كل عام وحضراتكم بخير.... بشتغل في إحدى الوزارات الحكومية من مدة طويلة (١٠سنين) وفي مكتب القيادة.. وطول المدة كنت دائم المساعدة لزملائي من المكتب او بره، وعمري ما اذيت حد او اتكلمت عنو بسوء امام القيادة بل بالعكس كنت كتير بداري عليهم عشان ميضروش.. دلوقتي القيادة اتغيرت، وفي بداية مهامه كنت كلفت ببعض الأعمال وانجزتها.. فجأة وبدون مقدمات همشني ويعتبر منع دخولي له.. وتم سحب مزايا عينية مني بقاله سنين معايا، ونقص في مرتبي واصبحت بدون دور.. (وللأسف زملائي عشرة السنين ساعدوه في ده او اتكلمو عني مش حلو الله اعلم) ده بعد ما كنت تقريبا رقم ٢ في المكان، وحتى زملائي الاجدد مني في المكان بقو هما ال في الواجهة ومعاهم الشغل.. حولت طبعا أتحرك من المكان لوزارة أخرى ولكن للأسف بيرفض.. حتى اني اتكلم معاه هو بيرفض.. نفسيا مش عارف اتخطي ده، وحاسس بظلم و ان كل السنين دي ضاعت.. ودايما بجلد نفسي اني انا السبب..