أفكار

انا هنا علشان عندي شغف وافكار كتير بس خبرتي غير كافية لتنفيذها والبيئة ال انا فيها صعب عليهم يفهمو دماغي او يساعدوني فلو حد هنا عندو نفس مشكلتي او عنده افكار محتاج مساعده ممكن نساعد بعض

نازل عليا كميه سكوت و هروب من الواقع بشكل فظيع مش عارفه اتخطي الاحساس دا و مش عاوزه اتخطاه طاقتي خلصانه من كل حاجة مش عاوزه اعافر تاني عاوزه اخد هدنه من نفسي و افكاري و الدنيا كلها بجددددد

هوا ليه بجد كل الي هنا بمجرد متيجي تحكي حتا منغير متخلص كلامك تلقي بيهجمك ويقولك غلط وحرام منا عارف كويس انو غلط وقرفان من نفسي بس بحكي عشان ارتب افكاري جدعان بجد وجودي هنا بنسبالي كارثة الي هوا واصل لدرجه عاوز حد ميعرفش عني حاجة عشان اعرف احكي ولما جيت احكي اتخنقت بس بجد محدش حقو يحكم عليا انا مخنوق بجد كرهت الناس الي حافظة نصيحه وخلاص عاوزه تقولها للكل

أخشى أن يمضي بك العمر لتكتشف متأخرًا أن تعاستك كان منبعها رأسك، أن هزيمتك جاءت من أفكارك، أن خوفك هو الذي كبل خطاك أنك كنت تستطيع أن تسلك الطريق بشكل آخر ــــــــــــــــــــــــــــــ

عايز طريقة سحرية ألم بيها المنهج كله قبل يوم السبت، من بعد يوم السبت انا ضعت خلاص🤙 عايز افكار لحد فعلا كان في المواقف دي ونجا منها بأعجوبة وبس انا بحاول حالياً اكمل ال ١٥٠ كلمة وكدة يعني انتم فاهمين

نفسي اوي اعيش كل لحظه في حياتي واستمتع بيها اتامل كل لحظه وكل دقيقه حاسه اني بضيع في عمري في افكار والخناقات اللي ف دماغي، ممكن تكون الدنيا صعبه فعلا وممكن اكون انا اللي مصعباها ع نفسي نفسي اعيش كل دقيقه واركز في الحاضر انا طول الوقت زعلانه ع الماضي او قلقانه ع المستقبل معتقدش ان عدى وقت عيشت الحاضر غير قليل اوي نفسي اعيش مبسوطه وابطل جري

في موضوع معين وعاوز اخد رأيكم فيه ، بس ياٍٍريت اٌّللي يرسل يكون ميتكلمش او مينصحش ب اراء عق. ائد. ية نهائي بأي شكل من الاشكال ، غير كدا بلاش يبعت ، وياريت لو حد عندو تقبل لأفكار الآخارين لانو الموضوع له علاقة بالجانب العق. ا. ئدي بشكل مختلف شوية

