تواصل

​انا بمر بموقف غريب مع صاحبه قديمه كنا قريبين جدا وفجاه بعدنا ودلوقتي بقت بتبعت لي ريلز وفيديوهات تضحك على انستجرام وتيك توك من غير ما تتكلم خالص ولا بتسال عليا وانا بقيت بعمل سين ومش برد وهي لسه مستمره بتبعت فانا مش فاهمه تصرفها ده معناه ايه وبتعمل كده ليه وهل حد مر بموقف زي ده قبل كده واعمل ايه معاها

كان عندي واحدة بنت عم أبويا بس سنًا قدي عشان أبويا أكبر ولاد جدي واللي هو كمان كبير اخواته وهي بنت أصغر واحد ف اخوات جدي فرق بينه وبين بابا ٥ سنين المهم كنا صحاب بيست اللي هو كل تفاصيل حياتنا مع بعض وكدا بس من سنتين كدا حصل مشكلة بين أمها ومراتات عمي ف البيت مسك ف البيت بس علاقتي بأبوها وبيها كانت زي ما هي ولسا صحاب وقريبين وكل حاجة جت بعدها بسنة خفت كلام جدا وبقينا أكننا أغراب جيت ف يوم أبعت رسالة أفتح كلام أتطمن عليها علقتها من وقتها المهم ف رمضان اللي فات دا أبوها اللي هو جدي توفاه الله بسبب مرض في الجهاز الهضمي-عافاكم الله-وهو كل خلفته بنات مخلف ٦ بنات ف دفنته ووقفت ف العزا وكنت مع اللي بيدفنوا وكل حاجة بس مبعتلهاش من ساعة الرسالة دي عشان كنت حالف على نفسي مبعتش ف معزيتهاش فيه حتى ولا بعتلها من وقتها بس كنت بدعيله ف الاستوريز وبنزله وكدا وهي بتشوف ف المهم حاسس إني غلطان والمفروض كنت أتطمن عليها وأقف جمبهم (مع العلم مليش تعامل مع حد فيهم غيره الله يرحمه وهي بس..الخمسة الباقيين وأمهم ولا ليا علاقة بيهم) ف فكرت اتطمن دلوقتي بس حسيت إني كدا هبقا شخص وحش والسكوت أحسن خلاص بس لسا متضايق إني مبعتش وقتها حتى لو هي اللي مختارة البعد بس كفلوس سايبلهم فلوس يعني وكله اتنازلهم عن الورث ف مش محتاجين فلوس احنا حاليا ف رابعة كلية أنا صيدلة وهي طب بشري

لقيت نفسي فجأة بسال السؤال ده وعايزة اجابة يا ترى امتى هقدر فعلا اوصل الحقيقة للكل واقدر اعبر براحتي ومحدش يفهمني غلط زي كل مرة من وانا صغيرة لو كان في امنية هتمناها كانت هتكون ديه لاني ديما كنت بستغرب يا ترى ليه محدش بيفهم اي حاجه انا عايزاها لحد ما اكتشفت حاجه مهمة جدا انا مش بتكلم اساسا اه والله مكنتش بتكلم ولا بعبر عن اي حاجه ديما ابص حواليا الاقي الكل بياخد اي حاجه هو عايزاها وانا في قمة الغضب ومستغربة ليه محدش فهم كبرت وقررت اخرج من انعزالي واكون شخص جديد عملت كل حاجه ممكن تتعمل عشان اعرف احس باستحقاقي فجأة بقيت فاكرة نفسي اكتر شخص اجتماعي من كتر كلام اصحابي ليا لحد ما فجأة رجعت لنقطة الصفر تاني لما اكتشفت انه guess what اصلا حتى كلامي الي بتكلموا مع الناس بيتفهم بطريقة تانية تماما من الي اقصده بيها وده زي كاني بتكلم معاهم بلغة مختلفة محدش فينا هيفهم التاني صح فاتمنى حد يساعدني افهم الناس مشاعري الحقيقية وابعد عن اللف والدوران واتكلم بسطحية زيهم عسان ديما كلامي عميق

بجد محتار… إيه اللي بيخلي البنت تنجذب لراجل وتتمسك بيه؟ 🤔 حاسس إني بعمل كل حاجة صح وبرضه مفيش انجذاب… البنات فعلًا بيدوروا على إيه؟ حاسس إني بعمل كل حاجة صح وبرضه مفيش انجذاب… البنات فعلًا بيدوروا على إيه؟

