أخلاق

شوفت من فترة فيديوهات لبنات طالعة تحسبن عالمراقبين إنهم كانوا شادين اللجنة.. اللي هو يخربيت الاستحقاقية الزائفة والتطاول وقلة الحياء دخلت قبل كدا النقاش دا مع صاحبي ودي حاجة من اللي كانت بتستفزني كان بيحاول يبرر الغش بأي طريقة ويجيبها إن لو مغشيتش مش هطول والعبط دا وباصص للموضوع من ناحية دنيوية جدا وناسي إن كل شئ في إيد ربنا ومن ترك شيئًا لله عوضه خيبًا منه وإن الدنيا كلها متسواش عند ربنا جناح بعوضة وإن لله رزقكم وما توعدون وإن كرم ربنا مش مجرد في مجموع والنظرة المحدودة دي غلط ودي حاجة سيئة لو مشقادر تقاوم الحرام أقل حاجة متنكرش إنه حرام وربنا يهدينا جميعًا ويوفق الناس اللي ف ثانوي بالحلال

" حط نفسك مكان الناس " ساعتها منظورك هيختلف .. مثلاً انت مسلم عشان اتولدت مسلم ؟ لو كنت اتولدت مسيحي كان زمانك بتكره المسلمين مثلا وبترفض النصيحة ولو اتولدت يهودي كذلك برضو هتكره المسلمين وهكذا .. انت مش حرامي عشان لسا مترميتش في الشارع ةاترفضت من المجتمع فـ ملقيتش سبيل تاني .. وانت مش شاذ جنسيً عشان محصلكش اضطراب نفسي او اتعرضت لأعتداء في طفولتك .. انت مش خاين عشان لسا معندكش الدافع اللي تخون عشانو ؟ كلنا خاينين بس معندناش لسا الدافع وكل شخص ليه وقت ويخون .. لما تحط نفسك في الموقف ساعتها ممكن تفهمو .. محدش بيقدر الحرية غير لما يخش القفص خلصت ..

#فضفضة_بسيطة ذكور جائعة جنسياً، وإناث جائعة مادياً حتي المشاعر بقت مؤقته مش بقول كله بقا كدا بس الاغلب ان الشب بقا يُقاس بما يملك في جيبه و البنت تُقاس بما تملك من مؤهلات جسدية، مجتمع انشغل بالمظاهر حتى نسي جوهر الإنسان، فغابت القيم وحضرت المصالح، وتراجعت الأخلاق أمام بريق المال والشكل، صار التقدير يُمنح لمن يملك أكثر، لا لمن يستحق أكثر، وأصبح الحكم على الأشخاص يتم من خلال ما يظهر للعيون لا ما تحمله القلوب والعقول. وعندما تختزل العلاقات في المنفعة، يفقد الصدق معناه وتصبح المشاعر سلعة قابلة للمساومة، فيعيش الجميع بحثاً عن الإشباع المؤقت بينما يزداد الفراغ الحقيقي اتساعاً. يمكن المشكلة عمرها ما كانت في قلة اللي عندنا، يمكن كانت دايمًا في قلة اللي بقينا عليه المشكله ان الناس الحقيقية تاهت بجد وسط كل ده لما تلاقي شخص كويس بجد حاول تمسك فيه تحافظ عليه وراجع نفسك ديما ماشي ف طريق يرضي ربنا ويصلحك ولا رايح لمكان يهلكك اسال الله صلاح الحال لينا جميعا 💙

بلاش لو شوفنا حد بيعمل حاجه وحشه او بيعمل حاجه غلط نتريق او نعيب فيهم او نغلط لان حرفيا الزمن هيدور وهيجي عليك وقت تلاقي نفسك بتعمل نفس الحاجه وقتها هتبقي قصاد نفسك اللي هو هيحصلك هو "الذهول". فجأة بتلاقي شريط كلامك القديم، أو نظرة الاستعلاء اللي كانت في عينك وأنت بتعيب، بتتعرض قدامك زي المراية. الصدمة هنا مش من الذنب نفسه، الصدمة من أنا؟ معقولة أنا بقيت الشخص اللي كنت بنتقده؟

انت لما بتقولي كلمه وانا اصدقها علشان ده الطبيعي مش علشان انا طيب وبصدق أي حاجه، علشان الكدب مش هو الحاجة اللي المفروض تبقى سايدة، لما تيجي تحلفلي بربنا، انا عمري ما هكدبك ولا هفكر انك بتضحك عليا، علشان انت بتحلفلي باللي مفيش أعظم منه علشان انا اتربيت على أن مينفعش حد يحلف بربنا كدب، فمتخلوناش على طول نسأل نفسنا هو ياترى اللي قدامنا ده كداب ولا صادق

