بيت

هو عادي اتضايق لما انزل بوست هنا و ملاقيش ردود ؟ يعني اتكلمت فمواضيع مختلفه بجد هل مشاكلي ملهاش حل ولا متفهمتش . محبطه احكي تاني بس ما علينا.. ممكن تقتررحوا افكارر تتعمل بس ضروري متكونش هتحتاج نت ولا نزول. يعني حاجات فالبيت عادي

انا مخنوقة جدا و داخلة انام بس عشان اليوم يخلص مقفولة من الشغل و من البيت و من كل حاجة و مقفولة من كمية النفاق و مصدومة في اغلب اللي حواليا نفسي اكون احسن في است وقت و اتخطي و ابقي مع نفسي عايزه مبقاش مستنيه اي حاجة من اي حد و يبقي عندي خطة ليومي مفيهاش اي بني ادم

السلام عليكم ، حابه اخد نصيحة كيف تتعامل مع الم العائلة دائما تحسهم يقارنوك ويفضلون غيرك عليك ، وبسبب اني الاخت الصغيرة احس اني مهمشه في العائلة وان قرارات حياتك يتحكمو فيها اخواتك لكبار ، وكل ماادخل للبيت احس بالقهر .

انا ضحيت بكل حاجه للانسان الطبيعي في سبيل راحتي 🙂 ياااه ضحيت باليوم العادي رتاع البني ادمين وبقين انام طول النهار واصحى بالليل عشان اقضي الوقت بتاع من ٢ بالليل ل ٩ الصبح دا لوحدي تماما والبيت كله هسسسس يا الله على الراحه وبعمل فطاري لنفسي وعايش حياة المغتربين خالص 😂😂

الغلاء بئا صعب اوي وخلى كل حاجه صعبه لدرجه انهم في البيت مش طايقينك لو قلت مره أنا جعان عاوز اكل او أنا مش عاجبني الاكل ده يقولك مفيش غير ده ولو مكلتوش مفيش غيره بجد الحياه بقت تخنق محدش عنده حل المشكله دي

محتاج نشاطات او شغل اون لاين 15 يوم بس لاني في الجيش وبروح 15 وبنزل 15 يوم والاجازه ممله مبين قهوه وبيت وافلام ومسلسلات وانا مش عادتي الخمول دا انا نشيت يا ريت اقترحات وحجات فعاله علشان كدا الواحد هيزهق من الاجازه مش من الجيش 😂

كان قاهرني، و كان شخص سام بزاف، عشر سنين معاه و كنت دايما نحاول نصلح معاه حتى وحد المرة اكتشفت خيانتو ليا .. حاولت من بعد هاديك الخيانة اني نتصالح معاه لانو وعدني يتغير و لكن كان يكدب ما تغيرش فرحت و خليتو بعد ستة شهور التقسنا و حاول هوا يرجعلي بصح انا رفضت رفضا قاطعا لأنو غيابو وجعني بصح حرفيا حضورو يقتلني.. مازلت الى يومي هذا بعد سنة نتفكرو و نبكي .. مش لاني نحبو بس عشان انا عازة عليا نفسي انا ماكنتش استاهل الاهانة و الخيانة انا اكتر حاجة تمنيتها كانت بيت و عائلة معاه ... و لكن الحمد لله انو خرج من حياتي ما ننكرش اني حتى انا كنت سيئة احيانا فالعلاقة بصح انا عمري ما خنتو انا بطبيعتي انسانة وفية فنتمنى نلقى بنادم كيفي

انا مخنوقة من اهلي حاسة انهم مش بيحبوني و الخنقة بتفضل طول ما انا معاهم و ف البيت و بحس اني عايزة اعرب من القعدة معاهم بأي شكل بس مش عارفة اعمل ايه اتخنقت جدا من اسلوبهم و تعاملهم حاسة بنفور كبير بيني و بينهم

