تالتة ثانوي

كنت حكيت قبل انو انا ٣ ثانوي ومش عارفة شو القرار القرار طلع وطلع عندي تقديم وانا مش جاهزة هل انا نهرت؟ بصراحة لا بس ترقبوا رح انهار هيك بعد كم يوم بس انتو ادعوا انو يا اما انجح يا اما اخد افادة وانقبل بتخصص احلامي انا تعبت

انا كمان شهر و هدخل تالته ثانوي المشكلة في اني مهمله يعني مش بذاكر كله بمزاجي و اهلي سايبني و مش مهتمين بالحته دي خالص و عادي لو ذاكرت مذكرتش طز يعني مش مهتمين السؤال ازي اتحكم في نفسي و اذاكر؟ لاني بجد خايفه و لو استمريت على كدا انا حرفيا(لقدر الله) مش هجيب حاجة بجد!!

السلام عليكم انا ف تالته ثانوي وانا ف شهر ٤ كان المدرسين قربو يخلصو المناهج ويشهد ربنا ان انا من اول السنه بحاول مقصرش وبعمل ال اقدر عليه وتعب وسهر وشفت سنه مايعلم بيها الا الله وكله متاكد اني هبقا دكتورة ان شاءالله المهم انا طلع قدامي ناس بتعمل سيشن تنظيم مذاكرة ومنزلين اسكرينات لناس بتشكر فيهم واد ايه هما شالو من عليهم الضغط وساعدوهم وبقو بيذاكرو احسن ومستواهم اتحسن وكدا المهم لما المدرسين خلصو المنهج انا بطلت انزل دروس وقلت هراجع ف البيت وهشرك مع الناس دول وفعلا اشتركت وكانو كويسين وكل حاجه وقولتهم ان انا ازهر وامتحاناتي هتكون بدري وقدامي شهر بالظبط اراجع فيه واحل الكتب ال عندي قالولي هتراجعي وتحلي شوامل كتير جدا المهم بعدها بشوية حسيت انهم بيحطولي تاسك صغير اوي ف سالتهم انا هخلص امتا قالولي يوم 25/5 ف قلت كويس يعني مش مضغوطه وهخلص بدري بعدين لحد يوم 19/5 لاقيت ان انا لسا مخلصتش مراجعه اكتر من نص المنهج وقولتلهم قالولي مش لازم تخلصي بدري المهم تحلي كتير قولت ماشي ولحد ما خلاص شهر 5 بيخلص ولاحظت انهم مش عاملين جدول اصلا وبيحطو تاسك ف منتهى العشوائية حرفيا وحتى مش فاكرين انا راجعت ايه وايه لا وانا ال كنت بقولهم وقالولي هنظبطلك دلوقتى المواد الاولى ونكمل ف ليالي الامتحانات ف قلت ماشي وبعدين بدأت امتحانات والامتحانات تقيله وانا قلقانه من المواد ال متراجعتش ولما برجع من الامتحان بيقولولي عملتي ايه بس وواحدة منهم نزلت على الجروب احنا وقفنا شغل ازهر! يعني ايه بجد وانا كمان دفعت فلوس شهر وكمان شهر الامتحانات عشان يسالو عليها بعد الامتحان؟؟؟ اعمل ايه بجد انا حاليا بحاول مضيعش مجهود شهور بسبب ناس بتتعامل من غير ضمير انا طلعت من كل الجروبات وبعت للادمن بقول على كل ال عملوه مردش حتى

السلام عليكم 🌸. دلوقتي انا داخلة تالتة السنة الجاية، ف الطبيعي ان ماما اصلا بتبدأ معانا بايو من قبل الدروس ف نص او اواخر سبعة كده مثلا، عشان كده كده هي طبيبة وفي نفس الوقت نبدأ مذاكرة بالتدريج، بس انا عشان اول دفعة للـ integrated science ف انا يعتبر مأخدتش بايو ولا مرة غير شوية سمك كده ف اولى ومش عارفين هيتغير ولا لا. ف اضطرينا نكنسل الموضوع ده لحد ما يطلع قرار بخصوص البايو، وبما ان انا زهقانة ومعنديش حاجة اعملها بجد ف قررت اذاكر فيزيكس. انا شاطرة اوي فيها وبحبها وبحب اذاكرها واقرأ فيها بعيدا عن المذاكرة، ف هي بالنسبالي سهلة وكل حاجة، بس انا مش عارفة هل ده هيأثر عليا في آخر السنة؟ انا لما قلت لماما قالتلي انها فكرة حلوة طالما انا فاضية عادي، بدل ما ابدأ الدراسة بضغط واراكم وكده خصوصا ان انا بتشتت بطريقة مستفزة، ف قالتلي ابدأي على خفيف اقرأي بس الكتاب شوفي محتوياته ومحتاجة فيه ايه او ايه مش فاهماه صعب ولا سهل وكده، وبس. ف انا قرأته قراءة سريعة وهو باين عليه مستوى متوسط بالنسبالي لان فيه حاجات انا معرفهاش اوي، خصوصا ان اول شابتر اصلا كله electricity وانا آخر معلوماتي فيها من تالتة اعدادي. ذاكرت جزء من اول درس وحاسة الحوار ممتع اوي وماشي معايا، بس زي ما قلت مش عارفة هل ده هيفصلني في الآخر ولا لأ.

