ارتباط

السلام عليكم ياجماعه دلوقتي انا عايزه اخد رايكم فكاجة عشان الموضوع بجد حيرني اوي وصحابي كلموني فيه كتير وده اللي خلاني اجرب اسال حد برا الدايرة بتاعتي شويه مبدايا كده انا هحكيلكو الموضوع من الاول خالص كان في واحد معايا ف الجامعة اتعرفت عليه من ٣ سنين كده وبدا كلامه معايا بشكل جنتل اوي وكان طريقته محترمه جدا عجبتني كده وف الاول طلب نكون صحاب وانا رفضت بعدها بفتره لقيت أنه كمان ساكن من منطقة تعتبر قريبة مني وبعتلي اد ع الفيس ف قبلته كده عادي يعني وبدا يكلمني ع الفيس شويه ومكنتش اعرف انه نفس الشخص اللي كلمني ف الاول واتس تمام وبعد شوية كلام ع الفيس قالي نتكلم واتس وهنا لاحظت انه كان نفس الشخص اللي كلمني قبل كده قلتله انا قلتلك كده عشان مليش ف جو الصحاب ده اوي وكده بس لو احتجت حاجه ف الكلية انا معاك يعني وفضلنا نتكلم زي صحاب كده سنة بس كنا بنقرب لبعض اكتر مع الوقت وتلميحات شويه منه وكده وف الاخر ارتبطنا كان كويس جدااا معايا وكان طيب اوي وحنين ف التعامل وكنت بحبه جدا (لحد دلوقتي) وفضلنا مرتبطين كده فتره بس كان كل ما تحصل مشكله بينا واحكي لواحده صحبتي كده كانت قريبه مني كانت تقعد تقولي انه وحش وبتاع وتلوم عليا اني بصالحه بعد اللي بيعمله وتقلل منه ساعات والمهم بعد فتره واحنا مرتبطين كده برن عليه ف مره ف يوم كنت برن عليه وقت ما يكون برا البيت ف السكن الجامعي بس ف فمره رنيت بلغلط وهو ف بيت اهله واهله شافو الرنه وكده وتقريبا اتخانقو معاه يامه عشان يعني بيحب بنت وهو متاخر ف الجامعه ٣ ترمات وقالوله مفيش خطوبة غير لما تتخرج ومش هنساعدك بجني ف الموضوع وكده عشان ينتبه لنفسه ويبعد عن البنات والكلام ده ف الموضوع ده جابله احباط اوي وجه انهى كل حاجه معايا وقالي انه مش هيعرف يخليني مستنياه بعد ما اتخرج انا مش متاخره ف انا مسابقاه ٣ ترمات كده يعني للتوضيح ف هو قالي اني لما هتخرج العرسان هيجولي واهلي هيضغطو عليا وكده فضلت اقله اني هستناه ومعنديش مشكله وانا اصلا مش هعرف احب بعده بجد انا كل مشاعري راحتله هو ومكانش فيه حاجه مش عجباني حرفيا بس هو كان قراره نهائي وفضلت فتره احاول اكلمه كان ف الاول بيرد عادي ك زمايل بعد كده لما بدات اقله اني عايزه نرجع وكده بدا يقلل كلام معايا خالص حتى كزمايل وحاليا بقالنا بتاع ٧ شهور مش بنتكلم مش عارفه انساه ولا اتخطاه مهما حاولت ولحد دلوقتي محتفظه بشاتاته واول ما جبت فون جديد كنت اكتر حاجه خايفه عليها شاته وعيط من الفرحه بجد لما فتحت واتس جديد بعد ما عملت باكب ولاقيت الشات متمسحش وبسمع فويساته لحد دلوقتي لما يوحشني صوته وكذا حد اتقدملي فعلا ورفضته وفي زميل ليا ف الجامعه تاني برضو كان بيحبني بس برضو مقدرتش اقربله وحاسه كل مشاعري راحت للشخص ده وبصلي كل يوم انه يكون نصيبي وصحابي بيفضلو يقولولي اتخطي وكده بس انا مش عايزه اتخطي اصلا ومش عارفه اي الصح

انا عمري ما ارتبط ببنت وللاسف لما بتعرف علي بنت بقولها اني كنت مرتبط وكده عشان متشوفنيش خام انا حقيقي بحاول احافظ علي قلبي اني متجرحش ولا اخش في دومات وجع قلب وخيانه لان ده بقي موجود كتير اوي انا اه ممكن كان عندي صحبة بنت بس عمري ما ارتبط حقيقي مش عارف انا صح ولا غلط وهل كان المفروض اخد الخطوة دي بدري انا 24سنه لسا قلبي نضيف متعلمش يكره حتا بسامح اي حد

نصيحه اوعي تخسري ثقه اهلك وي تاني حاجه هو كدا كدا هيسيبك بلاش بجد كلمه دا غيرهم لا هو ممكن اوحش منهم كمان وي تاني حاجه بعد فتره هيقطع علاقته تدريجي علشان هيسح بملل منك نصيحه ابعد عن لارتباط هو هيضرك وي نفسيتك هتبقا زفت في لاخر من دون هداف

أنا بنت عندي بوردلاين للاسف عمري ما عرفت اعمل علاقات تدوم فتره دايما أنا اللي بطير الناس من حياتي واعرف ناس غيرهم لسه امبارح قطعت علاقتي بحد قعدنا ٥ شهور سوا وكانت أول مره في حياتي اطول كده حاسه اني مخنوقه من نفسي اني مش عارفه احافظ علي حد معني نفسي من قلبي ارتبط واحب واتحب بس انا عمري ما حبيت معنه اتعرض عليا كتير الحوار صعب عليا ومرهق وحاسه اني في تشتت اعمل ايههه

مشكلتي مش إني مش بعرف أحب أنا لما بحب بحس بجد وبهتم بالتفاصيل، وبكون صادقة جدًا في مشاعري لدرجة ممكن تخلي اللي قدامي يحس إن أنا الأكثر اهتمامًا مع اني مش بكون اوفر يعني مش بفرض نفسي طول الوقت مش بتدخل في تفاصيل كثير مش بتكلم طول الوقت بس لما بتكلم باخد بالي وبهتم فعلا وبعرف احتوي بس انا بحس اني مع اني مش بفرض نفسي الا لمجرد اني مريحه المشاعر ناحيتي بتقل وده شئ بيوجعني مش بحس اني استحق ده في نفس الوقت، لما أحاول أختار بعقلي وأقول مثلا اختار حد كويس كا فكره الصالونات بحس إن المشاعر تقيلة عليا، وبحس بذنب، وبحس إني مش مرتاحة للحياة دي، وكأني بعيش حاجة مش شبه قلبي. وفي كل مرة بحاول أوازن بين الاتنين، ألاقي نفسي تايهه يا إما إحساس قوي مش بعرف أسيطر عليه، يا إما محاولة سيطرة بتخليني مش قادرة أكمل بحس ان انا مش نافعه في اي نوع من انواع الارتباط أنا مش عايزة أبقى زيادة عن اللزوم، ومش عايزة أبقى بارد أنا بس عايزة أفهم نفسي وأعيش مشاعري من غير ما أظلم نفسي أو أظلم حد معايا