السلام عليكم ورحمة الله وبركاته عاملين ايه عندي سؤال هما ليه بيعملوا كده بجد ليه اهلنا بيعملوا معانا كده بجد ليه بيتعاملوا معانا كده جماعه انا هرغي كتير معلش وهحكي مواقف كتييير اولهم انهارده انهارده حصل موقف عادي جدا غلطه ممكن تحصل من اي حصل رأكشنهم قالوا كده بالحرف انا كرهت العيشه معاكوا وكرهتوا دي حياه ايه الارف ده مرقف تاني ماما وبابا سافروا السنة اللي فاتت تقريبا حوالي شهر كده انا جايه اقول ان ده كان اسعد شهر ف حياتي بجد مع انهم مكانوش بيسألوا والله كنت ف الفتره دي تعبانه اصلا وكنت علطول عند دكاتره وكده مكنوش بيسألوا لو اتصلوا حرفيا مكالمه لا تتعدى الخمس دقايق بس الحمد لله كنت عايشه من غير مشاكل مكنتش متخيله اني هقول كده بجد بس ده احسن شهر عدى عليا المهم موقف تاني كانوا راجعين بقى من السفر وكده واحنا قبلناهم وكان معانا صاحب بابا المهم هو بيسأل ماما العيال موحشوكيش قالتله بالحرف والله ابدا طب احنا موجودين طيب راعينا شويه اي حاجه الفكره انها كانت بتحكي الموقف ده لحد وبتضحك ووخداه joke وهي مش قادره تستوعب ان بجد الموضوع يضايق بحس اني بشحت منها الاهتمام بقيت منعزله عنهم اي حاجه برا البيت بالنسبالي احلى بكتير اوي حاجه تانيه انها علطول بتقلل مننا ادام اي حد دول مش بيعرفوا يعملوا حاجه دول مش نافعين ف حاجه بجد الموضوع بيضايق جدا بجد مش قادره تستوعب ده كمان يجماعه بقعد كتير اوي شيلاها اكيد بيجي عليا وقت واقصر بسبب مذاكرتي وان انا اصلا بتعب بسرعه ف ببقى مش قادره اعمل اي حاجه والله بس بقوم وبعمل عشانها مش بتقدر ده بجد مش بتقدر اي حاجه بنعملها اقسم بالله بتقعد تقولنا انتو بنات انتو يبقى عندي بنات وانا اللي اقف واعمل ده انا النفروض اقعد وانتو تخدموني وكلامي هنا مش قصدي انها تخدمنا ولا الكلام ده والله بس تراعينا ان احنا عندنا مذاكره ودروس وبنيجي حرفيا من الدروس هلكانين محتاجين نرتاح لا ندخل نلاقي نكد ف البيت الواحد مبقاش عارف يقعد ف البيت من كل الارف اللي فيه بجد حاجه كمان بجد ودي مستفزه جدا عندي اخوات صبيان مهملين جدا يعني بطبيعه معظم الشباب وكده حرفيا بيهدلوا الدنيا ويوسخوا واحنا بنروق مكانهم ومش بيعجبها لما نقولها م هما مش هيبهدلوا واحنا نلم ومكانهم وبجد بهدله مش طبيعيه وفي الاخر لو مروقناش مكانهم احنا اللي ناخد التهزيق كله بجد الوضع بقى مقرف بجد مبقتش قادره اتعايش ف البيت اسفه على الاطاله بس بجد انا زهقت

بقالى فتره بقيت احب العزله جدا مبقتش عايزه ناس تيجى لنا ف البيت مجرد وجود اشخاص غير الموجودين ف الطبيعى بحس بضغط عصبى وخنقه بفضل مضغوطه ومضايقه لحد مايمشو من البيت ويرجع الوضع طبيعى على عكس الاول كنت بحب الخروج جدا والاجتماعات العائليه حاليا حتى الخروج مش عايزه اخرج وعايزه ارجع بسرعه للبيت تانى ولو انا بره البيت مش عايزه اقابل حد اعرفه

الواحد هيفضل ع الحال ده كتير مش لاقي حد يخفف ولا يهون عنه يوم الواحد بقا روتيني من الشغل للبيت ومن البيت للشغل مبقاش في وقت للحياه والخروج كان الواحد في ساقية مجبر يكمل لمدي الحياه.ليه بجد

