استغلال

معقول تحس بالذنب ده كله لمجرد انك اتربيت كويس ، محدش فيهم قدر يعلمك تجربة حياتية كلهم قالولك حب وهتتحب وعلي قد ماتدي هتاخد اضعاف مضاعفة.. الواحد مع الوقت اكتشف انه كان بيتاخد والله ومخدش اي حاجه

السلام عليكم انا ليا واحده صاحبتي اتعرفت عليها في تالته اعدادي المهم في اولي وتانيه ثانوي كانت بتسألني في الامتحانات وبديها الاجابات عادي بس هي بقت بتشوفها حق مكتسب ودي حاجه بدأت تقرفني لان في تانيه ثانوي كان بيبقي نماذج نفس الاسئلة بس متلغبطه اما المقالي مختلف ف لقيتها بتقولي بدلي الورقة بقولها ورقة ايه بتقولي ورقة المقالي حليلي بتاعي وزعلت مني اني مرضتش احللها انا اصلا مكنتش لسه لا خلصت الاختياري اللي في التاب ولا المقالي عشان احللها وهي اصلا مبتذاكرش وزادت فيها انا والله عادية مش اللي هو دحيحة ولو حد طلب من سؤال وانا حلاه بقوله عليه عادي بس هي بتطلب الامتحان كله وبحللها المقالي كمان كأني داخله امتحن مرتين ومره كنت قولتلها لا دخلت برقم اخوها الصغير وبعتت لنفسها علي الواتس وبتقول لنفسها ان انا مصحباها مصلحة وبتحذرها مني المهم اني عرفت انه رقم اخوها انها كانت لما موبايلها باظ بتكلمني من رقم اخوها ف لما بعت الاسكرين دخلت اسيرش علي الرقم لقيته متسجل ب اسم اخوها ده فدخلت علي الواتس لقيته نفس الرقم ومعرفش هي ليه عملت كده لحد الان المهم ان السنادي انا تالته ثانوي وامتحاناتي خلاص كمان 11 يوم وهي علطول بتبقي ورايا في اللجنة فمردش عليها لو سألتني ولا اعمل ايه عشان انا بتشتت اوي وخايفه اتشتت واتوتر ومعرفش احل وشكرا واسفه جدا لو طولت🙏🏻💗

نفسي اتكلم عن مشاعري من غير ما حد يشوفني حساس او كدا نفسي لما احب حد محسش انو ساعات بيشوف فيا حتت تفاهة سيكا بس بتبقا من معزته عندي نفسي لما اقدر حد مرة ميستغلش حسن نيتي اني ابدا بالخير ويفضل يطلب كتير حاجات تانية. عاوز اروح اقعد مع شيخ او ثيرابي اقول كل حاجه غلط عملتها في حياتي عاوز ابطل عادات سيئة وارجع للجيم والكورسات حاسس اني عاوز ادخل مستشفي اعمل فحص شامل واتعالج وأخرج عاوز ابطل اندفاع في الكلام عاوز ابطل قله ادب انا موجود هنا وت لي هوا هوا النيم

انا شخص ناقص حنية بجد ،فلو اتعاملو معايا الناس معاملة حلوة بحس ان ده كتير عليا و لازم اردلهم الجميل ده ، حتى اتفه الاشياء انا بحسها كبيرة ، مرات لما يسألني شخص تاني ( كيفك ولا انت بخير) ابدأ ابكي عشان قليلة الناس اللي تسأل عليا و على حالي ، و بسبب هاد الموضوع بيتم استغلالي بسهولة

انا بتغفل من صحابي بجد عندي واحده صحبتي دايما مشيلاني الهم في حياتها دايما بتشكيلي وانا دايما بسمع وبدي حلول وهي علطول شايله الهم معني هي حياتها الي حد ما كويسه بس عمرها ما بتحمد ربنا مثلا وتقول الحمدالله مهم اني جات فتره كانت دايما يتشكتيلي من حالتها ماديه وان قد اي هي بدبرها علشان تعيش معني هي بتشتغل ومخطوبه ل شخص محترم جداً ومرتاح ماديا كمان انا كانت بتصعب عليا واي فلوس كانت تحتاجها كنت بدهالها ١٠٠ ف ٢٠٠ كده يعني مع الوقت لقتها بتبعد عني ب حوارات غريبه ومشاكل ليها في حياتها ،، معني ظاهر غير كدا مش عارفه اعمل ايه انا بحبها وباقيه عليها وفي نفس الوقت بحس انها بتستعبطني

انا خايف ااووي ليكون نصيبي مع حد شبه الناس الي ظهرت ف الشرkيه ومستغرب اووي من الي حصل في الشرkية ازاي كل الناس حصل معاه كدا معقوله برضاهم كمان دا وما خفي أعظم كمان يعني اي مكان بتتردد عليه الست يبقي محل شك انها بتعمل كدا ولا لأ والمجتمع كمان بيمجد في البطل

الشغل اللي انا فيه تعب نفسيتي جدا بجد حوار كمان الاستغلال في كل الأوقات كتير يعني مثلا معادي الساعه 8الصبح بيقولوا انزلي الساعه 7وبيخلوني اخد شيفتين بحجه نقص الموظفين وياريت حتي في مرتب لكل دا ومعرفش انام ولا اذاكر حتي وعايشه بصرف علي نفسي بس ساعات بفكر اسيبهم واللي يحصل يحصل

I think المرادي مشكله فعلا او انا عارف بس بستعبط وهو اني بحب جدا اساعد الناس باللي اقدر عليه سعات باجي على نفسي ودا غباء بس بدات ابطل اعمل دا يعني حاسس انه بيتم استغلالي وبمزاجي انا الواد اللي بيشرح الماده ليلة الامتحان للدفعه انا اللي بيعمل ملخصات وووو بقابل ناس فعلا تستاهل وبيدعولي كمية دعوات ودا تقريبا اللي بيحببني في المساعده بس في حته جوايا كدا بتحسسني انه انت الواد المغفل اللي اي حد عايز حاجه بيقوله هاتها ومش عارف ايه مش عارف والله حاسس اني بهبل ويمكن امسح بس لا مش همسح ف مش عارف بقا هل انا صح ولا في حاجه غلط ولا ايييه

كنت بمتحن ماده انهارده وانا الليدر الدكتوره بتبعتلي المحاضرات ابعتها للدفعه و كلامها عامه بوصله ليهم المهم جروب الماده دي توكسك اوي في ناس بتسال وبساعدهم لان ده دوري مش مجبره بس للامانه اني اوصل كلام الدكتور و افهم الدنيا للي مش واضح معاه حاجه انا مبحضرش فمش بسجل هما كلهم اتنين ريكس بس اللي معايا وفي ناس بتحضر وبتسجل المحاضره المهم اتنين منهم عارفه انهم بيحضروا فطلبت من واحده تسجل وبتبعتلي قالتلي حاضر هي سوريه عامه ف طلبته منها مرتين مرضتش تبعته وبتقول اه ومش بتبعت ودي بالذات بساعدها فمادتين ده غير الناس الي عامه نفسها مش بتذاكر و مش معاهم حاجه للماده انا مش بتكلم علشان نفسي انا ذاكرت الماده كويس و كده كده بكلم الدكتوره ويسأل لو في سؤال مش فهماه أو اي حاجه مش واضحه بس سبحان الله دول ناس غريبه اوي يعني والله لما تبعت حاجه تساعد بيها الناس مش هتخسر حاجه بالعكس الأرزاق دي بتاع ربنا لما تساعد رزقك مش هينقص بالعكس هيزيد ياريت الناس تسلك

السلام عليكم من فضلكم من حوالي شهر كدة لقيت صاحبي بيرن عليا ودي مش عادته اصلا يعني مبيسالش خالص وخالص دي يعني مبيسالش خالص بجد هوا لما بنشوف بعض بالصدفة بس او انا اللي برسله بسال غير كدة مفيش فكلمته لقيته بيقولي مزنوق في مبلغ ومحتاجه فالصراحة انا كنت مستني انو يسال بس ف اتفاجئت انو بيسال علشان مصلحته المهم انا قولت يمكن هوا مزنوق فعلا واديته المبلغ مع انو هوا لو راح طلب المبلغ دا من حد حتي لو من اللي قريبين منو وبيسال عليهم هيتحججولو باي حاجة ومش هيرضو يدولو ف انا اللي ضايقني اكتر انو اخد المبلغ ومبقاش يسال ولا اكنه يعرفني حتي انا الحمد لله يعني في جامعة خاصة وميسورين الحال يعني مش مستني منو سؤال ولا حاجة بس انا اللي مزعلني اني حاسس ان دا استغلال وبس فهل اطلب منو المبلغ ولا اسيبه ولا ايه

محدش يحكم عليا من كلامي إلا لما يفهمني الاول ع قد ما هتحسو من كلامي ناتج اني لسه صغيره بس فالحقيقه دا مجرد نقاش وكلام وفكره واني اكبر من كدا بكتير بس حقيقي دا مشتت تفكيري.. وهي اني أوقات بسأل نفسي وبقول هل ف يوم هتحب الحب ال هو حقيقي هل ف يوم هلاقي شخص مناسب ل قلبي وليا واكون مرتاحه معاه ومش شايله هم حاجه هل هلاقي شخص فاهمني وبيسمعني ودايما ف صفي وبيعلي من شأني بسال نفسي اسئله من النوعيه دي كتير اوي بما اني خايفه اقع مع شخص مش كويس او اعرف فيما بعد انه مش خير ليا خايفه اوي اقع مع شخص مؤذي لأني عمري ما اذيت حد فا اخاف يجي ال يدمرني كلامي مش ناتج عن تجربه فا خلت عندي تروما لأ معنديش تجارب بس يمكن خايفه شوي من العلاقات دي بسبب الافكار ال بتيجي ف بالي نفسي ارتاح فكرياً وابطل اشيل هم لأني بكدا مش هعرف اكمل حياتي بس السؤال الاهم هنا هل انا هيجي ال يحبني بجد بدون استغلال ل مشاعري لأن انا يوم ما هحب شريك حياتي هديلو كل مشاعري.. فا فكره الخوف دي محاوطاني بشكل مريب

