منذ 23 أياميشعر بـ منهك
كنت دايما لما بخرج مع اى جروب بحس نفسي بتقل عليهم ال هو لو خرجوا من غيرى اعتقد كانت هتبقى خروجه احلى انا حد مش منطلق اوى على الدنيا وهادى حتى فى الخروج ببقى حاسب كل حاجه ومخطط هعمل ايه وكده بحسنى ببوخ اى حاجه بكون فيها وبقول ياريتنى مبقاش موجود وحتى لده بقيت مش بروح تجمعات كتير وببعد عن الناس اكتر مع ان الناس بتقولى انى كويس وكده وبيحبونى بس انا بحس ال هو لا انا مجرد حمل عليهم يعنى بقول دايما ليه يصاحبونى اصلا انا لو اقدر افارقنى كنت فارقتنى من زمن
انت جميل اوي صدقني
عفوا يسيدي 🤍.
احنا بس بنفكر كتير بس انت انسان ذكي وكويس عشان تعود تفكر كدا
لا واله مش بتتحسب كده. اولا الناس اللي بيفكروا زيك اذكياء اوي ومسؤولين وصُحبتهم بتجيب الاطمئنان. ثانيا، هما بيحبوك لشخصك، عشان انت، مش عشان انت بتعمل او مش بتعمل، لأ هو عشان ده فلان، ف انا بحبه.. فاهم؟ انت بس عشان شايفها عيب، بس بالنسبالي شخصيا دي ميزة والله..
اللي زيك عادة بيكونوا طيبين وناس كويسين من جوة
دي حاله رهاب اجتماعي وحلها سهل اوي . كل انسان في الدنيا عنده حاجات حلوه فيه حد غيره محتاجها ودي سنه ربنا عشان التواصل بين البشر ( وجعلناكم شعوبا وقبائل لتعرفوا ) دواء بسيط اوي بينهي المشكله دي خالص بس طبعا أنا مقدرس اكتب اسم الدواء هنا لاني مش دكتور وممنوع اوصف دواء لكن حقيقي الرهاب الاجتماعي له دواء سهل قرص واحد كل يوم ويقضي عليه