انا بصراحه شايف الوحده مريحه (بس مش هتبقى مبسوط) ف انا دلوقتي ف محاولة اني اكون مع ناس ومبسوط وكدا وخصوصا اني كمان شهرين هتعجن من تالته ثانوي ف هتبقي وحده بالاجبار لان كل صحابي قالولي ان مينفعش نتقابل كلنا غير بعد تالته علشان ناخدها جد والكلام دا وانا عايز استمتع بالاجازه بس بفكر انزل شغل ومحتار اعمل ايه

جماعه انا تالته ثانوي وبصراحه في حاجات كتير اوي واقعه مني وانا مبقتش قادره اذاكر خالص وخايفه لقدر الله ميحصلش الي انا عايزاه وخايفه من امي تعايرني في يوم من الايام لدرجه اني خلاص قررت اني اشتغل بعد ما اخلص علطول علشان ادقع ليهم كل الفلوس الي دفعوها ليا وعماله افكر لو محصلش الي عايزاه هعمل ايه وقلت هتعلم إنجليزي اكيد كويس والماني وبرمجه علشان اكون مأمنه نفسي حد يعرف اتعلم الحاجات دي ازاي وابدا منين وعايزه ارجع اذاكر تاني انا بمر بفتره صعبه اوي مش هقول بعيط كل يوم ياريت هقول اني نفسي اعيط مره واحده او احس باي شعور

حاسس اني بدأت اتضغط من تالتة من دلوقتي مش مجرد الفكرة بس كدة اللي ضاغطاني، بس عشان عارف ان دة آخر صيف ليا قبل ما أكون طالب جامعي وحياتي هتتغير ف محتاج اني انجز حاجات كتير دلوقتي بل وكمان ابدأ في حاجات تانية انا مخططها ولسة مبدأتش فيها، فكرة ان معايا شهرين لازم اخلص فيهم كل دة حاسس اني هدخل تالتة وانا مضغوط وطاقتي خلصانة اكتر انا فعلياً ممكن الحق على شهر 8 أو 9 اكون خلصت 70% من الحاجة دي وأكون بدأت الحاجة اللي محتاج ابدأها وامشيها بعد كدة عادي، بس دة لو انا مكسلتش يوم، وانا كل شوية بقع وبضيع كتير بس خير خير هنلحق إن شاء الله هنلحق

السلام عليكم انا ليا واحده صاحبتي اتعرفت عليها في تالته اعدادي المهم في اولي وتانيه ثانوي كانت بتسألني في الامتحانات وبديها الاجابات عادي بس هي بقت بتشوفها حق مكتسب ودي حاجه بدأت تقرفني لان في تانيه ثانوي كان بيبقي نماذج نفس الاسئلة بس متلغبطه اما المقالي مختلف ف لقيتها بتقولي بدلي الورقة بقولها ورقة ايه بتقولي ورقة المقالي حليلي بتاعي وزعلت مني اني مرضتش احللها انا اصلا مكنتش لسه لا خلصت الاختياري اللي في التاب ولا المقالي عشان احللها وهي اصلا مبتذاكرش وزادت فيها انا والله عادية مش اللي هو دحيحة ولو حد طلب من سؤال وانا حلاه بقوله عليه عادي بس هي بتطلب الامتحان كله وبحللها المقالي كمان كأني داخله امتحن مرتين ومره كنت قولتلها لا دخلت برقم اخوها الصغير وبعتت لنفسها علي الواتس وبتقول لنفسها ان انا مصحباها مصلحة وبتحذرها مني المهم اني عرفت انه رقم اخوها انها كانت لما موبايلها باظ بتكلمني من رقم اخوها ف لما بعت الاسكرين دخلت اسيرش علي الرقم لقيته متسجل ب اسم اخوها ده فدخلت علي الواتس لقيته نفس الرقم ومعرفش هي ليه عملت كده لحد الان المهم ان السنادي انا تالته ثانوي وامتحاناتي خلاص كمان 11 يوم وهي علطول بتبقي ورايا في اللجنة فمردش عليها لو سألتني ولا اعمل ايه عشان انا بتشتت اوي وخايفه اتشتت واتوتر ومعرفش احل وشكرا واسفه جدا لو طولت🙏🏻💗