دخلت حياتي ناس كتير اوي كأصدقاء او زمايل او ارتباط لان عاوزه اي حب او مجرد ناس اتكلم معاها بحس انه مرض انا لازم اكلم ناس بزعل لما اصحا ملاقيش حد باعتلي رساله و نتيجه لده كميه احداث عبثيه و خساير مشاعر و قت و جهد وحجات كتير اوي لان معظم الناس بتشوفني ممله و محدش بيختارني عموما ل اي حاجه عندهم حفله خروجه حتي مكالمه بيختارو حد تاني انا مجرد شخصيه ذكيه جدعه بس مش من مفضلاتهم خالص يعني الموصوع مؤلم و الوحده حاجه سخيفه بدء الموضوع يبقي شبهه مرض انا لازم اتكلم مع ناس لازم الاقي عليا اقباال غير كده مزاجي وحش مع ان بعمل كل النشاطات الطبيعيه

هاي يا شباب حابب اتكلم معاكم عن كذا معايا أول مشكلة ........ الواحد في حيرة من أمره في المشكلة دي علشان تعب من الزهق والعطلة دي 🥲😑 في مجالي شغلي في نوعين من الناس أو العملاء أول نوع مش عايز يدفع أو مش فاهم أصلا الموضوع ولو دفع يبقى آخره أرقام حرفيا لا تذكر النوعية التانية فاهمة وشغلهم حلو جدااا وفلوسه أحلى بكتييييييييييير بس المشكلة في نادر تلاقي العميل دا وصعب خصوصاً إني أنا بشتغل as Freelancer يعني مش تحت مظلة شركة العميل من النوعية التانية بيتطلب أحياناً أكون تحت مظلة شركة ودا بيغلي السعر والتكلفة وبيخلي الموضوع يدخل في اتفاقيات بين شركتين وفين وفين لما الموضوع يخلص ويتم ونبدأ شغل .... ووراد الشغل أصلا ميتمش وميجيش ودا طبيعي أصلا في أى بزنيس الحيرة بقى يا اما أصبر على النوع التاني يا إما اشتغل بالنوع الأول بس علشان أجيب مصاريفي ودا هيضرني فيما بعد أصلا المشكلة التانية هحاول اختصر فيها تتعلق بالارتباط .... في حد انا معجب بيها جدا جدا وشخصيتها شايفها مناسبة ليا بس فيه مجموعة عواقب كتيييير واقفه سد في الموضوع دا أولها أهلها مش مناسبين معانا .... عادتهم تقاليدهم ثانيا احتمال تسافر أصلا من مصر وخلاص كدا نوت: هي متعرفش خالص ولا من أساسة اني معجب بيها هل أخد خطوة مع أهلي هيرفضوا دا حاليا ؟ وأقف قصاد أهلي انا هل أخد خطوة علشان أضمنها لأنه بيجيلها عرسان كتيير وهي بتفرض وبس كدا 🙃 ولو وصلت/ي لهنا فأنا بشكرك جدا

عندي مشكلة وهي الخيال انا حرفيا بعيش حياتي كلها فخيالي كل حاجة نفسي فيها بعملها فخيالي وده مخليني طبعاً مخزن مشاعر حب ورومانسية عاليه جدا وخايف اوي اني لو خطبت او ارتبط اندفع بمشاعري ف تفتكر اني كداب او مدلوق وقلقان اوي بجد

بصراحة، من فترة وأنا حاسس إن موضوع الجواز بقى أصعب مما كنت متخيل. أنا شخصيًا نفسي أرتبط وأكوّن أسرة، لكن حاسس إن الوصول لشخص مناسب بقى تحدي حقيقي. مشكلتي مش إني مش عارف ناس، لكن إني مش لاقي البيئة أو الطريقة اللي تخليني أقابل حد عنده نفس الجدية ونفس الهدف. كل ما أبص حواليّ ألاقي ناس كتير من الولاد والبنات بيتكلموا عن نفس المشكلة. في ناس عايزة تتجوز فعلًا وتستقر، لكن فرص التعارف الجاد محدودة، والاختيارات المتاحة غالبًا بتكون عشوائية أو غير واضحة. ساعات بحس إن فيه عدد كبير من الأشخاص المناسبين، لكن كل واحد عايش في دائرته ومش عارف يوصل للتاني. وده بيخليني أتساءل: هل فعلًا المشكلة في إن الشخص المناسب نادر وصعب تلاقيه، ولا إننا لسه ما لقيناش المنصة أو الطريقة الصح اللي تجمع الناس الجادة ببعض وتخلي الوصول لبعض أسهل؟

بعد فترة طويلة من التعب والجهد العالي حياتي ماشية باستقرار واتا عاوز اتقدم ف حياتي اكتر وعاوز شغل تاني وابني اسس لحياتي كويس وف نفس الوقت عاوز ارتبط بواحده بس مش لاقي بنت شبهي واكيد الارتباط دا هيكمل باذن بس لما اتعرف عليها ولكن انا مرهق ومركز ع نفسي وشغلي ودا مخليني مش بعرف ارد او اتكلم طول الوقت

ازاي الواحد يتخلص من فكره التعلق بشخص متعلقه بيه حدا لدرجه اني بوقق يومي كله لحد ما يبعتلي و يكلمني مع ان بيبقي ورايا حاجات كتير و مذاكره للكليه و مع ذلك ببقي حرفيا قاعده مش عارفه ابدا حاجه عشان مستنياه يبعت و مش بيبعت و الشخص ده معتقدش انه متعلق بيا اصلا هو عادي بيتكلم عادي بس مفيش تعلق اوي واللي هو بيبعت كل يوم و كده ممكن اكون باعته رساله ميردش عليها الا تاني يوم بيقول انه ف الشغل مبيلحقش يرد علي حد بس لما بيبقي اجازة بيكلمني و هو طبيعي بصراحه حاسه ان انا اللي مش طبيعيه و مش عايزة اتعلق بحد

تفتكروا اي السن المناسب للأرتباط لو الشاب عنده ٣٢ سنة؟ اقصد سن البنت يعني 😅 بحيث مايبقا فيه فرق يعمل مشاكل وبردو ماتبقاش ف سنه بالظبط وكدا يعني ! .... تفتكروا اي السن المناسب للأرتباط لو الشاب عنده ٣٢ سنة؟ اقصد سن البنت يعني 😅 بحيث مايبقا فيه فرق يعمل مشاكل وبردو ماتبقاش ف سنه بالظبط وكدا يعني !