السلام عليكم الصراحه أنا بعمل البوست دا ومش عارف اكتب ايه بس عايز رايكم من وانا صغير كنت بعشق حاجه اسمها هكر أو مافيا أو الحجات دي كنت بموت في الحجات دي اوي كنت علطول بسمع قصص وحجات زي دي ومن وانا صغير كان معايا تلفون وكمبيوتر في سن اصلا مينفعش يبقا معايا التلفون المهم ابتديت ابحث عن الهكر والبرمجه واسمع قصص والحاجات دي المهم ابديت اني مثلا اهكر العاب اكتب ثغرات فيها مثلا تخليني مش بموت أو اطير أو الحجات دي وكل ما كنت بكبر كنت بتعلم اكتر المهم اني بعدها فهمت كل حاجه عن الهكر دا مش عارف في ناس هتصدقني ولا لا بس وصلت لدرجة اني كنت ممكن اهكر اي اي حد حرفيا من رقم تليفونه افتح الكاميرا عليه وأشوف هوا بيعمل ايه وكدا والحقيقه اني ساعدت ناس كتيره اوي اوي والله بجد وعمري ما فكرت اني استخدمها في حاجه غلط كنت كل ما حد يعرف اني كدا كان يقولي تعاله اشتغل معايا وكدا يعني اني ثلا احط رابط ويبعته للناس ومن الطريقه دي لو فيه فلوس عندو اسحبها كنت برفض حجات كتيره أوي والله المهم عشان مطولش أنا اهلي ميعرفوش اي حاجه من دول المهم انا من فتره بعدت عن الكلام دا كلو حاولت اني انسى بس مبنساش لان في الحقيقه كل دا ملهوش اي فايده اه بساعد وكدا في الحلال بس زهقت من كل دا كل شويه حد يستغلني وفاكرني عبيط الحقيقه حاسس اني عملت كل حاجه ممكن تتعمل في المجال دا اسف طولت بس المهم دلوقتي أنا بحاول ابعد عن دا كلو مبقتش افتح الكمبيوتر ولا الاب توب حته او اي حاجه بس مش عارف انسى خالص بعد اذنكم حد عندو راي أو حد عندو نصيحه أو حد مر بنفس الحاجه دي يقولي اعمل ايه؟؟

في مكان انا بحبه شبه اتربيت فيه و بدي للمكان بكل حب و بدون اي مقابل عارفين حصل ايه بدل م الحاجه بقيت بتتعمل بكل الحب بقيت حق مكتسب انتي كويسه احنا عارفين دا ف يلا كلنا نصغط عليكي انا اه لسه في المكان و مازلت بتطوع فيه بس المرادي مش لان حابه لان مش هاين عليا امشي مع ان اتقال انها مش بتقف ع حد مش هاين عليا اسيب بس من جوايا مبقتش زي الاول تقريبا تعلق ب المكان اللي قعدت فيه عشر سنين و اكتر كمان

انا متضايقة و عندي تراكمات من الماضي حول فكرة استغلال الناس لي ، بكل شكل من اشكال الاستغالال التفسي و العاطفي ، مع مرور الزمن تشعر انك ملجأ لالقاء الهموم ، اصبحت اتحاشى جميع الناس ، قطعت تقريبا كل علاقاتي و حتى علاقتي مع الاخرين اصبحت سطحية جدا ، لا ارد على الهاتف و اتضايق عندما يرن ، صديقتي المقربة صرت اتحاشاها و اتجنب مكالماتها ، لم اعد استطيع ان اتحنل النكدية ، اعلم انها ممتنة و اعلم انني لو سقطت ستسندني ، لكنني لم اعد استطع ان اتحمل its too much ، اصبحت منغلقة ، تفهت جميع مشاكلي لدرجة انني لم اعد استطيع التعبير عن مشاعري بطلاقة ، اصبحت حساسة لاي محاولة استغلال و افسر نوايا الجميع بشكل سلبي ، لا ادري ، لم اعد نفس شخص و فقط

عايزة أفضفض شوية، لأنّي أكيد مش هعرف أقول الكلام ده قدام حد. ليه دايمًا بلاقي نفسي بتعلق بناس مش أسوياء نفسيًا؟ وليه بسبب بابا عندي طول الوقت إحساس بالاحتياج العاطفي؟ حاسة إني محتاجة يكون في حد في حياتي باستمرار. لدرجة إن أي حد حتى لو بنتكلم كلام عادي، بحس إني بدأت أتعلق بيه. بجد ليه أنا كده؟ بحس إني فاضية من جوا بشكل كبير، والمشكلة إني عندي 21 سنة، يعني مش صغيرة. المفروض أكون أقوى من كده وأعرف أحافظ على نفسي أكتر، لكن دايمًا بحس إن مشاعري هينة عليا، وكأن الموضوع مش فارق معايا، رغم إنه بيأثر فيا جدًا. بقيت حاسة إني بلوم الناس على حاجات كتير. من فترة كان في حد بيحاول يتكلم معايا، وواحدة صاحبتي كانت عارفة عنه حاجات كتير وقالتلي إنه بتاع بنات. كنت مقررة أعمله بلوك وأنهي الموضوع، لكن لقيت نفسي متضايقة منه بطريقة مش طبيعية. حاسة إني عايزة أقوله: "ليه؟ ليه أنت كده؟ ليه بتتعامل بالطريقة دي؟" مع إن الموضوع أصلًا ميخصنيش. يمكن لأني جوايا نفس الشعور تجاه بابا. نفسي أقوله: ليه أنت بعيد عننا؟ ليه عمرك ما كنت قريب؟ ليه سايبنا كده؟ هو موجود وعايش، لكن عمره ما كان موجود فعلًا. لا بيسأل، ولا بيتكلم، ولا بيدعم. والأسوأ إنه كل ما أحاول أنجح أو أعمل خطوة لقدام، بحس إنه بيرجعني للصفر. أنا تعبت جدًا من الموضوع ده. بحاول قدام الناس أبين إن عادي ومش فارق معايا وإننا عايشين من غيره، لكن الحقيقة غير كده. وشفت أمثلة كتير حواليا لبنات من بيوت متفككة، واتجوزوا ناس بيعاملوهم أسوأ معاملة، واستحملوا حاجات صعبة جدًا. وأنا بجد خايفة. خايفة أدخل علاقة أو جواز وأنا عندي الفراغ ده كله، فأقبل بحاجات مينفعش أقبلها، أو أتمسك بحد لمجرد إنه اداني اهتمام. أنا إنسانة مسالمة وهادية جدًا، وخايفة حد يستغل الاحتياج ده أو يستغل طيبتي، وفي الآخر أكون أنا الخسرانة. بقيت أخاف من فكرة الجواز نفسها. نفسي ألاقي حد يعوضني عن الأيام الصعبة والحرمان اللي حسيت بيه بسبب غياب الأب، لكن في نفس الوقت خايفة جدًا أدور على التعويض ده في الشخص الغلط.

بحس سعات هنا بواقي بني ادمين الي هوا شب مش تارف يشقط مثلا في حياتو فا جي يشقط وخلاص بت مش عارفة تتحب ف جايو تشوف الكلاب ملمموين حوليها اي نعم في ناس بيستخدمو الاب صح وبيحكو مشكلهم لاكن الاغلب جي يكمل غلط بيعملو بجد

في ناس هنا كويسة جدا بجد حقيقي في ناس هنا كل مشكلتهم انهم طيبين بذياده وده مخلي حيتهم صعبة انا عارف انا بقول ايه حقيقي شكرا لكل حد بيساعد وربنا يهدي كل حد بيستغل ضعف عشان مصالحو حقيقي بحب ناس كتير حنا ربنا يدمكوكم وتفرحونا ❤❤

السلام عليكم سؤال بس من فضلكم هوا طبيعي ان اصحابك اللي انت بتاعملهم اكنهم اخواتك علشان متحسسهمش انهم اقل منك في حاجة انهم يستغلوك او يحاولو يطلعو من وراك باي مصلحة سواء كانت مادية او حاجة تانية ولا انا علشان بعاملهم كدة ساؤو فيهاا اصل مش طبيعي ان مهما كانت حالة صاحبك المادية كويسة تروح تطلب من موبايل ابل احدث اصدار وتقولو هبقي اسددك تمنو مع ان دا مش هيحصل او مثلا اللي بيطلب مبلغ مبالغ فيه حتي المبلغ دا لو طلبه من والده مش هيرضي يدهلو وامثلة من دا كتير انا والله بييجي عليا وقت وببقي عايز اقطع علاقتي بيهم كلهم بس بقول دول صحابي وممكن ربنا موسع علياا علشان بساعد ناس زيهم بمبالغ هما بيستلفوها ومش بيرجعوها بحجت انهم مزنوقين ومش عارف ايه بس انا مش شايف في الموضوع غير ان دا استغلال ف كنت عايز اعرف راي حضراتكم

