تهميش

Lemon_52708 🇪🇬

منذ يومين

شعور غاضب

عيب الراجل يشتكي عيب الراجل يقول علي مضايقه عيب يقول ان التصرف ده او الناس دي مضايقني عيب انو يحس مطلوب منه انه يستحمل الرفض والقهر والعنف واستحمل واستحمل كأني لوح تلج مش لازم أقبل وضع ميعجبنيش ليه لازم احس بخنقه اني مهمش في شغلي كأني مش مميز ومهما طورت نفسي الناس تضايق وهم لما يطورو نفسهم ده طبيع

Coconut_56919 🇪🇬

منذ شهر واحد

شعور مستنزف

احساس وحش اوي لما تبقا غير مرغوب فيك من كل صحابك أو حتى الأشخاص اللي لسه بيتعرفو عليك و التوحش انك وجود زي غيابك مهما تقدم من انت مش موجود اصلا بتكون موجود ساعت مصلحة الشخص اللي بيكلمك و بعدها بيرجع لي مرحلة التهميش من تاني بس هو ليه بجد طالما انت مش عايزني في حيات قولي لكن لا تهمشني ولا تتجاهلني ان

Apple_67132 🇪🇬

منذ شهر واحد

شعور مرهق

اكتر حاجة مؤذية يعملها الانسان ف نفسه واكتر حاجة ممكن تدمر البني ادم بالبطئ بل وتقضي عليه وهو م حاسس هي الكتمان بلاش تكتموا جواكم ووتهمشوا احساسكم لان والله ما هتعرفوا ترجعوا طبيعين تاني

Coconut_56919 🇪🇬

منذ شهر واحد

شعور غاضب

بما أن اعتزلت البشر و اعتزلت التعامل معاهم بس للاسف مصنف منهم ليه الواحد مهما يعمل معاكو من مواقف و يهد الجبل عشان خاطركو و ميعجبش ليه دايما يواجه منكو التهميش و الرفض و قلت القيمه ليه بسمع منكو كلام محدش يستحمله هل انتو عنكو عقد نقص فا بتطلعوها عليا ولا ايه مش فاهم ليه بتخلوني اشحت منكو الاهتمام و

Strawberry_82581 🇩🇿

منذ شهر واحد

شعور مذنب

اول كتابة ... كهروب سريع من الواقع و مكان لا أحد يعرفني فيه محافظة على الكبرياء الذي اتعبني و انا احارب من أجل أن يبقى 24 سنة .. سنتين منها كانتا كفيلتين بتحطيم ذاتي و محاولة تهميشي ووضعي في الأسفل ! أشعر كاني داخل بئر تمتد فتحة الخارج عدة كيلو محبوسة انظر كيف و متى الخروج من جهة أخرى أحاول التأق

Apple_77975 🇪🇬

منذ شهر واحد

شعور محبط

انا صيدلى متجوز وعندى ٣ اطفال شغلي واخد اغلب يومي حرفيا برجع ع النوم المدام شايله طلبات البيت والاولاد بس انا ولا في اهتمامتها وعلى طول انا متهم بالتقصير واني مش قد المسئولية ومن ناحية تانية اهلى مبيسألوش علينا وكمان متهمني انا والمدام اننا مقصرين ومش بنسأل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Carrot_74684 🇪🇬

منذ 3 أشهر

شعور مكتئب

كان بيتنا مليان مشاكل و كان بابا مبيصرفش علينا كان يادوب اول كل شهر بيدي لماما مصروف للأكل وشكرا وكل حاجة ماما متحملاها لحد مابقي عليها ديون قد كده ولما ربنا كرمني واشتغلت حصل مشكلة و ساب البيت و انا قولت لماما ولايهمك انا حديكي كل اللي محتجاه وسددت الديون اللي عليها و بعد فترة رجع البيت و مكنش راضي