احنا تالته ثانوي و عارفين بعض من ست سنين علاقه سوشيال و عمرنا ما اتقابلنا ابدا بس أن شاء الله قريب هتقدملها ... المهم هل طبيعي أنها اخر فتره رغم أننا في فترة امتحانات و ضغط نفسي كبير أنا ابقى عارف عنها كل تفاصيل مذاكرتها حرفياااا و كل تفاصيل يومها و اكلها و شربها و كل حاجه و بقدملها الدعم بكل شكل و معاها في كل حاجه و وقت إنما هي مبتعرفش انا بعمل ايه ولا بذاكر ايه ولا واصل ل فين ولا بتهتم بتعرف صاحي امتى ولا بتعمل ايه ولا اي اهتمام تقريبا في صحتي أو أكلي رغم أنها عارفه اني بتعب كتير و مش بتهتم تعرف انا عملت ايه مع الدكتور ولا اخبار صحتي ايه و مبتديش ربع الاهتمام الي بديهولها هل ده عادي و هل علشان أنا الراجل لازم ابقى أنا الدعم النفسي و هي عادي تبقى كده ... هو مش المفروض نهتم ب بعض بشكل شبه متساوي بالذات في الفتره دي ؟؟ ده انا حتى لما باجي اتكلم عن نفسي في أبسط الحاجات بلاقيها بتقصر في كلامي و تحاول تقفله أو ابقى بحكي حاجه عايز احكيها هي تبقى بتسمع كأنها بتسمع غصب عنها ... و طب انا اعمل ايه هل اقلل اهتمام و اعمل زيها ولا اصبر و ده العادي ولا اديها فرصه ل بعد تالته و كده كده انا بعد تالته هبتدي اتغير و اشوف حياتي و نفسي اكتر

يا جماعة انا تالتة ثانوي معنديش شغف لأي حاجه حتى المراجعات مش قادر اذاكرها فأنا عايز study partner سواء بنت او ولد نصحى بدري ونحدد عدد ساعات معين نخلصه في اليوم ونشجع بعض يعني واللي يقع يشد التاني كدة ويفضل يكون تالتة ثانوي برضو

تعبان بجد مش عارف الغلط عندي في قلة المذاكرة ولا دي حاجه نفسية وعضوية ولا اي مبقتش فاهم انا تالتة ثانوي مش قادر اذاكر تماما مع اني بطلع من الاوائل دايما انا حاليا عندي احتراق داخلي شديد في أقصى مراحله وعندي نقص حاد في فيتامين د مش عارف اعمل ايه مش قادر اركز في اي حاجه تماما

كان عندي مشكله كبيره من تلت سنين و كنت هتحبس ظلم و كنت في تالته ثانوي و اجلتها سنتين و ضيعت سنتين من عمري و حاليا عندي 20 سنه و لسه في تالته ثانوي و الموضوع دا مأثر فيا نوعا ما دا غير الضرر النفسي و الجسدي الي تعرضتلو بسبب الموضوع الي حصل معايا و بقا يجيلي (panic attack) . و لحد دلوقتي مش عارف اتعامل مع الموضوع دا

انا مش عارف ايه احساسي بالظبط بس الموقف الحصل أن اخوايا لسا متخرج من هندسه و اخوايا التاني لسا اول سنه هندسه و انا تالته ثانوي و ابويا مهندس ممكن تكونوا فهمتوا الموضوع اكيد طبعا كل شويه يقوله يا باشمهندس.... يا باشمهندس.... حرفيا مبقاش يقول اسمه لوحده خالص حرفيا فاخويا بيقولي انت تقولي يا باشمهندس فقولت لا هقولك اسمك عادي، بضحك يعني و كدا اصلا مش بحب ولا غالبا عمري قولت لحد يا باشمهندس اصلا بقا المهم ان انا مش بغير من اخواتي و كدا بس حرفيا اهلي بيحبوهم اكتر مني حرفيا مفيهاش نقاش يعني ولا تقولي اخر العنقود و البلا بلا دا فبقيت بغير منهم و كل ما بغير منهم بحس بقرف الهو ايه القرف البعمله دا مش بغير ولا بحقد على حد عمري دايما بشارك الناس فرحهم و كدا يعني و مبقتش عارف اوقف القرف دا اعمل ايه

دلوقتي فاضل على امتحانات تالته ثانوي اقل من شهر و انا حرفيا معرفش كلمه في الكيمياء و العربي ف لو حد يعرف طريقه بجد ازاي الحق نفسي فيهم انا مش عايزه اجيب درجه عاليه انا بس عايزه اعدي صافي في الكيمياء و العربي