بما انى بقالى فترة طويلة جدا مش قادر اتعافى من حب حياتى بقيت شايف انه حرام الواحد يرتبط او يبدا مع شخص تانى وقلبه لسه متعلق بحد تانى وانى كدا هكون بظلمها وعملت كل حاجة علشان اتخكى ومفيش فايدة

هو عادي اني معرفش ارتبط او اصاحب بنات ف سني او اصغر مبعرفش اتعامل غير مع الاكبر و بس عشان مبحبش البنت اللي عقلها صغيره كدا وقليل لما بلاقي واحذه دماغها حلوه ف سني كله ف الاكبر عالطول عادي ولا اي

أنا عمري ما حبيت فكرة الارتباط ومش بحب أدخل في علاقات ومش عايزة أعمل حاجة حرام بس في نفس الوقت نفسي اتخطب و أتجوز وألاقي شخص يحبني وأحبه ويكون بينا قبول وتفاهم فبجد الناس اللي زيي المفروض تعمل إيه 😭 يعني هو الواحد بيقعد مستني النصيب وخلاص ولا المفروض يعمل حاجة معينة عشان أوقات بحس إني رافضة الارتباط وفي نفس الوقت نفسي ألاقي شريك حياة طبيعي 😭

هو احنا لو بعد ارتباط سنتين و سيبنا بعض عشان حرام و انها علاقه محرمه و انها فتره بس منها نتوب و منها هو يجهز نفسه و يكلم والدي ، ممكن منتجوزش في الاخر؟ انا حاسه روحي فيه و صابره و راضيه بس ممكن بعد الدعاء ده كله ميبقاش جوزي؟ انا خايفه من الفكره دي

مساء الخير عاملين اي انا بعاني من اني بخاف ادخل تجربة جديدة بخاف ارتبط بشخص بحس دايما اني ابعد مش عارفة ليه بيجيلي الشعور ده ليه بخاف اتعلق واحب معنديش احساس بالامان من نحيت اي شخص هل ده طبيعي ولا لا

انا مرتبطة بشخص ديوث و بخيل أنا بعرف شخص من خمس شهور وخمس شهور كل يوم بحس عليه حاجات غريبة جدا أول حاجة إن هو بخيل جدا جدا وإنه بارد في المواقف مش بيغير ابدا وأهله هو بيحكي عنهم إنهم بخلا وكمان ناس اعترفت انو هو بخيل حد مقرب منو فأنا بحسبه وبقول عليه إنه ما بيعرفش يعبر ما بيعرفش يعني حاجة لكن لأ الموضوع لازم نلقلو حل أنا بحبه بس ما بعرفش إذا حاجة كويس بالنسبة لي أنا بفكر إنه أنا مش عارفة يعني أنا شايفة عادي ممكن أنا أصرف عليه ما عنديش مشكلة لكن أنا بتكلم عن أنا أعمل إيه هو مش اغلب الأوقات مش موجود بس هو مش بيخون يعني هو عمره ما بيخون وأنا متأكدة منو فأنا مش عارفة أنا أعمل إيه هل أنا أكمل معاه ولا أشوف حد يرضيني أنا شايفة إن ده مش حب أنا شايفة إن هو بعاملني كصاحب

انا بنت تعرفة على ابن صديق بابا عجبني ارسلتله من فيك فيسبوك طلع هو كمان معجب فيا رتبطنا بعدها قرر ينفصل نحنا هلا عم نحكي اصحاب بدي يرجع يحبني من جديد ما بعرف كيف اتصرف لو ما ارسل اناما يرسل

جماعة دلوقتي انا شاب و عندي ٢٧ سنه و مرتبطش قبل كده غير مره في ٣ اعدادي اسبوعين يعني حب مراهقه ..في الكلية قعدت ادور ع بنت اعجب بيها واحبها مقابلنيش و فضلت لوحدي مهتم بدراستي المهم اتخرجت و اشتغلت الشغل مفهوش حد و بجد انا معنديش حد ف العيلة ولا ضالونات والشغل ده ...انا بجد مضايق اوي اصحابي كلهم خطبوا وبيحبوا و منهم اتجوز وهيتجوز اخر السنه ...انا حاسس اني عطلان واقف مكاني يعني حتى لما اتعرف ع بنت مش هعرف مفروض الارتياط ازاي وده اعجاب ولا حب...كلمت بنات كتير بحثا عن الشخص اللي الاقيها كويسه وساعات كانت بتقلب بعلاقة باد بينا شات بس يعني ....انا تعبت من التدوير و حاسس اني قليل رغم بجد انا رياضي يعني وشكلي مقبول ومستوى كويس بس معرفش ايه السبب ؟ لدرجة نزلت داتينج اب و برضه لقيت الناس فيه غريبه مستريحتش

مدري ليش بس عندي مشكلة غريبة حابب ارتبط غصب مع اني عارف انو ذا الشي حرام،لكن بواجه الام نفسية واحساس بنقس وقلق غريب ،وعقلي قاعد يقلي انو الحل هو الارتباط،والمشكلة ماقدرت ارتبط مدري ليش. حل😢

معتقدش ان الكلام هيفرق في اي حاجة بس هحاول اطلع اللى جوايا يمكن تأثيرة يهدي شوية طول عمري شايف نفسي احسن من اللى انا فيه بس مبتحركش ولا خطوة لاثبات دا في حياتي دايما اللى بلاقيه شخص مش عارف يتعامل خالص او يفهم الناس او حتي ينفع او يطور نفسه هل مش مصدق هل كسل مبقتش عارف ومش عارف ارتبط بسبب طريقتي اللى بتنفر اي بنت من ناحيتي ودا مخليني فاقد الامل ان انا هلاقي حد يفهمني وبقيو شاكك ان انا مستاهلش احب او اتحب او الاقي الونس او ان انا ابقي ونس واخر حاجة علشان مطولش عليكوا امي وحشاني اوي، بقالها سنين متوفية وحقيقى وحشتني ووحشتني حنيتها ووحشني حضنها اللى كنت بترمي فيه بالساعات، كانت هي كل حياتنا واتسحبت لما ماتت مش عارف هل احتياجي للارتباط تعويض عن غيابها وعارف ان دا غلط ومينفعش ادور على الاساس دا وجوايا حته كبيرة فاضية مش عارف املاها ولا حتي اعوضها وحقيقي تعبت مش عارف اعمل ايه