Cheese_75496 🇪🇬 كبر دماغك ده لو انتوا شايفينه حل مريح ليكوا و هتبقوا مرتاحين خلاص +ربي يبارك ليك في مامتك يارب العالمين و تقدر تعوضها

عرض الكل 2 نصيحة

Toast_73409 🇪🇬

منذ 3 أشهر

شعور مستنزف

عبّر عن شعورك بشكل مجهول

ازيكم يا حلوين 
حابب اني اشارك معاكم واحدة من مشاكلي الأزلية 
طول عمري متربي ف بيت فيه مشاكل أسرية ، من اصغرها لأكبرها، مش هاتكلم عن اثره النفسي فيا لإن ده مش موضوعي دلوقتي 
نا كل مشكلتي اني عمري ماحسيت ان بيتم تقديري ف البيت و بتتم تهميش اي حاجه بعملها و تتحقر عادي سواء من والدي الله يرحمه ، او لحد الأن من امي 
مع ان امي لو فتحت باب الشقة بتقعد تذل اللي خلفونا 
وبتقعد  تحسب بجد انا صحيت عملت ايه و ماعملتش  ايه و ازاي انا صاحي من ساعة و ماقومتش هديت البيت و بنيته تاني 
و طول عمري بيتم التحقير من اي حاجه انا بعملها 
دراسيا فضلوا يعايروني بصحابي و انهم هايجيبوا درجات اعلى و ان انا مش هابقى حاجة و هامسح العيادة ل ابن خالتي 
ودلوقتي انا الحمدلله ف تالتة طب بشري بمجموعي مش خاص ولا أهلية 
بعد كده بقوا يعايروني ان انا دخلت بعيد عن محافظتي ساعتين و باقي صحابي بيروحوا ف ساعة واحدة ، بعدها بقوا يقولوا عليا اني مبذاكرش عشان جبت جيد جدا اول ترم ف حين ان كل زمايلي الاكبر مني ف الجامعة وكمان معايا م البلد لما كانوا ف سني كانوا شايلين بسبب صعوبة الجامعة الل نا فيها ، دلوقتي جبت امتياز يقولولي بجد ان صحابي امتيازهم احسن من امتيازي !  
و كمان اختي ف ثانوية عامة دلوقتي و بجد بيشيّلوني ذنبها بالطريقة و بيقارنوني بولاد خالتي الل بيساعدوا بعض 
مع اني لما بحاول اساعد اختي بلاقي عندها كبر شديد و مستنية مني اني اكون طالع السما اجيب منها معلومات 
فضلا عن استنزاف وقتي ف البيت من اول ماصحى لحد مانام 
خصوصا ف الاجازة عشان نا واخد سكن جنب الكلية ف الدراسة و بنزل كل اسبوعين عشان اقدر اذاكر بدون ضغط 
و من اول ماصحي لحد مانام يفضلوا يندهوا عليا طول اليوم 
اعمل كذا، سوي كذا 
و طول مانا شغال يقعدوا يتكلموا عن الل عملوه طول اليوم رغم انه اي ام او اي اب بيعملوا كده عادي .. ماطلعوش الفضاء  يعني
بس لازم يذيعوا  انجازاتهم و يقللوا مننا وخلاص
يعني نا انهاردة من ساعة م صحيت أكلت الطيور و نقلت الخضار و نقلت المرتبة الكبيرة بتاعت السرير من البلكونة للسرير تاني و نزلت حاجات للمخزن عشان المساحة ف الشقة و شيلت شكاير كتب قديمة بعد ما فرزتها عشان اشوف لو فيها حاجة تنفع اختي ، وغسلت هدومى ، و كل ده ف ظرف ساعتين او تلاتة من صحياني يعني لسه اليوم طويل ، لما رميت ليها كلمة بهزار فضلت امي تتخانق معايا و تقولي انت ماعملتش اي حاجه انهاردة و انا الل فضلت اعمل طول اليوم ، بالمناسبة هي راحت السوق و عملت الغدا بس ، وكمان نا كنت معاها ف السوق امبارح و جابت معظم الحاجات و رحت اشيل معاها ، 
بجد نا بتوه جدا من الزعيق و الصوت العالي بتاع المشاكل 
و من كتر الخناق و المشاكل الل نا فيها بسرح ونا بتكلم و مش عارف حتى اقول للي مضايقني انه مضايقني ف ايه و مش عارف اعمل حاجة و تايه ، لسه للموضوع تفاصيل كتير و مشاكل تانية ، بس انا بجد مش طايق و كان لازم اكتب ، اتمنى اني اعرف الاقي المساعدة ، شكرا و عذرا على الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_58120 🇪🇬