بصراحة شوفت فيديو لشخص بيتكلم عن إنه ساب بلده وسافر برّه لأنه اصبح بلا دين و حس إن هناك مساحة أكبر إنه يعبّر عن أفكاره بدون خوف من هجوم الناس عليه أو رفضهم ليه. وكان بيقارن بين المجتمعات العربية والمجتمعات الغربية، وإن الغرب بالنسبة له أكثر تقبلًا لأي اختلاف في الأفكار أو أسلوب الحياة. الكلام خلاني أفكر فعلًا في نقطة مهمة جدًا، وهي: هل معنى الحرية إن أي فكرة لازم الكل يتقبلها ويعتبرها شيء طبيعي؟ وهل أي شخص عنده رأي مختلف عن المجتمع أو الدين لازم المجتمع كله يقتنع بكلامه حتى يُعتبر “متفتح” أو “متحضر”؟ أنا شايفة إن فيه فرق كبير بين الاحترام وبين الاقتناع. يعني أكيد لازم نتعامل مع أي إنسان بأدب وإنسانية مهما كان مختلف عننا، لكن ده لا يعني إن أي شخص لازم يغيّر مبادئه أو يتخلى عن قناعاته الدينية عشان يثبت إنه متفهم أو متعلم. المجتمعات العربية والإسلامية ليها ثقافتها وهويتها الخاصة، ومن الطبيعي إن يكون عندها حدود وأفكار مختلفة عن الغرب. ومش أي اختلاف يبقى معناه تشدد أو كراهية. بالعكس، ممكن الإنسان يرفض فكرة معينة دينيًا أو فكريًا، وفي نفس الوقت يظل محترم في كلامه وتعاملاته. اللي فعلًا محيرني إن بعض الناس بقت تعتبر إن أي اعتراض على أفكارهم هو هجوم شخصي أو جهل، مع إن الاختلاف بين البشر شيء طبيعي جدًا من زمان. وفي النهاية، كل واحد حر في اختياراته، وربنا وحده أعلم بالناس وبقلوبهم، لكن برضه من حق أي مجتمع يحافظ على هويته وقيمه بدون ما يُتهم بالتخلف أو عدم الفهم. ربنا يهدينا جميعًا للخير ويصلح حال الجميع.

انا بحرق تفكير بنفسي حول اشياء واشخاص متورط معاهم وما اقدر اسوي اي شي حول اي شي وفقط حؤق تفكير وما اقدر اوقف ، هذا الشي خلق عندي عادة بديت افتح اغاني صاخبة اي شي صوته اعلا من افكاري ومرات حتى هذه ما تعمل كل هذا كوم والتفكير الي يجيني كل ما اتذكر اللحظة الي كنت فيها قريب من الحل وما سويته من الخوف

اشتاق لماما ، انا قلقان من ردة فعل شريكتي حول اذا عرفت الي ما ابغى اقوله حول افكاري الي امر فيه الي اشعر فيه ، حول اللي كنت اجبن من ان افعله وهذا التخلف الي وصلنا الى كل هذا ، خيبت نفسي وخيبتها ، وقلق حول الورطه الجديدة اللي خليت نفسي فيها

في حد هنا بيفكر وهو نايم؟؟ انا بنام أقسم بالله افكر في مشاكلي وباخد قرارات فيها وانا نايم ووالله بقيت بصحى في نص نومي ابعت رسايل لناس على أساس الحاجات اللي انا فكرت فيها وخططتلها وارجع انام تاني الموضوع مزعج ومتعب اووووي

انا أصلا لييه انزل التطبيق واكتب وادور حد يعطي ردو فعل على افكاري والي واشعر به وامر به ليه احس اني احتاج هذا ، هذا غلط انا ضعيف تماماً مثل ما قال بابا خيبة امل ما رباني الرجال حتى اكون كذا ، ولا تبدي حول امر شريكتي المسكينه

عايزه ابدأ اصنع محتوى ويكون بيتكلم عن المواضيع بشكل عامل والعلوم زي الدحيح كده وكمان ممكن اقول حاجات دينيه بس مش عارفة ابدأ على انهي منصه لأني عايزه اطلع فلوس من المحتوى ولو بدات من يوتيوب حاسه ممكن منجحش + لو عندكو فكرة ل ل اسم الشانيل او الاكونت الي هعمله شاركوني بيه

للناس اللي عندها اكتئاب أفكار للمود down مفيدة وسهلة، حاجة ترجع شعور الحياة والانبساط والخفة، بس تكون بسيطة يعني مش هروح أتعلم لغة جديدة مثلا، حاجات في المتناول وممكنة وقريبة، أي فكرة موجودة برا وجوا الصندوق

