تناقض

من اكتر الحاجات الي بضحكني ع الآب هنا هي ان الآب معمول على انه شوية فواكه،ة وخضرو،ات عشان نفضل مجهولين ومحدش يعرف التاني وقال يعني حفاظا ع اسرار الي موجودين هنا عشان كل واحد ياخد راحته في الكلام بس مع ذلك ناس كتير هنا اتعرفوا ع بعض وعرفوا بعض لا وكمان ينادوا بعض كأنهم تايهين انت فين يافلان علان راح فين الشات بتاعنا اتعملوا بان والخصوصية هنا بقت في ذ،مة الله وحاجة ضحك والله بجد يامصر بتعمليها ازااي؟

إحساس مريب لما دايما تحس ان كل اللي بتفكر فيه بيطلع صح سواء كان صح او غلط وتبقي عارف وتختار انك تكمل للآخر عشان تثبت لنفسك انك صح بس في نفس الوقت انت نفسك في مره تتطلع غلط واللي انت بتفكر فيه ميبقاش صح والدنيا هي اللي تمشي صح .. لو مره واحده حتي !

جماعة انا لاحظت حاجه غبية اوي بجد هنا مؤخرا انا بهتم باني اسمع للاخرين واحاول اساعدهم واحل مشكلتهم وانا قاعد وسايب مشكلتي الي جيت عشانها ومشكلتي بتكبر وبحل واساعد بقيت الناس وانا لا 🙂🙂😭. خخخخخخ

ازاي يكون عندي ثقه بنفسي؟ انا مش ببين للناس اني معنديش ثقة بنفسي لما حد يمدح حاجه بعملها بحسها مجامله ومش بحس اني موهوبه مع ان كل الناس بتقولي بحس بالعكس بزعل عشان كأني بيجبرو بخاطري وخلاص ولما حد بينتقدني بتعقد يعني ف مره كنت لابسة طرحه بطريقة معينه وصاحبتي قالتلي متزعليش مني بس شكلك تيته اوي وضحكت ودايمًا صحابي بيتريقو على طولي لأني اقصر منهم + لما حد بيطلب نصيحتي بتكلم بكل عقل وعارفة كل حاجه الحمدلله بس بستغرب من نفسي وانا بقول كلام انا مش قادرة اعمله وصعب عليا

السلام عليكم الان انا انسان تقريبا انسان مريض نفسي او مريض فعلا المهم انا انسان عصبي وفنفس الوقت هادئ وانا انسان لا اسامح ونفس الوقت اسامح لم افهم نفسي ماذا اكون حتى وهذا هو الشعور بضياع لعدم معرفة الذات مثلا انا قارئ الكثير من الكتب لنطوير الذات وتنمية بشرية وكذا لكي اتعرف على نفسي ولكن بم افهمها فكتاب محاط بالحمقى صنف الشخصيات الى اربع انماط او اربع الوان لم اجذ نفسي منتمي ونفس الكاتب كتب كتاب محاط بالمرضى النفسنيين ولكن انا لست بتلك القسوة وبذالك الحنون لدرجة مريض نفسي المهم هذي احد الماشكل جانب انو عندي اهتمامات غريبة والسؤال هل هذا. عادي ؟

علشان بفهم لكن متفهمش بحس لكن متحسش بحفظ السر لكن ملقتش اللي يحفظ سري كل ما زاد اعتمادك علي نفسك قل اعتمادك علي الناس وزاد اعتماد الناس عليك ماديا وعاطفيا بتشيل مشاكلهم فوق مشاكلك بس كده يا سيدي 😂😂

عايز اخد رايكم في حاجه انا مهندس لسه حديث التخرج عندي ٢٥ سنه و شغال مدرس بقالي تلت سنين تمام انا معايا طالبه بقالها اربع شهور كدا ولا حاجه دون عن باقيه الطلبه كلهم هي بتتكلم معايا كتير جدا جدا لدرجه انه بجد بتحكيلي بتعمل اي كل يوم وانا من طابعي اصلا بحب اسمع اكتشفت انها تقريبا كدا شبهي في كل حاجه بكل معني الكلمه نفس زوق الاغاني نفس الطابع نفس التصرفات و ساعات بتبقي نفس الأحداث وهي بقيت الفتره الاخيره تكلمني بلطافه جدا جدا و الجروب بتاعها كان كلو بنات و كلهم اخدو بالهم منها فا انا كنت رايح السنتر في مره و كنت بكلم صحبي بقوله أنا بعد ما يمتحنو هروح اتقدملها و اكمل نص ديني لأنها كويسه جدا جدا بصراحه بس لما روحت اخر مره السنتر و داخل القاعه علي حظي سمعت البنات كلهم بيسالوها هو انتي بتحبي المستر قالتلهم اه كلنا بتحبه قالولها لا انتي بتحبيه الحب اللي بجد قالتلهم كلهم لا ده انا بحبه اكنه اخويا الكبير بس و بعدين انا فيه حد في حياتي اصلا ... استنيت شويه برا و بعدها دخلت و اديت حصتي ولا أكن فيه حاجه و مشيت وانا اللي سمعته بوداني عكس اللي شايفه بعيني انا عارف اصدق اي ولا ده معناه اي اللي فاهم ياريت يبلغني يجماعه و يشرحلي

المشاعر لا تعرف الصح م الخطأ كثير من الاحيان نكون نعلم كل شئ ولكن المشاعر يكون لها رأي اخر لذلك من تحكم ف مشاعره وتفهمها وتقبلها سيصبح ملكا ع العالم ليس كل ما نشعر به حقيقي وليس كل شعور يجب ان نتفاعل معه احيانا علينا ان ننصت لمشاعرنا لنعرف الرساله فقط وندعها تمضي ف صمت.. ،!