منذ 3 أشهر

شعور متوتر

i need help. ازاي محسسش اي حد من الى انا مصاحباه بالتهميش واني مش بحبه كفايه لاني عندي اكتر من صاحبه وكلهم بيتضايقوا من بعض ومن المعاملات وكدا يعني عشان بيزعلو مني لو اتعاملت مع دي وسيبت دي وانا مش حمل دا كله وبردو مش حاباهم يزعلو

Strawberry_67208 🇪🇬

منذ 4 أشهر

شعور مكسور القلب

عبّر عن شعورك بشكل مجهول

هو انا كان مفروض اعمل ايه وماعملتوش انا ليه بيحصل فيا كدا هما ليه بيعملوا فيا كدا دا انا لو واحده من الشارع مش هيعملوا كدا لما هاديه وكنت مؤدبه وكنت محترمه وكنت شاطره في الدراسه وكنت شيل مسئوليه وشلت اعمل ايه تاني عشان يحبوني ويقدروني لما بشوف حياتي بصعب علي نفسي لما الي بتقولي عليه بسمعه هي عايزه مني ايه لما اكون طفله عندها 5 سنين واقعد واشيل مسئولية طفله لسه عندها كام شهر وكان مطلوب مني اروق واكنس واملي ميه واكنس المدخل واغير الباميرز لـ اختي وارضعها واغير لها واخلي بالي منها ودا كله وانا عندي 5 سنين انا ماكنش عندي مشكله خالص بس كنت مستنيه منها تقدير تحسسني اني بعمل حاجه حلوه دى لو رجعت مره مالقتش دا كله معمول تقعد تزعق وتزعل الكل يقول ازاي مامنه انها تقعد باختها كدا دا هي نفسها ماتقعدش لوحدها هي الصراحه كانت رافضه في البدايه بس انا الي اصريت وقولت روخي حضري الماجستير عادي انا هاقعد بـ اختي بس طبعا كانت بتوجعني كتير وكنت بقعد ادعي علي نفسي انا مش فاكره اوي المواقف بتاعت الفتره دي لاني دلوقتي بقي عندي 15 سنه بس انا فاكره انها وجعتني اوي وكمان ماكنش عندي اصحاب وكل قرايبي قريبين وانا لا وكانوا بينبذوني يعني ولاد عماتي الخمسه كانوا عليا يقعدوا يتريقوا علي شكلي ولون بشرتي وطريقة كلامي كنت بحس بالظلم وكانوا بيضربوني انا ماكنتش بحب اسيب حقي فـ لما كنت اضربهم يقعدوا يعيطوا ويصوتوا ماما كانت تيجي وتضربني انا كانت بتكسرني اكتر وبتوجعني وطبعا الكلام دا كان لسه مستمر لحد من سنتين تلاته المهم بعد تلت سنين جابت اخت تانيه ليا ويلا شيلي وقولت ماشي وعادي وشيلت مسؤوليتهم وبرضو مع عدم التقدير والكلام الي يوجع ويقهر ويكسر القلب انا فاكره اني لما كنت غد اولي ابتدائي كنت بسهر لحد ما يناموا عشان اعرف اعيط براحتي من كلامهم وأفعالهم وطبعا التفرقه بينا انا الي انضرب وانجرح واتكسر عشان هما يبقوا كويسين كنت بتمني ما يطلعوش اهلي عشان لو اهلي بيعملوا فسا كدا هاتبقي مشكله مش بقول انهم مش بيحبوني ومش طالبه انهم يحبوني زي اخواتي لان الحب مش بأيديهم انا عايزه في المعامله