انطواء

عايز اقفل موبايلي تماماً ٣ او ٤ شهور كدة، وأرجع أوضتي مخرجش منها، فعلا بحبها اوي ومش عايز اروح في أي مكان تاني ومش عايز أبذل أي طاقة ولا مجهود في اني اخرج من دة معادش عندي طاقة اصلا ابذلها خلاص

اول مره اكون زعلان الزعل الهادي ده ، مقفول من كل الناس حتي اقربهم ليا مفيش كلام يوصف قد ايه الواحد بقي مقفول وقرفان من كل حاجه في الدنيا كل حاجه بتحصل حواليا خلتني اتأكد إني كنت صح لما قررت أقفل ع نفسي و أبعد عن كل الناس ‏الواحد مبقاش فيه حيل يعاتب ولا يزعل ولا يتضايق ولا يجامل ولا يتعشم ولا يثق ولا حتى يكره هتوصل لمرحله معينه فى حياتك وقتها مش هتفرق مين قريب ولا مين بعيد مش هتفرق معاك فين الحقيقة المهم تكون دماغك مرتاحه وبس انا حاسس اني تايه انا مش كويس ولا مبسوط لكن بعرف اعدي اليوم وخلاص حاسس ان فيه حاجه ناقصاني واني حابب اكون لوحدي وفي نفس الوقت مش عايز أفضل لوحدي مبقتش أصدق اي حد وثقتي ف الكل تقريبا بقيت شبه معدومه انا عايز ارجع لنفسي وشخصيتي القديمه في راحة البال والبساطة اللي كنت فيها!!

حاسه اني مش عايزة النهار يطلع (اعملوا نفسكوا مش واخدين بالكوا عشان لسه منمتش 🫠) مش عايزة اتعامل مع البشر معنديش طاقة اني اصحى واشوف حد ادامي معنديش طاقة اصحى واتعامل معاهم حتى اقرب الناس ليا والناس اللي المفروض بتعامل معاها كل يوم مش عارفة اتعامل معاهم بس عارفين احسن واريح بس سؤال مالك ده بقى تقيل ليه مبقتيش زي الاول اتقل حاسه اني مش عارفة انا بقول ايه ف استأذن انا بقى

ما بعرف اذا في حدا مثلي ولا لا بس انا انسانه كثير مرحه وكثير نشيطه بحب اسوي نشاطات يعني انسانه ايجابيه بس هاي الفتره صار لي من زمان صار لي من فتره طفيت يعني ما عد اي شيء بيفرق معي ما عاد اي شيء بيقدر يسعدني بلكي بسعد لحظه يعني دقائق بس شويه بس وبيروح وبرجع بحس الوحده تبعي والانطواء انا عن جد طفيت ما عاد الي خلق اكون صداقات ولا علاقات حتى اهلي ما عاد فيني اقعد معهم واحكي مثل قبل يعني ما بعرف شو لازم اسوي له عشان وارجع مثل ما كنت

كنت دايما لما بخرج مع اى جروب بحس نفسي بتقل عليهم ال هو لو خرجوا من غيرى اعتقد كانت هتبقى خروجه احلى انا حد مش منطلق اوى على الدنيا وهادى حتى فى الخروج ببقى حاسب كل حاجه ومخطط هعمل ايه وكده بحسنى ببوخ اى حاجه بكون فيها وبقول ياريتنى مبقاش موجود وحتى لده بقيت مش بروح تجمعات كتير وببعد عن الناس اكتر مع ان الناس بتقولى انى كويس وكده وبيحبونى بس انا بحس ال هو لا انا مجرد حمل عليهم يعنى بقول دايما ليه يصاحبونى اصلا انا لو اقدر افارقنى كنت فارقتنى من زمن

عارف إن مشكلتي تبان تافهة بس بجد بجد انا بعاني منها، انا بقالي فترة منعزل بشكل غبي، بقالي تلت شهور مخرجتش مع صحابي ومش بنزل من البيت غير لجدتي مثلا كل اسبوع والضرورة وكدا، دا خلاني بجد دلوقتي بقيت خايف اتعامل وخايف اروح مكان فيه ناس، بقيت بميل للعزلة بشكل غريب، خايف اروح المدرسة، بروح الدروس بالعافية، واخر موقف اني محتاج اوصل حاجة لاخو جدتي وكنت عمال اتهرب من الموضوع بس النهاردة كان لازم، وهو ميعرفش ان اهلي جايبينله حاجة، كلمته بالعافية وانا اصلا خايف سألته اخبار حضرتك ايه والكلام دا، افتكرني بتطمن وبسأل عليه، مقدرتش اسأله هو في البيت ولا لا علشان اهلي جايبينلك حاجة، في دماغي انه هيتضايق جامد لو عرف اني بكلمه علشان بس اوصله حاجة مش اكتر، ومواقف مني دي كتير بجد، واهلي بيضغطوني ومش فاهمين اي حاجة من اللي انا حاسس بيه، شايفني بس مهمل كسول مش عاوز ينزل من البيت، وبصراحة انا بردو دايما حاسس اني بتدلع واني مكبر الموضوع، مع اني الحوار دا بجد معطل كل حاجة في حياتي، وانا بجد عمري ما كنت كدا مش عارف اعمل ايه، انتم مش متخيلي بجد التعامل مع حد بالذات لو اعرفه بقى مرعب بالنسبة ليا ازاي اسف لو طولت

الشعور بالوحدة.. من ونا طفل طول عمري منعزل اه عندي صحاب وزمايل بس انا عمري ما بدات حاجة من نفسي وخليت ناس تشارك معايا مثلا دايما انا اللي بروح اشارك، كان عندي بيست فريند عادي في كل مرحلة دراسيه قبل الجامعة اللي هو الانسان العادي الانطواءي بس على الاقل كان عندي صحاب اه كان عندي رهاب اجتماعي بس مبرر لان كان عمري صغير وكل حاجة كنت بجربها لاول مرة. افكاري عن نفسي دايما اني مش زي الباقي هما اكيد حلوين انا مش وحش بس هما احلى فاهمين الفكرة. كمان موضوع اني بدا وزني يزيد في اول الاعدادي تدريجيا وكل ما كنت أزيد كيلو حرفيا يزيد اكتئابي وبعدي عن الناس وحدة بوحده بس كل ده عمري في يوم ما حسيت بالوحدة اه ممكن حسيت اني مستبعد بس اني اتوجع عشان وحيد لا. الى ان دخلت الجامعة وكل حاجة بدات تبوظ من بعدها حرفيا في ترم واحد بعدت عن كل صحابي بحكم ان كل واحد في كليه ومعرفش اعمل ناس جداد بسبب ان الكلية في محافظة بعيدة عني ونا كنت شغال فبقيت وحيد جدا حاليا ودراستي باظت واكتئبت فتره كبيرة. بس رجعت اقوي نزلت جيم وبدات اخرج وحده وحده بس مشكلة الوجدة لسه موجودة ومش عارف اعمل ايه