اختلاف

هل ممكن الواحد ميتأثرش بصحابه ولو صحابه من بيئة غيره تعليمًا واجتماعيًا وكل الحاجات دي بس بيحبهم بس ف نفس الوقت كل شوية المسافات بتزيد والاختلاف بيزيد ومعادش فيه كيميا زي الأول وبقوا كل فترة يتمادوا أكتر في حاجات الواحد مبيحبهاش زي الخوض ف الأعراض والسجاير والشيشة وكل الحاجات دي بس الفكرة إني بحبهم وعاوز تفضل صحاب ف هل ممكن نفضل صحاب من غير ما يأثروا عليا؟ وهل الصح نفضل صحاب ولا أحاول أشوف ناس اهتماماتها زي الواحد وترتقي بيه شوية (هما قعدتهن حلوة وميتزهقش منها بردو بس ذنوب كتير)

لو انا اتعرفت على واحده بس على النت، واتكلمنا شهور من غير ما نشوف بعض. يوم ما تقابلنا اكتشفت إن الشخصية في الواقع مختلفة تمامًاوحتى الشكل بردو المفروض اعمل ايه هل اكمل ولا امشي ولا اعمل ايه

انا ك راجل مش بارد بس بجد يعني بحسني مختلف يعني مش سهل حد ياثر عليا الي هوا اه ياعم عندي شهوة بس بعرف اتحكم فيها الي هوا لو محبتش مستحيل اسخن من الاخر الي هوا بجد انا عمري محبيت غير بنت واحدة ومفيش غيرها عرفت تحرك مشاعري الفكرة اني اتعرفت علي واحدة قلتلي اني بارد 😂 هل انا بارد كدا 😂

السلام عليكم مجرد ما اتواصل مع اشخاص لاول مرة ف العمل ف الاول بتعامل عادى مع الوقت ببتدي اخد جنب لوحدى واحس ان مختلف عن ال حوليا بسبب ان بشوف الناس على حقيقتها وبشوف العواقب والفعل ورد الفعل ولو ف حد عمالي مشكلة مع المدير بكون عارف هو مين ديما توقاعتي صحيحة لدرجة ان كل ال حوليا بيهرج ويتكلم ويفطرو مع بعض وانا مبعرفش احط نفسي او بمعني اصح بسبب كاشفى لعيوب الاخرين بيخليني مش عايز اعرف حد ودة مخليني ف عزلة وطبعا يضايق لما تلاقى الناس كلها بتتكلم حواليك وانتا عامل زى التاية ف ال بيشفتي مغرور هما مش عارفين ان بسبب خبثهم وكلامهم على الناس ف غيابها واذية الاخرين لكسب ثقة المدير هو ال مخليني ميشرفنيش ان اعرفهم انا صريح وابيض وال ف قالبي على لساني مبعرفش اجامل او ازوق الكلام وده عملى مشكلة يعتبر مبيفرقش معايا حد لثقتي ف الله ثم ف نفسي بالتالي اتربيت ان مبخفش اقول الحق ومبعرفش انافق وللاسف ماثر عليا ف شغلى وسبت اماكن كتير بسبب الموضوع ده حاولت افهم حالتي لقيت حاجة اسمها ADHD قريبة جدا من شخصيتي وكانة بيتكلم عليا وف المناسبات بحث ان غريب وسط الناس او مش طبيعي ده بسبب عدم اختلاطى بالناس كتير وبتعامل بسطحية من كتر ما فهمت الناس على حقيقتها وطبعهم ال للاسف هو ال سايد مش عارف اطبع بيه انا بتعامل بصراحة وعلى الابيض ده معناها ان فهمي بذيادة للاخرين هو سبب مشكلتي

ممكن لاني حاسة اني لوحدي ومافيش اهتمام من حد، ممكن علشان تعبت من شيل المسؤولية والعيش في دور الشخص الجامد الي متحمل كل حاجة والضحية الي مطلوب منها تسكت وتقول حاضر علشان ما تزعلش الي حواليها، ممكن لاني خايفة من الرفض علشان انا مختلفة وحاسة أن الاهتمام واللحظات الحلوة دي مش هعيشها