ازاي بتقدر تقنع نفسك بالجواز او الارتباط او علاقة طويلة من غير ما يكون عندك قلق من المسؤليات او فقدان حريتك او قلق من أنك تزهق من الشخص او يزهق منك او أنك تخلف طفل تبقى عارف انه هيعاني اوقات كتير بسبب قرارك ده ازاي نقدر نتغلب ع ده كله ملحوظة أنا راجل

انا في اولى جامعه في السمستر الاول شفت ولد معانا في الدفعه علي الانستا و ريبوستاته عجبتني وكان واضح عليه التدين بعدها لقيته معايا في اللجنه في الامتحانات و بقيت بشوفه دايما كنت بعمل eye contact معاه دايما واعجبت بيه جدا و السمستر التاني كان معايا في الجروب وعرفت عنه حاجات كتير لانه active على الانستا جدا و اغلب الدفعه عرفاه بس هو اخره يبصلي ومش دايما كمان و بيكون ملتزم فتره ويمسح الاغاني من الاكونت وفتره تانية يرجع كل حاجه ربنا يهديه يعني لانه شكله بيجاهد نفسه و دايما كان بيتكلم عن الارتباط حرام وكده انا اصلا معرفش هو يعرف اسمي ولا المهم الموضوع مجهد اوي اني افضل افكر فيه دايما خدت قرار معدتش افتح الاكونت بتاعه بس رجعت تاني دلوقتي وبقيت بفكر فيه كتير اصلا حاسه ان دا مش حب طبعا لان محصلش بينا اي موقف دا مجرد اعجاب ممكن بسبب فراغ و الاكيد انه مش حب المهم بيجي فترات ببقى بفكر فيه دايما و بحلم بيه و موال و دا مش عاجبني خالص و الاسوء كمان ان كل مره اشوفه فيها ابص عليه و مقدرش اغض بصري كأني دايبه فيه مثلا مش حابه ابدا اظهر بأني الي ببادر او واحده من المعجبات بيه ازاي ابطل افكر فيه وازاي اغض بصري عنه عشان زهقت جدااااااا

ايه حل الجفاف العاطفي واني عوزه دايما حد يهتم بيا وعوزه ارتبط وان عارفه ان ده حرام ومينفعش وبحاول ممشيش ورا الاتفكير ده بس اوقات بيبقى كبير اوي وووووووووووووووووووووووووووووووووو

انا بشمئز جدا من الناس ال بتتكلم عن الارتباط اعمله ايه.. أكلمه ازاي كل الناس فكرة الارتباط دي عندهم متفتحة فدماغها كأنه عادي ولد و بنت يتدلعو ع بعض و ناس قليلة جدا ال عارفين أنه حرام و ميرضوش يواجهو عشان ميبانوش نكرة أو غيرانين يعني ايه اقول لبنت انه حرام تقول اصل هو قال إنه هيتقدم يعني معندهاش مشكلة أنها تكمل فالحرام معاه سنين عشان بس قال هيتقدم هو دا مبرر منطقي بالنسبالك ياما الجهل انتشر ياما انتو عندكو فراغ عاطفي فمش عايزين تسمعو ايه الصح و ايه الغلط انتو بتستميتو ع الارتباط و خلاص عشان تملوا فراغكو و الاقيلك واحدة بكل فخر تقولك احنا عشرة عشر سنين حب انتي فرحانة انك عشر سنين زانية مجازيا انتو ازاي مبتحسوش بتأنيب ضمير لما تكلم بنت ولا راجل بالطريقة دي سنين كاملة و عايشين عادي حرام حرام حرام و أيوة انا المعقدة و انا الشيخة و انا الصح

هو طبيعي الواحد لما يبقى مش جاهز للجواز أو الارتباط الجاد يقفل باب العلاقات خالص ويركز على نفسه وحياته؟ ولا شايفين إن عادي يسيب الباب موارب للتعارف حتى لو مفيش نية لخطوة رسمية دلوقتي؟ خايفه افوت على نفسي فرص مناسبه

عندي فراغ عاطفي بقالي سنين مش عارف اعمل فيه ايه انا شاب عايز ارتبط بحد بجد من غير سرمحة ولا اضحك على حد بس للاسف كل اما احاول الاقي رفض بطريقة تتعبني من قبل ما الموضوع بيبدا يمكن بتوتر جامد لما بعبر عن اللى جوايا ودا اللى بيقلق البنت اللى بحاول اكلمها بس بيبقي ناتج عن خوف ان انا اذي حد او احرج البنت اللى بكلمها فهل دا له حل وممكن ارتبط فعلا والاقي البنت اللى احبها وتحبني؟ الموضوع صعب وتعبت من التفكير فيه