هي الناس ليه؟؟ يا جماعة انا مستاءة جدا بجد، يعني ايه معيدة تغلط ف طالبة ازهرية بدون وجه حق غير انها ست مش محترمة ومعندهاش اخلاق ولا ضمير وتقولها الفاظ خارجة، يعني ايه بجد الناس لما ربنا يمكنها تفتري وتبجح وتغلط، يعني ايه اي حد ربنا حطه ف مكانة عشان يخدم الناس يبقا متكبر ومتعجرف ومفكر انه ملك زمانه، ياريت الناس تتقي الله وتعرف انه حتى لو اتخطينا والموقف عدى ربنا مش بينسى، انت مين عشان تقف كدا قدام ربنا وانت منيم حد مأذي انت مين بجد؟ وكلمة بقا للستات ربنا قال وقرن في بيوتكن خلاص يجماعة بلاش ستات تشتغل بلاش تنزلي من بيتك وتتولي امور واحنا غالي علينا العاطفة انتي لو حد مدايقك مش هتعرفي تتعاملي وهتكشري واحتمال تأذي وانتي مش واخدة بالك بلاش ننزل نواجه حاجة احنا مش قدها ومتخلقناش ليها ومش بتاعتنا ارجوكم كفاية عته وكل واحد يكون رقيب ع نفسه وتصرفاته

مساء الخير 🌸 "ويل للعرب من شر قد اقترب، فتنا كقطع الليل المظلم، يصبح الرجل مؤمنا، ويمسي كافرا، يبيع قوم دينهم بعرض من الدنيا قليل، المتمسك يومئذ بدينه، كالقابض على الجمر" حقيقي كل ما بكبر وبقابل حاجات وناس كتير أوي بفهم قد ايه صعب ان الواحد يحافظ على أخلاقه وعلاقته بربنا في الزمن ده .. زمن كله فتن وشرور وتسهيل للحرام بكل أشكاله زمن بيتقال فيه للمحترم انه معقد يمكن كمان يسخروا منه ويتجنبوه .. فيفضل وحيد منبوذ وكأن الأية اتقلبت زمن بقى الصح فيه أقلية .. زمن قاسي والرزق الحلال صعب وشاق لأقصى حد بس يكفينا اننا بنجاهد ..حقيقي جهاد النفس بكل طرقه حاجة كبيرة أوي يكفينا ان كل ابتلاء وكل لحظة صعبة وكل احساس مؤلم في ميزان حسناتنا لعله شفيع لنا يوم الحساب 🤲 الدنيا فانية وكلنا رايحين وأتمنى بجد يكون ربنا راضي عني اللهم اقبضني إليك وأنت راض عني وأحسن خاتمتي وأعني على نفسي 🤍🤍

كنت من فتره حكيت مشاكل حصلتلي ف حياتي ومن ضمنها إني كنت مرتبطه بشخص وللأسف خلاني اخسر أغلى حاجه عندي وكل إللي بيقوله عيشي حياتك لحد م نشوف حل وعمال يرتبط وعايش حياتهولا كأن فيه حد تاني حياته باظت دلوقتي أنا بيتقدملي عرسان وبرفض ف لو فكرت أوافق ف يوم اعمل ايه أنا مبحبش اخبي ف المفروض احكي وهو وقتها يكون ليه الحريه يوافق أو يرفض صح؟ معظم إللي بيتقدمولي معجبين بيا وشايفين إني شخص كويس ومحترم وحقيقي دي أكتر حاجه بتزعلني على نفسي إن الناس كلها تحلف ب أدبي أنا اروح اعمل كده مش قادره أسامح نفسي بجد

"يفنىٰ العباد ولا تفنىٰ صنائعهم ،فاختر لنفسِك ما يحلو بِه الاثر " اتمنى ان كل مراهِق يدرك ان الحياة الحقيقية تبدأ بعد الموت ، استثمروا شبابكم فيما يرضي الله خلو اخلاقكم حسنة واثركم طيب استيعنوا بالله واشتغلو على انفسكم ✨