المعامله في ايديهم هما وطول عمرهم بيعاملوني علي اني ولد الصراحه كنت ببقي مبسوطه كدا عشت طول عمري عشان احسس امي وابويا انهم احسن من غيرهم ومش ناقصهم حاجه عشان مخلفوش ولاد بس هما في الاخر كسروني للمره مش فاكره الكام المهم ماسبقش الأحداث فضلت علي الكلام دا كتير اوي كنت بقعد اقول عادي واخواتي صغيرين ومحتاجين اهتمام اكتر مني ومش مشكله وبتاع بس هما عمرهم ما فكروا في احساسي وامي لما تزعل واحده منهم تقولي اروح اصالحها وانا مش بتعبرني باجي بليل دماغي مش بتبطل تفكير وبقعد اعيط ومش بعرف انام بس كنت اول ما بروح انام في حضنها ماكنتش بفكر في حاجه وانام علي طول بس كنت كل مره اروح لها عشان انام في حضنها كانت تقعد تزعق ليا انا بس كنت خايفه لما اكبر جدو يموت ومايكنش عندي اصحاب وهي تهملني وتحب اخواتي اكتر مني ( كل دا حصل ) كنت خايفه ابقي وحيده بالمناسبه بابا دا كله مسافر انا ماشوفتش بابا غير 5 مرات في حياتي ومش ببقي متعوده عليه زلا مرتاحه في وجوده المهم دايما كنت بضحي عشانهم وكنت بعمل كل حاجه واي حاجه عشان يكونوا مبسوطين وانا مش مهم بس عمرهم ما قدروا دا بالعكس كانوا بيجون عليا اكتر واكتر عمرى ما حسيت اني أولوية في حياتهم عمرهم ما اهتموا يودوني مصيف ولا يفضلوني علي حد دايما حاطني اخر حاجه وكسرني وكاسرين خاطري مره من سنتين مفروض كان هايجيلي تليفون جديد عشان ولا مره جالي جديد دايما باخد بتاعهم القديم لاقيت بتاع بابا قديم قولتله خلاص هات ليك واحد وانا بعدين مش مهم وبرضو مش قدروا دا في نفس الفتره دا من ضمن الشهرين الي بيجون كل سنتين تلاته الي بعدهم مع بابا جه من غير ما اعمل اي حاجه ومن غير اي سبب قالي تعالي اقولك روحت قالي انتِ عامله كدا ليه  مغروره ليه بقوله مش مغروره دا كله عشان بمدح نفسي بدي نفسي الي هما مش ادوه ليا قام قايلي جمله عمري ما انساها ولحد الان بترن في ودني بيقولي ماحدش هايبقي معاكي زلا حد هايستحملك ولا صحابك هايستحملوكي ( عمر ما كان عندي صحاب بيحبوني وكلهم وجعوني وكسروني وخذلوني ) قام مكمل عليل وقال طب احنا مستحملينك عشان احنا اهلك من ساعتها وهو أكد احساسي اني تقيله عليهم وانا والله مش بعمل حاجه وفي حالي وماما قاعده جمبه مش نطقت كلمه زي ما بتعمل دايما حتي لما بتبقي قاعده وعماتي وولاد عماتي بيتريقوا عليا مش بتفتح بوقها ولا حتي بتتكلم معايا بعدها مره كنت قاعده وبتفرج علي صوري انا فاكره الدقيقتين دول لحد الان بكل تفصيله ماشيه كدا وبتقولي الناس كلها لما بتكبر بتحلو وانتِ وقامت عامله