ازيك يا شباب فيه واحده بحبها وكنا مع بعض وايا يكن سابتني فتره الصيف الي فات حووالي ٣ اسابيع ورجعت تاني تكلمني واديتها فرصه تانيه الملخص كان عليها مشروع تخرج وبقالتا ٨ شهور مع بعض بعد ما رجعنا انا خلصت مشروع تخرجها من الالف للياء وخلصه غير اني كمان كنت بقف جنبها وقت اي مشكله اي حاجه كنت بقف معاها على الرغم انها لما سباتني قبل كذه قالتلي انت عيل و لا يعتمد عليك وانت وانت وانت وطلعت فيا كل العبر الي في الدنيا ويوم المناقشه كانت محتاجه ورد فانا مكنتش عارف اجيبه اقريبا لاني كنت بعيذ فقولت لما اروح مكان المناقشه ادور على حد فيسألها فيه مكان هنا اتقمصت المهم انا جبتلها الورد في النهايه وبعد ده كله راحت قيلالي بعد ما خلصنا اليوم لقيتها بتعاملني بطريقه وحشه ولما كلمتها قالتلي انت عيل و انا قاعده معاك بس عشان انت حنين و العشره غير كده كنت مشيت وسبتك وعموما احنا شبهه اتصالحنا بس هي متأسفتش ولا على اي كلمه هي قالتها اعمل اي دلوقت اسيبها ولل اعاتبها ولا اعمل اي ولل اخليني معاها واعمل نفسي مش شايفها ؟ حد يقولي لان قلبي مكسور جدا

المشكلة تسلفهم وتقف معاهم وقت زنقتهم وحرفياً بيبقو عاملين زي الكلاب وهما جايين يستلفو ولما تمنع تسلفهم علشان تحس انهم بيستغلوك ومبيرجعوش الفلوس اللي بياخدوهااا يزعلو ويعملو زي التعابين ويروحو يشتكوك للناس ويزعلو مع انهم هما اللي غلطانينن وهما عارفين بس عاملين عبايط وانا اصلا ولا فارق معاياا حد ولا اتنين ولا اي انسان لان مفيش حد بيديني فلوس ولو انت وهوا عاملين اللي بتشتكولو مني دا احسن مني روحو استلفو منو واعتبروني زي ما تحبو يا شوية وسخيين

عاوزه اتكلم يا جماعه عن كذا حاجة مش قادره افهمها انا اتخطبت قبل كدا لشخص كنت شايفه انه مناسب جدا ليه من كل حاجه وهو كان شايف كدا الخطوبه كانت صالونات كان فيه عيوب كتير عادي لكن كنت متقبلاه والجزء اللي يضايقني بحاول اخده بصدر رحب المهم الشخص دا من ساعه ما خطبني اهتم بيا يومين حرفيا ف الاول بعدها برود مميت وكأن مغصوب عليه طب مالك مفيش ابعتله واتس ميردش مره قفل موبايله قلقت عليه كلمت اخته قعد يزعق ويقلي مش عيل صغير كان بيخليني اخر حاجه ف كل حاجه لة عزمني او خرجنا بيشوف اقل مكان واوقات كتير كان بيجيب اكل الشارع سندوتشات كبده التعبانه دي وانا مكنتش بكسفه مع انه مقدر ماديا ومعاه فلوس كتير وانا كنت كويسه معاه وواضحه جدا حاولت اتكلم معاه مبيسمعنيش خالص يقلي انة راجل مشغول احكي لصحابك ولا اخواتك حتي ف الاوقات الصعبه وقالي متستنيش مني حاجه اللي عليا اديكي فلوس وبس ويقلل من اهميه كلامي او يقاطعني او يقلي تعبان مشغول مش قادر وبعد محاواات طاقتي خلصت وقررت اسيبه رجع اعتذر وقال هنخرج نتصالح حاولت اكلمه بردو بيهرب من الكلام يغني يقلي بصي التيشرت بصي الراجل اي حاجه بعيدا عن انه يسمعني جينا ندخل مطعم يسألنيةكتير نروح المعم دا اعزمك ع مشوي قلتله كلت مش جعانه ولما قعدنا سوا سألني تاني كتير قلتله ماشي بردو بعد ما قلتله ماشي كانه مستخسر يعزمني ومش عاوز يروح وراح مغير المكان وقالي دا احسن والمكان قدامنا وراح جاب سندوتشات كبده وقالي اصل جعان اوي مش هقدر استني لحد ما يجيب الاكل وبعدها دخلنا وبردو ع مضد قررت يومها ان هسيبه لا محاله وسيبته فعلا بعدها عرفت انه خطب ودفع اللي وراه واللي قدامه وحتي عزمها ف يوم انا موجوده فيه كان تجمع ف الشغل وقعدو يتكلمو جايب وعامل ودافع اكتر من ٥٠٠٠ ومكنتش مهتمه اعرف اخباره لكن عشان كنا ف نفس المكان كان الناس بتيجي تتكلم قدامي وجم قالو دا فسخ الخطوبه خطيبته دفعته اللي وراه واللي قدامه لحد ما كانت عاوزه عفش بارقام خياليه فقرر يسيبها اللي عاوزه افهمه هنا هل ان كوني طيبه وواضحه وبقدر شريك حياتي ان التعامل معايا يكون بالسوء دا وهل المفروض نكون متلاعبين نفسيا بالراجل عشان يتعامل بشكل كويس لان الاغرب ان اتقدملي حد تاني كانه نسخه منه بالظبط يبدا من برا طيب حنون هعملك اللي عاوزاه هسمعك هعمل واسوي ويومين اتتنين وتلاقي برود فظيع اصل مشغول اصل مش فاضي اصل مضغوط هكلمك بالليل طب الصبح اصل ف الجيم اصل صاحبي اصل ابويا عاوزه افهم هل انا بتعامل غلط يعني ولا الشخصين اللي عندهم مشكله وليه كانو بيعملو معايا كدا رغم ان الشخص التاني كان خاطب قبل كدا وخطيبته طلعت عينه وهزت ثقته بنفسه وكان بيجري وراها لحد ما اكتئب وانعزل وبعد كدا تعافي خلال سنين ليه لما بتكلم بوضوع وصدق بيقابولوني كدا انا اصلا دكتورة مشاوله وعندي نشاطاتي وبهتم بنفسي لبه بيتعاملو معايا كدا وليه هما بالذات انا من بعيد بطمن لما احس بالقبول واحس ان الشخص محترم وهكذا بعدها بلاقي صورة تانيه وعقلي بيفضل متعلق بالصورة الاولي اللي رسمها

انا عمري ما كنت الطرف الوحش ف حيات اي حد عمري مأذيت حد ولا جيت ع قلب حد بالعكس أنا ممكن اتحمل أن حد يجي عليا واسامح إنما انا عمري أما اجي ع حد .. ديما الي بحبهم ببقي خايف ع قلوبهم من الزعل بحاول اراضي الكل ع قد ما اقدر بحاول اكون حد كويس الناس تفتكره بالخير م بالشر.. والموضوع ده سبيلي أني كتير .. لان كان في ناس في حياتي بيستغلوا دا.. عمرى ما اخترت أخرج من حيات حد أو أخرج حد من حياتي.. والبعد بالنسبالي كان أوبشن عمري ما كنت أنا صاحب القرار فيه ومكنش سهل انه يحصل.. ف صدقني انك لو وصلتنا أننا نبعد أو أنك تخرج من حياتي .. ف دا من أفعالك انت دا نتيجه الى انت عملته لان انت الى بتخرج نفسك بنفسك من قلبي.. يعلم ربنا اني بحب الكل حب صافي .. عمري ما ؟ ما كديت

ما بتتقدرش ما تقدرش ببساطه لو انت مع شخص مش بيقدرك ما تقدره لكن هيقعد هو مش بيقدرك وانت عمال تقدره وتديله حب واهتمام وكل حاجه ممكن تديهاله هيفضل كدا طول ما انت بتقدره علشان الانسان اللي مننا لما بيلاقي الشخص اللي قدامه مهتم بيه او بيقدره خلاص هو بيسوث الع. بط بقي وبيسوق بقي حته ان خلاص بقي هو كده كده موجود وكده كده بيقدرني فانا كده كده ايه هاجي عليه براحتي بقي

دلوقتي حصلت حاجة مش عارفة اتعايش معاها كان في حياتي شخص بحبه جدا وقدمتله كل حاجة واذاني جدا واستغلني بطريقه ما وخاني بس قالي انه خاني عشان يحافظ عليا انا وميعملش معايا حاجة وحشه وبعدين رجع فاق من القرف الي كان بيعمله ده واعتذرلي وقالي مش هنعمل حاجة غلط وان كدا حرام ومينفعش نكمل في الغلط (كنا سايبين بعض اصلا كدا كدا ) وهنبعد ولو فيه نصيب هنبقي لبعض بعدين ف انا مش فاهمة دلوقتي هو حبني ولا لا وفعلا عايزني ولا بيعلقني بيه ولا ايه الفكره انه مقاليش كلمه صريحه انه هنبقي لبعض فضل يقولي الله اعلم وان ده نصيب ومحدش عارف انا مش عارفة اعمل ايه بجد ومش عايزة اعلق نفسي

احساس وحشي اوي اني عمري ما لقيت حد بيحبني وبيحاول عشان اذا كان صحاب أو اي حد يعني صحابي بحبهم ولو زعلو مني بصالحهم واخاف علي زعلهم وهما بردو لو زعلوني وانا اخدت موقف محدش فيهم يهتم ولا يحاول يكلمني حتي وبروح لصالحهم مع انهم هما الي غلط والبنت الي بحبها بقالي 4 سنين بحبها حب مش طبيعي وهي ولا شيفاني وعايشه حياته ولا بتفكر فيا اصلا وبتستغلني وانا عارف كدا كويس ومش و اي حاجه تحصلها مثلا تدخلني فيها عشان احلها و مش بتكلمني غير عشان مصلحتها أو حاجه تسألني عليها وبس مع انها عارفه اني بحبها بس انا نفسي بجد اشوف حد بيحبني وبيحاول عشان وبيحاف علي زعلي زي ما انا بعمل مع الكل