في مشاكل بين اهلي ابويا وامي يعني بس حسب ما انا شايف ان امي اللي غلطانه وهي دايما بتقول الكلام قبل ما تفكر يعني الكلام مش بيعدي علي دماغها وتقوله علطول دبش كده والمشاكل اتطورت جامد وانا طبعا واقف مع ابويا علشان هو الصح وامي مش فاهمه هي بتقول اي مع ان مفروض تكون واعيه وفاهمه وهي كبيره مش صغيره ومتعلمه بس مش عارف اي دا مش عارف دا سحر ولا حسد ولا اي دايما البيت في نكد كل يوم وانا ف كليتي ومغترب ف بطلت ارجع البيت عشان كده علشان انا ف مره اتعصبت جامد علي امي ومكنتش عارف امسك اعصابي ف كنت هضربها (انا عارف ان دا غلط وقعدت طول الليل ابكي ف ان ازاي افكر ف كده اصلا واتعصب وازعق وكل دا ) بس دا غصبا عني والله امي صح بتقول كلام غريب ظايما فاهمه ابويا غلط ف كل حاجه ودايما حساه عايز يغيظها مع ان ابويا والله مش كدا وابويا كبير يعني خلاص غلط عليه العصبيه والكلام ده خصوصا ان عنده السكر والضغط يعني غلط خالص عليه الكلام ده احنا ٤ اخوات وابويا قالي والله لولاكم انتو كنت بعدت عنها . انا بحب الاتنين والله ومش متحيز ولا حاجه بس فعلا امي غلطانه وهي مش معترفه بده وبرضو دايما تفهم غلط انا عارف ان ف كل البيوت في مشاكل بس مش بتبقى كل ده دا ابويا بيطلع عن شعوره ويشتم ويتعصب دا كان سعات بيبكي والله مش عارف مفروض انا اعمل اي عشان اصلح ولا خلاص مفيش تصليح والمفروض خلاص اخر الحكايه دي انفصال ولا اي مش عارف والله انا تعبت ولما بروح البيت بتنكد كده وبيجيلي تشنجات من العصبيه وانا عندي ٢٠ سنه يعني مش صغير ولا كبير وفاهم كل حاجه بس ليه كده واي السبب واي اللي حصلان مش عارف والله

حبو عيالكم، حبو اولادكم، حبو بناتكم، حبوهم من فضلكم. عيالك مش ذنبهم انك رجعت من الشغل مضايق فا اتخانقت مع البيت كلوا هما بس كانوا مستنينك ترجع عشان يحكولك عن يومهم. عيالك مش ذنبهم ان مودك مش حلو النهاردة او حصلتلك مشكله فا طلعتي غضبك عليهم مش ذنبهم بتاتا. بالطريقة دي عيالكم بيبعدو عنكم صورة العيلة بتكون مشوة في عينيهم، بيدوروا عن الامان برا لان محدش سامعهم في البيت او حتي محاولة الكلام بيكون فيها ردة فعل سيئة. تلاقي البنت معجبة بالمدرس بتاعها لانها شافت فيه أب و راجل شخص هيديها الحب و الاحتواء الي كانت المفروض تاخدهم من ابوها، و الولد بيبدأ ينعزل زيادة و تلاقي مستواه الدراسي بينزل. انك تكون بتوفر لأولادك الدعم المادي ده مش كفاية و مش هيخليكم اب و ام كويسين هما محتاجين دعمكم المعنوي قبل اي حاجه. يمكن كلامي متلخبط مش مترتب بس لو في أهالي هنا او ناس كبيرة بجد حبو عيالكم و قربوا منهم.

اللي مش قادر يخرج من البيت والبيت بقا سجن بالنسباله يعمل ايه؟كنت بحب الكورة كان عندي شغف ليها ،دلوقتي انا مش عارف ايه اللي حصلي مش قادر ارجع اندمج زي الاول حاسس بوحدة والم شديد والكورة كانت هيا كل حاجة بالنسبالي 😔

كان في فتره كان بيجلي نوبات غضب وصراخ مكنتش عارفه مالي في ايه لغاية قبل رمضان الي فات اكتشفنا انه حد عملنا سحر ومن ساعتها وانا مواظبه على الاذكار رغم أنه كان صعب وحتى انه احنا بدأنا نرش مية مقروء عليها رقيه شرعيه في البيت وفي البلاكونه ، مره واحده لقينا صوت الفار الي كل شويه بيجي البلاكونه بيصرخ جامد وبعدها اختفى، رغم أنه المشاكل مش بتخلص وكل فتره بحس اني مش طايقه البيت بس نفسيتي اتحسنت لما عرفت انه الغلط مش في عقلي.

