في كتير بس اهمهم ١- حصل موقف بيني و بين واحدهد صاحبتي حسيت فيه بالاهانة اوي بس شخصيتي كانت ضعيفه اوي اني ارد، ف كتمت في نفسي كتير بس لقيتني تعبت نفسيا، و لما فكرت مع نفسي، ايه السبب الي مخلانيش ارد؟ ايه السبب الي خلاني سكتت ؟ هي احسن مني في ايه؟ هي مين عشان تعمل كده؟ فكرت كتير لحد ما عرفت قيمتي حبة حبه، الحمد لله بقا احترامي لنفسي اعلى بكتير و ثقتي بنفسي زادت فقط من موقف صعب واحد ٢- لما دخلت الجامعه و عانيت جدا في اول سنه، طنت متوقعة الدنيا هتحن عليا عادي و الامور هتسهل لوحدها تاني، بس لا الامور زادت سوءا يوم بعد يوم بعد يوم بعد يوم، و اكتشفت وقتها اني خلاص مبقتش طفلة للاسف ولا مراهقة انا بقيت مسؤولة عن نفسي و محدش هيجي يحللي مشاكلي، بس انا ممتنة للفترة دي جدا علمتني حاجات كتير بجد شفت جوانب كتير اوي من الحياه مكنتش شيفاها قبل ما ادخل الجامعه اتثقفت دينيا و اجتماعيا و نفسيا في حاجات كتير بس انا مكسلة اكتب، الفكرة اني ممتنة اني بحاول اتعلم من المواقف الي بمر بيها بدل ما اتفرج وانا ساكته، اصل في الاول و في الاخر دي حياتي محدش هيجي يعيشهالي و الايام الي بتعدي مبترجعش ف بحاول دايما اتغير للاحسن