مجرد فضفضه.. انا مفيش حاجه والا اتخذلت فيها بجد مفيش حاجه بتكمل معايا خالص عارف لما بتحب ناس معينه اوووي بتبقي شايفهم كل حاجه في حياتك بتبقي حاسس انهم عوضوك علي كل حاجه وحشه شوفتها في حياتك عمتا وفجاه تكتشف انهم غلط يفضلو في حياتك اللاسف علشان بياذوك ف خلاص تمام بعدت عنهم وانت قلبك مكسور وبتحاول تبقي لوحدك بتحاول تقرب من ربنا علشان الناس دي بعدوك عنو وتمام بتحاول تتعايش فجاه مره واحده يحصل موقف قدامك تكتشف تااااني😂💔انهم كانو انت بنسبلهم ولا حاجه شخص عادي اكتشفت انهم مكنوش بيحبوني يعني استغلوك باوحش اسغلال انهم عاوزين بقي مصلحه انهم كانو بيعملو موف اون بيا عاشو عادي من غيري وانا ما انهم اذوني جامد بس، كنت بفكر فيهم كل يوم وهما عادي نسيني اكتشفت اني مغ... فلة اني ممكن يضحك عليا عادي انا كنت عايشه في كدبه كبيره اووي فعلا اكتشفت ان الناس قد اي فعلا وحشه واني لي عايشه في دنيا اصلا مكدبش عليكم بفكر في انت.. حار ديما 🙂💔

السلام عليكم عايزة رأيكم انا بنت 20 سنة كنت بروح لثيرابيست واخر مرة روحت لاقيت الممرضة اللي معاها بتقولي هتدفعي 50 جنيه عشان طولت نص ساعة والدكتورة اللي قالتلها ادفع كام بعد ما طلعت لاقيت اني خدت ربع ساعة زيادة مش نص ساعة ودا عادي كان بيحصل كذا مرة حسيت انها حركة مش كويسة واتضايقت اوي بس قولت عادي مش زعلانة ع الفلوس بس خايفة بعد كدا هتكلم ازاي براحتي(وهي بصراحة بترغي كتير في امور مش هتفيدني) اخر مرة روحت من شهر عمالة اأجل عشان اشوف هتصرف ازاي الدكتورة دي روحتلها بعد ما دورت على كذا حد وروحت وانا يائسة ومعنديش امل ومش قادرة يعني معنديش خلق ادور على غيرها وهزعل انهم شايفيني كدا عمالة اتنقل من هنا لهنا ومش بتحسن وكبرت على الحاجات دي ممكن تقولوا رأيكم حاسة انها قلت من نظري وكرهتها ومش عايزة اروح تاني

🫠🫠🫠 اكتشفت انهاردة اني ولا حتي طرف تالت ولا رابع لا ده انا مجتش حتي ... 🥲 مش عارفة اقول ايه صراحة معنديش اي كلام اقوله ولا حتي عارفة انا حاسة ب ايه حاسة اني متلغبطة جدا و مشاعري غير مفسرة ولا اي حاجة بجد . بس انا مصدومة بجد حالة من عدم التصديق بجد متكدبوش اي احساس قلبكو يحس بيه لأن بنسبة ٩٩.٩٩% بيبقي صح بس صدقوني حتي لو كنتو حاسين ولا عارفين حتي هتبقو فنفس الحالة دي انا بجد مش عارفة اعمل ايه هو اكيد استغلني و استغل حبي ليه بس انا عمري مهقبل اني اكون مغفلة ولا اضعف ل مشاعري ، بس حاسة بجد بالظلم و القهر علي وقتي و مشاعري و حبي ليه فيدوني مش عارفة اعمل ايه و بس شكرا للي قرا او هيقرا البوست ف العموم

الكثير والكثير من الأشياء ١-البقر الناس البقر اللي هوا انا صح تمسك غبى برأيه واى حد مختلف عنه يبقى غبى ومبيفهمش ٢- الجاهل بدينه وشايف انو الناس كلها بتعمل كدا فا اشطه يعنى ٣-الجبان الجبان فى كرهه لحد بس ميقدرش يواجهه ويجيب حقه ٤ـالناس اللى بتستقوى على الضعيف ٥- المتكبريين اللى منفخويين على الفاضى على اساس التكبر لو معاه اشطا اتكبر براحتك😂😂😂 تبا ٦-الراجل اللى بيخلى الست تصرف عليه حقيقى اخيييييييه يع قوى بصراحه ٧ـاللى ممكن يدوس على اى حد علشان يوصل للى عاوزه وبس كفايه انهارده علشان انا اصلا بكره البشر فا مش هخلص لو كملت

السلام عليكم كان لما اصحابي بيطلبو مني فلوس او بيحتاجوني في خدمة كنت بديهم وبقضيلهم الخدمة علي قد ما اقدر وساعات كنت بقول لوالدي و والدتي وكانو بيقول طلاماا اتعشمو فيك يبقي ربنا باعتهم ليك علشان انت اللي هتقدر تساعدهم وهما يفكروهم اصحاب من اللي لو انا احتجتهم في حاجة مش هيتاخرو ميعرفوش انهم بتوع مصالحهم انا الحمد لله بدرس في جامعة خاصة وحالتنا المادية كويسة فانا مؤخرة كان كل اللي بيطلب كان بياخد الفلوس ويقولي هديهالك بعد فترة وبعد كدة ولا بيجيب الفلوس ولا بيسال حتي ومن بجاحتهم بيطلبو تاني علي اساس انهم نسيو اللي عليهم وانا اقسم بالله ما بيفرق معاياا الفلوس حتي لو هطلعها لله بس مش هديهالهم علشان دا اسمه استغلال وانا مبحبش الاستغلال ودلوقتي االي بيطلب مني اي حاجة منهم بقولو ممعيش ومش بديلو ف دا قرار صح اكيد صح

انا اخويا متجوز ومراتو حامل وعندو بنت ف مراتو ف اوخر الحمل قولت اطلع اساعدها ف شغل البيت لحد متولد بس فجاء بقت ع طول تعبانه مبتقومش غير عشان تعمل الاكل بس وانا مسؤاله عن بنتها اكلها واشربها واغيرلها واغسل مواعين وكل حاجه المشكله م هنا بس المشكله انهم بيعملوني بصيغه امر هي واخويا م طلب فهمني يعني مثلا ابقا بغسل المواعين او بعمل حاجه والنت تعمل بيبي ف تناديني تعالي غيري ل البنت وانا اروح وانا حاطه جزمه ف بوقي ولو معملتش حاحه تزعل دا غير مرات ابويا اللي نسخه منها بس هي م حامل بس عندها ولد صغير من سن بنت اخويا انا تعبت ومبعرفش اقول لا لحد بس اعرف ازعل واشيل واقعد اعيط بالساعات بحس اني خدامه م اڪتر ولما بتعب بيخلوني اعمل الحاجه وانا تعبانه عادي اتمنا تفهموني ويكون كلامي مكتوب صح لاني بكتب وانا بيعط وبكتب بسرعه

كان ديما نفسي اعرف ليه ؟؟؟ ليه الناس كدا وليه بيقينا وحشيين كدا واستغلال لأبشع درجة في أي حاجه واي تخصص انتو فاهمين إننا اصلا بنحارب على حاجه مش بتاعنا ياعني عندي وصف للدينا مسميها الشقه الايجار ليه مقطعين بعض على شقه ايجار مع إن لو صبرت واتقيت ربنا هتاخد واحده ملك ليه منحبش الخير لبعض ليه نكره بعض

هقولكم حاجه مضيقاني بجد اوي لدرجه مش عارفه حتي اتخطاها عارفين احساس انكم تكونوا طول حياتكم منعزلين وفجأة يبقا معاكم أصحاب حاجه حلوه وجميله طبعا بس بقا لما يكون مجرد سد خانه مش أكتر اللي هو أنت معانا عشان محتاجين مصلحه مش أكتر غير كدا لا صاحب ولا زفت حتي بعدها تشك في نفسك ليه أنا مش بيعاملوني زي ما بيعاملوا بعض هل أنا ضايقتهم وطلع العيب فيا ومش فيهم الموضوع قهرني بجد لدرجه الواحد مش عايز يرجع يكون لوحده زي الجثه اللي بتعيش من هوا ولا هو مجرد رقم اضافي بتتعاملوا ازاي في المواقف دي

مضايقه عشان اديت فرصه تانيه لواحد ميستاهلش ف شاف نفسه عليا مع ان هو غلطان من المره الاولي اصلا بس لما اديته فرصه تاني فكر انه كان صح من البدايه وعاش دور الضحيه وانه معملش اي حاجه تاذيني مع انه مدمر حياتي حرفيا ف السنين اللي عدت كلها .. بس علمني نوع جديد من انواع البني ادمين مكنتش اعرف انه موجود ف الحياه وان شاء الله مقابلش حد بوحاشته تاني

السلام عليكم عاملين ايه كنت عايز اقولكم علي حاجة مش عارف دا بيحصل مع كلو ولا انا بس فيه ناس اصحابي مش بيفتكروني الا لما يكونو عايزين فلوس يعني ممكن نقعد شهرين مثلا مبنبعتش ل بعض ف ييجي هوا لما يبعتلي يكون عايز فلوس وبيطلب ب مبلغ كمان مش حاجة بسيطة يعني وكذا حد مش حد واحد بس انا بقول مثل ف اللي يقولي عايز يدفع ايجار السكن ومش معاه واللي يقولي مزنوق ل حد اخر الشهر وييجي آخر الشهر مش بيبعت الفلوس وفيه ناس فيهم بتاخد الفلوس و والله ما بتبعتهم خالص اكنهم لاقيين الفلوس دي وانا برضو بتحرج اروح اقولهم عليهاا بقول يمكن مش معاه واحرجو ب سؤالي وانا الحمد لله حالتي المادية كويسة والله انا ما فارق معايا الفلوس بس بتضايق من الموقف بس فانا سالت والدي علي الموضوع دا قالي لو واحد صاحبك احتاج ل حاجة اديلو حتي لو مبيسالش علشان هوا ربناا باعته ليك علشان شايفك انت اللي ممكن تقضيلو الآمر دا فانا بس صعبان عليا المواقف اللي بتحصل فقط وشكراا

اني ضحيت جامد عشان انسان مشكتش فيه لحظه انه يبعني ضحيت بكل حاجه ممكن حد يتخيلها عمر ومجهود واحلام ووثقت كتير ف صحاب بس مكانوش بيحبوني زي ما حبتهم او كانوا بيحبوا بس كله قدر يستغني وانا حاليا عايشه ف صدمه من جميع الجهات ..

