كنت عايز تبقا كدا ؟

ابدا حاليا انا مش عارفاني ولا فهماني ولا عارفا اركز علي نفسي ولا واثقه من نفسي حتي زمان كنت مش بهتم ب اي حاجه لكن حاليا لا انا واقفه في مكاني مش بتقدم خطوه واحده بس لقدام مكنتش اتمني ابقي كدا عمتا

لا ماكنتش عايزة اكون كدا كنت متخيلة انى غير كدا بحاول االاقى نفسى ببحث عنها كتير بحاول اخليها افضل وماتفقدش ميزة او صفة كويسة فيها اوقات مش بعرف نفسى يكون متخيلة انى تصرفى هيكون غير كدا ف مواقف معينة بس اوقات بحس بفقدان الطاقة واللامباه ظاهريا بس جوايا شعور متراكم ممكن من شهور وبيظهر ف وقت مش وقته

زمان كنت مليانة شغف وكنت بقع كتير وأقوم وعملت مشروعي ف سن صغير وعشان أكبره تعبت كتير ووقعت كتير بس كان دائماً جوايا عزيمة علي الاستمرار وكنت فاكرة أن لما اوصل للوقت دا هكون فخورة بنفسي اني محققة احلام كتيره بس الحياة كان ليها رأي تاني ... 💔 اصبحت اقل مجهود بيتعبني واحتاج وقت كتير عشان اقوم بجد نفسي ارجع تاني لنفسي القديمة

معتقدش اني كنت عايزه ابقي كده بس معتقدش برده اني هستسلم للي وصلت ليه عشان مش ههدي لحد ما اكون راضيه عن نفسي وعن حياتي تاني واعيش حياه تستحق تتعاش بجد لان الصوره اللي بشوفها لنفسي اللي بجد كانت طول الوقت نضيفه وعلطول بتحاول تستحق تعيش حياة تليق بيها

كنت راسمه مستقبل تاني خالص معرفتش احقق منه أي حاجة بس برضي و بتاقلم علي الفيه بس حتي الرضا بيستكتروه علينا بيشوفونا سلبيين مينفعش نعيش هاديين لازم دايما بنجري و بنافس لاما منعجبش ، عايشين في اسوأ فترة زمنيه بجد