أنا عندي مشكله في تفكيري أو بلاحظ اختلاف او يمكن الناس اتغيرت بسبب النت وكلام النت ، ووارد اكون أنا الي غلطان بس أنا مقتنع تماما برأيي ، دلوقتي لما اكون بكلم البت بتاعتي المفروض انها تسمع كلامي وبعدين تفهم لو عايزه من حقها اني افهمها بخليها تعمل ده او متعملش ده لي بس بعد ماتعمل مش تقولي افهم الاول ، أو تقولي مانت بتعمل ، ماهو كل واحد له دور ف العلاقه دي والمفروض تكون عارفه دورها ك بنت وأنها المفروض تكون عارفه لو اختلفنا كلامي هو الي يمشي ، أنا معنديش استعداد اغير رايي وتفكيري لكن عندي استعداد اسمع لو في رأي مختلف يمكن اقتنع

انا عندي 16 سنه بفكر في خطوه اني البس الخمار بفكر في الموضوع اوي واني عاوزه البس الخمار بس عندي مشكلتين اول مشكله اني خايفه اني اندم علي القرار.. تاني مشكله ان والدتي مش هتوافق علشان مكنتش اصلا موافقه علي الحجاب ولمحتلها قبل كده اني ممكن البس الخمار بس قالتلي اني لسه صغيره وكده يعني مش عارفه القرار دا اصلا صح في سني دا وخصوصا ان كل صحابي نصهم بشعرهم ونص تاني لبسين الحجاب بس مش صح اوي وانا هبقي المختلفه اللي فيهم

انا مش بيلفت نظري الشخص ال حواليه بنات كتيره او ليه علاقات صداقات او اخوه او عاديه او اختلاط حته بالبنات مش بيلفت نظري ولا بكون مهتمه ولا مركزه حاسه اني ببقا قرفانه ابص ل ناس كدا بحب دايما الشخص المختلف التقيل ف نفسو ومحدش يقدر ياخد منه كلمه ع بعضها وله حدود مع اي حد بذات البنات ميتكلمش مع واحده ويهزر يبقى تقيل وكلامو بحدود ومحدود ميتعداش كام حمله ع بعضها بحب الشخص ال مش متاح لأي حد يبقى مختلف معايا انا بس يبقى مدلوق عادي يجي يتكلم معايا يميزني يكون متاح معايا عادي مش تحكم بس مش عارفه أشرح يعني اكون انا المميزه ومع غيري شخص جد جدآ وبيحط حدود شايفه انه شي طبيعي أحب دا والشخص ال يلفت نظري يبقى تقيل مع ال حواليه ومعايا مختلف فا دي من وجهت نظري حقي وحاجه طبيعيه وهل فيه ناس زيي ولا انا بس اللي كدا🙂🙂

هناك شعور دائم بداخلي بأنني خُلقت لأعيش الحياة بشكل أعمق مما يريد هذا العالم، كأنني لا أستطيع الاكتفاء بالعلاقات العابرة أو بالكلمات السطحية التي يتبادلها الجميع دون أن يشعروا بها حقًا، ولهذا أصبحت أبحث عن شيء نادر… عن أنثى ترى العالم بعين مختلفة، وتفهم أن الإنسان ليس مجرد جسد يتحرك وسط الأيام، بل روح مليئة بالأفكار والرغبات والمشاعر التي تحتاج من يشاركها لا من يخافها. أريد علاقة أشعر فيها أنني أعود إلى نفسي لا أن أبتعد عنها، علاقة أستطيع فيها أن أتكلم لساعات عن أفكاري الغريبة، عن الفن، عن الموسيقى، عن الحياة، عن خوفي وأحلامي، دون أن أشعر أنني أكثر مما ينبغي، أو مختلف بطريقة مزعجة، أريد أنثى لا تستغرب عمقي ولا جنوني، بل ترى فيهما شيئًا حيًا يستحق الاقتراب. أريد قربًا حقيقيًا، ليس مجرد وجود عابر، بل مشاركة كاملة، أن نعيش تفاصيل الأيام الصغيرة وكأنها طقس خاص بنا، أن نضحك كثيرًا، أن نصمت براحة، أن نتبادل المشاعر كما هي، العاطفية منها والجسدية، دون خجل أو تصنّع، لأنني أؤمن أن الرغبة حين تمتزج بالمشاعر تصبح شكلًا آخر من أشكال الصدق، لا شيئًا يجب الهروب منه. أنا لا أبحث عن امرأة مثالية، بل عن روح حرة، امرأة لا تقيس نفسها بمعايير هذا العالم الخائف، ولا تخاف أن تكون مختلفة، أنثى تؤمن أن الحب ليس امتلاكًا ولا عقدًا اجتماعيًا، بل رحلة بين شخصين اختارا أن يكونا حقيقيين معًا، بكل ما يحملانه من ضعف وشغف وأفكار لا يفهمها الجميع. ربما لهذا ما زلت أبحث، لأنني لا أريد علاقة تُشبه الآخرين، بل علاقة تُشبهنا نحن، نحن الذين تعبنا من التظاهر، ومن إخفاء حقيقتنا كي نقبل داخل هذا العالم، وأصبح كل ما نريده في النهاية شخصًا واحدًا فقط… نستطيع أن نكون معه أنفسنا بالكامل، دون خوف، ودون أقنعة.