مساء الخير انا "ف" التوكسيك حد يقول عن نفسه كدا يا "ف" ايوا انا عادي. تفتكر ليه بقول على نفسي كدا؟! تعالو نرجع بالزمن 4 سنين ورا.. "ف" كانت شخصيه كويسه جدا طيبه بتحب اي حد يدخل حياتها وممكن تضحي تضحيه كامله عشانه فنفس الوقت ناس كتير جدا كانو بيستغلو دا جدا وممكن يصاحبوها عشان تساعدهم وعارفين انهم سهل يستغلوها ب اي طريقه لأنهم ببساطه يقدرو بكول سهوله يب.تزوها عاطفيا لا لا الكلمه دي كبيره ليه بنقول كدا؟ "ف" شخصيه بتحس بالذنب جدا بيصعب عليا اي حد ولو مساعدتش حد بتحس انها غلطانه حتى وانها مجبوره تساعد كل الناس كانت بتواجه صعوبه انها تقول (لا) "ومازالت" "ف" للأسف بعد مرور الوقت كانت تبعد عن كل شخص بتعرفه شخص ورا شخص لحد ما بدأ يكون جواها كميه (غيظ وزعل وقهر) " ف" مازالت نفس الشخص ال بيساعد وبيجي على نفسه عشان غيره ومستعد يضحي بكل حياته عشانه بس فنفس الوقت "ف" بقت شخصيه توكسيك جدا للأسف بسبب الكبت ال جواها بقى اي حد يعملها حاجه تتعصب فيه جدا وممكن تخسره بسبب عصبيتها ("ف" اتحولت من شخصيه هاديه جدا ل شخص عصبي فوق ما اي يحد يتخيل نتيجه كل ما تحمله بداخلها) بقت تتعامل مع الناس كلها ببرود بقت لما تحاول تقول لا يتقلب عليها مع انها مش مجبوره بس الناس عرفت للأسف تستغلها طيبتها زي كل مره وعارفين انها هترجع وتعتذر(بتعتذر لو غلطانه او مش غلطانه لأنها غب.يه) "ف" في حاله صعبه جدا من حياتها ومش عارفه تتعامل مع الناس طبيعي لأنها للأسف شافت كل الناس وحشه فحياتها حتى أهلها ولحد دلوقتي مشافتش شخص كويس دخل حياتها اتمنى تدعو ل "ف" انها تتخلص من كل دا لأنها بجد مش عارفه تعيش وعايشه حاليا عامله كدا😐 انا رغيت اوي اسفه شكرا لحد استماعكم لو وصلت ل هنا انت شخص شطور 🌹

أنا عاوز نصيحة من أي حد.... عن أي حاجه.... حتي لو كانت نصيحة صغيره..... أو جمله عاديه..... محدش عارف... يمكن أنا محتاجها.... أو يمكن أحتاجها بعدين.... الواحد زهق من إن كل واحد بيفكر في نفسه.... و الكل شايف إن طالما أنا بتعامل حلو مع الناس يبقا انا شخصيتي ضعيفة.... و إن مفيش أي حد بيفضل غير لو هو محتاج حاجه........ أي شخص بحس إنه فعلا أثر فيا للأحسن... لازم يختفي... يسافر... يتجوز..... يموت..... المشكله أكيد مش في الناس دول صح؟ أكيد في حاجه أنا بعملها و مش واخد بالي منها!! طب حد يعرفني هي إيه....

عمري ما كنت سيئ النية لحد واكتشفت مؤخرا لما حصلي ابتلاء ان في ناس كتير اوي فرحت فيا واللي قالي كدة حد من اللي فرحوا فيا وقالي انه عايز يخلص ضميره وقالي انهم قبل ما يحصلي كدة كانوا بيقعدوا يقولوا انهم عايزني يعني يحصلي كدة هو الحمد لله ان ربنا برضه منولهمش مرادهم وصرف عني الابتلاء بحاجة تاني بس اول ما حصل كدة لاقيتهم داخلين يكلموني ومستغربين وعمالين يسألوا انا ازاي محصليش كذا وانا كنت مستغرب لانه اللي جه حكالي ده مكانش لسة حكالي فكنت مستغرب هما ليه مهتمين اوي كدة وزي ما يكون زعلانين انا حتى بعد ما عرفت عمري ما عاملتهم وحش ولا قولتلهم كلمة واحدة بالعكس كنت اشوفهم الاقي تعاملهم معايا منتهى العجرفة والوقاحة مش فاهم في ايه

حابب اسيب نصيحه لخواتي البنات من صايع تايب الصياعه لفلات يعني في شب اهبل تلقي فبداية التعارف بيطلب حجات مش كويسة وفي شب اذكا شوية يستنا لحد متتعلقي بي ويطلب ولو موافقتيش يتقمص تحت مسمي انتي مبتثقيش فيا وفيا لفل اعلا شوية يفضل يحكيلك عن حجات كان بيعملها مع بنات قبلك عشان تبقي عاوزا ميبصش برا وفي لفل الوحش ده الي يحسسك انك اهم حاجة عندو ويفضل معاكي زاي منفسك ويعملك كل حاجة حرفيا يخليكي تحسي انو بيحبك بجد ويديكي حب واهتمام لدرجه تخليكي حسا بي امان بجد وي وقتها يبتدي ينحرف ف اتجاه معين عشان يحرك مشاعرك وتعملي الي عاوزو للاسف يعني حابب انصحك بانك زاي مبتبلكي الاهبل الي بيطلب قرف ف الاول بلكي الي يعلقق بي يعني متديش فرصة انا مش بشكر فنفسي انا حرفيا وحش جدا بس بتغير للاحسن الحمدلله خلي بالكم من نفسكو يا اخواتي

أصعب معادلة ممكن يحلها مهندس ميكانيكا، هي إزاي يرمم قلبه اللي اتكسر من أقرب الناس ليه. أنا عندي 25 سنة، والنهاردة بفضل الله وصلت للي كان أهلي بيحلفوا إني مش هوصله. بقيت مهندس في شركة كبيرة، وبنيت نفسي من تحت الصفر، بس وأنا بطلع السلم، كانوا هما "الثقل" اللي بيسحبني لتحت مش السند اللي بيرفعني لفوق. أنا مش جاي أتباهى بنجاحي، أنا جاي أسأل سؤال محيرني ومخلي طعم النجاح مر في بقي: هل النجاح بيمحي الظلم؟ دلوقتي بعد ما بقيت "البشمهندس" والكل عايز يقرب ويتمسح في نجاحي، أنا جوايا جفاء وبرود ناحيتهم زي الحديد اللي بشتغل فيه. أهلي اللي ظلموني وقهروني سنين، دلوقتي مستنيين مني "بر وحنية" وجميل، وأنا مش شايف ليهم أي جميل عليا غير الوجع. محتاج رأيكم في 3 حاجات فاتحين في قلبي نار: هل من حق الأهل يطالبوا بـ "ثمن" نجاح هما أصلاً حاولوا يهدوه؟ إزاي أتعامل مع "نظرة الاستغلال" اللي شايفها في عينيهم دلوقتي بعد ما بقى ليا منصب وفلوس؟ هل أنا إنسان سيء لو قررت أعيش نجاحي "لوحدي" وأكتفي بصلة رحم رسمية جداً عشان أحمي اللي فاضل من أعصابي؟ أنا في صراع بين "البشمهندس " اللي المفروض يكون قدوة، وبين "عبدالله الإنسان" اللي مش قادر ينسى اللي حصله.

هي الحنية فعلًا ميزة؟ ولا هي أكبر فخ بنقع فيه وبندفع تمنه من أعصابنا؟" ​بقالي فترة بكتشف إن الشخص الحنين بزيادة هو أكتر واحد بيتساب، وأكتر واحد بيشيل فوق طاقته، وأول واحد بيتنسى لما الدنيا تروق.. وكأن الحنية دي "لعنة" بتخليك متاح للكل ومحدش متاح ليك. جيت أراجع كل حساباتي، ووصلت لنتيجة واحدة: أنا محتاج أتعلم أكون "قاسي". محتاج أتعلم إزاي أقول "لأ" بقلب جامد، وإزاي ميفرقش معايا حد، وإزاي أبطل أهتم بتفاصيل الناس اللي مهتمتش بيا. ​عايز أسألكم بجد.. إزاي الواحد يقدر يكون شخص قاسي؟ إزاي بتموتوا قلبكم؟ وإيه أول خطوة عشانك أبطل أكون "الشخص الحنين" اللي بيخسر في الآخر؟ ​مستني أسمع تجاربكم.. يمكن حد فيكم يعلمني إزاي أحمي قلبي شوية.