حاسه اني مخنوقه ومش لاقيه مكان لسلام نفسي ، خلصت دراستي واشتغلت ودلوقتي دكتوره بس حياتي مش احسن حاجه دايما بنتخانق انا وماما ومش متفاهمين ولا مستقرين ، ولا هي فهماني ولا انا فهماها ، دايما بتتعصب عليا وغضب عني بتعصب وتقلب عليا الطربيزه لدرجه اني بفكر اسيب البيت واعيش لوحدي بس دا قرار صعب لأني في قريه لكن انا مبقتش صغيره انا داخله علي 28 سنه وعيشت فتره طويله مغتربه في دراستي ولكن لما رجعت لقيت مش قادره اتأقلم مع الصوت العالي والعصبيه والتحكمات الزياده والتدخلات ، بقيت حاسه اني هنفجر من جوايا ومفيش اي حاجه اقدر اخرج طاقتي فيها ولا عندي اصحاب ولا بخرج

جماعة هو انا لو عزمت واحدة صاحبتي عندي ف البيت ردا ع عزومتها ليا و عملت ٣ أصناف جمب السلطة و الشوربة و لقيتها بتقول بضحكة غريبة كده وقت الاكل وبدون سبب ( احلي حاجه أن إحنا انا وانتي يعني طول عمرنا شبعانين وعنينا مليانة ) ده غير أنها من اول ما دخلت بيتي تقول ع اي حاجه تلاقيها ف وشها .. زي اللي عندي زي اللي عندنا بالظبط و كررتها ع حاجات كتير .... هي قاصدة توصلي ايه بأفعالها و بجملة احنا شبعانين ديه ؟؟؟!

انا محتاجه مساعده ضروري انا اهلي منفصلين وعايشه مع مامتي واخواتي وابويا سايبني بقاله كذا سنه وقايلي اني مش بنته وكلام كتير بس انا نفس شخصيته ومش بعرف اتعامل مع مامتي واخواتي وطول الوقت في مشاكل معاهم لدرجه ان هما ولا مستحملني ولا انا مستحمله اقعد معاهم خالص فعلت وجبت اخري عايزه امشي من البيت بس مش عارفه اروح فين انا بتعامل بطريقه ابويا ونفس شخصيته ودي اكتر حاجه بكرهها انا مس نفسي ابقى شبهو خالص والله بس غصب عني زيه في كل حاجه حد يساعدني اروحله ولا اعمل ايه وملحوظه انا مامتي لو قلتلها اني هروحله ممكن مترجعنيش تاني وانا ثانويه عامه ونفسيتي وحشه اوي ومش بذاكر خالص بسببهم ف حاسه اني محتاجه افصل من البيت

الوحدة بجد شئ مميت مش هيعرفه غير اللي جربه بجد بمعنى انك تعيش لوحدك تماما في البيت .. مايبقاش فيه غير صوت نفسك انت بس انك ترجع تلاقي البيت مضلم وتاكل وتقوم وتنام لوحدك مفيش حد تشاركه تفاصيل يومك حد يلاحظ ارهاقك أو حتى فرحك مفيش الفضفضة ووقفة المطبخ مفيش اخد رأيك في لبسي قبل ما انزل مفيش حد يقلق عليك لما تتأخر حد تترمي في حضنه وتنزل من على كتافك هموم الدنيا عارفة ان فيه ناس وحيدة وسط أسرتها .. بس اللي بتكلم فيه مستوى تاني بجد ساعات كتير بحس اني ممكن اموت لوحدي ومرات كتير تعبت ودوخت ووقعت وكنت لوحدي ومش عارفة حتى اجيب كوباية مياه لنفسي وبعد ده كله الناس ساعات تقولك انتي اللي عملتي في نفسك كدة سواء بالتلميح أو صراحة.. بس هو والله قدر ونصيب مكتوب وربنا يصبرني عليه ويصبر أي حد عايشه