السلام عليكم ورحمة الله وبركاته بوست طويل عشان لو حد عايز يسكب من الاول انا لسه مخلصة امتحانات عارفين بالرغم اني نفسي يبقى معنديش مذاكرة وكل الكلام ده الا اني بحب انزل دروس عارفين ليه عشان مقعدش في البيت بكره اقعد في البيت بحسه يخنق كمية خناقات لأتفه الاسباب زعيق وصوت عالي تعليق على اي حاجه (ده اسلوب حياة بس معظم الوقت كنت ببقى في الدروس) رايحة تالته ثانوي بحاول استمتع في الاجازة على اد ما اقدر اعمل حاجات بحبها عامة بنسأل بابا وكده هنطلع مصيف ولا لا يقولنا لا طب ليه هو كده طب هنسافر في اي حته لا طب ليه هو كده الفتره بجد نفسيتي وحشة جدا وبحاول اخرج نفسي من المود بأي طريقه بس الاجواء مش مساعدة في لعبة كده بحبها اووي كنت بلعبها يعني بس بابا قالي امسحها وكده فتمام مسحتها جاية اقوله بعد ما خدت الاجازة عايزه انزلها يقولي لا بقوله ليه يقولي اللعبة دي مش هتنزل تاني (ما تفكوها علينا خلي ربنا يفكها عليكوا بجد) بدون اسباب هو كده ومش هتنزل تاني وانا معنديش خلق اليومين دول اني اتناقش او اتحايل بجد هقعد اعمل ايه طول الاجازة بقيت بكره امسك الموبايل وافضل قاعدة على السوشيال ميديا بجد بحاول انزل تمرين بس انا جسمي بيتعب من اقل حاجه بجد خايفه انزل ومنتظمش

عندي سؤال و بجد عايزه اجابه دلوقتي لو حد تالته ثانوي و مفتحش عربي خالص و مش هعرف اذاكره حتى الشهر ده بسبب اني بحاول الم الانا مراكماه في المواد التانيه ف هل هعرف انجح فيه؟ يعني مثلا تعبير على قصه على الحاجات التانيه دي ممكن مثلا يتلموا في يومين قبل الامتحان و ادخل انجح ولا مستحيل الهبل ده و هسقط فيه؟

أنا ف تالتة ثانوى و متلغبطة جامد و ورايا تراكمات ف عايزة حد يكون ف تالتة ثانوى او اكبر بسنة و يساعدنى و يعمل معايا الجدول بحيث انى اخلص اكبر قدر ممكن من التراكمات الى ورايا ف ال 10 ايام دول قبل شهر 6 ما يبدأ

انا مخنوقه اوي حرفيا لسه شهر علي امتحناتي ( تالته ثانوي) انا كل شويه بحاول بحاول بس خلاص انا جبت اخري محدش في البيت حاسس بيا كلهم بيقولو سنه وكل الناس عدت بيها انا مش كل الناس انا بقيت كارهاني كارهه نفسي كاره حياتي كاره شكلي البيت كلو خناق في خناق مش بكلم اخواتي بقالي شهر تقريبا متخانقين محدش حاسس بيا ولا مقدر ولا حد جرب يستل يقولي انت كريسه انتي تمام في نفس الوقت خلاص قلقانه طبعا ومش عارفت اعمل ايه حتي صحابي بعدت عنهم بسبب السنه لانهم مش في تالته بالتالي مش بنتقابل كرهت حياتي بجد ومعنتش قادره وخايفه

وحش اوي شعور فقدان الشغف في وقت مينفعش فيه فقدان الشغف ولازم ابذل أقصى مجهود عندي بس بجد حاسه بعد كل التعب دا مش هوصل لحاجه ومش هحقق اللي انا عايزاه خوف مش طبيعي من تالته ثانوي وكل م الم ماده الاقي الماده التانيه باظت خالص هل دا طبيعي ولا انا بفكر بزياده وخوفي دا ملوش لازمه بجد محتاجه نصايح ودعم كتير ومش لاقياه ياريت تدعولي بجد في الأيام دي احقق اللي بتمناه واجيب المجموع اللي يرضيني ومحدش يشمت فيا🥲

هي مش مشكله عويصه بس مش عارف ابدأ منين و اكمل ازاي يعني باختصار أنا وزني نسبة لطولي كان حلو من سنه انا في تالته ثانوي و من اولها بدأت ازيد ازيد طخنت حوالي 10 كيلو او اقل سيكا و طبعا من كتر اني مش بتحرك خالص فعضلاتي تعتبر على الله جربت اعمل ضغط من يومين عملت ارباعه المهم مش عارف ابدأ في البيت الاول احسن ولا الچيم ولا فيتنيس و مش عارف اجيب التمارين منين و كدا

في واحد عندي في المدرسه من كام شهر اعترف وقالي انا معجب بيكي وكده وانا حاليا في تالته ثانوي بيقولي انه بيحبني من اولى ثانوي انا كنت بصده طول الفتره دي ولما اعترف انا بردو رفضت اكلمه وعملتله بلوك من كل حته بس من يومين اديتله فرصه ،هو بجد طيب ومهتم جدا وكل حاجه فيه بجد اي بنت ممكن تحبه بس المشكله اني مش حاسه بأي حاجه نحيته هو فاكر اني كمان بحبه وكده بس بجد انا مش عارفه احدد مشاعري وفي نفس الوقت خايفه ابعد في الفتره دي يأثر عليه في امتحاناته ومذاكرته ومش عايزه يتعلق بيا اكتر