حيوان الكوكا : اغبي حيوان علي سطح الأرض و هو مهدد بالإنقراض لانه ودود جدااا يقترب من الثعالب و الثعابين ليلعب معهم فيأكلوه بحس اني انا جدا و الله تعبت من الناس حرفيا بتعامل ب هبل و تلقائيه جدا بس الناس مؤذيه جدا و تتعب الاعصاب و تدمرك نفسيا بتعامل كأني لسه طفله مع اني كبيره و نادجه و عندي وعي بس برأتي و هبلي زي حيوان الكوكا انا بعاني جداااااا و الله

لو حد هنا فاهم قانون كويس دلوقتي انا عايشه مع مامتي من زمان وانا عندي ٣ سنين ونصف للامانه والدي كان بيوصلي منه ١٠٠ جنيه عن طريق محكمه من زمان مش بيصرف عليا وبيأذيني بالكلام لدرجه اني قعدت فتره اتعالج نفسيا هو بقاله اربع شهور سافر محافظه تانيه فاال١٠٠ جنيه دي اتقطعت فابلغته اني مش عايزاها بس يسيبني في حالي وفعلا انا بجد مش عايزاها ولا عايزة اخد اي حاجه منه انا وصلت لمرحله اني مجرد مااسمع صوته او اشوف رساله منه بيجيلي بانك هو معاملته وحشه مع كله حتي اعمامي مقاطعينه فافمفيش حد يتدخل عرضو عليا ارفع قضيه نفقه انا محبتش ده لاني مش عايزة اخد منه حاجه غصب وكمان مش حابه اني اشوفه لاي سبب من الاسباب لو اطول اديله فلوس بس يبعد عني بس للاسف لسه مشتغلتش انا سؤالي هنا هو بقاله فتره قالب الدنيا عشان عايز صورة شهاده تخرجي هل دي هتفيده بحاجه هل هو ممكن يكون ناوي يرفع عليا قضايا او يأذيني انا محتاجه اعرف قانونا وضعي ايه والله انا مش عايزة ااذيه بس انا عايزة ابعد عن اذاه فضلا لو حد يعرف يقولي هو معاه صورة بطاقتي الشخصيه هل يقدر يعمل بيهم توكيل مثلا هو شخص بيستغل اي حاجه تدخله فلوس يعني عندي اخ مريض توحد قدمله في حاجه تديله معاش كمان قبل كده كان كنزلني علي بطاقه تموينه وانا مكنتش عايشه معاه عشان ياخد زيت وسكر زياده انا بعتذر ع القرف اللي بقوله بس بحاول اوصف الشخصيه فضلا لو حد يعرف او يعرف حد يقدر يفهمني عشان بجد مش حابه حد يستغلني او يدخلني في حاجه مش عارفاها انا حالتي النفسيه وحشه اوي لولا ايماني بربنا ثم مساعده اخضائيين نفسسين كنت انتحرت من زمان ربنا يعفو عني ويغفر لي

مش عارف بقا دا جنان ولا ايه بس هي جت كدا انا مغفل او عبيط يعني وانا السبب باجي على نفسي عشان الناس انا بكتب ل دفعتي المحاضرات كلها وبعمل ملخصات وبعمل كمان فيديوهات شرح تخيل العبط ااه بساعد وناس بتدعيلي دعاوي وحاجات حلوه كدا النهارده الدكتور كان واخد مننا اسئله وحلينها المحاضرة اللي فاتت وقال هينادي الدرجات المهم جه لما نده اسمي وقال ٧ من ١٠ (مش فارق معايا الدرجه خالص كدا كدا ملهاش لازمه) لقيت كله ضحك ضحك غير مبرر كدا (البنات كلهم تقريبا) قولت يمكن بيتهيالي لقيت كذا واحد بيقولي هو الناس كلها ضحكت كدا ليه يسطا اي الغل دا اتقفلت بقا ومكملتش اليوم ومشيت وانا كنت مبضون اصلا (كانت اول محاضره من اربعه) المهم فاضل ٢٦ او ٢٥ يوم على الفاينال وقررت اعيشهم في صمت تام ولا ملخصات للناس ولا شرح ولا حاجه وفي هدوء كدا لحد السنه ما تخلص وكدا كدا بيفضل ٥ ايام بين كل ماده والتانيه هبقا اكتب فيه للي محتاج حاجه عشان بجد الناس متستاهلش والله الا من رحم ربي

".. النهاردة أنا المهندس عبدالله، 25 سنة، وشغال في شركة أحلامي.. نجحت رغماً عن كل لحظة قهر عشتها وسط أهلي. بس السؤال اللي واجعني دلوقت: هل النجاح كفاية إنه يخليني أسامح؟ ولا الوجع اللي شفته منهم كان أكبر من إن أي نجاح يداويه؟ أتعامل معاهم إزاي وأنا شايف نظرة الندم (أو الاستغلال) في عينيهم دلوقت؟" لان في ناس هتقول سامح بس حابب اقول حاجه او نبذه صغيره انا اترميت ف الشارع ولما عارفو ان ناجح بدا ده كلو يحصل فا اتمنه تساعدوني علشان متحطتش ف المواقف دي ❤️

نفسي اعيط اوي كل الناس مستغله بجد بشوف كميه قرف من بنات و ولاد محدش بيأذيني انا شخصياً بس كميه قرف بشوفع بيحصل كل يوم حتي هنا في الابلكيشن اللي المفروض بنتكلم في عشان نخفف علي بعض بلاقي ناس مستغله طب ليه ليه القرف دا اي وصل الناس لكده انا بجد متأذيه اوي بسبب الموضوع دا ليه صعب نلاقي انسان ساوي نفسيا

بجد بدون افكار فلسفيه انا شايف ان الارتباط في السن ده مش هيجيب غير مشاكل سواء انك هتحس بانتماء زائف ممكن يتسحب مك في ثواني او انك تحس بانك مستهلك علشان في شخص دخل حياتك وبقا يستغلك او حتا انك تضطر تشتغل اكتر بس علشان تشتري ليها طلباتها علشان تفضل معاك فاصبح وجود الانسان معاك عائق مش تحفيز لكن لما نيجي نبص علي الاكبر مننا سنا بنلاقي في اختلاف الارتباط م مجرد حب لا يمكن تقيمه هو حاله كامله من المشاركه سواء بتقديم دعم نفسي معنوي من المرئه او دعم مادي و جسدي من الرجل وعمرك مهتوصل لمرحله النضوج النفسي دي طول منت في السن ده لان السن ده مجتمعيا هو سن انفتاح الثقافات على بعض المباح و المحظور بقوا شئ واحد علشان كده اصبح من الصعب رؤيه الخطئ او حتا تجنبه اصبح انك لازم تجرب الخطئ علشان تتعلم منه و في مننا مش بيتعلم اصلا وبيكمل وقوع في نفس الخطئ بالنسبه ليا انا كنت بدات اتعلق بوجود بعض الاشخاص في حياتي كنت مبسوط بوجودهم و كنت بشاركهم اغلب افكاري و تخطيطاتي و كانت محادثاتي معاهم محادثات عقلانيه تماما ولكن الموضوع اصبح بالنسبه لي يؤثر على ميزاجي اليومي بمعنى اني اصبحت متعلق بوجودهم لما يكونوا موجودين كنت بفرح و العكس كنت بزعل علشان كده قررت اني امشي وقد كان اه طريقتي في الانسحاب طفوليه ولكنها كانت اسلم طريقه للانسحاب دون مشاكل بعيدا عن كل ده هي مكنتش ارتباط ولكن وجدت ان صداقتي مع بنت هتسبب لي مشاكل على المستوى النفسي حتا لو الكلام كان في حدود المنطق والمعقول قد اكون غريب في اللي بقوله قد اكون مش متقبل ليك لكن ده اللي انا حسيته فعلا و ده اللي حبيت اشاركه معاكم

انا اكتر واحد ف الدنيا دي ممكن يتضحك عليه يجي واحد صاحبي يقرب مني ف فترات معينه ويبعد ف فترات معينه ولما يعوزني ف حاجه دايما يلاقيني وانا لو عوزته ف موقف عينه ف عيني ومساعدنيش والمشكله انه بصدقه وهو قريب علي طول يقولي انت أعز صحابي وانت كويس وانت كذا وكذا وطول مهو جمبي يمدح فيا دايما يكون جمبي لو عندنا practical ف الكليه لاني كويس فيه وعمري ما بخلت عليه ب معلومه وكنت افضل جمبه ساعات عشان يطلع شغل حلو خلصنا الشغل دا لقيته مره واحده بعد خالص وجه ف الفتره اللي فاتت قرب علي طول معايا رايح جاي جه دلوقتي قدامي ف امتحان انا مبحبش اسال حد بس هو عشان صاحبي وقريب مني عني الباقي كنا ماشيين والدكتور بيلم ف سالته ع سؤال اختياري كان ممكن يقوله بكل بساطه بعد عينه عني وقال معرفش وبعد طلع حالل الاسئله عادي انا مش بشجع حوار الغش يجماعه بس احنا قليلين وكلنا بنساعد بعض ف اي مواد وانا اصلا مش بحب اسأل بس سألته هو والشباب كلها بتسال بعض وهو بيجاوب معاهم انا مش زعلان من فكرة السؤال والله انا عارف ان الدرجه رزق ومعنديش مشاكل انقصهم اقسم بالله عادي عندي انا ف الفكره العامه هو بيجاوب مع باقي صحابنا واحنا عملنا كده كذا كره وكان اخر الوقت وانا مزنوق وشايفني وواقف جمبي وعمل كده المشكله انه الفتره اللي فاتت صاحبي دا كان قريب جدا جدا مني ليه عمل كده وحاليا بيبتدي يبعد زي زمان بقي يشيل عينه من عليا ف الجامعه وبيهرب عينه مني انا زهقت ومش عارف دا عيب عندي ولا عنده

عندي شعور دائما اني مش محظوظ اني طلعت دكتور وهادي ومحترم ومؤدب ومليش في العلاقات! كان الاحسن اعرف بنات كتير عشان منخدعش لما اتجوزت ،، ودكتور مفتري عشان محدش يستغلني ويحترموني! شعور بالظلم يحولني من حمل لذئب؟؟

