ابعد نفسك يا صاحبي عن المواضيع ده خالص، واياك تقعد معاها لوحدكم او تقعد قريب منها خلي علطول فيه مسافة بينكم طويلة، ولو عملت حركة معاك كدا ولا كدا بصلها بقرف و امشي و سيبها، والاحسن انك تبعد ل تتبلى عليك

خلك منتبهبها و سوي رد فعل معاكس لوش تسوي عشان تكرهك

تجنبها تماماً ولا تكون انت وهي لوحدكم في اي موقف تجنب حتى تكلمها غير بحدود حتى على السوشيال ميديا عشان لو هي أصرت وانت رفضت ممكن تطلعك مسرح وتخسر اخوك خليك حريص وصاحي

متزورش اخوك كتير و هما لوحدهم في البيت متقعدش معاها لوحدكم لو حصل و اتحطيت في اي موقف معاها خد موقف حازم فشخ، زعقلها و عرفها انك هتقول لاخوك و اهلك و اهلها و هتقلب الدنيا و كرهها فيك و اياك تاني تقعد معاها لوحدكم

طبعا مينفعش تقول لأخوك اي حاجة ،انت كلمها وحاول تنصحها مره واتنين وتلاتة وعشره ،و طنشها وابعد عنها واتجنبها دايما ،وخليك ابرد من لوح التلج معاها ،وحاول تخلي اسلوبك معاها وحش بس يكون شيك

ابعد نفسك وسيبها وهى ربنا يهديها

ابعد عنها خالص دى ممكن تجيبلك مصيبه و تعمل مشاكل انت فى غنا عنها و اوعى تقطع اتصالك باخوك و ربنا هو الهادى

طيب انا جرب معاهت اني ابين اني قرفان منها ومش طايقها بس بالعكس بتزود في الموضوع وكأنها حاباه وانا خايف تفرق بيني وبين اخويا ولا يحصل مشكله بسبب اني مش مديها وش فا انا تعبت بجد

نصيحه ابعد عنها وبلاش تجمعات عائليه بينكم عشان متخسرش اخوك وادعلها ربنا يهديها.

اشتغل على مهارة الذكاء الاجتماعى.. بمعنى ١) تجنب تمامًا ان يتقفل عليكوا باب واحد ٢) لو حسيت إنكوا هتبقوا لوحدكوا قوم فورًا واوعى تقعد ثانية واحدة ٣) فى قعدة العيلة إبعد النظر عن عينيها ٤) لو هى حاولت تفتح كلام معاك خلى ردودك باردة وسطحية.. واوعى تبادل الإهتمام انا عارف إنك محترم وبتخاف ربنا ومش عايز تقع فى غلط ولا تخرب بيت اخوك بإيدك، ربنا يثبتك ❤️