انا كان عندي صديق عزيز عليا اوي وقريب ليا جدا وصلت معاه لمرحله اني بثق فيه وبحكيله كل حاجه ودايما برتاح في الكلام معاه وكان بالنسبه لي امان عمري ما حسيت ناحيته بأي حاجه ودايما كان سند ودايما مهتم بكل تفاصيلي وكل حاجه وبيفهمني من اقل حاجه ولو اتضايقت يزعل علي زعلي وميسيبنيش الا لما يضحكني ويخرجني من اي حزن وقف جمبي في كل لحظه وفضل جمبي وحرفيا كان مهتم بطريقه مطمناني اني الحمد لله مش لوحدي خاصه اني بجد كنت لوحدي وكل اللي اعرفهم خذلوني وانا كانت دايره صحابي اساسا قليله بس هو من فتره ارتبط واتغير تماما معايا وبدا اهتمامه ينعدم وكأني مهمشه ولما واجهته رد فعله انه مستحيل يخسرني بس انا حاسه اني خسرته لان كل حاجه كان حلوه بيعملها بقي بيعمل ضدها وبجد انا حاسه بفراغ قاتل وكأن ضاع مني حاجه غاليه اوي واول مره احس اني لوحدي تماما انا لسه مش حاسه بحاجه ناحيته غير صداقه واخوه وده حقيقي لاني لما فكرت هل لو في يوم ارتبطنا حسيت اني رافضه الفكره ومش متقبلاها لاني مشاعري تجاهه كلها انه سند واخ بجد مش حبيب نهائي بس المشكله اني اعتبرته اخويا بجد لدرجه ان اهماله الفتره ديه محسسني اني بجد خسرت حاجه كبيره اوي ومش هعرف اواجهه لاني مش عايزاه يحس اني بغير من البنت اللي ارتبط بيها بالعكس انا فرحانه انه ارتبط اخيرا بس كان نفسي ميتغيرش معايا ويحسسني اني في لحظه واحده ماليش لازمه والمشكله اني مش قادره ابعد لاننا شغالين سوا وانا بحب شغلي ده وتعبت عشان اوصله ومش عايزه امشي بس كل يوم بحس بجفاف معاملته بعد ما كنا قريبين جدا بحس اني بتدمر اكتر و الاسوء ان كل حاجه كان بيعملها ليا بقي يعملها ليها قدامي كأنه بيبعتلي رساله انك كنتي مجرد كومبارس او سد خانه لحد ما تيجي واحده فعلا في حياتي والاحساس ده خانقني بجد لدرجه اني مش عارفه اواجهه هو اساسا مش مديني فرصه لانه بيبعدني بشكل غير مباشر ولما ابعد يقولي انا مش عايز اخسرك ويرفض اني ابعد فبجد بقيت في موقف بشع مش عارفه اتصرف ازاي ولما قولتله ينقلني قسم تاني لانه مديري في المكتب رفض وقالي وجودك في المكتب مهم وفعلا منقدرش نستغني عن وجودك ده وقفل الموضوع انا حاسه اني لوحدي هو حرفيا كان حاجه كبيره بالنسبه لي الاخ اللي مكنش عندي ودايما كنت بتمناه من ربنا والوحيد اللي فاهمني بجد ودلوقتي انا بالنسبه له ولا حاجه وده احساس قذر مخليني مش قادره ارجع للهدوء النفسي اللي انا كنت دايما فيه وبجد محتاجه اتكلم مع حد اطلع كل اللي جوايا لان الوحيد اللي كنت بحكيله كان هو ودلوقتي انا مش عارفه اعمل ايه

سوال هو ليه من كتر مثلا ما بشوف المرتبطين ببقا عايزة اكون كده برده يعني ايه السبب مع انهم مش بيعملوا حاجه بس بحس انو سند وكده حاسه اني عبيطه بس بجد غيرانه ليه انو هما كده وانا لا حتي لو صحاب بس

الارتباط الفترة دي صعب جدا وخصوصا في ظل الظروف الوحشة اللى بنمر بيها وكمان لو الشاب من وجهة نظر الاهل مش جاهز ماديا للجواز، فهل ممكن بنت تقبل بالارتباط بشاب متعرفوش وتشوف هل هيعرفوا يكملوا مع بعض ولا لا وتديله فرصة ولا بقي في اذمة ثقة اليومين دول وحابب اعرف ومن غير احكام انا شاب مش هيتجوز صالونات فايه الطريبة اللى ممكن اتعرف بيها على بنت وراتبط بيها ولو مناسبين اتقدم ولو مش مناسبين يبقي لا ضرر ولا ضرار

أول مرة ارتبط كانت من ٣ سنين أنا حقيقى فعلا moved on بس الفكرة ان محستش نفس الحاجة ناحية اى واحدة تانى محستش بنفس ال انجذاب اللى مش طبيعى ده تانى يعنى آه بشوف بنات جميلة و لطيفة و كل حاجة بس الانجذاب اللى بحسه جوايا ده مقدرتش احسه تانى و ده هو أللى فعلا مش عارفة اتجاوزه

كوني مرتبطتش ولا مرة ولا حتى حد أبدى اعجابه بيا ولا حتى حد اتقدملي من ٣ سنين محسسني بنقص كبير جدا رغم اني على قدر حلو من كل المميزات و بحس بخذلان و انا شايفة كل اللي حواليا بيرتبطو بدون أي معايير من المجتمع فارضها

عايز رد ضروري وعايز رد البنات بالاخص انتي لو ملكيش ف الارتباط والصحوبيه والشغل دا ومحافظه علي نفسك ولبسك ومحترمه بس عجبك ولد معاكي ف الجامعه او الشغل وبتبادلو بعض نظرات اعجاب بقالكم كتير اوي بس ولا عمركم اتكلمتم مع بعض خالص وهو ف نيتو عايزك وعايز يتقدملك لو لسا الوقت مش مناسب عشان بتدرسو مثلا او اي ظرف ف الوقت اللي لسا مستنيين فيه هل بتستني منه يخش يكلمك يحاول يتعرف بطريقه غير مباشره ويلمحلك بالموضوع ومش قصدي تتكلمو بقا وتحبو ف بعض قصدي يعرفك الموضوع بس ويقفل الكلام ولا هتحرجيه او تبلكيه حتي لو معجبه بيه عشان حياءك !؟ ولا ممكن تردي باختصار وبدون مشاعر وتحترميه عادي ؟ ولا الافضل تستنيه يكلم باباكي نفسي اعرف تفكير البنات ف الحته دي وبذات مع ولد هي معجبه بيه وحاول يلمحلها ف شات خاص باحترام رد فعلهم اي ؟

أنا طول عمرى نفسي احب واتحب وحد يحبنى حب غير مشروط مع انى جربت حجات وفشلت الا انى طول الوقت نفس اتحب برغم أن في ناس كتير تخاف من العلاقات وانى كان فيه مواضيع وباظت المفروض اخاف ارتبط الا انى بحس أن نفسيتى هتبقي احسن لما ارتبط اقصد ارتباط رسمى مع العلم أنا مش مفتقدة الحب فى بيتنا يعنى اهلى بيحبونى اوى مش متدلعه ولكن هما بيحبونى دايما بدور عالحب فالعلاقات

جماعة هى الأماكن اللى بنروحها والمُقتنيات اللى بنمتلكها والأجواء اللى بنحسها ليها لازمة من غير حد إنت بتحبه ؟ انهاردة كنت نزلت اتمشى شوية وانا راجع اشتريت لنفسى حاجة ااكلها من السوبر ماركت.. والحاجة اللى اخترتها كانت نفس الحاجة اللى اكلتها مع حد قبل كدة لما روّحت البيت فتحت الكيس وفجأة لقيت إنه ملوش طعم! ياترى كام مكان حبيناه وكام شعور اتعلقتا بيه بسبب الناس احنا ملناش غير بعض ياجماعة.. الأماكن عُمرها مابتنتهى والماديات بتروح وتيجى.. بس الناس وإحساسك وإنت معاهم هى الحاجة الوحيدة اللى بتفضل فى بالك