انا بنت كنت مصاحبه واحده كنت دايما بجيبلها هدايا و كل ما اجيب هدايا تعاملني حلو فا أستغربت فا اتخبرتها و بطلت اجيب بقيت تعاملني مش وحش بس مش زي الاول فا انا اتخانقت منها فا اتخانقت معاها و لما اتخانقنا قالت كلام عمري ما قولتو ونا مش مسمحاها علي اي كلمه كدب قالتها فيها و في مره سلفتها فلوس التعامل الحلو رهيب حسيت بدفع في فندق عشان اعرف اعيش كان نص دفعتي بيقولولي دي تربيتها غير تربيتي فا انا كنت بقول لا محدش يعرفها كويس وهي كانت معندهاش صحاب فا قولت حرام تقعد لوحدها مش بحب حد يحس بشعور الوحده انا بكون مدايقه والله فا كانت بتشتم عارفه انو دلوقتي مفيش حد مبيشتمش خالص انا بشتم . بس انا أخري خرا و بحسها عيب لا هي كانت بتقول ألفاظ مش بسمعها غير من ولاد في الشارع متخيلين و بحد الان انا قطعت معاها عشان مش ناقصه وجع دماغ وآلله و صحابي لما يجيبولي سيرتها بقول مليش دعوه مش عاوزه اعرف اي حاجه عنها بس انا مش هسامحها خالص مهما عملت بس دايما بيقولو بقيت متكبره اكتر و اكتر

ساعات بحس أن اهلي بيبصولي بصه اني عبيط أو متخلف ساعات بحسهم بياخدوني علي قد عقلي مع اني بتعامل معاهم بالعقل بيحسسوني اني متخلف عقليا مع اني شخص كويس مش وحش أو اهبل يعني ساعات بيشغلوني في حاجات البيت ومرمطه واخويا الكبير لا حتي وهو في الجيش انا اللي بعمل كل حاجه وبحس أنهم مستقليين بيا اعمل ايه

"خلي بالك في ناس بتدخل حياتك على إنها بتساعد وتحل… وهم في الحقيقة جايين يشوفوا إيه اللي وقع منك عشان ياخدوا نصيبهم ويكملو علي اخر حتا باقيه فيك . أكتر ناس تعمل نفسها منقذين… بيطلعوا هما المشكلة للأسف."

انا زهقت انا اهلاوي و بشجع ليفربول كمان و الاتنين زفت و بيرفعولي الضغط حرفياً و كمان في حاجة من مدة واحد جارنا كلمني و قالي انا شغال في الماركتينج و الذكاء الاصطناعي و كدا هات زمايلك وتعالى اعلمكم المهم قولنا ماشي اربع شهور معاه لم نستفاد من كلمه واحده و جاي بعد ده كله يقولنا يلا هنشتغل فبقا يجيب العملاء و نعملهم حاجات سهله بالذكاء الاصطناعي و يقولهم أن هو اللي عاملهم و كمان منغير فلوس لينا نهائي و انا لسه في أولى ثانوي و هو عمال يكرهنا في انتا نخش كليه هو خريج تجاره انجليزي و عندي ٢٨ سنه

لما تحكي متبينش ضعفك لحد حقيقي كلو هيستغل ضعفك حتا الي بيسمعك ولما تعمل خير متكرروش هي مره واحدة لان هتتعلق ب الهوا بجد كلو بيبق عاوز مصلحه انا قرفان من اي حد بيستغل ضعف الي بيحكي عشان عايز مصلحه حقيقي حاجة تقرف

كل واحد فينا جـواه بـلاك بوكـس ونفسـه يخـرج اللى جزاه من غير ما حد يمسك عليه نقطه ضعف او حتى يستغل ده ضده ومش شرط يكون حاجه معينه بجد اوقات الفضفضه مهم مي.ن عاوزه تحكيى عن حاجه مكتومه ونسمع بعض ؟

"أكتر مشكلة بتقابلنا دلوقتي إن في ناس بتدخل حياتك مش عشانك… عشان المصلحة اللي شايفينها فيك. ولما المصلحة تخلص؟ تلاقي نفسك كنت بتحلّ مشكلتهم ومش واخد بالك إنهم كانوا أصل مشكلتك من البداية بس انت مكنتش عاوز تشوف الحقيقة

مين فينا مسالش نفسو قبل مينام وبعدين هنفضل كدا لحد امتي يعني احنا مش من حقنا نحب ونتحب بجد ليه كل مره بنتخزوق مشاعرنا دي هتفضل تطلع لناس غلط يعني امتي محدش يستغلنا ونتحب صح انا سعات بحلم وانا صاحي وبدمع انا راجل وعندي مشاعر مش عيب بس انا بخاف اتفهم غلط بجد بخاف اكون تقيل علي حد

في مشكلة معايا اني اي صداقة ليا مبتدومش بصفتي حنين اوي واللي بصاحبه عايزه يطمن عليا علي طول وكده ولو حسيت اللي قدامي بيستغلني بسيبه فا مش عارف العيب في مين بالظبط ولا انا طريقتي اللي غلط

حابة أقول حاجة للبنات اللي زيي حبايب قلبي ارجوكي لو ناقصك حنية او اهتمام اوعي اوعي تدوري عليهم من خلال كلام مع ناس كتير وكده عشان تشبعي الفراغ ده ارجوكي والله فيه ناس كتير مش متربية وهتروحي في داهية وهنا بالذات فيه ناس زفت اوي والله ودماغهم كلهم زفت أكيد فاهمين مش محتاجة أوضح مع اني كنت منزلاه عشان الاقي دعم وكده بس للأسف هو زفت والحمدلله إني واعية وإلا كان زماني روحت في داهية المهم انت فهماكم اوي والله لان عندي اعتمادية عاطفية ومحتاجة اوي اوي حنية ودعم بس والله الفراغ ده مش هيتملي بالطريقة دي واسألوني انا، جربت اكلم ناس كتير عشان بس احس بالاحتواء واخر شخص وقعت معاه كان عاوز يستغلني بس الحمدلله اني عرفت اوقف الموضوع ف بجد والله انتو جمال وتستاهلوا كل حاجة حلوة، متعملوش نفسكم كده وتودوا نفسكم في داهية حرفياً عشان شوية دعم(مش بقلل من المشكلة والله أنا أكتر حد بيعاني من النقطة دي) ، بس فيه ألف حل والله أحسن من القرف ده بس احنا بنبقى مش شايفين غير اننا نتكلم مع ناس وكده اتمنى كلامي يفوق ولو بنت واحدة والله والآب ده كده كده همسحه بعد البوست ده

هوا يعني ايه حب اصلا بجد يعني هلل ده حاجة ملموسه لا طب في ناس بتستغل الحب عشان يحصلو علي غرضهم اين كان الغرض طيب هوا لو مفيش حب البنت هتقدر تقول للولد انا عارفك عشان فلوسك طب الولد هيقدل يقول للبنت انا عارفك عشان.......... بجد ده الي اخترع الحب كان تقريبا عاوز حاجة منحد منغير مقابل حتا اصدق ما في الحب وهوا الجواز بيبق مبني علي مصالح حرفيا انا بكره مش بحب 💔💔

ادعولي يا جماعة عندي امتحان كمان ساعة و لسة مش عارفة حاجة يعتبر و نفسبتي بجد مش كويسة خالص و شكرا للناس اللي قعدوا ياكلموا معايا امبارح و شكرا للي تنحوا عليا بردو انا مش ببرر لكن انتوا مش عارفين الواحد بيمر بإيه او حاسس بإيه انا عارفة اني غلط بس بجد بحاول اكون كويسة و اكون احسن و ارجع تاني حتي و انا بعمل حاجة غلط وانا عارفة حتي بحاول ادعي و اصلي زيادة او اقرأ قرآن بس مش دايما بقدر بجد بقيت مش قادره اعمل اي حاجة ولا مذاكرة ولا ارجع تاني اقرب لربنا ولا اخشع في الصلاة و بيتم استغلالي وانا عارفة سواء من الناس او نفسي انا بستغل نفسي و بستنزف نفسي و ببوظ نفسي بس ان شاء الله هرجع

انا بكره الاستغلال يعني مثلا جايين انهرده في الموصلات سعر الاجره الاساسي 80 بعد غلاء البنزين السواق قال قبل ميطلع 100 بقولوا كام علي اساس الناس اللي موجوده تكلم وكده لقيتو بيقولي السواقين كلهم مركبين بمية ولقيته وقف ومحدش اكلم من الناس سكت لاني في ناس كتير واقف وعايزين يركبوا غيري فا معرفتش اقول اي الصراحه

محدش مهتم/هيحب يسمع شخص عمال بيشتكي و يتكلم لان كل واحد عنده مشاكله و الي هيسمع هيقعد يا اما يعلي عليا و يقول انه عنده مشاكل اكتر بكتير و ان دي متعتبرش مشاكل يا اما هيقلب الكلام و يتكلم عن نفسه و لو سمع للاخر ممكن يكون عايز يجمع معلومات عني و يستغلها بعدين🤏🏻