النهاردة كان آخر يوم اقدر اشوفه فيه ولو شفته هيقى بعد شهور ومش هعرف اشوفه زي ما بشوفه دلوقتي لأنه هيدخل تالتة ثانوي وانا داخلة تانية ثانوي حزينة اني معرفتش اشوفه كان نفسي اشوفه اوي وحاولت أخرج علشان اشوفه معرفتش حزينة بجد حتى هو مش من بلدي يعني مش ممكن اشوفه في الشارع عادي كده عمري ما كلمته ولا عمري شفته قدامي اكتر من 3 دقايق عمري ما سمعت صوته بس كنا معجبين ببعض لفترة وكنا بنلمح لبعض وبعدها عرفت انه مش كويس وبلكته انا مقتنعة أنه مش كويس واني بلكته ده هو الصح وبحمد ربنا اني مغلطتش وكلمته ولا ارتبطت بيه بس لسه متعلقة بيه لسه بدخل الاكونت بتاعه 47 مره في اليوم لسه بستوك كل اكونتاته بيتحرق دمي وبغلي لما اشوفه تابع بنات تانية زعلانة زعلانة بجد انا كان نفسي يبقى حد كويس كان نفسي ميبقاش كده كنت هبقى مبسوطة اوي بجد وكمان كان نفسي اشوفه النهاردة متستغربوش لو شفتو البوست ده تاني النهاردة أو بكره علشان عايزة اسمع كلام كتير

حد يسمعني، انا كان طول السنه نقصني تلات حجات الخبرات والدافع واهتمام الاهل، الدافع كنت بكبر دماغي واكمل ووالاهل كذلك ولكن الخبرات كانت قليله شخص بجد قرر يذاكر دلوقتي المذاكرة الصح عشان يجيب مجموع انا في تالته ثانوي ازهر، فكرة انك معندكش حلم الاهل مسبوش ليك فرصة تحلم بس سابوا ليك فرصه تسمع خناقهم فرصه تتخانق معاهم فرصه من وانت طفل تروح وتيجي مع امك عند خوالك الي من كتر ما كنت بروح لهم لما امي تتخانق مع ابويا مكناش بنلاقي وقت نروحلهم زياره عاديه، فكبرت على اني بس متعبش مراتي ولا اولادي لما اكبر واتجوز واحده مناسبه ليا وشبهي متكونش زي الزيت وانا المايه كما قال احدهم عمري لا فكرة في طموح ولا غيره، اهلي حاليا بيحالوا يهدولي البيت في اخر 28 يوم تخيلوا بعد ما ضاع العمر كله، ابويا لو كلمته هيقولولي مش كنت بديك الفلوس الي عاوزه ياابن الكلب، انا في المذاكره مش وحش لكن مش قادر اكمل وانا مفيش حد في ضهري يدعمني ولا يسمعني فقط مجرد بس يسمعني دا بس الي عاوزه مش اكتر ويكون مهتم ديما ويطبطب عليا مش مجرد كلام وخلاص

يا جماعة انا تالتة ثانوي معنديش شغف لأي حاجه حتى المراجعات مش قادر ابدأ فيها فأنا عايز حد سواء بنت او ولد نصحى بدري ونح دد عدد ساعات معين نخلصه في اليوم ونشجع بعض يعني واللي يقع يشد التاني كدة ويفضل يكون تالتة ثانوي برضو

تالتة ثانوي صعبة كده فعلا؟ يعني انا خلاص فاضل تقريبا ٤٥ يوم علي الامتحانات و دلوقتي الي بدأت اتوتر و بتوتر بطريقة وحشه و الحوار جاي عليا بالسلب اوي، و حاسه مش عايزة ادخل الامتحان. ناس كتير مستنيه نتيجتي و لو مجبتش مجموع هما اول ناس هيعايروني.

مشاكل تافهه بتحصل دايما ف البيت وبتكبر ف الفاضي بحس انهم بيستنو الدنيا تبقى هاديه و يعملو مشكله من العدم وبالذات والدتي حرفيا على اي حاجه او اي كلمه تتقال مشكله وزيد من الشعر بيت اتا تالته ثانوي ف الموضوع بالنسبالي زياده عن اخواتي وانا قرفت وزهقت ف بفكر اسيب البيت مع اقرب فرصه بعد الامتحانات حد عنده فكره اعمل اي بعد خطوة اني اسيب البيت ؟

