عندى مشكلة ف انى بحتاج مشتات كتير حوليا يعنى ممكن اشغل حاجة اتفرج عليها وف نفس الوقت بعلب لعبة ومع كل دا بكون سرحانة لاانا مركزة مع الى بتفرج عليه ولا مع اللعبة ولو بكلم حد نفس الكلام انا مش مركزة ..بس ف نفس الوقت مبقدرش اقعد من غير كل دا بحس انى مضايقة اوى مش عايزة اقعد انا ودماغى لوحدنا بحس بفراغ.. ولو حد هيسألنى بتعملى ايه ف حياتك انا خلصت الكلية من مدة كبيرة حاولت اعمل حاجات كتير ف حياتى بس مكنتش بكمل حاولت وحاولت لحد م مش عارفة حصل لمخى ايه مبقاش عندى إدراك للوقت ولا للزمن ولا لأى حاجة كنت زمان ممكن انام كتير اوى أغلب الوقت دلوقتي بتخنق من فكرة النوم بس محتاجة دايما مشتتات.. وعشان اكون صريحة حاسة انى وصلت لمرحلة انى مش عايزة حل او حتى لو كان في حل انا بسوف ..استنفزت كل محاولاتى وكل قوتى..الحياة ففترة شيلتنى فوق طاقتى او استغفر الله لا يكلف الله نفسا الا وسعها لكن استهلت طاقة كبيرة عشان الى حوليا ففترة حصلتلنا فيها ازمة كبيرة وهى موت بابا مكانش هو السبب الاساسي لكن كان اكبر سبب . غير انى طول الوقت مطالبة ابسط ابسط الحقوق بقيت بحس بالذنب لو طلبتها فمبقتش بطلب الحياة بالنسبالى بقت واجبات بس بعملها ومهما عملت فبكون مقصرة ف نظرهم بعمل الى بيطلب منى وبعد كدا بلجئ للمشتات دى بحس ان دا بيريحنى لكن مع الوقت لاحظت ان حتى دا مبقاش نافع الغيامة ع عقلى بتزيد .. انا تقريبا مبقاش عندى اصحاب لانى مبكلمش حد الحياة كلها حاليا البيت وماما ..ماما الى مهما اعمل شايفانى برضو مقصرة وتفضل مكشرة او تزعق.. اختى بتدرس ف محافظة تانية لما بتيجى بتفضل قاعدة او تنزل تخرج هى بتيجي تغير جو .. عندى مشاعر انه اتسلب منى كل الحقوق الانسانية حتى لو بشكل غير مباشر اتجرحت كتير اوى والمشكلة ان الكل مكمل حياته انا بس الى مش عارفة اعيش حياة طبيعيةوحتى لما حد بيحاول يساعدنى بسوف

0

3