السلام عليكم جماعة هو منطق الحدود ف التعامل بين الولد والبنت سواء ف الكلية او الشغل المفروض يقف عند فين يعني مثلا نكون بنتكلم برايفت ف شغل مثلا بس الكلام يودينا لحجات تانية ونهزر وكدة والهزار بيزيد كمان او الكلام يكبر انه يوصل لكلام ف حياتنا الشخصية نفسها هل ده عادي طيب لو الكلام ف الجروب عام جروب تيم مثلا ف الكلية عادي ان البنات والولاد تتكلم وتهزر سوا مش عارفة لو الكلام متظبط او قدرت اوصل الفكرة ال ف دماغي بس مش انا ال بعمل كدة مش انا ال بتكلم لكن الناس ال حواليا هما ال بيعملوا كدة وال هو عادي بيقولوا احنا اصحاب او زمايل اه الكلام مش بيوصل لصحوبية او علاقة بين ولد وبنت بس انا بحس ان انا ال غلط او انا ال اوفر لأن شايفة ان ده مينفعش يحصل حتي لو ف الكلام العادي دينيا مينفعش واعتقد اخلاقيا واجتماعيا بردو ف عموما اي رأيكوا والحدود المفروض تكون لحد اي

هو لي معظم البنات بقت كدا مش فاهم ، انا معظم صحابي فالجامعع بيكلموا بنات وانا بشوفهم دايما وبنسلم على بعض ، يعني الاقي صاحبي ماشي مع صاحبته وبيسلم عليا وانا اسلم عليه وعمري ما بصيت للبنت اللي ماشيه معاه عشان اعرف مثلا مين ده ، وعمري حتى ما سألتهم اتعرفتوا على بعض ازاي عشان بحترم زمايلي واخلاقي متسمحليش اني ابص للبنات اللي معاهم او اني اتكلم عليهم ، ومع ذلك ، صاحبه صاحبي تقعد تبصلي عمال على بطال وحرفيا لو انا روحت بدأت كلام معاها هتكلمني عادي وممكن تسيب صاحبي ومش كدا وبس مره كانت عماله تبصلي واحنا فالجامعه وصاحبها قاعد جمبي واول ما صاحبها حس بالموضوع قامت بصاله وضحكاله عشان متبينش ، يعني انا كشاب مش بيص للي ف ايد غيري وانتي كبنت بتبصي على شخص تاني خالص ومش بتبصي عاللي ف ايدك ، بغض النظر عن انه حرام وهيفضل حرام ، بس انا بتكلم عالموقف نفسه وافعال الناس

بما ان مجال شغلى فى الاسنان وبما ان الحرام كتير اوى فى المهنة دى زى قلة التعقيم وقلة الضمير انا عاوز اقول ان اكتر من 80% من العيادات مفيهاش تعقييم يرضى ربنا وبما ان الفرص مش كتير فللاسف دا المتاح والواحد مبقاش عارف ينزل الشغل ويقلل الحرام الى بيحصل،بس مش هيمنعه طبعا لان مفيش امكانيات ولا منزلش اصلا واسيب الدكاترة تعبث فى الناس

هو بقا مستحيل الاقي واحده نضيفة من غير ماضي أو عقد نفسية ؟ انا بشتغل ودخلي كويس ورياضي ومحافظ على الصلاة بفضل الله وتقريبا كل حاجه عندي تمام لكن من سنين مدخلتش في أي علاقة مع واحده ولو حتى شات أو صداقة لأني مش بعترف بحاجه زي كدا اللي هو مينفعش أكون في حياة واحده إلا الأول والوحيد وإلا بنسحب بهدوء اتقدمت كذا مره وكل مره بلاقي كوارث مع أن طلبي بسيط تكون جميلة و مطيعه لكن سبحان الله أغلبهن لا دين ولا أخلاق وأوقات حتى ولا شكل في المقابل إما عاوزه خروف تسحبه وراها أو يكون لها ماضي وانا متربيتش على كدا انا اتربيت في بيت الكلمة فيه للراجل وبس والدي عمره ما مد ايده على والدتي ولا غلط فيها لكن هي بتعمله الف حساب في غيابه قبل حضوره ومش بتتخطى كلمة يقولها بقارن بلاقي اني بتعامل مع شياطين مش بشر

السلام عليكم يا جماعه بحس ان في المجتمع في اي دوله الاخلاق الحلوه بقت بتخلي صاحبها الناس الي في سنه مش عارفه تتعامل معاه و مش لاقي حد عنده اخلاق ولا طموح حلو مش لاقي صديق يحتويني يسال عليا

جماعة انا متقدملي عريس هو مريح ف الكلام والأخلاق كويسة جدا بس شكلا وجسما مش نفس اللي بتمناه خالص ولا ستايل اللبس هو مقبول بس يعني اسفة مش متخيلة أنه يبقي جوزي آخره صديق كلام ف مش عارفة اعمل ايه مستخسرة أخلاقه و احترامه وف نفس الوقت الشكل مأزمني و خايفة ارفضه ربنا يعاقبني و ملاقيش شخص محترم كده تاني عايزة حل ضروري 😭😭