هقسم دماغي وافكاري لنصين، اولا تالته ثانوي انا انا عندي مشاكل كتير دا تفكير________$$$$________ودا تفكير تاني مشاكل في البيت___بس كنت ممكن اسد وداني واكمل تعبتني وبهدلتني___ما كل حاجه بتتعب انت بتستعبط مشاكل. جسديه ونفسيه_لا معندكش مشاكل انت كذاب وعملت الي عليا واكتر__لا معملتش الي عليك يامنافق حاولت بكل الطرق وكل الخطط__بس بدون قيمه بدأت وانا معنديش اي خبره_خبرة اي انت هتخترع الذره ولا حد. ساعدني في اي حاجه_مستنيهم عشان تنجح يافاشل دا صراع جوايا، حجات كتير اوي بالشكل دا اتمنى اكون اتفهمت وفي حد. فهمني انا عاوز اموت وبتمنى الموت اوي بيقلولوا تمني الموت مع وجود مرض نفسي جاىز ومش حرام السنه دي. هي الي غيرتني في كل حاجة بقا دين ودنيا وتفكير، كنت هوصل لو كنت اتغيرت بس بدري شوية قبا ما ابدأ السنه

انا حاليا في تانيه ثانوي وده اخر ترم ومعتش فاضل علي الامتحانات الا كلها اسبوع او اتنين وهمتحن المشكله مش في كده المشكله ان انا ابويا وامي كل شويه يتخانقوا معايا علي المذاكره وبيترجوني كتير اوي وانا ولا هنا بسمع من هنا وبطلع من هنا وانا حتي لو صعبت عليا نفسي واجي امسك اي كتاب اقعد اذاكر فيه شويه بحس أن انا عيني بتوجعني وعايز انام اوي ومصدع بطريقه بشعه جدا وبكون عايز ارجع وحاجات تانيه كتيره بس أنا بالنسبالي مش فارقه معايا المذاكره شويه دلوقتي عشان انا بروح المدرسه اعمل تقييمات وأحضر نفسي في ورقه الغياب بس أنا خايف بس من تالته ثانوي لان منظري وطبيعتي في المذاكره دي مش هتكون مساعداني خالص في تالته ثانوي لان انا فعلا بكره المذاكره بطريقه مش طبيعيه فا حد عنده حل ؟

يعني انا المفروض ادخل ٣ ثانوي يعني انا المفروض هيبقي العين عليا و كله مستني هجيب كام يعني انا المفروض أقل حاجه اذاكرها في اليوم ٤ ساعات يعني انا المفروض اقعد اذاكر ١١ شهر يعني المفروض هخلص ثانوي و ادخل جامعه هو انا كده رسميا دخلت حياه الكبار ولا اي اناااا ؟! ياجماعه انا لسه ١٦ سنه !

انا في تالته ثانوي ومعدش ليا طاقه للحياة مش بس المذاكره ومش عارف انا لي مكمل في حياتي لحد دلوقتي يعني انا عائلة كلها مشاكل ومفيهاش حاجه تفرح ابدا ولا حد فيهم بيسمعني من اول ما بدات السنه ولا حد بيقولي حاجه كأني مش موجود مش حاسس من ابويا بالامان، يعني لو مجبتش مجموع ممكن يعاملني ازاي او ابقا بالنسبه ليه وقتها اي، من وانا صغير وانا افتقد وجود ابويا وامي مع انهم موجودين، معلومنيش حاجه تنفعني يعني معنديش احلام ومش محترف في حاجه اي نعم عندي هويايات كتير لكن مفيش حاجه منهم انا قوي فيها، مليش صحاب والكانوا جنبي في فتره من الفترات كان سبب اذاي فمليش، مش عارف لو جبت مجموع هعمل بعديها اي طول ما انا معنديش حلم، ولو مجبتش هروح فين وانا مش بعرف اعمل حاجه ومش متعود على الناس ولا الشغل ولا الزحمه انا حرفيا زيرو على الشمال وعمري ما نجحت في حياتي ابدا ومن بداية الثانوي الناس الي انا اشطر. منهم بيرتبوا عشر الاواىل كل سنه وانا بجيب درجات زفت مع اني ببقا حالل وكل حاجه تمام انا بتخارب من كل. حاجه ويارب انا مليش قيمه ولا لازمه

كنت نزلت عن نفس الشيء من فتره وهوا اني تالته ثانوي وحقيقي مش قادره ازاكر وحاسه اني في سجن وجالس نصايح كتيو وعملت مدا بالكتير زاكرت٣ ايام كنت بجبر نفسي حرفيا بعد كدا مقدرتش مش طايقه امسك كتاب ولا ازاكر حاجه وانا مكنتش كدا اول السنه خالص حاسه انو كلو سابقني وفاضل شهر ونص علي الامتحانات وانا حقيقي كرهت السنه دي وكرهت المزاكره ومش عارفه اعمل ايه بجد زهقت بزاكر يومين اخري بجد خايفه ومش قادره اتحرك وكارهه كل حاجه

في تالتة و المراجعات بدأت و منمتش بقالي تلت ايام كنت مع امي في المستشفى و عملت عملية و انا الكبير لها و الموضوع متعب اوي و هي تعبانة و العملية كبيرة اوي اوي و حاسس ان الوقت مش مناسب خالص و خايف على امي وخايف على تالتة و كان نفسي ادخل ال GUC و إن شاء الله هحصلها اتمنى يعني حتى لو نصف منحة المهم ادعولي و ادعلوا لأمي بالشفاء 🌷