مش عارف هي هتشوف البوست دا ولا لا ومعرفش هي لسه ع الابلكيشن برضو او لا.. بس عايز اقولها I miss u so much and u come to my mind a lot I dont know why But the important thing is..open one of the paths u closed I dont see anyone like u or like your beautiful soul Stop overthinking and forget everything (m)

انا خاطب بنت هي جميلة في كل حاجة وعجباني بس الا اني شايف فيها عيب صغير هو مش مأثر على نظرتي ليها بس شايف لو اتحسن هتكون اجمل هي عندها فرق بين السنتين اللي قدام ولو اتعملوا تقويم هتكون افضل بكتير فانا مش عارف اجبهالها ازاي من غير ما اجرحها أو احسسها انها فيها عيب وكدا وانا معنديش مشكلة ادفعلها ثمن التقويم بس عايز اعرف ممكن اجبهالها ازاي

محتاج احدد موقفي مش بحب الحب بس بحب العلاقات الجاده مش تلزيق ولا هئ ومء بس اوقات حلوه بنقضيها مع بعض من غير حدود ووقت ما نكون محتاجين ده ونكلم من غير حواجز وكل الي عايزينه نقوله من غير خوف ونعبر عن كل الي جوانا حتى لو ممكن تبقي عيب ف الحقيقة ممكن كده ولا مستحيل انا بروكلي مسترجل أتمني تكون رسالتي واضحه

مش عارف ازاي ومش متخيل اني بعد ٣٠ سنه عيشتهم واكيد حاجات كتير مريت بيها وعملت علاقات وعرفت كل الأشكال والأنواع والأحجام اجي بعد كل ده احس اني مش فاهم حاجه ومش عارف اتعامل مع البنات ، طريقتي بقت عنيفه شويه وانا عارف ان مش كله هيستحمل أو هيحب كده بس مش حاسس ان لسه في فرصه للتغيير ويمكن عشان كده مبقتش قادر اعرف حد جديد ومازلت متعلق ف الناس القديمه الي تعرفني كويس مش الناس الجديده الي لسه هيفهموا كل كلمه نقولها غلط ويحاسبونا مبحبش اتحط ف خانة الغريب مبقاش في وقت للكلام ده ، الي بيفهم بيريح ف ياريت الي مش فاهم يريح

شباب نعمة الصحاب دي م موجودة عندي و لما جيت ادور علي صحابي لقيت ان انا اللي دايما بسأل انا اللي بطمن دايما عليهم مفيش حد بيسأل عليا او يبعتلي يقولي عامل اي حتي دا بقا يرجع ل اي انهم عندهم صحاب تانيين بيطمنوا عليهم ولا اني شخصية لا أُطاق ولا اي ب الظبط ؟

اغلب الاحيان اتندم اكتب هنا على التطبيق الي امر فيه بيني وبينها لكن الي حصل لي اخر مرة حساس الى ابعد ابعد حد وبرضو حصل واشعر اني ح اتندم ان تكلمت مع اي احد حوله وبجد هوة غباء اني اريد اشاركه مع الناس لكن فقط عندي رغبة اسمع ايش ما ادري و هو بسبب هذه الرغبة الغبية انا نزلت التطبيق

الناس الي عالجت رهب إجتماعي عملتها ازاي عشان انا وصلت لي درجه اني بتكسف اتكلم مع ناس و المواقف غريبه مش عارف اشرحها بما اننا محتاجين نكمل 150 حرف فا انا ممكن مثلا اقول دونت فرايد تشيكن سوشي

عارفين شعور انك تحب حد منغير حتا متعرف شكلو ولا تسمع صوتو حتا الي هوا انت حبتها عشان هي محترمه وجدعه وي بتعرفك طريق ربنا وعرفت تسعدك تتغير الي هوا بجد عملت حجات كتيره اوي فحياتي وفي نفس الوقت انا حاسس انها حبتني بس عمرها ما بينت ده وديما بتقول احنا اخوات انا معرفش حبتها ليه بس بمجرد مبكلمها بحسني مبسوط اوي طلبت من ربنا كتير اوي انو يلين قلبها ليا وبلفعل كنت بحس انها حبتني بس عمرها مهتبين ده انا مش عارف اعمل اي بجد

احيانا بيجيلي وقت بحس اني لازم اكلم حد دلوقتي حالا ايا كان هو مين او الموضوع الل هنتكلم فيه المهم اننا نتكلم دلوقتي ولد بنت مش هتفرق بحس اني لوحدي جداً و لازم احس ان حد جمبي و معايا و جمبي حالا حد حس ب دا قبل كدا ولا انا بس 🚶‍♀️