انا أستاذ برتقالة، بس من اكونت تاني حاسس اني مكتئب، اكتئاب اخر الليل دة بس حرفيا دماغي بتقعد ترجع القديم والجديد وحاجة آخر قرف معرفش المفروض في الحالات دي بعمل ايه واتصرف ازاي بس حاسس اني تعبان

ساعات بفكر هل لو رجع بيا الزمن لورا شويه هل هعيش نفس الفيلم من تاني ولا هغير في الأحداث كتير انا عن نفسي أكيد هعمل فيلم جديد انتا هتعمل ايه ؟؟طيب لو بإيدك ترجع تغير حاجه هتغير اي انا هغير life style

عندي مشكلة وهي إني بكره الشغل، بكره أصحى أروح الشغل لو مش عندي شغل أصحى بدري لو عندي بصحى بطلوع الروح، بعد الوقت لحد ما أروح، بآخد أجازات، طول الوقت حاسة إني محبوسة وبضيع حياتي، مش متخيلة إني هشتغل طول عمري، مش عارفة إذا كان دا جزء من الاكتئاب، إدوني أفكار كويسة للموضوع دا..

مش عارف اكتب اي وله اقول اي لكن مشكلتي بكل اختصار اني عندي افكار قصص كتير ووقناه على اليوتوب بس مش عارف اكتب اي حاجه وله أنفذ اي حاجه عندي كسل بطريقة غير طبيعه فا حد لو عندو نصحيه أو يعرف حد يساعدني ازي هكون شاكر لي جدا

ف موقف غريب حاصلي من كام يوم كنت قاعدة مع واحده صحبتي هي حد كويس يعني ف كنا بنتكلم ع حوار الزواج ف ورتني صورة لابن عمها وبهزار بتقولي اجوزهولك وكدا ف انا حسيت اني اعرفه او شكله مألوف بالنسبالي المهم عديت الموقف ومفكرتش نهائي فيه ولا جا ف بالي حتى الكلام ده من حوالي اسبوعين تلاته المشكلة بقا بقالي يومين مش عارفه ف اي بيجي ع بالي وبفتكره بحاول اتلاشي واستغفر وابعد دماغي بس بلاقي غصب عني بيجي ع بالي ونا حاسه ان شكله مألوف، بس بقول لأ مينفعش واضح انه شخص لا شبهي ولا انا شبهه ف بلاش افكر بس بجد غصب عني كل شوية يجي ع بالي لما اتخنقت حد فاهم حاجة؟! 😩

نفسي الاقي حد يسمعني واسمعه من غير حكم على حد زي ما بسمع الناس ومش بحكم عليها احكوا الي نفسكوا فيه او مخبيينه ومحدش يعرفوا عنكوا ونفسكوا تحكوه ومش لاقيين حد نسمع بعض ونفضفض ونشوف حل لكل مشكلة ونرتب الافكار ونسمع بعض بجد من غير حكم على حد

جوايا مواضيع كتير بجد فبالي و تايهه ازاي بتقدروا تخرجوا افكاركم و تحكوا انا مش فاهمه نفسي علشان حد يفهمني بجد حاولت وفشلت كتير اويييي بقيت محبطه و حاسه اني ميته بدون مبالغه لاني مش عارفه اعبش بجد خالص و نفسيتي وحشه وانا بكتب البوست اصلا عيط

انا بجد دماغي ديه محتاجة تهدي و تبطل عبث و يعني ايه الفكرة اللي قاعدة بفكر فيها بقالي شوية يعني ايه بفكر اني اكون مع واحد و افضل قاعدة معاه طول الوقت (حرفيا طول الوقت) و اسيب الشغل اقنعهم في البيت البيت اني في الشغل و كمان يديني فلوس احوشها اكنها من المرتب الله عليا و علي احلام اليقظة ديه اتا رأيي فعلا اني محتاجة انام و اتغطي 😂 اصل بجد ايه العبث ده كل ده علشان زعبت شوية في الشغل ربنا يهديني