بجد بدون افكار فلسفيه انا شايف ان الارتباط في السن ده مش هيجيب غير مشاكل سواء انك هتحس بانتماء زائف ممكن يتسحب مك في ثواني او انك تحس بانك مستهلك علشان في شخص دخل حياتك وبقا يستغلك او حتا انك تضطر تشتغل اكتر بس علشان تشتري ليها طلباتها علشان تفضل معاك فاصبح وجود الانسان معاك عائق مش تحفيز لكن لما نيجي نبص علي الاكبر مننا سنا بنلاقي في اختلاف الارتباط م مجرد حب لا يمكن تقيمه هو حاله كامله من المشاركه سواء بتقديم دعم نفسي معنوي من المرئه او دعم مادي و جسدي من الرجل وعمرك مهتوصل لمرحله النضوج النفسي دي طول منت في السن ده لان السن ده مجتمعيا هو سن انفتاح الثقافات على بعض المباح و المحظور بقوا شئ واحد علشان كده اصبح من الصعب رؤيه الخطئ او حتا تجنبه اصبح انك لازم تجرب الخطئ علشان تتعلم منه و في مننا مش بيتعلم اصلا وبيكمل وقوع في نفس الخطئ بالنسبه ليا انا كنت بدات اتعلق بوجود بعض الاشخاص في حياتي كنت مبسوط بوجودهم و كنت بشاركهم اغلب افكاري و تخطيطاتي و كانت محادثاتي معاهم محادثات عقلانيه تماما ولكن الموضوع اصبح بالنسبه لي يؤثر على ميزاجي اليومي بمعنى اني اصبحت متعلق بوجودهم لما يكونوا موجودين كنت بفرح و العكس كنت بزعل علشان كده قررت اني امشي وقد كان اه طريقتي في الانسحاب طفوليه ولكنها كانت اسلم طريقه للانسحاب دون مشاكل بعيدا عن كل ده هي مكنتش ارتباط ولكن وجدت ان صداقتي مع بنت هتسبب لي مشاكل على المستوى النفسي حتا لو الكلام كان في حدود المنطق والمعقول قد اكون غريب في اللي بقوله قد اكون مش متقبل ليك لكن ده اللي انا حسيته فعلا و ده اللي حبيت اشاركه معاكم

انا فاشل جدا في تكوين علاقات عاطفيه وعمري م ارتبطت قبل كدا مع ان معايا واحد صاحبي الانتيم مكلم يجي ٦ تقريبا 😂 وانا مليش ف الجو دا وبجد نفسي ارتبط وابني قصة حب حقيقيه مع ان عندي خبرة في التعامل مع البنات بس معنديش جرئه اني افتح معاهم مواضيع بحس ان ممكن تحرجني واقلل من نفسي معاهم وكدا

ازاي بتقدروا تقنعوا نفسكم بخطوة الارتباط والجواز محتاج اسمع اسباب واضحة من الناس لاني عندي مقاومة كبيرة للخطوة دي وحاسس ان سلبياتها تقريبا اكتر من الايجابيات بالنسبالي فعندي فضول اشوف اجابات .

بقيت حاسس ان فكرة الانسان يكون عنده مشاعر ويحب تاني دي صعبة جدا حرفيا ولا بقيت احب نفسي ولا بقي عندي مشاعر اقدر اديها لحد حتي اللي ارتبط بيهم قبل كدا حاسس اني انا مكنتش بحبهم ولا عندي مشاعر ليهم تفتكروا هقدر احب؟

انا كنت مرتبطة بزميلي في الجامعة انا كنت رافصة فكرة الارتباط بس احنا كنا في السنة الاخيرة وقالي انو لما نتخرج هيجي يتقدملي بس كانت بتحصل بينا مشاكل دايما في جزء الغيرة والتحكم رغم اني كنت بحاول اسمع كلام في كل حاجة المهم بعد التخرج حصلتله مشكلة وهو ان بعض الاوراق كان عايز يطلعها و كان في مشكلة وكان بيتعامل معايا وحش جدا و متجاهلني و كان بيتعامل مع بنات كتير وانا مستحملة انها فترة وهتعدي راح قالي انو بيحبني بس مش عارفين نتعامل ونسيب بعض الموضوع دا حصل من ٦ شعور وانا مش قادرة افهم هل هو كان بيتسلي وبيخلع كدة ولا دا حقيقي لاني كنت بحس بوعوده ليا حقيقية انو هيحارب كل الظروف وعمره ما هيسبني وكدة

الانفصال الحياه بعد الانفصال للشاب سهله ولا صعبه فى رايكم والارتباط مره تانيه بيكون سهل ولا لا ؟ وليه بعض البنات مش بتوافق على حد منفصل ؟ مع ان فى بنات منفصله عاوزه حد اعزب بدون تجارب احنا خلاص بقينا فى الزمن اللى الرجاله هتتطالب فيه بالمساواه ولا ايه ؟!

انا خطوبتي اتفسخت من كام يوم و مش عارفة اتخطي الموضوع نهائي حاسة اني اتظلمت كل اللي حصل دا علي مشكلة تافهة كان ممكن تحل بمكالمة تليفون لكن هو مادنيش فرصة ادافع عن نفسي و لا هو اللي اتلكك علشان يمشي في واحده تانية ولا هو ماحبنيش من الاول دي كانت أول ارتباط حقيقي ليا انا موجوعة اووووي

انا حد متدين( او دا الي الناش شايفاه) ومليش في موضوع الارتباط وبالنسبالي دا شيء مق-زز وحرام بس طبعا مقدرس اتحكم بقلبي.. بحاول اغض بصري علي قد ما اقدر بس من صغري بحب..ذلك السخص معايا في المدرسه وانا عارفاه من زمان وكنا بنهزر مع بعض لما كنا في ابتدأئي كبرت اعدادي قلت لا مفيش كلام مع ولاد وتلقائي مبقتش حتى ابص للاولاد.. المهم انه كان فعلا عاجبني غير انه شخصيته قويه وكان بيتوتر قدامي كان بيخليني احبه اكتر.. المهم اني عرفت انه سلك طريق سيء ...وارتبط ببنات كتير .ربنا يهديهم مش عرفه اعمل اي او اقول اي صراحه الي حاسس بيا يقول هو بيتصرف ازاي