حصلي مواقف كتيره اوي مرعبه زي قبل كده بابايا كان بره البيت و رجع متاخر وانا الوحيده الي كانت صاحيه و فتحتلو ودخل البيت بس لما جيت اكلمو مردش عليا و دخل المطبخ و قعد كتير اوي جوه وبعد فتره كبيره دخلت المطبخ علشان كان بقالو نص ساعه جه بس ملقتهوش ولا في البيت كلو و بعد حوالي ساعتين كده لقيتو بيخبت علي الباب الشقه و دخل و قبل كده برضو شوفت قطط لونها اسود في الشقه و قدام الباب الشقه بس بلقيها بتختفي زي انها دخل جوه الحيطه مثلا و قبل كده في يوم من الايام صحيت في علي 11 الصبح كده و لما صحيت اتكلمت مع والدتي و دخلت بعدها اوضتي وبعد مرور ساعه كده طلعت من الاوضه و كنت بنادي علي والدتي و مش لاقتها في الشقه و حاولت اكلمها فون و لقتها بتقولي انها نزلت من 8 الصبح علشان كان وراها مشوار ومرضتش تصحيني 🙂

محتاجه نصيحه عشان بجد انا مخنوقة. ومعلش مقدماً عشان الكلام كتير. دلوقتي انا خلصت الثانوي من سنه ومجموعي كان وحش جداً(كنت بعيد السنه دي)+(مكنش عايزه ادخل ثانوي اصلاً من البداية)، فكان قدامي خيارين يا ادخل جامعه خاصه، يا اقعد واتعلم انجليزي وبرمجه او جرافيك ديزاين. ف انا عملت استخاره لو جتلي الجامعة اللي انا عيزاها ان شلء الله هدخلها ولو مجتش هكمل كورسات، الاول عملت تنسيق وجالي معهد ومش معتمد، حاولت اغير فمنفعش ولسا هستنى للسنه الجايه، فقولت لبابا مش لازم جامعة وهضيع اربع سنين على الفاضي وفي الآخر مش هشتغل، فأنا هاخد كورسات واشتغل بيها من البيت، وبدأت كورس انجليزي بعد الكلام دا بعد حوالي تلت شهور من المحايله عليه عشان هو مش عايزني اكمل تعليم ولا اخد كورسات ولا اي حاجه ويفضل يقولي البنت ملهاش الا بيت جوزها والكلام دا. المهم كورس الإنجليزي عشان اتمكن منه الموضوع محتاج سنه رحت اربع شهور والشهر دا مرحتش عشان محتاجه استريح شويه + احوال الطقس مش كويسة خالص.دلوقتيانا ولا بدرس ولا بخرج وصحابي مش بشوفهم غير مره في السنه حرفياً ومفيش تواصل بينا اصلاً، فأنا زهقانه ومخنوقه جداً وقاعده في البيت 24 ساعه مبعملش حاجه غير شغل البيت وباقي الوقت نايمه، وكل شويه حد إذا كان من اخواتي او قرايبي يقولولي انتي ملكيش لازمه مبتعملش حاجه غير النوم وكلام كتير. فانا قولت لماما اني هقول لبابا اني عايزه اشتغل ( واسهل حاجه في حصانه)( انا قولت لبابا اكتر من مره ويا يرفض او يماطل ويفضل يقولي بعدين بعدين وفي الاخر يقولي لاء، و في حاجات كتير مش الشغل بس). وهي قالتي لاء وانه هيرفض وهيقولك معنديش بنات تشتغل، لو عايزه تفكي عن نفسك روحي مقرأه يا كدا يا لاء. وانا مش عايزه اروح مقرأه عشان مش عايزه اخد تجويد ولا قراأت ولا تحفه ولا الحاجات دي وكل المقارئ بيدو الحاجات دي الزامي (ماما راحت وقعدت خمس سنين وفي الآخر محفظتش غير عشر اجزاء). فأنا بجد تعبت وزهقت ومش عارفه اقنعه ازاي، دا حتي موبايل مش راضي يجبلي واحد ليا لوحد يقولي هتعملي بيه اي، اقوله طب عايزه لابتوب عشان اشتغل عليه يقولي في حاجات اهم محتاجينها، ومن زمان العاده دي فيه، اقوله عايزه حاجه يقولي استني شويه شهر شهرين ويراضيني زي العيال الصغيرة ولما استنى واجي اكلمه تاني يقولي لاء هو انتي لسا منستيش. مع اني بفضل اعشم نفسي بأمل كدب واقول يمكن يصدق مره ويفرحتي وميخذلنيش بس برضو دايماً بتخذل. الموضوع بقى لدرجه اني مبقتش بطلب اي حاجه خالص. ولو قولتهم انا مش بطلب حاجه يقولولي محدش منعك ولو طلبت بيرفضو. حالياً بابا مسافر من كذا سنه عشان بنبني بيت (احنا حاليا قعدين في إجار) بعد البيت هيقولي اخوكي عايز يتجوز وبعد أخويا هيقولي انتي خلاص داخله على جواز فسيك من الكلام دا وكلام فارغ. فبجد بجد والله انا تعبت وزهقت من الوعد الكدابه ومبقتش عارفه اعمل اي ولا اتصرف ازاي.

