا تمامًا بسبب إنى إتكلمت بكل حرية وعبّرت بدون خوف وقلق عايز يكون عندكوا شوية شجاعة، جايز جدًا بعدها حياتكوا تتغير ١٨٠ درجة بعتذر جدًا على الإطالة، لإن كان لازم اقول كل ده علشان ترحموا نفسكوا وتطلعوا كل اللى فى قلبكوا 🤍 ربنا يخفف عنكم كل أوجاعكم 🥹 ...عرض المزيد

9 الدعم

2 نصيحة

مش فاهمه نفسي.. ازاي أفهم اللي جوايا؟

هو ازاي بتفهمو نفسكم وتعرفو اللي جواكم مش متخيله ان ممكن اسأل حاجه زي كده بعد العمر ده بس دي حقيقة تايهه في السؤال ده اوي مش عارفه افهم اللي جويا بس فاهمه اللي حواليا ودي مشكلة ان اكون فاهمه مين كويس ومين وحش ومكنش عارفه اصنف نفسي تبع انهي فيهم مكنش فاهمه امتى بكون حاسه بايه يمكن دي هي المشكله الحقيقية في كل حاجه بتحصل حتى لما بتكلم مع حد بيقولو مش فاهمينك ومعاهم حق مين هيفهمني يعني اذا كان انا نفسي مش فاهمه نفسي ...عرض المزيد

7 الدعم

6 نصيحة