تساؤلات

عندي مشكلة إني بفضل أشأل نفسي هل دا اللي الواحد حابب أو كان مخطط إنه يبقا فيه؟ طب هل دا أحسن طريق كان يسلكه؟ طب والحزن والحياة اللي مبقالهاش طعم والزهق والدماغ البايظة دول هما كانوا الطريق الوحيد اللي الواحد هيوصله حتميًا؟ فعلًا مشعارف

هو انا عايش ليه؟ سوال مش بلاقيله رد و بيدور ف دماغي كتير مش معترض اني عايش بس ليه برضو مش حاسس ان في حاجه ف حياتي ليها قيمه و تخليني اكمل علشانها بحاول اخلق سبب و ممكن يقعد معايا فتره بس ف الاخر السبب بيختفي او بنساه اصلا او بغير رايي عنه و برجع ل نفس السوال انا عايش ليه

هي ليه الحياة معقدة وغامضة ومش مفهومه للدرجة دي؟ وليه كل احساس جميل بنحس بيه مش بيكمل حتى لو كان حقيقي وصادق؟ وليه بنعيش ونموت منبقاش فاهمين حاجات كتير ومش حاسين بحاجات جميلة اكتر؟ حتى السعادة يوم ويوم حتى المحبة خد وهات 💔

هو انا ليه بقلل التفاعل مع اي حاجه او شخص او موضوع؟ ابسط مثال ممكن اقوله ف حالتي اني مش عايز اكتب اللي انا بكتبه ده دلوقتي، انا حتي مش لاقي مسمي للشئ ده، مش حاسس اني عايز اكمل ف اي حاجة بعملها في حياتي عشان دايما ف دماغي اساله من نوع انت بتعمل كده ليه و هتكسب منه ايه و عشان مين و غالبا اجابات الاساله دي بتخليني مش عايز اعمل حاجة بقيت حاسس اني بس موجود لاني مستني وقتي يخلص بس ف الدنيا بس مش اكتر

هل فعلًا القبول المجتمعي وحب الناس بييجي من كونك إنسان صالح أو جدع؟ سؤال بييجي ف بالي كتير بس اللي بشوفه عالواقع إن غالبًا الناس اللي الناس بتقدرها اللي بيتعاملوا بوقاحة وبأسلوب وحش وبتوكسيسيتي بينما الجدعان بيتداس عليهم ف الغالب ف دا بيحط الواحد فب معضلة يبقا جدع مع الناس لأجل نفسه حتى قبل أي حاجة ولا يقول كدا كدا مش هتقدر فيها بعد لأن الموضوع فيه كمان عامل وهو صقاتك اللي ربنا خالقك بيها وملكش تدخل فيها من الشكل للون للطول للحاجات دي كلها ودا جزء كبير ببدو من الموضوع ف لهي تتعب نفسك في حاجة مش هتعود عليك بحاجة؟ ثانيًا:الإسلام آمرنا ب دا بس بسأل فيه سبب تاني الواحد يبقا شخص صالح عشانه ولا نعمله التزامًا بدينا بس؟(كدا كدا هنعمله)