عندنا اسره من الجن المسلم عايشه معانا في البيت وديما كانو بيحركوا حجات في الشقه لحد ما فيوم اتفقنا اننا هنسمي على العظم عشان ترجع تتكسي لحم و يكلوها قصاد انهم يبطلوا رخامه وحصل فعلا بس لحد دلوقت لسه المرجيحه اللي في الصاله بتتحرك لوحدها بليل اكن حد قاعد عليها

هو ده طبيعي ؟! بابا لما بيبقي مزاجه حلو ورايق يفضل يقولي انتي فاكره اني هديكي لاي حد وخلاص ( قصده الجواز يعني) ده لو مش علي مزاجي مش هتشميه ( علشان انا البنت الأولي وكده ) بس من يومين كنت قاعدين وبابا وماما قاعدين بيتكلموا على حياتهم زمان ووقت الخطوبه والكلام اللى كلنا عارفينه ده ف احنا كنا بنتكلم ونهزر في موضوع الجواز ف انا بقول اني اللى هتجوزه لازم ميكونش عصبي ويتعصب عليا على اتفهه الحاجات ( زي بابا ، بس طبعا انا مقولتش كده 🙂) وانه يساعدني في شغل البيت لو انا احتاجت مساعده لكن بابا بقا مسكتش وقالي ليه أن شاء الله انتي عايزاه يخدمك ف انا قولتله لا مش يخدمني بس يساعدني ويتعاون معايا احنا هنبقي عايشين في بيت واحد مع بعض قعد يقولي ليه انتي فاكره نفسك مين اومال هو هيتجوزك ليه قولتله هو بيتجوزني علشان ابقي مراته مش خدامه قالي لا علشان تخدميه وتعمليله كل حاجه وهو قاعد بس من غير رضا جوزك متشميش الجنه وده من عظمه ربنا للراجل وكلام من ده بقا قولتله ماشي بس المفروض يتعاون معايا عايشين مع بعض وفي بيت واحد وبعدين سيدنا محمد ﷺ كان بيساعد زوجاته و ده ولا عيب والحرام يعني انا حتى لو تعبانه اخدمه هو ما يساعدنيش ده ازاي يعني قال لي ما كانش بيساعد زوجاته كلهم قولتله ماشي بس كان بيساعد قعد يقول لي لا مش كلهم ولا مش عارفه ايه وكلهم ما كانوش ماعزا واحده انا بقا حسيت انه هيبدا يقول كلام تخاريف ف سكت لسيدنا محمد صلى الله عليه وسلم قال. رفقًا بالقوارير / "استوصوا بالنساء خيرًا / خيركم لأهله، وأنا خيركم لأهلي / عن عائشة رضي الله عنها عندما سُئلت عن النبي ﷺ في بيته قالت: "كان يكون في مهنة أهله." أي يساعدهم في أعمال البيت. / "اللهم إني أحرج حق الضعيفين: اليتيم والمرأة." هل انا كده غلطانه في ان لازم الراجل يساعد مراته في شغل البيت عادي ولا ابويا غلطان . مع العلم اني عمري م شوفت بابا بيساعد ماما في حاجه ابدا في البيت حتي لو هي تعبانه جدا جدا هي برضو اللى بتعمل كل حاجه ولازم تكون على أكمل وجهه علشان ميتعصبش عليها ويزعق وده اللى فهمته لما كبرت أن كل م مانا تعمل حاجه تقول علشان ابوكي ميزعقش بجد بقيت بزعل عليها اوي وبحس أنها بتخاف منه وهو اللى دايما غلطانه في حقها

انا عايز اشتغل مع الكلية بس قلقان انه يأثر علي الدراسة خصوصا اني عايز اشتغل اوفلاين مش حابب الشغل الاونلاين وكمان مش لاقي شغل يكون 6 سعات مثلا علشان يبقي الي حد ما ميأثرش فعايز اعرف يعني عادي اشتغل مع الكلية خصوصا اني في حاسبات بس انا حاسس بإني لازم انزل اشتغل واحط فلوس في البيت مش مرتاح للقاعدة كدة