هو ازاي ممكن حد يرجع ثقته بالناس، ازاي ممكن تبقي كقتنع ميه في الميه ان صوابعك مش زي بعضها وبردو مش عارف تفرق انا اتعرض لحاجه اشبه بالكهربه حرفيا، اتصدمت فاكتر حد كنب بحبه وكنت شايفه انو مستحيل يغلط ومستحيل يعمل حاجه غلط، اتصدمت فبابا الي كان بالنسبه ليا نموزج مش للاب المثالي دا كان للانسان المسالي، اتصدمت فيه مع واحده كنت شايفه انها بتعوضني قسوه ماما وانها احن حد عليا لغايه مع عرفت انها حربايه بتتلون علشان تقرب من ابويا من خلالي وانها استغلتني وان اومي القاسيه الي كنت شايفه انها مبتحبنيش، طلعت اطيب انسان في الدنيا واستحملت كل حاجه علشانا، اتصدمت في اكتر اتنين كنت بحبهم وبعتبرهم امان ليا، مش عارفه اثق في حد من بعدهم، انا كنت طفله سعتها كان عندي 11 سنه وانا حاليا 19 ولسه مش عارفه اثق في اي حد بالزات بعد ما عرفت اني عمري ما هعرف اتخطي اني اتخدعت وكنت غبيه لدرجه ان واحده تستغل احتياجي لحنانها علشان توقع ابويا من خلالي. نفسي روح لماما واقولها انا اسفه اني كنت شايفاكي قاسيه علشان بتربيني وكنت شايفه واحده بتستغلني وبتستغل مشاعر طفله علشان تحقق اهدافها الزفت زيها. نفسي اروح لبابا واقوله طب انت ازاي انا هونت عليك، بلاش ماما وبلاش انك متجوز بس انت ازاي تكسر ثقتي فيك كدا، انا طول الوقت بحاول اتعامل مع بابا عادي بس مش عارفه دايما، بشك في حد صحابي واهلي، مستنيه انهم يبقوا بيستغلوني هما كمان، عندي صحاب كتير والمفروض شخصيه قويه بس انا مش عارفه اثق في حد فيهم وبصدرلهم دايما اني متعصبه واني مش فارقلي اي حد علشان ميخزلونيش هما كمان... بجد انا مش عارفه اخرت دا ايه، طب هو انا ممكن يحصل فيا زي ماما؟ طب هو انا لو حبيت حد هعرف اثق فيه ويبقي قد الثقه، ولا هيكسرني ويستغلني ويستهون بعقلي ويكسرني تاني، كرهت الحب الي خلي الست دي تعمل فيا كدا علشان حبت بابا، كرهت العلاقات علشان ممكن في الاخر تسيب فيك حاجه تفضل نحاول تداويها لغايه ما تتحول لحاجه بتجرح الي حواليك علشان تحمي نفسك. انا تسفه اني كولت عليهم بس دول كانوا كلمتين كنت محاتاجه اقولهم لاي حد حتي لو مش هيسمعني

بستغرب جدا يعني لما القي حد بيتعامل معاك علي ان حياتك منغيرو هتبوظ وانو هوا كل حاجة ويبق ديما بيهدد بغيابو يجدعان انا خسرت ناس حرفيا عمري متخيلت يوم واحد اعيش منغيرهم والحياة مشيت عادي انا مبتعودش علي حد باب الدخول نفس باب الخروج اه انا بياع احسن مكون متباع

أنا عشت طفولة سيئة جدا وبسببها انا حاليا إنسان غير واثق في نفسه وعنده رهاب من انو يحكي شو بداخلو او يطلب شي او يرتبط بأي شخص ولو صديق، امي انفصلت عن ابي وقت عرفت انها حامل بيا ، ولا مرة شفت ابي ولا اتصلت بيه ، لكن امي لما كنت صغيرة بريئة كانت تخدعني بكلمة احبك ورح اعوضك عن ابوك رح اكون انا امك وابوك ، لكن هي كانت تستغل هذا اليتم في انها تاخذني توقفني في جمعيات ومنظمات من شان تاخذ فلوس على ظهري بحجة اني يتيمة وابوي ميت ، وتتسول بيا في الشوارع وكول حياتي وهي ملبستني لبس مبهدل منشان نبين فقراء ولا مرة خلاتني استمتع بهدومي قدام زملاىي وصحابي ، ولما كننا ندرس كانت تطلب من المدرسة ادوات وقرطاسية وكل لي يدرسو معي يضحكو علي وانا محرومة بس من مقلمة ادوات، واامشكل نع انها تستخدمني لتجيب فلوس لكن ولا نرة اشترتلي شي عجبني وحتى لو تشتريه تطلب مني اسوي اشياء صعبة مقابل اني اخذه وفالاهير تعطيه لناس تانيين وعيني تشوف ، واذا اشترتلي نلابس تمنعني البسعم بعدين تعطيهم للناس وعيني تشوف، شو شعوركم انكم تعرفو انو عندكم اب ووين عايش بس ما عاشرتوه ولا تقدرو تقولو انو حي ، وفوق هاذ الشي كانت تطلب مني اشياء ولما اسويها تضربني عليها ومنذ بلشت اكبر وهي متسطحة مرتاحة وانا اسوي كلشي عليها حتى ملابسها البسها اياهم وانا كانت تحرمني من اشياء بسيطة زي اللعب أو اللبس او الدراسة ، ومع هيك وكنت متوسطة في المدرسة ماكنت لا راسبة ولا ناحجة يعني قبل الاوائل لكن مع هاذ الشي كانت تعاملني مثل الراسب ، وتعطي الهداية لأقرابي وانا اشوف ، مع انها هي لي تمنعني ادرس ، وتسبني وتشتمني ولما اسألها على بابا تبلش تعيط علي كأني عملت جريمة ومابدها تحكيلي ليش لهلأ ماعندي علاقة بأبي ، هي طلقت منو وانا ليش كمان اطلق مع ابي وعيلتي ، لا اعرف لا عمامي وعماتي ولا جدي وجدتي، ولما نروح لبيت الاقارب تمنعني اني انخرط في مجموعات مع الكوزينس تبعي ، وما تخليني العب معهم ولا احكي معهم ، وتبقى تحكي عني كلام مو حلو قدام خلاتي وخوالي ، ولما يمدحوني تقاطعهم وتغير الكلام بالسلبي ، وتحاول تساوي اي شي من شان تستفزتي منشان اغضب وبين اني مو مرباية قدامهم وطول حياتي وهي تقارني بناس ، والمشكل لو كانو هدول الناس كاملين معليش المشكل انا احسن منهم 200/100 لكن هي ماتشوف ايجابياتي تشوف بس السلبيات لي هي تألفها علي

اوحش احساس لما تكون عارف الصح و الغلط و الحلال و الحرام و مدرك لكل حاجة حواليك و بتقع في الغلط بردو و بتبقي فاهم ان في شخص بيستغلك و مكمل بس علشان ما تكونش لوحدك و انك عندك فراغ و حياتك مليانة لكن مش قادر تشتغل فعلا او تذاكر او تعمل اي حاجة و بقيت معتمد علي وجود اشخاص في حياتك و مش حاسس بقيمتك غير لما يكون معاك حد و لما تفضل في اكتئاب و مفيش حد حاسس و لما حتي تقدر تتحسن تقع تاني و تتعب كل ده صعب و جدا و مؤلم لدرجة انه احيانا ممكن يخلي شخص يكره نفسه و حياته و يأذي نفسه و ممكن توصل معاه لدرجة انه ممكن يفكر ينهي حياته علشان يبطل تفكير و الفكرة انه ممكن يكون. معتمد علي وجود الاشخاص دول علشان بس يحس ان حد جنبه او انه مش لوحده و محبوب و انه ممكن يكون بيهرب من انه يفكر في حياته او مشاعره حد مش متقبل حتي انه يعرف هو حاسس بإيه ده مش شخص وحش ولا ضعيف لكن كل ده صعب لكن اكيد هيعديه ان شاء الله لانه قوي و هيقع و يقوم

عندي مشكلة بصراحة وهي اني لما بحب بكون عندي استعداد اعمل اي حاجه عشنها يعني مثلا خارجين عنيها جت علي اي اي حاجه لبس او هداية او اي حاجه بجبها ف وقتها وحتا لو مش معاية فلوس بحطها فدماغي واجبها طيب فين المشكلة المشكلة اني مش بتحب هي بتحب الي بعملو عشنها ولو مره قصرت بحسها متغيرة انا الموضوع ده اتقفل من كتير معاية بس الفترة دي حبيت بنت وللاسف لقتني بعمل نفسي الموضوع وديما عايز افرحها خايف اوي تكون الغلطه بتتكرر سعدوني اعمل ايه

أنا عندي مشكله أن حبيت حد وعارفه أنه بيستغلني ومع ذلك مكمله في حبه لاني مش قادره ابعد عنه ودي مشكله وبقيت اسوء بكتير ولا عارفه اصلي او ارجع لربنا وبقيت بدور على شعور الامان في كل حته او اني حد اقدر احكيله مشاكلي بس حتي لو لاقيت مش برتاح وبعملهم بلوك في الاخر انا تعبانه جدا مش عارفه اعمل ايه مش عارفه ارجع لربنا ولنفسي ازاي ضميري بيأنبني كل يوم ومش قادرة ارجع لنفسي وزعلانه اوي خسرت كل حاجه وبقيت شخص سئ جدا اعمل ايه

جماعة ازاي بتطلبو حقكم المادي بدون كسوف؟ يعني انا مثلا من وقت ما بدأت شغل وف حاجات كتير بعملها مجاني لاني بتحررج اطلب فلوس واما حصل وعملت كدا مع شخص كان استاذ ليا ف يوم من الايام كان مستني مني اني اعملها له ببلاش ف لما طلبت حقي بطريقة ذوق استنكر دا ف ادايقت لاني حسيت اني ممكن ابان مادية عارفه ان ف ناس تفكر دي سذاجة مني بس بجد والله غصب عني بحس الموضوع تقيل ع قلبي بشكل مش طبيعي ونا لولا ما اني بدأت اشيل نفسي ماديا لاني لسه متخرجة مكنتش ههتم بالنقطة دي بس حقيقي حقي بيضيع كتير بسبب كسوفي

اسوء حاجه بتحصل انك لما تكون في علاقه و مقصدش علاقة حب يعني تكون صحاب عادي بنتين او ولدين عادي و تلاقي ان انت الطرف الي دايما بيضحي و بيبذل مجهود عشان العلاقه تستمر و انت الي بتسأل و تحط للي قدامك ١٠٠ عذر على تأخيره في رد او انه مش بيسأل فيك و بردو تعمل نفسك مش واخد بالك بس الموضوع يزيد عن حده لدرجة ان الحواليك بيبدأوا ينبهوك من الشخص ده و بعديها لما انت تفوق لنفسم و تستوعب و تبدأ تتجاهل الي قدامك او حتى تعامله بنفس الطريقه تلاقي اول رد فعل منه انه كان عنده ظروف و انت الي مش قادر تستحمله و حساس بزياده و انت ليه اتغيرت اوي كده....يعني معقول عندك ظروف لمدة تسع شهور لاء و ايه في وسط الظروف الي مخلياك معندكش وقت ترد على رساله بتخرج مع صحابك عادي؟!!!!