انا ٢٨ سنة وكام شهر ، مش قادر الاقي نفسي وحاسس اني مختلف عن اللي حواليا ومحدش فيهم فاهمني مش عارف اتعايش مع الوضع ده ازاي ؟ خايف العمر يعدي وانا في المكان الغلط مع الناس الغلط ، خايف مسبش اثر في الحياة

أحيانًا أشعر أنني ولدت بعقل لا يعرف كيف يعيش على السطح، عقل يبحث دائمًا عمّا خلف الأشياء، خلف الكلمات، خلف العيون، ولهذا كانت وحدتي طويلة، لأن أغلب الناس يكتفون بالعابر، بينما أنا أبحث عن العمق الذي يجعل الإنسان يشعر أنه مرئي حقًا. لا أريد علاقة تُبنى على التظاهر أو على الأدوار التي حفظها الجميع، بل أريد أنثى أستطيع أن أتكلم معها دون أن أراقب نفسي، أن أقول لها أفكاري المجنونة فتبتسم بدل أن تخاف، أن تشاركني أحلامي الصغيرة والكبيرة، وأن تكون قادرة على احتواء هذا الكم من المشاعر التي أحملها بصمت منذ سنوات. أريد امرأة لا ترتعب من الصدق، ولا ترى المشاعر ضعفًا، ولا تنظر للرغبة وكأنها شيء يجب إخفاؤه، بل تفهم أن الإنسان كيان كامل، وأن القرب الحقيقي ليس مجرد كلمات جميلة، بل مشاركة واعية لكل ما فينا، للعاطفة، وللشغف، ولتفاصيل الحياة اليومية التي تبدو عادية لكنها تصنع المعنى الحقيقي للحب. أبحث عن شريكة طريق، لا عن علاقة مؤقتة، عن أنثى تملك عقلًا حرًا بما يكفي لتفهم أن الاختلاف ليس عيبًا، وأن الإنسان لا يجب أن يُقصّ ليُناسب هذا العالم، امرأة نستطيع معًا أن نصنع مساحة خاصة بنا، بعيدة عن الضجيج والأحكام، مساحة نعيش فيها كما نحن دون خوف أو تمثيل. لقد سئمت من هذا العالم الذي يطلب من الجميع أن يكونوا نسخًا متشابهة، ومن العلاقات التي تموت لأنها تخاف من الصدق، لذلك أصبحت أؤمن أن أجمل ما قد يحدث للإنسان هو أن يجد شخصًا يستطيع معه أن يتوقف عن الاختباء، أن يخلع كل أقنعته، ثم يكتشف أن الطرف الآخر ما زال ينظر إليه بنفس الدفء. وربما لهذا ما زلت أنتظر، ليس امرأة كاملة، بل روحًا تشبهني في شجاعتها، وفي رغبتها أن تعيش الحياة بعمق، أنثى يمكن أن نشارك معًا كل شيء؛ الأفكار، والمشاعر، والصمت، والجنون، وحتى تلك التفاصيل الصغيرة التي لا يراها أحد لكنها تجعل الحياة أقل وحدة… وأكثر حياة.