بفتكر ايام الكلية لما كنت طالب كحيان فى سنة اولى وتانية اما كنت اطلع على السلم والاقى الشباب والبنات بتوع تالتة ورابعة وهما قاعدين جمب بعض على السلم ومعاهم ساندوتشات الجبنة وقاعدين بيضحكوا وياكلوا كان نفسي اعمل زيهم وارتبط ويكون ليا حبيبة انا خريج تربية فنون بس ما بشتغلش فى تخصصي اشتغلت فى التسويق حبة وبطلت المهم نفسي ارتبط وتعرف على Girlونحب بعض انا ٢٩ سنة تفتكروا كدا كتر الزواج فاتنى ولا ايه وساعات لما اصور نفسي بحس انى شكلى مش جميل مع انى نوعا ما شكلى حلو وبلبس كويس ماما كانت بتحبنى جدا رحمة الله عليها وكانت بتجببلى لبس دايما مش عارف اعمل ايه.

انا مرتبطة بشخص علاقة شبه رسمية اخخخ مخنوقة بجد حاسة اني دخلت نفسي في دوامة مش وقتها و لا سني ملحوظة انا 20 وحشني جدا احساس اني انزل بموافقة امي بس انا ابويا متوفي مش عارفة اتاقلم على الوضع ولا على غيرته ولا على اني لازم اخد موافقته في حاجات كتير انا بحبه فعلا و عارفة انه بيحبني بس مش قادرة اتاقلم و بقيت بتخنق لمجرد احساسي ان في حد في حياتي اوي كدا و هو من النوع اللي بيهتم اوي دي حاجة حلوة بس ساعات بتخنق اللي هو خلاص يا حبيبي مش لازم بحبه اوي و استحالة اسيبه بجد اتعامل مع الاحساس اللي بيجيلي دا ازاي

هاى انا احمد من الشرقية مدينة الحسينية ٢٩ سنة بكالوريوس تربية فنون محدش يعرف طريقة الواحد يرتبط بيها يعنى اعمل ايه اروح كافيهات فيها بنات مثلا ولا اعمل ايميل على موقع او تطبيق معين كمان نفسي ارتبط فى الحقيقة بقيت بتخنق من حب السوشيال ميديا لانه بيروح بسرعة والبلوكات على ودنه .نفسي ارتبط واخطب ضروري

بفتكر ايام الكلية لما كنت طالب غلبان فى سنة أولى أو تانية كنت اطلع على السلم الحلقلى سكشن ولا محاضرة كنت اطلع الاقى الشاب والبنت من دول بتوع تالتة ورابعة قاعدين على السلم وقاعدين جمب بعض والواد من دولة هجمة كدا وحبيبته قاعدة جمبه ومعاه ساندوتشات الجبنة فى العيش الفينو ( الكيزان ) وتقعد اقول فى نفسي يا بختهم ودارت الايام وخلصت جامعة واللى ساب صاحبته سابها واللى اتجوز اتجوز واللى سافر سافر وانا خرجت من الكلية زى ما دخلتها وانا مش مرتبط حتى لا وكمان كان فيه بنت كانت بتقول عنى رايح بواحدة وجاى بواحدة ما كسبتش غير السمعة بس ..... ومعرفش امتى هخطب وهتجوز.

عندي احساس رهيب اني عايزة ارتبط بأي واحد معرفش ليه يعني لو اي واحد كلمني دلوقتي ممكن اوافق عادي و ممكن بعدها اسيبه عادي لانه في الاغلب يا عنده فراغ عاطفي يا هيكون عايزني بهدف الشهوة بس و انا مش كده و مش هسمح لحد يتجاوز حدوده معايا بس انا مش عايزة ابقي كده مش عايزة يبقي بالنسبة ليا عادي اني اعرف ناس و ارميهم وقت ما ازهق يعني تقريبا لو اي حد قالي ابعتيلي هبعتله عادي حتي اللي كنت مرتبطة بيه بعتلي و مش عارفة اعمل ايه و انا عارفة اني لو رجعتله غالبا هستغله و انا مش عايزة كده و احلي حد في حياتي كنت اعرفه هو ممكن مش احلي حد في الشكل ولا حتي حاجات كتيرة بس انا شايفاه احسن حد و عايزة افضل معاه مع ان علاقتنا ديه مستحيل يكون اخرها جواز لكن بجد مش عارفة ابعد عنه ولا عارفة ابعد تفكيري عنه اكتشفت ان مشاعري اه فيها اعجاب و قوي بس مش دلوقتي الحب القوية لكن بحس معاه بالامان و الاحتواء و الراحة عايزاه معايا علي طول و عايزة اكون جنبه الفترة ديه لانه مضغوط و بيمر بظروف صعبة بس مش عارفة اعمل ايه لانه حتي مش قادر يرد علي حد حتي بيرد كل فترة يطمني بس انا محتاجاه جنبي الفترة ديه و عايزة اكون جنبه و عايزاه بردو يكون جنبي بس مش عايزة اكون بضغطه بجد ده اكتر حد مش عارفة اشيله من بالي و مش قادرة ابعد عنه ده غير اننا مختلفين انا شايفاه مختلف عن اي حد و هو كذلك

عندي مشكلة غريبة، هي اني مش بعرف اتربط ببنت، بيبقا نفسي اوي بس ببقا خايف اخد الخطوة دي، بصراحة احترت اني احدد السبب.. زمان كنت بقنع نفسي اني علشان مش مقتدر ماديا وكدا .. لكن دلوقت الحمدلله الدنيا اتغيرت ١٨٠ درجة وجبت شقة ومعايا فلوس كويسة الحمدلله. بس نفس المشكلة ، معنديش الجرءة اني اكلم بنت واعبرلها عن مشاعري! مش عارف لية واي السبب ف كدا .. لما فكرة الفلوس أنها معطلاني اتشالت، بقيت بحس أن شكلي هو السبب! مع أني عادي مش وسيم ومش وحش يعني! بس مش قادر احدد السبب وحياتي واقفة وسني بيكبر كل شوية!