كنت بستغرب لما الاقي بنات بتقول أن الاكس بيرجع بعد مدة كبيرة زي ٤-٥ كده ومكنتش ببقى مستوعبة ازاي بيفضلوا فاكرين بعضهم اصلا لحد النهارده ما دا حصل معايا ولقيته بيكلمني بعد ٤ سنين تقريبا ولسه مش فاهمه هو عايز ايه برضو! ومش قادره ابطل افكر أن اللي انا عايزاه ممكن يرجع بس هيكون الاوان فات

في داخلي باب لا يُفتح إلا قليلًا، ليس خوفًا من العالم، بل لأن ما خلفه لا يُفهم بسهولة، هناك حيث تختلط أفكاري بأحلامي، وتتشابك مشاعري دون ترتيب، حيث أعيش بعمق لا يسمح لي أن أكون عابرًا في حياة أحد أو أن يكون أحد عابرًا في حياتي، ومن هنا بدأت وحدتي، لا كغياب، بل كمساحة لم أجد من يجرؤ على دخولها. أنا لا أبحث عن أنثى تُكملني، بل عن أنثى ترى في المشاركة فعل وعي، لا مجرّد احتياج، أنثى تشاركني أفكاري حين تتشظى، وأحلامي حين تبدو بعيدة، ومشاعري بكل تناقضاتها، العاطفية منها والجسدية، دون أن تخاف من صدقها أو تُخفيه خلف أقنعة اعتادها المجتمع. أرى حولي عالمًا يثقل المرأة بقيود لا يفرضها على نفسه، عالمًا يختزلها في دور، ويخاف من حريتها أكثر مما يحترم إنسانيتها، يُربّيها على الخوف من رغباتها، وعلى الشك في مشاعرها، وعلى كتمان صوتها حتى لا تخرج عن الصورة المرسومة لها، وكأن كونها إنسانة كاملة خطر يجب احتواؤه لا حقيقة يجب الاعتراف بها. ولهذا، حين أقول إنني أريد علاقة مختلفة، فأنا لا أبحث عن كسرٍ للواقع بقدر ما أبحث عن مساحة صادقة داخل هذا الواقع، مساحة نلتقي فيها دون رقابة داخلية، دون شعور بالذنب، دون أن نحمل على أكتافنا أحكام الآخرين، علاقة يكون فيها لكلٍّ منا حقه الكامل في أن يشعر، أن يفكر، أن يرغب، دون أن يُدان. أنا مستعد أن أشارك أنثى أختارها كل ما أملكه، ليس فقط من وقت أو اهتمام، بل من وعي، من احترام، من إيمان بأنها شريكة لا تابعة، إنسانة لها حق التجربة والخطأ، لها حق التعبير والرغبة، لها حق أن تكون نفسها دون أن تُختصر أو تُقاس. وربما ما أبحث عنه ليس سهلًا في عالمٍ اعتاد التكرار، لكنني ما زلت أؤمن أن هناك أنثى، في مكان ما، لم تقتنع بالصورة الجاهزة، ولم تخف من صوتها الداخلي، تملك الشجاعة أن تعيش كما تشعر، لا كما يُطلب منها، وأن تختار أن تدخل هذه المساحة معي، لا لنكسر العالم، بل لنكون صادقين داخله.

الفتره دى الواحد بدا يفكر بزياده فى حاجات كتير و مش عارف يوقف تفكيره مهما حاول فكرة الدخول للنوم دلوقتى مرعبه عشان خايف من التفكير و بقى فى ارق جامد و مش عارف انام اى الحل مش فاهم الغريب انى مكنتش كده