بحس اني غريبه او الي حوليا بيحسيسوني كده مش عندي تيك توك لان بحس هياخد من وقتي اكتر فكفايه الانستا بس بحس اني فاقده لترندات كتير و بعيده عن العالم مش بتصور خالص واخري مع صحابي يعني لما اخرج مش لازم اتصور اعتقد مفيش صوره ليا لواحدي بس حاسه ان دا بسبب اني في فتره مكنش عندي ثقه في نفسي او اني مليش خلق اتصور وبكره الخروجات الي كلها عباره عن صور للاوت فيت عشان ينزل استوري مش بحط استوريهات خالص سواء لصوري او اي استوري حتى قراءن بحس ان مش لازم يعني مش بعمل ريبوستات على حاجه خالص و عدد followers قليل جدا مش عارفه دا صح ولا دا ناتج عن مشكلة فيا بس بحاول اغيره لو غلط يعني مكنتش بهتم بشكلي اوي ولا مظهري بس مؤخرا بقيت بهتم بشكلي و لبسي وابص على نفسي قبل ما اخرج غيرت دا لما عرفت انه غلط ومينفعش ابقى مهمله في مظهري الخارجي بس بحاول موصلش لمرحله الهوس و اني احط ميكب و البس accessories كتير كل الحاجات دي بحس مليش خلق اعملها فببعد عنها

انا بقا عندي قرف الك ترو ني من البشر وقرف فالحقيقه من البشر فعلاً بحس اني مختلفه عن الناس ال حواليه بحس نفسي عاقله وسط بهايم بحس نفسي عايشه وسط بيئه مريضه بجد بحسني ف كوكب لوحدي ف زمرده انا ودماغي بحب اوي اشتري دماغي وانفض ل اي حاجه تعكر مزاجي منضفه حياتي. مفيهاش حد عشان مش ناقصه قرف وتضييع وقت...المشكله هنا اني حاسه اني مختلفه عن الناس ومش هلاقي حد زيي ولا شبهي حد يفهمني ويفهم دماغي مع اني مش معقده بالعكس بسيطه جداً بس مزروع ف بالي فكره اني هفضل كدا بسبب اني عايزه حد يكملني او شريك حياتي يكون فيه حاجات تشبهني عشان يقدر يفهمني

أنا قبل كدة عمري ما كنت أتقبل أي حد أو أي مكان مش شبهي كنت دايما أتقفل من بس المظهر مش بعرف أتكيف مع أي حاجة مختلفة عن اللي في دماغي وعلى فكرة بالرغم اني اشتغلت عالحتة دي كتير بس بردو ساعات الطبع بيغلب بس في الاخر مفيش حد بيفصل الدنيا على مقاسه وطريقة تفكيره ولو فضلت ماشي على كده والله في الاخر انت اللي بتخسر بتخسر ناس وعلاقات وفرص وحاجات كتير وبجد قدرتك على التكيف بتفرق كتير بجد في شكل حياتك فحافظ على نفسك عادي وطباعك وأخلاقك وكل حاجة بس تقبل الاختلاف عادي يعني مش هنغير الكون وطبعا فيه حدود بنقف عندها صعب جدا وماينفعش نتأقلم معاها

كنت افكر ما الفرق بين السجائر والكحول اثنينهن نفس الشيء اختلاف بسيط جداً صحيح خطيبتي مش مسلمة وصحيح تعرض منها عليي بالاحتفالات لكن فقط رفضتها مدري ليش ، فعلنا كلشي معاً وفعلت انا اسوء لكن ليش قلت لا؟

ديما شايف اني عندي مشكله مع اللي في سني و اني في حته غيرهم خالص حتي مع الجنس الآخر أنا اخر علاقه حقيقه دخلتها كانت من 5 سنين او اكتر و بعديها كل اللي عرفتهم كانو اكبر مني مش عارف المشكله فين بس حقيقي بيجي اوقات نفسي اعيش سني و بي المناسبه أنا عندي 21 سنه

اشعر اثنيننا واحد يتلاعب بالاخر ، ما اشعر علاقتنا صحية كثيير اشياء تقولي اي افعلها ثم تختلف عليك وترفض لما انت تفعلها اشعر هي مبرمجة تقول نعم تقول نعم على كل شيء حتى لو تقصد الرفض ابد ما سمعتها تقول لا