عندي واحد صاحبي و كان صاحبي جدا في اولي جامعه و فضلنا اول سنه صحاب جدا و من تاني سنه بدأ يتغير معايا و بقي لما يشوفني في الجامعه يخبي وشه و يتجاهلني و يمشي و يسيبني و اسلوبه معايا لما اعاتبه واتس كان وحش و كان بيقولي انا اتغيرت و ابعد عني و مش عايز اعرفك تاني و لما سألته انا عملتلك ايه يقولي انا معنديش مشكلة شخصية معاك و انا مليش في حوار البيست فريند فا بقوله بس انا دايما بلاقيك ماشي مع صحابك في الجامعه و بتكلم عادي و بتهزر و انا بتعاملني وحش جدا يقولي لا انا بتعامل مع كل الناس نفس المعامله كل دا تاعبني جدا و خنقني لاني اتعلقت بيه جدا بس بعد كدا اكتشفت انه بيعمل مع صحابه اعمال لوطيه في الاول شكيت بس لما واجهته قالي جايز يبقي عندك حق بس بعدها انكر بشدة جدا الفكرة اني معنديش صاحب غيره و حاولت مع ناس كتير بس هو كان اكثر حد بيفهمني و بندمج معاه و عکس اغلب الناس مش شبهي دلوقتي المشكلة اني دمي بيتحرق كل مرة اشوفه في الجامعه و افتكر معاملته معايا و في نفس الوقت اشوفه مع صحابه بيتكلم عادي و بيضحك و بيهزر و بیخرج معاهم و انا بيخبي وشه كل لما يشوفني بقالنا سنه و نص كدا و نفسيا بتعب جدا لما كل مرة يخبي وشه مع العلم انه بيعمل كدا انا حتي و مش بحاول اتعامل معاه مجرد اعدي من جنبه عايز افهم هو ليه بيخبي وشه و بيتجاهلني و لو افترضنا انه عشان مش عايزني احتك بيه هو و اصحابه عشان معرفش اللي بيعملوه دا طب ما هو مستمر في كدا حتي بعد ما انا اكتشفت و واجهته يبقي ليه مستمر في تخبية وشه ما انا خلاص عرفت و حتي صحابه اللي بيمشي معاهم بيتعاملوا معايا عادي كزملاء لانهم مش صحابي و مش بلاقيهم بيتهربوا مني او بيخبوا وشهم اومال اشمعنا هو بيعمل معايا كدا و عايز اعرف هو منين كذا مرة لما اواجهه باللي بيعمله و يعملي بلوك بيشيل البلوك بعد فترة و كمان لما بقوله انت ليه بتعاملني كدا يقولي مش عاجبك اعمل بلوك طب هو ليه شاله لما بسأله بيقولي الدنيا مش مستاهله فا شلته و في نفس الوقت بيقولي كل واحد في حاله و من سكه و منين ساعات بلاقيه بيبصلي نظرات فيها حزن لما اكون مش باصصله يعني هو منين بيقولي اعملي بلوك و منين هو بيشليه بس بيقولي مش عايز اعرفك و متبعتليش تاني و لما سألته انت منين مش عايزنا نتعامل و منين بتشيل البلوك يرد عليا يقولي ارجعه تاني؟ ممكن تردوا علي كل أسئلتي

فى كل مره بسال نفسى هكون مميز ولا كله وهم فى كل فتره ساعتى بتجرى و انا برجع للامس ولا قولت مره انى بعانى انا شيلت فى قلبى و ساب علامه انا كنت لوحدى و مين واسانى و فهمت ان الواقع كله حلم و فهمت ان المنهج يمشى زى ما تحب و غريبه ان النظره مكنش ليها معنى

سوال بس هو فعلا الذكريات الحلوة بزعل عليها والذكريات الوحشة بفرح بيها اني هي خصلت في حد زي ولا انا اللي عاكس وانا بس اللي مقتنع بالكلام ده وبردو لان الذكريات الحلوة بتندم وتقول في نفسك ياااه لو ترجع يااه

ده شعوري كتبته في قصيده قل لي ماذا فعلنا في هذه المده النكراء هل اديت رسالتك الجوفاء هل استرددت حبيبتك الشمطاءُ هل كتبت كتابا يصدع الناس له هل أقمت العدل في حشايا بقاياكُ هل احببت روحا فيها مسراءُ ام انك لم تصل لشئ من هذه التفاهاتُ اجبني هل حييتُ في متعةٍ ام كنت مسوقا من الناس والسُمّارُ قل لي مستقبلي إذا فإن لم تحقق ما انا سعوت لنيلهِ قل لي لكي اتجرع السم جرعاتٌ في جرعاتِ اجبني لما تقف متسراً لا تخفني من الزمان واوقاتِ فإن لم تجب فاني ساعيا ماذا تنتظر من حُمارٍ يجر حمارَ

حد قبل كده جرب يفكر في حقيقة المعتقدات اللي اتربينا علينا ، حد فكر ان الأفكار والمعتقدات الدينية اللي احنا عليها معتقدين انها صح بس عشان توارثناها من اهلنا مع اننا لو فكرنا فيها بالعقل والمنطق ومن غير خوف هنلاقيها في تساؤلات وأخطاء منطقية كتير ملهاش حل هل تفكيري ده منطقي ولا ضلالات شيطان زي ما اللي حواليا بيقنعوني ؟ هل اتبع حقيقتي واكون شجاع ولا اعيش منافق عشان مبقاش منبوذ ؟