حركه بوشها كدا كسرتني كسره الشخص الوحيد الي كنت بحسه بيحبني بجد كان جدو بس جاله سرطان في الكبد فـ حالته كانت بتسوء كل يوم عن الي قبله اكتر شخص حبيته وهاحبه انا متأكده انو لو كان بصحته الوحيد الي هايكون قريب مني عشان انا ولا قرايب بابا قريبين مني ولا قرايب ماما زلا عندي صحاب في مره كنا قاعدين كلنا ومتجمعين خال بابا قعد يتريق عليا وعلي لون بشرتي والكل قاعد ماحدش اتكلم كلمه وبنت عمتي قعدت تضحك فـ حد طلب مني اجيب له ميه دخلت سمعت ماما بتقول لها ماتضحكيش عشان ماتزعلش لا والله لا كتر خيرك وبعد ما مشيوا ماما بتقولي اوعي تكوني زعلتي ان بنت عمتك ضحكت قولت لا وازعل ليه مش فارق معايا بعدها نزلت جدو نداني وقالي اوعي تزعلي خالك بيهزر معاكي قامت واحده قريبتنا قايلاله ماتقولش لها كدا عشان ماتحسش انها جميله هو الوحيد الي فكر في احساسي انا في مشاعري انا بس للاسف جدو مات وهو مش فاكرني ومش غير ما اودعه انا مش مستوعبه انو مات انا بالنسبالي عايش وطبعا مواقف كتييير بس دا الي فكراه دلوقتي واخر حاجه راحت عملت عملية حقن مجهري عشان تخلف ولد بعد كل الي عملته راحت عملتها وكانت عايزه تعملها من ورايا بس انا قفشتها قعدت استحايل عليها تحط بنت وسلكت ليا وقالت ماشي هاشوف الدكتور ولما راحت تعمل العمليه قالت انا عايزه ولد لما قولت لها علي البنت قالت هو انا ناقصه بنات وجعتني اوي وكسرتني عارفين يوم موت جدو مالقتش حد معايا الكل عمال يبعت ليا ويقولي خليكي قويه عشان ابوكي وامك طب انا ايه ومشاعري ايه انا مين يكون معايا دا ابويا دا الي رباني دا ابويا الحقيقي دا ابويا كتمت كلام كتير جوايا وصرخت كتير جوايا اليوم دا ولحد الان لسه جوايا ومش عارفه اطلعها عمري ما كنت من الي بتجري لـ امها وتعيط لها ولا تحضنها ولا عمر كان ليا اصحاب اجري عليهم لما اتضايق ولا اخوات دول كلهم هما كانوا مصدر الوجع ليا كنت دايما بدعي علي نفسي اني اموت وجربت الصراحه اكتر من مره وبطرق مختلفه بس ماهنش عليا نفسي وقولت مش هاموت كافره وانا بحب نفسي اوي ودا كله ماهزش حبي ليا ولا ثقتي فيا بس وجعني جامد وأثر علي قلبي كنت دايما بدعي اني ابطل احس لان ماكنتش بفرح ولا اعرف ايه احساس الفرح دا دلوقتي بقيت مش بحس خالص ولا بحزن ولا بفرح وهاموت وارجع احس تاني وعايزه اروح لثيرابيست بس لازم لما اكبر عشان مش هاعرفهم حاجه وطبعا كل الحاجات دي اثرت عليا جسديا وجالي أمراض كتير وبقول الحمدلله والف حمد وشكر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_64716 🇪🇬