بصراحة شوفت فيديو لشخص بيتكلم عن إنه ساب بلده وسافر برّه لأنه اصبح بلا دين و حس إن هناك مساحة أكبر إنه يعبّر عن أفكاره بدون خوف من هجوم الناس عليه أو رفضهم ليه. وكان بيقارن بين المجتمعات العربية والمجتمعات الغربية، وإن الغرب بالنسبة له أكثر تقبلًا لأي اختلاف في الأفكار أو أسلوب الحياة. الكلام خلاني أفكر فعلًا في نقطة مهمة جدًا، وهي: هل معنى الحرية إن أي فكرة لازم الكل يتقبلها ويعتبرها شيء طبيعي؟ وهل أي شخص عنده رأي مختلف عن المجتمع أو الدين لازم المجتمع كله يقتنع بكلامه حتى يُعتبر “متفتح” أو “متحضر”؟ أنا شايفة إن فيه فرق كبير بين الاحترام وبين الاقتناع. يعني أكيد لازم نتعامل مع أي إنسان بأدب وإنسانية مهما كان مختلف عننا، لكن ده لا يعني إن أي شخص لازم يغيّر مبادئه أو يتخلى عن قناعاته الدينية عشان يثبت إنه متفهم أو متعلم. المجتمعات العربية والإسلامية ليها ثقافتها وهويتها الخاصة، ومن الطبيعي إن يكون عندها حدود وأفكار مختلفة عن الغرب. ومش أي اختلاف يبقى معناه تشدد أو كراهية. بالعكس، ممكن الإنسان يرفض فكرة معينة دينيًا أو فكريًا، وفي نفس الوقت يظل محترم في كلامه وتعاملاته. اللي فعلًا محيرني إن بعض الناس بقت تعتبر إن أي اعتراض على أفكارهم هو هجوم شخصي أو جهل، مع إن الاختلاف بين البشر شيء طبيعي جدًا من زمان. وفي النهاية، كل واحد حر في اختياراته، وربنا وحده أعلم بالناس وبقلوبهم، لكن برضه من حق أي مجتمع يحافظ على هويته وقيمه بدون ما يُتهم بالتخلف أو عدم الفهم. ربنا يهدينا جميعًا للخير ويصلح حال الجميع.

انا من صغري مش اجتماعي ابدا، مابعرفش اتعامل مع الناس ولا اختلط بيهم، مابحبش التجمعات، قليل الكلام، حاولت كتير زمان ادوس واتعامل ولكن الناس دايما كانو بيحسسوني اني مختلف وفيا حاجه غلط سواء قالوها او ماقولهاش، انا بشوف دا في عينيهم، ببقا عارف ان الشخص الي قدامي دا مش متقبلني ولا حاببني بس بيتعامل معايا، مع اني مابعملش اي حاجه غلط، هي الفكره فيا انا في شخصيتي، وبسبب الموضوع دا انا ماعنديش صاحب واحد من صغري ولحتي الان لسه زي ما انا، حاليا انا الي مختار اني اتعامل مع كل الناس بسطحيه وتعامل علي القد، يعني مجرد سلام وخلاص، مابفتحش كلام مع حد، مابحاولش مع حد، لما بلاقي حد بيحاول معايا بعامله علي القد ومابحاولش معاه لأني عارف النتيجه وعارف ان الحد دا في الاخر هو الي هايزهق مني وهايبعد، ودا مش بيتهيألي ولا تجاربي القديمه جابتلي عقده مثلا، لا بس انا فعلا عارف اني مش شبه حد ولا في حد هايحب يكون معايا، انا ابان مكتفي بنفسي وكارف لكل حاجه واي حد ومش فارقلي حاجه، بس انا في الحقيقه عكس كدا ومش مبسوط بحالي بس دا امر واقع ومضطر استحمل فابحاول اتعايش وبتظاهر بعكس الي انا حاسهُ، عامة المشكله مش في وحدتي وعزلتي بس، انا كل حاجه ماشيه معايا زي الزفت وعمرها مامشيت زي ما انا عاوز بس اديني عايش وخلاص

عندى مشكلة مبحسش الحجات الى شباب جيلى بيحسوها بنزل الكليه او الكورسات بحس ان كل الناس دى سطحيه بيهزرو هزار رخم مع بعض وبيضحكو وبتاع بحس انى مش عايز اضحك ولا شايف اى داعى للضحك ده دايما بقرب واصاحاب ناس اكبر منى بضعف عمرى مثلا برتاح وسطهم الصراحه وبحس انى بفهم حجات او بتتحكى قدامى موقف بتكون شيقة بسمع وبتكلم ورئيي بيحترم اكتر من الناس الكبيرة شباب جيلى بحسهم اصغر منى وتافهين كمان بطريقة رخمه كمان مبحسش انى عايز اعمل الحجات بتاعت الى من سنى او انا عملتها خلاص كل الى بيبهرهم مش بيبهرهم مش عارف دى مشكلة عندى ولا دى سطحية الناس والجهل الى عمل فيهم عايز حد يفهمني ده اية