سؤالي للبنات اكتر انا دلوقتي عندي تاتاة شوية في الكلام او عدم طلاقة وبتعالج بس هي مش مشكلة عضوية اصلا يعني مش عيب خلقي او حاجة لا انا انسان عادي جدا فمش عارف ليه بحس انها هتمنعني من الارتباط حاسس مفيش بنت هتوافق فانا عايز افهم دماغكوا اكتر عاملة ازاي وهل لو شوفتوا حد كدة عادي تتقبلوه 🥲 والتاتاة بتزيد وبتقل علي مدار الايام يعني انا سعات بتكلم كويس عادي بس اغلب الوقت بتاتا فعايز اسمع بجد رايكوا

أنا عندي 28 سنه و اخر مره ارتبط فيها كانت من ست سنين طول المده دي مرتبطش و لا كان فيه حد مناسب بس انا دائما بفكر في الجواز و الارتباط و نفسي و اغلب اللي حواليا بيقول لي بطلي تفكري في الجواز اعمل ايه بجد عشان ابطل زي ما هما بيقولوا دائما نفسي بجد ارتبط و ألاقي حد مناسب ليا في كل حاجه بس بجد مش عارفه ابطل تفكير و لا اني اقول انه قدر زي ما بيتقال لي ممكن اعرف بجد بتعملوا ايه و لو فيه نصيحه اعمل ايه اصلا حسه اني بقيت مهووسة

استكمالا للي نزلته من شوية انا لقيت اني لما مبتكلمش هو مبيتكلمش ..مش حاسة اني متقدرة ف العلاقة دي ..دايما حاسة اني مضغوطة مع العلم ان هو عنده قدرة عالية على استفزازي لان انا شخص بستفز بسرعة وبتعصب .. عندي عيب اني وقت النقاشات ممكن نبرة صوتي تعلى وساعات بعيط ..احنا معملناش خطوبة وقتها وقولنا هيبقى تلبيس دبل على قد الاسرتين وخلاص حتى مجبناش شبكة كان دبلة ومحبس بس مع اتفاق ان في شقة تمليك والشبكة بعد سنة بس اللي حصل عكس كدا وحصله ظروف وساب شغله( اللي مكنش مجاله) فترة وتقبلنا الوضع وبالعكس شجعناه يشتغل ف مجاله وياخد كورسات وبناء عليه مفيش شبكة جت ولا بقى في امكانية نجيب شقة تمليك بس تغاضينا عن الموضوع ده ... بعد يجي ست شهور رجع اشتغل ف مجاله بس بمرتب تلت اربعه يتصرف فواتير والباقي ميفتحش بيت وساب الشغل بعدها بتلت اشهر ... المهم اني بقيت بحس ان انا هشيل العلاقة دي وهتبقى عليا لوحدي لانه من النوع اللي مبيعملش حاجة لنفسه ومتعود ان مامته اللي تعمله كل حاجة ..لقيت ان تفكيره ان الست ف البيت والراجل برا البيت ...لما اكلمه ان مثلا نسافر وكدا يقولي لو حد طالع يعدي علينا انا مش هفرهد نفسي ف سواقة اقوله طب مواصلات يقولي لا فرهدة بردو دايما يقولي انه بيحب الانتخة ... وساعات كتير بحس انه عايز يلغي حياتي الاجتماعية بعد الجواز ... اخر مرة اتكلمنا ف الحاجات دي قال انه مبيروحش لحد عشان محدش يجيله وإنه مش عايز حد يجيله اصلا وقال نفس الكلام ده قدام بابايا ومامتي ... جينا اتكلمنا ف تربية الاطفال قالي انه هيتعامل مع الطفل ان اللعبة دي مش اولويات وهيعلمه يحوش من صغره بس لما فكرت قولت لما اللعبة لطفل مش اولوية يبقى حاجاتي الخاصة مش هتبقى اولوية بردو وبقى يجيلي احساس انه بخيل شوية مع العلم انه مبيستخسرش ف نفسه حاجة بس ساعة ما نزلنا نبص ع العفش ونشوف الاسعار وكدا حسيت انه بيبص ع الاقل سعرا مش الافضل من ناحية الخامة ف انا فعلا مش عارفة انا صليت استخارة كتير ودي الحاجات اللي حسيتها بتظهر قدامي ف هل دي اشارات ولا ايه انا مبقتش عارفة وبقيت محتارة اكتر من الاول مع العلم ان انا فكرت كتير اوي ف قراري ده هو شايف ان انا قماصة وبتقمص من غير سبب وانا قولتله اكتر من مرة ع الحاجات اللي بتضايقني وهي انه ممكن يقعد بالتلت اربع ايام ميتصلش عليا يشوفني كويسة ولا لا وبردو اتكررت فبقيت بحس انه ملوش لازمة اتكلم تاني وباخد جنب من نفسي فهو بيشوف ان ده قمص من غير سبب اسفة ع الاطالة للمرة التانية

جماعة هنعمل ايه ف الفراغ العاطفي اللي عندنا نملاه ازاي رغم وجود باقي الجوانب الحمد لله لكن ده برضوا جزء اساسي ف يومنا نعمل ايه بكل المشاعر دي واحنا مش مرتبطين ولا حتي عايزين نرتبط غير لما ربنا ياذن بالخير

يا جماعة لو حابب ارتبط ببنت النية خير ان شاء الله هيكون ايه السيناريو او ايه اللى هيتم ازاى ابدأ كلام معاها ازاى اطلب منها رقم تليفونها مثلا او اكلمها فى اى موضوع او كدا خصوصا ان انا جمالى بسيط عمري٣٠ سنة من الشرقية

انا عندي مشكله انا حولت اني اعالجها بس مش لقيلها حل لغايه دلوقتي . انا عارف ان الارتباط حرام . وفعلا من وانا صغير عمري ما ارتبط ب بنت . بس دا في حد ذاته مسببلي مشكله . ديما بفكر لي لغايه دلوقتي مرتبطش ببنت . هل السبب فيا ولا لا . وبقيت اي بنت تديني شويه اهتمام اتعلق بيها ولسبب ما العلاقه مش بتكمل وبنسيب بعض قبل ما الموضوع يوصل لارتباط لسبب ما وطبعا دا شئ كويس لانها كلها علاقات غير شرعيه بس في نفس الوقت . دا بيضايقني اكتر . الي هو هل انا مش كفايه ؟ واسئله من دي كتير

​"أصبحت القهوة هي مهربي الوحيد من ضغط الشغل والبيت والصحاب، بختار دايماً إني أنزل لوحدي وأكبر دماغي بدل ما أتكلم مع حد، وكأني في دايرة مقفولة.. حتي موضوع الارتباط الجواز والخطوبه مبقاش من أولوياتي هل دة هروب وانا بهرب من اى أنا كل ما أقول التوبة يا بويا ترميني المقادير