بقالي اكتر من يومين تقريبا متكلمتش ومشوفتش اختي بالرغم اننا عايشين ف نفس البيت ، ولما شوفتها النهاردة وبحول اتكلم معاها ولو حتي كلمتين بالرغم من ان مفيش حاجة نتكلم فيها ف روحتلها وخلاص وبقولها عامله ايه طب ايه ف رأيك ف شكلي مضبوط يعني ولا في حاجة اي كلام بسيط يعني علشان مجرد نتكلم حرفيا وقفتي معاها مكملتش ٣ دقائق وكان رد فعلها انها بتردني بنبرة قوية.. المشكلة مش هنا انا مكنتش بكلمها علشان عايز منها حاجة او حتي اني محتاج اكلمها لشخصي... المشكلة انها هي الي بعدين الي بتيجي تلومني وتقولي انت مبتكلمنيش ليه ومبتسألش عني ليه وبتقول انها بتحاول تعمل معايا كده وانها دايما معايا وسمعاني واني الي رافض.. طب الاجابة ما في القطعة ما انا مبتكلمش علشان هي بتردني.. بس ازاي بعد كده ترجع تعاتبني اني مبتكلمش مش فاهم.. حاجة كده زي الي الأب الي بيضرب ابنه لما يقول الحقيقة وبعدين يستغرب هو بيكدب عليه ليه.. انا مش فاهم الصراحة !! ومش عارف اتعامل ولا اعمل ايه بجد ؟

أنا شاب، ويمكن رديت على مشاكل كتير هنا وحاولت أساعد كل واحد بطريقتي… بس المرة دي أنا اللي محتاج أفهم نفسي. مش عارف هتتفهم ولا لأ، بس هحكي وخلاص… أهو رجعنا لليل، والصراع بيبدأ. ساعات بحس إن عندي شخصيتين… بالنهار: أنا الشخص الجدع والمحترم، اللي الناس بتثق فيه، بحب أساعد أي حد محتاج، وممكن أتكلم في الدين والحياة وأنصح من قلبي. لكن أول ما الليل ييجي… بحس إن دماغي بتتغير، تفكير تاني خالص، صراع بين إني أكون الشخص اللي عايز أبقى عليه، وبين رغبات بحاول أسيطر عليها. وكأني شخص تاني خالص. حتى الناس اللي أعرفهم بيستغربوا التناقض ده… مش عارف ده طبيعي ولا لأ… بس يا ترى فيه حد بيعيش نفس الصراع ده؟"*

مساء الخير أنا في بنت اتعرفت عليها من فتره علي السوشيال ميديا وطبعا العلاقه اتطورت وبقي في وعود بينا بالجواز وكدا .المهم أن البنت دي كلامها وحش جدا هيا من نوع الناس الي بتحدف كلام مش عارفه بتقول اي وانا بزعل جدا والكلام دا بيأثر عليا جربت ابعد عنها لقيتها بتعيط ومش عايزاني امشي وفي تناقض كبير في شخصيتها خصوصا أنها حد منعزل ومش بتعرف تتعامل مع الناس أنا دلوقت محتاج نصيحه بجد اكمل ولا امشي علشان مش قادر اخد القرار دا لوحدي محتاج دعم كل وكل اخت هنا يقدملي نصيحه وشكرا ليكم

التناقض ياجماعه مش شايفين أنه موضوع مسكوت عنه شويه انك تحس بكل حاجه وعكسها مقدره أن فيه احاسيس كتيره اوى ابشع من ده بس احساس أن الحته الحاجه الحلوه لازم فى نفس اللحظه تحس بوحشتها وتقعد تفصص فى كل حاجه لحد متبقى مقرفه وزباله فى عينك

بقيت احس ان عيب ابان حنين ولازم ابان جاحد ومعنديش قلب عشان يتقال عليا راجل طب ليه ابقي مجبور اكون حد مش انا ما ربنا يمكن خلق فقلبي حنية عشان يميزني بيعا انا حرفيا مبعرفش اكون غير حنين بضيق اوي لو شفت حد بيتظلم قدامي ومسعدتوش بحط نفسي فمشاكل متخصنيش عشان حد صعبان عليا بس هوا انا مبرتحش غير مبعمل كده

عندى سوال مهم وبشوف الحوار دا كتير قدامى ليه الواحد لو كان كويس فى العلاقة وبيعمل الى عليه ، الى قدامه بيبقى دايما الاقل اهتماما وعادى ، ولو بقيت الشخص الى مش مهتم فى العلاقة ومش فارقة معاه تلاقى البنت هتموت عليك القط طلع بيحب خناقه فعلا