الواحد حاسس بوحده جدا اوقات كتير جدا بحتاج لونس صوت معايا حد جمبي الواحد بيهرب من الوحده للشغل مش علشان حبا في الشغل لا عشان فيه ونس وصوت انا محتاج لما ارجع البيت الاقي حنيه احتواء حضن هدوء البيت جاهز مقمش اعمل حاجه حلمي معملش حاجه الاقي كل حاجه جاهزه اي حاجه اه والمصحف 😄 محتاج احتواء حنيه لطف وجود تواجد وانا بنام ولما اصحى وفي نص اليوم محتاج شريكة حياه من بتوع زمان ايام المسمى ده واكون ليها موجود ابادلها ده كل حاجه الوحده كتير بغباء مش حلوه بس الواحد بيتأقلم... بحاول لسه لحد دلوقتي

السلام عليكم صباح الخير انا كنت طالع اشم شوية هوا المهم كان فيه ٣ حمامات بيسترزقوا من الارض فاتناولت حجر زلط صغير فشافونى وطاروا المهم واحدة منهم وقعت وهى معايا فى البيت اعمل ايه؟ اطبخها ودا صيد عادى ابيعها اسيبها تروح

دايما كنت متربي ف بيت فيه انك تدي اعتراضك ع اي حاجه دا غلط... انك تعيط دا غلط.. انك تقول انك موجوع غلط.. انك تطلب اهتمام غلط.. زي ما بيقولو كده بيت تربيه عسكريه.. بس للاسف كان بيت اهلي.. بقيت لو اتضايقت او زعلت او حسيت اني مخنوق ضربات قلبي تزيد ودراعي يقف معرفش احركه وساعات كمان رجلي... روحت كشفت عند دكتور قلب قال دي حاله نفسيه وعصبيه ملهاش حل.. ممكن اعرف اعمل ايه بجد؟؟

لا اهلي مكنوش سهلين فطفولتي ربولي توتر دائم والكورتيزول عندي فاعلي القمم عندي اضطراب فرط القلق والتوتر بلاص الحديه غير مشاكل تاني كتير اكتر حاخه يتمناها أن متجوزش حد زي بابا انا م بكرهوا بس م بحبه اهم حاجه هو وشخصيته ونفسه احنا لا عايز يجوزني لمجرد أنه يخلص مني فالبيت مع اني م بعمله حاجه بيضرب امي دايما وجاي عليها بطريقه بشعه امي غلبانه م بتتكلم بس ظلمتنا لما جبلتنا اب زي د بقا كل املي أن ابعد. عن البيت نسيت فوسط كل د ان عندي طموح في حاجات بحبها جالي ارت بلوك بقية حزينه دبلانه مكتئبه وكل اللي يدعي بيه ربنا ميبتلنيش فالشخص اللي هتجوزه ويكون حنين لاني مشوفتش حنيه وميكونش زي ابويا لان بيتنا هو اكتر حاجه هدتني وخلتني دبلانه

كان نفسي عمتا اتربى تحت سقف واحد و بين اربع حيطان حوالية مستور مشاكلي مش طالعه لحد، طلاق امي و ابويا خلاني كل شهر من بيت لبيت من مشكلة لمشكلة، وكل مشاكلي ع لسان العيلة وكلهم قاعدين لا سامعينلهم اي مشكلة ولا حس ، الا العبدلله حاجه صغيرة تحصل تسمع ف بوق العيلة كلها

​"أصبحت القهوة هي مهربي الوحيد من ضغط الشغل والبيت والصحاب، بختار دايماً إني أنزل لوحدي وأكبر دماغي بدل ما أتكلم مع حد، وكأني في دايرة مقفولة.. حتي موضوع الارتباط الجواز والخطوبه مبقاش من أولوياتي هل دة هروب وانا بهرب من اى أنا كل ما أقول التوبة يا بويا ترميني المقادير