مخنوقه اوي من كل حاجة ، عندي ناس كتير يعرفوني بس بردو حاسه بالوحدة وان مفيش حد شبهي ف كل دول ومش لاقية حد صح احكيله ويفهمني ، محدش بيهتم ومحدش هيحس اني فعلا موجوعه ومخنوقه مدايقة من كل حاجة عايزة اكون لوحدي وفنفس الوقت الوحدة بتموتني وصوت أفكاري عالي وبفكر كتير وبعيد حاجات وذكريات وبندم ع حاجات وقتها فات وعدا والندم مش هينفع حاجة بس بردو بحس بالذنب واني مقصره ومهمله ومخنوقه ومحدش مقدرني ومحدش محترم حياتي ولا مديني مساحتي ولا كياني

مش عارف اقول ايه وله ابدا منين اول مره اجرب احكي اي حاجه عني اوي مش بي الساهل احكي ديما معروف عني كاتم وديما الي بسمع وبحل وعندي حلول لمعظم المشاكل. بس ده تقريباً شعور الكتمان وكل ده من كتر الكتب الي قراتها بتاعت علم النفس وكدا. المهم انا مش سهل اكلم عن نفسي بس بجد عاوز ارتب حياتي وابدا من جديد في كل حاجة عاوز اكون بجد شخص جديد وناجح. عندي كتير افكار بجد كويسه جداً بس صعبه اني اعملها. حد زي كدا ؟؟!

اخواتى المفركشين والى عندهم اكتئاب والمرضى النفسيين ولا عذاء للمازوخيين 😂 اى اكتر حاجة ممكن تغير مودك للاحسن فى ظل الاوضاع البشعة الى بنمر بيها ياريت افكار برا الصندوق علشان جربت كل الحاجات المعروفة تقريبا

مساء الخير انا بحب الكتابه جدا ويبقى عندي افكار حلوه كثير بعطل كده في الاحداث الفكره نفسها بتبقى حلوه وفي نفس الوقت بحس ان في حاجه ناقصه لو في حد مثلا بيحب الكتابه زيي او يعرف اماكن بتدي ورش كتابه تكون حلوه لان عندي افكار فعلا حلوه وحابه ان الموضوع ده جدا وشكرا

كنت بحكي موقف لحد من شوية وفي نص الكلام جات لي لحظة إدراك ايه الغباء دا؟ ايه غباء الموقف دا اللي انا مريت بيه دا وازاي عديت الموقف واللي حصل دا وازاي لسه بفكر بعد ما خلاص الموضوع انتهى وانا لسه واقفه عند نقطة مش عارفه اتخطاها.

مبقتش عارفه اتصالح مع فكره انه بيجي ف بالي كتير بمعني اصح مش عارفه اموف اون مش عاوزه ومش عارفه ابدا يمكن بنساه نص ساعه وافتكرو باقي اليوم وحتى مش عارفه اتصالح مع فكره اني استاهل الافضل والاحسن

بقالي ٦ سنين مكتئبة حاولت اتعالج ٣ مرات كل مرة بزهق من الادوية وأثارها الجانبية وابتديت اتعب نفسيا والبيريود تتلغبط بقيت بتمنى الموت افكاري بتعذبني معرفش بجد ايه الحل والله تعبت امبارح كان عندي نوبة غضب صعبة بجد

هو ليه ااواحد مش بيسيطر على تفكيره غير الزواج والعلاقات والحب والعواطف والمشاعر؛ مع اني متجوظ ومراتي الحمد لله بنت ناس.. اه في خلافات بس العادي يعني مش كارثية.. ليه حاسس اني نفسي أتجوز تاني

حاسس الفتره دي بكمية لخبطه وضغوطات رهيييبه عدم نوم وتوهان وكركبة افكار ومع ذلك ومع كل دا حاسس ان دي هتبقا احسن فتره في حياتي لما ارجع افتكرها أي نعم انا دلوقتي بعاني من الترتيب بسبب انه شغل ودراسه وعايز اصرف على نفسي وعايز اعمل مصدر دخل + دراستي اللي عايز اطورها +عايز ارجع احفظ قرءان حاجات كتيييير اوي بس حاسس ان في الاخر هنتج ثمار الضغط دا حاجه كويسه ف اللهم عوضك يارب