منذ 4 أشهر

شعور مستنزف

احساس الوحدة ده شئ مخيف أنك تكون عايش وتتنفس وشايف الكون حواليك بس الكون بحاله مش شايفك مهما تقول انا يا عالم شوفوني واسمعوني حسوا بيا طيب ، طب اعمل ايه عشان تحبوني عرفوني وانا هتعلم بس متقسوش عليا انا من حقي زيكم اكون محاط بقلوب تحس بيا وباحتياجاتي مش هينفع اكون عايش في سجن أفكاري مش هينفع اعيش م

Strawberry_65711 🇪🇬 وتعيش وحيد ليه اشغل وقتك ديما بشغل تعمله وتنجح فيه واعمل رياضه كل يوم ومارس هوايه بتحبها اصنع لنفسك حياة انت بتحبها حتلاقي الدنيا اتملت حواليك وتلاقي اللي يقدرك ساعتها مش تدور على حد هما ح يجولك من غير ماتدور

عرض الكل 2 نصيحة

Apple_65194 🇪🇬

منذ 4 أشهر

شعور محبط

بصراحة مبقتش عارف اعمل اي يعني انا مشعارف هل اقلل اهتمام او ازود اهتمامي بشكل أكبر من الأول في الحالتين انا مبلاقيش اللي مستنية عارف يعني اي تبقي مستني حاجة من انسانة بس كل اللي بتلاقية تهميش عكس كل الي مستنية اوقات بحس إني مستحقش كل دة بجد مع إني بحرم نفسي من حاجات كتير عشانها بجد والله واوقات مباك

Apple_29512 🇪🇬

منذ 4 أشهر

شعور عاطفي

السلام عليكم انا بنت اخر واحده ف عيلتي وبجد عندي مشكله في فرق السن وفرق اامعامله مع اهلي فعلا ماما بتفضل عليا اختي الكبيره بشكل لا يوصف اختي بتيجي عندنا فجاه البيت كله يتقلب عشان ماما ماشيه ع دماغ اختي ماشيه وراها واحتي عندنا كام يوم كده وحاسه اني مش قاذره استحمل فعلا فرق المعامله اعمل ايه

Carrot_65133 🇪🇬 اقولك علي حاجة ركزي علي تصرفات اختك وشوفي هي بتتعامل ازاي مع امك وباي مبداء وبعد كده احكمي تبقي زي اختك ولا تبقي انتي دي بمعناتك 🤔

عرض الكل 17 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

كان قبل البوست بتكلم اني مدمن حشيش،عشان ممكن ده يكون سبب ف اني اكتب البوست ده
أنا تفكيري زايد جدا
بفكر كتير و بحس أن علقي خلاص تلف من الشرب والتفكير الزائد ف حاجات ممكن متبقاش موجوده 
مثال: 
أن حبيبتي بتخوني أن حبيبتي بتكلم غيري واقعد بقي أفسر حاجات غير منطقية وبربطها ببعض واخش اطلع ديك ام البت 
وهي مبتعملش حاجه بس ساعات فيه تصرفات تثير للشك بس انا معرفش ده بيبقي بسبب ادماني للحشيش اللي بيخلي الإنسان معندوش ثقه ف نفسه فا شايف أن ممكن حبيبته تبص لحد تاني؟
ولا ده بيحصل فعلا وانا متغفل مثلا.
الشابة عارفه أن اتأذيت كتير واتخانت من ناس أنا فعلا قلبي حبها وتقولي مش كل الناس زي بعضها 
في بيتي بحس اني معنديش رأي وان اخواتي هما اكبر مني سنا بحس انهم راكبني مش معتمدين عليا ف اي حاجه وانا عايز ابقي كل حاجه أنا الولد الوحيد عل بنتين والصغير بس الفكره هنا بحس بتهميش كتير من صغري 
و ده اثر عليا لدرجه ان كنت فاكر نفسي اتأثرت بتربيه البنات ومبقتش راجل 
كل ده تفكير كتير جوا دماغي أنا مش عارف بجد احل حوار دماغي ده ربنا سلط عليا نفسي بس انا عايز ابقي انسان كويس
اللي اخد النفس كده واخرجه وانا قلبي مش بيوجعني بحس بضيق ف كل حاجه ف حياتي و شايف أن عايز اعمل حاجات كتير تخليني ابقي حاجه موثرة حتي ف دائرة معارفي.
التفكير الزااااايد تفكييييير .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع