هو أنا مجنون عشان بعمل كل ده؟ ​يا جماعة، أنا محتاج أفضفض لأن الحمل بقى تقيل أوي على قلبي ومحتاج حد يسمعني بجد. أنا شاب لسه متخرج في 2023، ومن يومها وأنا محارب؛ اتخرجت من تجارة إنجليزي جامعة القاهرة بتقدير "جيد جداً"، وما ريحتش يوم.. شغال شغلين؛ إداري الصبح ومحاسب بعد الظهر، وبذاكر لكورس الـ PMP وبجمع شهادات دولية عشان أبني مستقبلي بعرقي. ​أنا إنسان طبيعي، قلبي بيحن للقطط والكلاب وبلعب معاهم، وده جانب "نضيف" في روحي بعتز بيه. لكن اللي بيحصل معايا بقاله فترة فوق طاقة البشر.. لقيت ناس حواليا وناس في جروبات بيحاولوا يهدوا كل اللي بنيته. بيشككوا في أخلاقي وبيقولوا عليا "منحرف" و"مجنون"، وبدأوا يوصلوا الكلام ده لزمايلي ومديرين في الشغل. ​وصلت لمرحلة إني بقيت بخاف من خيالي، وبقيت قاعد على الرصيف مش قادر أدخل مكاني، وحاسس بنوبات هلع (Panic attacks) بتموتني كل يوم. وعارفين إيه اللي بيوجع أكتر؟ التوجس والرعب اللي عايش فيه إن شغلي "يمشيني".. خايف إن تعبي في مراجعة الحسابات والبيانات والـ يروح في لحظة بسبب "كلمة" اتقالت في ظهري، أو عشان شافوني مهزوز بسببهم فيفتكروني "مش متزن". ​هل المجنون هو اللي بيشيل مسئولية شغلين وبيدور على النجاح بالحلال؟ ولا المجنون هو اللي بيفضي نفسه عشان يدمر مستقبل شاب كل ذنبه إنه مجتهد ورحيم؟ ​أنا قررت النهاردة إني أروح لدكتور نفسي، مش عشان أنا "مجنون" زي ما بيحاولوا يقنعوني، لا.. أنا رايح عشان أسترد "نفسي القديمة" المحاسب الناجح اللي هما حاولوا يدفنوه، رايح عشان أتعلم إزاي أحمي أكل عيشي ومستقبلي من سمومهم. ​أنا محتاج دعمكم، ومحتاج حد يقولي إن "الجيد جداً" اللي جبتها بمجهودي والشهادات اللي خدتها هي اللي حقيقة، مش كلامهم.

1

11