جدتى و انا صغير كتبت كل حاجة لخالى بعدها تعبت لما كبرت و بردو رحنا خدمناها انا و والدتى و ساعتها وعدتنا انها رجعت كل حاجة ليها و بعد وفاتها طلعت كدبت علينا و خالى طردنا من البيت حاسس بخذلان فظيع و مش قادر اسامحها و بسال نفسى هى عملت فينا كدا ليه محبتناش ليه طب ليه خالى مكانش حد طبيعى يقوم بدور الخال بجد اللى نستقوى بيه

انا بقيت اعالج اى مشكلة بالنزول القهوة مخنوق من الشغل انزل القهوة مخنوق من البيت انزل القهوة مخنوق من صحابي انزل القهوة بنزل القهوة كتير و لوحدي هل دة هروب من الواقع ولا بحاول امسح المشكلة واكبر دماغي عمري ما حاولت اتكلم مع حد علشان مشاكلى

السلام عليكم انا مبقتش احس اني تبع البيت ده يعني دايما لما بقعد ف البيت صاحي اكتر من ساعتين بتخنق اوووووي ازعاج وإهمال و ناس سلبية جدا و يريت كل واحد ف حاله لا ده بيتدخلو في حياتك يحسدو بس انا بحبهم والله وعارف أن في حاجات مش قصدهم بس اخويا الصغير همجي اوي في اكل ونوم وأسلوب يعني عاوز يتعامل معامله الغنم بس نعمل اي بقا بحاول استحمل ابويا ربنا يصبرني عليه يعني بصراحه مزعج اوي و في شوية صفات متتعاشرش و الناس مبتحبوش و لا يطاق بصراحه يعني بجد والله بقيت اروح البيت عشان اريح وانام بحس اني اتخنقت تخيلو كدا المكان الوحيد للراحة ف يومك مش عارف ترتاح فيه يمكن امي واختي هما اللي مصبرني شوية تعبت والله نفسي اقعد لوحدي كدا متعاملش مع بني ادمين

انا بجد كرهت البيت الي انا عايشة فيه ابويا كان مسافر و مرتاحين من قر//فه نزل مصر امبارح و انهادة قعدو يتخانقو مع اختي و ضربوها و اخويا الصغير لقيته قاعد بيعيط و انا مبقيتش حملهم يعني كل شوية مشاكل و خناقات و اهانة و كلام يوجع بس يعني ابويا نازل اسبوع المفروض يتلمو او اي حاجة دول قعدو يلعنو و يشتمو كتير و انا اقسم بالله خلاص انا شوية و هتجنن منهم و ييجو يقولو لي محتاحة دكتور نفسي و كل واحد بقى يشخص على مزاجه و انا الي عايزاه بحد اني اقعد ف مكان هادي قلبي يكون متطمن فيه مش اصحى من نومي مفزوعة انا والله لسة من قريب امي اتخانقت معايا جامد و جت تصحيني انا صحيت قلبي كان هيقف و قعدت اصوت و اعيط و مبقيتش عارفة انام ولا اذاكر و بكرة علي امتحان و حاجة بجد مقرفة نفسي اخرج من البيت ده بجد

هحاول اكرر شكري و حبي ليهم كل شوية و دعمي ليهم اتقبل اخطأهم و هصبر عليهم واستمتع برحله التربيه مش هستعجلهم علي حاجه لازم ياخدو وقتهم مفيش هزار بالشتيمه أو اتعدى حدودى معاهم بالضرب مفيش خناقات ف الاعياد أو رمضان أو الخروجات أو المناسبات اي اختلاف هيتأجل لتاني يوم دايما هكون مستمعه ليهم هعلمهم ازاي يكون في مساحه امان بينا هشاركهم مصايبهم حتي لو هنغلط كلنا مفيش انتقاد أو تباهي قدام الناس مفيش عادات وتقاليد فقط الحلال والحرام والشرع مفيش سيطره عليهم دى حياتهم وهما احرار وكل واحد له صحيفته ربنا هيحاسبه عليها مفيش ابتزاز ديني أو عاطفي مفيش تدخل ف اختيار الأصدقاء أو اللبس أو الاذواق فقط مشاركه رأي ويكون مبدأهم لقياس تصرفاتهم حلال وحرام مفيش صريخ بدون سبب أو تسلط حاجات كتير اوى بس هحاول علي قد ما اقدر اكون ام حنينه قريبه من عيالها تطلع اسوياء نفسيا و البيت هو الامان مش مكان نهرب منه للشغل أو الدراسه لمجرد أنهم يطلعو برا البيت