النهارده سبت الشخص اللي اعز عليا من روحي مر عليا ١٢ ساعه من دونه ارجع وابقي بستنزف طاقتي كلها وهن مش مقدر ولا اخليني بعيده ويبقي معنديش شغف ف اي حاجه نش قاذره اشوفه قدامي وابان طبيعي وكانه مفيش حاجه مش قاذره استوعب ان علاقه قويه كده ممكن تخلص بموقف تافه انا قولت هاخد بريك بس مش عارفه ارجع ولا لا مخانيش مكدبش عليا بس مش بيسمعني مبيحاولش يفهمني مبيحاولش يغير حاجه ف نفسه عشاني عاوزني ابقي ماشيه ع مزاجه بالسنتي مش مقتنع اني بني ادم بغلط عادي مش مقتنع ان تربيتي غير تربيته وطريقتي غير طريقته ومش لازم ابقي شبه اخواته مليون ف الميه عشان ابقي كويسه كلامه الحلو قل او انعدم تقويبا بقيت لازم انا ابادر ولازم انا اطلب الاهتمام والكلام حلو عشان يتقالي انا بنت ودي فطرتي عندي كم سؤال هو عشان علاقه تكمل لازم يبقي مطابق ١٠٠٪؜ للمواصفات اللي ف دماغي ؟ الاختلاف بين الطرفين مش مقبول؟

انا خلاص زهقت من الوحدة نفسي يكون عندي صحاب زي اي شخص عادي ليه انا مختلف ف الحاجات دي معني بحاول اكون اجتماعي بس مش عارف مفيش اي حد راضي يتقبلني وجربت ف كذا حاجه وكذا مجتمع وغيرت من نفسي وبرضه نفس النظام مش فاهم انا وحش ف ايه

انا شاب مختلف جدا ع اللي حواليا ومعظم الناس معنديش نفس الجولز بتاعة الناس فالحياة من نجاحات وجواز واطفال وشهرة كل الحجات اللي بتبسط الناس بالنسبالي عادية لما بشتغل ف حاجة بكون ناجح فيها جدا بس ف نفس الوقت مفيش دافع اصلا من الاول لده لما بصاحب بكون محبوب واعتقد لو بارتنر هكون كدا بس بردو مفيش دافع لده ..استقلالي ووحيد بشكل مرعب وبقدر استغنى عن اي حد ..انا حاسس اني عادي مقتنع جدا بحياتي ومرتاح اللي عايز اعرفه لو حد عنده خبرة شوية هل انا فعلا مرتاح ولا بقنع نفسي بده ( لكن باقي قناعاتي مش محتاج حد يقنعني بعكسها لانها شخصية ) وشكرا ليكم

هو انا لازم اعمل صحاب في الجامعه واتواصل مع الناس او لا لان بصراحه انا مش حاسس ان الناس اللي هناك شبهي ومش عايز اضيع وقت في اني الاقي حد شبهي اصلا بس كل لما اتكلم مع حد يقولي انك لو محاولتش تتكلم مع حد مش منطقي يكون عندك صحاب فديما بسالهم سؤال هو انا لازم اعمل صحاب ؟ الفكره ان محدش جاوب عليا اجابه تقنعني اللي بيجاوب بيكون اجابه عابره اللي مثلا مفيش حد يقدر يعيش في الدنيا لوحده لازم تجرب تتعامل مع الناس . بس انا برضوا بشوف ان انا مش شبههم و مش بحاول حتا اكون ده علشان كده مش عايز اضيع وقتي في البحث عن صداقات هل ده منطقي ؟!

بنات تقبلي تتجوزي واحد من بلد فلاحين و انتي من القاهره مع العلم مش نفس مستواكي الاجتماعي و شكلا مش اللي بتتمنيه بس مقبول لكن طيب ومحترم ومسئول ... تختاريه ولا لا ؟؟؟