يا جماعة انا تالتة ثانوي معنديش شغف لاي حاجه حتى المراجعات مش قادر ابدأ فيها فانا عايز study partner سواء بنت او ولد نصحى بدري ونحدد عدد ساعات معين نخلصه في اليوم ونشجع بعض يعني واللى يقع يشد التاني كدة ويفضل يكون تالتة ثانوي برضو

معلومة متهمش حد بس لو عندك أولاد شوفها أغلبية الي بين**تحرو في تالتة ثانوي نسبة كبيرة منهم بتعمل كده بسبب ضغط الأهل مش الحلم الي ضاع ولا المجموع القليل، ابنك او بنتك لو حاسين بالأمان و انهم مش هياخدو ردة فعل وحشه منكم بسبب النتيجه مش هيعملوا كده

الشت قفل يا قهوه بجد تلاته ثانوي صعبه جدا جدا جداً ربنا يعين ونعدي الايام دي ع خير ربنا يهون الايام صعبه صعبه بحد بكره تلاته ثانوي بجد ربنا يكون في عون الانسان ع تلاته ثانوي بجد رب يعين ع الايام دي

انا في تالتة ثانوي علمي علوم و متراكم عليا حاجات كتير بسبب ظروف معينة ف انا مش عارفه اعمل ايه و تائهة و عايزة اجيب مجموع يفرح امي لانها تعبت معايا كتير اتمنى لو في حد كان مكاني يقولي هل هيا صعبة زي ما بيقولوا و لا بيضخموا الأمور و لا انا اللي مستهترة لاني كل ما اسئل حد يقول معرفش

في موضوع مضايقني اوي و هو ان في نهاية السنة دي اهلي هيسافروا و هيسيبوني لوحدي يمكن اه انا خلاص كبرت و بقى عندي تقريبا 18 سنة بس برضو مش عايز اعيش لوحدي كدا لاني حرفيا مش هيبقى معايا حد عارف انها حصلت لغيري كتير بس بجد مضايقاني اوي و مش مخليانا عارف اركز في تالتة ثانوي خالص و بحاول مبينش اني متضايق يمكن تتحل بس بجد عايز تالتة تخلص بقى عشان انا تعبت بس المشكلة اول ما تخلص هيسافروا ف انا في حيرة شديدة دلوقتي

يوم جديد بمشكله جديده 😮‍💨 انا السنه الجايه ٣ ثانوي بحس اني متوتره اوي و مش قد المرحله دي و ان السنه هتكون تقيله عليا و مش هقدر اذاكر حابه اسمع تجربيتكم و ازاي السنه دي عدت و هل همل و هحس بالوقت ولا اي الدنيا

السلام عليكم دلوقتي انا مشكلتي غريبه شويه انا دلوقتي واحد في ثالثه ثانوي و انا شخص في العادي مش بهتم بالحب خالص و كنت مستغربه اوي بس جيت في تالته ثانوي شوفت بنت و تعلقت بيها الصراحه مع أن هي مكنتش معايا في ولا درس كنا بنبص لبعض بس و انا مش عايز اخد الخطوة عشان خايف عشان عندي اخوات بنات لاكن هي كانت بتبص لي قوي لاكن انا بتجاهل جيت في مره قولت هبتسم لاكن جيت عملت العكس غصب عني مش عارف ازاي جيت لاقيتها نفخت و مشيت و اختفت لمده شهرين انا اتجننت مع أن التصرف ده مش طباعي خالص فضلت ادور عليها في كل مكان لحد بعد الشهرين لقيتها حرفيا انا في الوقت ده كنت حاسس ب احساس اول مره أحسه طلعت وراها الدرس و دخلت كان حتي مجموعه خاصه دخلت برضو و هي كان باين عليها التوتر و الاستغراب مع أن انا مش محتاج الدرس ده و شاطر في الماده دي بس كل ده حرفيا عشان اعرف الاسم بس اه صح انا مكنتش اعرف اسمها حتي خد الدرس ده نص شهر و مشيت بس كنت عارف اسمها بس قعد ادور علي اكونتها مش لاقي اكونت ليها خالص لدرجه ان انا جبت كل اكونتات العيله ما عادا هي فا استنتجت أن هي معندعاش اكونت و بعد كده عرفت عن حياتها حجات كتير اوي و كل يوم بتعلق بيها اكتر من الاول لدرجه ان ابن خالها بقا صاحبي و خالها الصغير صاحبي و ابن عمها صاحبي و عرف الموضوع بتاعي و زعل بس هدي بعد ما عرف أن انا نيتي خير و عايز اتقدم باجي هنا و بقول ديه المشكله الأكبر انا واحد حرفيا هكون نفسي من الصفر مفيش شقه ولا فيه اي حاجه و طبعا انا لسه طالب و المشكله الأكبر أن انا عندي اخ اكبر مني نفس الكلام معندهوش شقه و لسه هيجيب شقه و هيجهز نفسه و المفروض ان انا هقف جمبه م عمال ما يتجوز و انا افكر اتجوز و عندي في العيله كلهم بيقولو اخوك الكبير الاول و بعدين انت و المشكله ان انا مش عايزها تروح مني و انا لحد حالا هي متعرفش حاجه عني ولا عايز اكلمها و الي عرفته انا أهلها ناس محترمه جدا و جدها شيخ و ابوها تاجر سيارات في مش عارف هعمل ايه مع كل الظروف ديه