شكولاته ب ١٥٤٠٨ ج بجد انا طول اليوم اشوف وصلت ولا لسه ملاقهاش ف جوايا تساؤلات كتير مش عارف اعمل ايه يعني مضايق ان فرصة ان لقيت حد محترم اضففض معاه خايف تكون شافتني وحش عشان فضفضت ف شاورت عقلها وقالها لا بلاش ..بس انا طول اليوم نفسي اكلمها

في حد مره قالي اختاري الناس اللي ميصعبوش عليكي الدنيا لانها صعبه لوحدها بس السؤال هنا ازاي و هي الدنيا اللي بتصعبها علينا فالتالي احنا بنصعبها ع بعض يعني ف النهايه كل الطرق تؤدي الي مالطه

جماعة هو ازاي حد كان قريب منك ف يوم وليلة يقرر يقطع علقته بيك طب هانت عليه الشعرة ازاي او ذكرياتكوا سوا ولا ده معناه انهم عمرهم ما كانوا قريبين او بيحبوك بس كان موجودين لمصلحة ما ولما خلصت مشيوا مع انني عمري ما عملت الشخصية ديه وحش ولا اذيته ليه هو يأذيك ف الاخر (انا بتكلم علي واحدة حرفيا كانت اكتر من اختي بس عملت كدة ف الاخر ) هو ال مر بموقف زي ده (مع اي حد كان قريب منه ) عمل اي بعدها او كان حاسس باي وقتها ال انا حساها اني مضايقة وانها مكنتش تستاهل اي حاجة حلوة عملتها ليه ونفس الوقت زعلانة ومش فاهمة كان ليه ده كله ف الاخر تقلب كدة

انا حابب اعرف الناس الى بتحب بتحب لى وعلى أساس أى واى المبدأ الى انتم ماشيين بيه وايه المعايير الى خلتكم تحبوا شخص معين، ولو انوا كويس فحابب اقولك ان كل شخص بيجيله وقت بيكون مش متطاق فهموني بتفكروا فأي، وغالبا أنتم عارفين أنكم أحيانا بتكدبوا على نفسكم، واحيانا فالليل بتقولوا هل فعلا بحبه/ا ولا لا وهل هو كذلك ولا لا فهموني دماغكم🫶 سلام يا ابطال

كان ديما نفسي اعرف ليه ؟؟؟ ليه الناس كدا وليه بيقينا وحشيين كدا واستغلال لأبشع درجة في أي حاجه واي تخصص انتو فاهمين إننا اصلا بنحارب على حاجه مش بتاعنا ياعني عندي وصف للدينا مسميها الشقه الايجار ليه مقطعين بعض على شقه ايجار مع إن لو صبرت واتقيت ربنا هتاخد واحده ملك ليه منحبش الخير لبعض ليه نكره بعض

الواحد عندو ملل في حياتو يوزعون علي مصر و الدول المجاوره يا جدعان أي القرف ده و اي الناس الي الواحد عايش معاهم دي بجد مش عارفين المشكله فينا و لا فيهم و لا ف مين و لا هي الحياه بقت كده ليه حد زيي و لا انا لوحدي الي كده

هو انا كويس؟ مش عارف. هو انا الشخص اللى كنت بحلم بيه؟ مش عارف . ليه وصلت لى المرحله دى؟ مش عارف. امتى وصلت لى هنا ؟ مش عارف بردو. هل فيه أمل أرجع تانى طبيعى؟مش عارف. كل اليوم بحاول افسر ليه عملت فى نفسك كده كل يوم نفس القاعده ونفس التفكير ويظل كما هو دون تغير أمتى هبدأ لى مره واحده صح ؟؟؟

هو في واحده ف الدنيا ممكن ميجلهاش ناس و هل ده له علاقه ب أنها معملها حاجه و الكلام ده الدنيا و حشه اوي معايا مع أني مش وحشه الحمد لله على كل حال بس الوضع غريب و مريب اني اقعد كل ده من غير ناس تيجي هل ده يعقل

مش عارفه ارتب افكاري ومشوشه جدا بس فعلا لي لي مفهمنيش ولا تفهم مشاعري! لي ممكن حد بيحب حد يأذيه كده! ولي لسه بحبه وبدعيلو وعوزاه! تساؤلات كتير بتدور ف دماغي ملهاش اجابه مبقتش فاهمه اصلا ده وضع مؤقت ولا ابدي وكأنه طريق مسدود ملهوش نهاية