انا تالتة ثانوي مختلف شوية في الضغط اللى محطوط فيه عن اي حد في تالتة ثانوي انا وصلت لمراحل وحشة قوي لدرجة اني ممكن اأذي نفسي اكسر اي حاجه حوليا في بداية السنة كنت بقدر اذاكر لحد 10 ساعات في اليوم عادي وبسهولة واستمرارية لكن حاليا مش قادر اذاكر حتى نص ساعة في اليوم ومش قادر احضر محاضرات حتى فاقد التركيز تماما ولما بضغط على نفسي زيادة بتطلع مني سلوكيات عدوانية اكتر وحالتي بتسوء اكتر واكتر مع الوقت مش عارف اعمل ايه بس انا مش قادر استسلم ومش قادر اكمل...

جماعه ما تحكوا عملتوا ايه في ثانويه عامه و يوم النتيجه كان عامل ازاي؟؟ و ال ناس ال جابوا مجموع مش عالي و بيقولوا اتظلموا هو ده بجد؟؟؟ لاني تالته ثانوي دلوقتي و مش عارفه ازاي حد ممكن يذاكر كويس ووفي الاخر ميجبش مجموع

بقيت عايش مش عايش بنام فوق ال 10 ساعات وبصحى بستنى اليوم يخلص بفارغ الصبر علشان اهرب للنوم وكمان مبقدرش انام وبيبقى عندي ارق وده كلو في أهم سنة دراسية في حياتي تالتة ثانوي مع العلم انا مكنتش كدة خالص في بداية السنة لحد شهر 1 كنت بذاكر فوق ال 8 ساعات في اليوم دلوقتي لو فتحت الكتاب نص ساعة يبقى إنجاز فقدت الامل في كل حاجة

انا تالتة ثانوي تعبان مش قادر اكمل من ضغط الدراسة واحتراق داخلي وتعب نفسي وجسدي بقالي 5 شهور بقاوم وبحلول اقوم من تاني ومش قادر وفي نفس الوقت مش قادر استسلم محدش حاسس باللي جوايا مش عارف اعمل اي

انا احترقت وانهرت نفسيا من ضغط تالتة ثانوي وضغوطات تاني وبقيت عصبي وطول الوقت ومتضايق ولو في حاجة قدامي ممكن اكسرها رحت لطبيب نفسي معرفش يشخصني شوية يقولي قلق وشويه تاني مش عارف حتى مرضيش يكتبلي علاج لاني 17 سنة وكأني مروحتش ومستفدتش اي حاجة بس انا كل اللى حاسس بيه دلوقتي اني كل يوم اسوء من اللى قبله بقالي 4 شهور في الوضع ده وحاسس أن بدأت تقلب معايا بأكتآب مش عارف اعمل اي جربت كل الحلول وبحثت في الموضوع لكن مفيش اي حاجه نفعت

بكل بساطه انا مفتحتش كتاب من اول السنه وانا اصلا مأجل تلته ثانوي هخش تلت امتحانات بس فيزياء وكيمياء ورياضة وانا زي ما قولت مفتحتش كتاب وفاضل تلت شهور وعايز نصيحة في الوقت دا عشان متشلوحش

عندي مشكلة و هي اني في تالتة ثانوي و مش عارف اذاكر الكيمياء بجد يعني مهما احاول مش بعرف اجيبها يمين اجيبها شمال مش عارف ف يا ريت لو حد عنده حل يبقى كتر خيره (خاصتا العضوية مش فاهم المفروض اذاكر ايه او ايه البيتذاكر فيها او يتحفظ)

مش عارف بصراحة حاسس ان العيد مش عيد اوي يمكن لاني في تالتة ثانوي بس طول ايامه مكنتش مستمتع مع اني خرجت يجي خمس مرات و حاسس برضو بكتأب بس عمتا مش عارف اعمل ايه في المتراكم عليا حد هنا في تالتة.؟

انا تالته ثانوي السنه دي علمي علوم ومراكم كتير في المنهج هل في امل اعرف اجيب مجموع عالي وهل في حد منكم شد في الاخر ودخل حاجه عاليه واللغات هل حسيتو ان فرق عن العربي في المجاميع لان انا الإنجليزي بتاعي مش اوي وانا لغات