كنت اعرف واحده منقبه هنا جميله اوي وعندها شخصيتين عكس بعض تماما بس الفكره في الإحساس الغريب الي مش عارف أحسه مع غيرها من بعد التغييرات الي حصلت دي كلها ، كنا فاهمين بعض زياده عن اللزوم وعشان كده دايما كنا بنبعد عشان كل واحد فاهم التاني وعارف نقط ضعفه كان في تواصل غريب وحتي لو كان مجرد كلام معتقدش ان الموضوع او الشخص سهل يطلع من الدماغ خصوصا لو عرفت قبله وبعده ناس كتير ، بس حقيقي مبقتش عارف ادي فرصه لحد تاني ولما بحاول بزهق مش عارف اكمل اكتر من يومين مع أي واحده محدش بيفهمني

دلوقتي انا عندي مشكلة صغيره في وحدة كنت معجب بيه كنت معي في جروب من ٤ اشخاص وهي دلوقتي طلعت عشان لقت نفسه بخد رحته ف الكلام ومحدش يعرف اني مركز معه وانا مكنتش بكلمه على الخاص ف انا دلوقتي مش عارف اعمل ايه عشان ترجع عشان ع الاقل اكلمه ع الجروب مش ب شكل مباشر إحتراما ل اهله وغير انه شايفه ان دا اختلت ان مينفعش تخد رحته في الكلام عشان انا ف الجروب ف انا عاوز حل دلوقتي اعمل عشان الموضوع دا ضيقني اوي ف يا ريت حل من غير تجريح

هو ليه انا حاسة ان الايموشن اللي انا حاطاه ده مش سالك ومش تمام مش عارفة هتفهموني ولا لأ بس اعتقد اللي حاطه هيكون فاهم مش عارفة اكتب ايه علشان لازم اخلص الكلام المفروض بس حبيت اقول وجهة نظري حد حاسس نفس الموضوع

انا اكتشفت أن انا مش عارف فعلا اتعامل معاها احنا اصحاب داخلين ع سنتين وعرفتها من هنا واصبحنا اصدقاء قريبين بس بدأت فعلا احس أن هي بتلكك عشان تزعل مني أو متتكلمش معايا أو تبعد عني بتقفلي ع الواحده يعني دلوقتي زعلانه مني عشان قولتلها لو مفتحتش واتس ومعرفتش اكلمك يبقي مش معايا من عشان متقلقيش زعلانه جدااا مني ومش عارف لصالحها وانا مش عايزها تزعل مني لان دي صديقتي بجد بحكيلها اللي مقدرش احكيه لاي حد انا تفتكروا ممكن اعمل اي ياريت شباب وبنات يقولوا رأيهم انا كبير وناصج مش عيل صغير او اندر ايدج 🥹🥲

انا معجبه بحد في صيدلية هو صيدلي يعتبر في اخر سنه لانه بيحضر حاجة زي سنة امتياز و هو في جامعة جنبي يعني واضح انه ساكن جنبي انا معرفش حاجه عنه غير اسمه و مش لابس دبلة و مش معايا رقمه وعايزة اجيب رقمه نتكلم اعمل ايه؟

موضوع مهم جدا ليه دايما بناخد بالمظاهر لية دايما احنا كاولاد بنشوف ان اي بنت بتحاول تتكلم او تقول احساسها او الي جواها بتتفهم غلط حد يعرف هيا حاسة بايه شعورها ايه احساسها ايه بتحس بايه ياريت بلاش نفهم افراغ الاحساس بطرقه غلط

بتتعاملو ازاى لما توصلو لمرحله ان معندكوش طاقه تكلمو حد او تسمعوه وازاى بتقدرو تحددو اللى قدمكو دا ممكن يكون جد اصلا او مش بيمثل او بيدعى المثاليه فى شيئ ما ...اما بالنسبه للناس اللى داخله تتسلى نفسى اعرف بيجيبو باور لاهدار الطاقه فى اطار التسليه قمه العبث والمرض وقله ثقه فى النفس رهيبه

عارفين لما تبقو بتحكو حاجه عن نفسكو وحد يسألكو اسأله غريبه تحسوه بيحاصركو نفسياً وبيعمل focus ع العيوب وبيكبر الدنيا اوي رغم ان ممكن تكونو قولتو عن نفسكو عيب وميزه ف نفس الوقت،يعني هو خد كلام عادي وقلبه كأنه ضعف او عيب بدل ما يساعدك ويعلي من الميزه اللي عندك ويقولك تجاهل العيب المهم معرفش دي حساسيه مني ولا فعلاً حاجه تضايق المهم تم استفزازي لأقصى درجة بجد رغم اني مليش علاقه بالموضوع هو كان كومنت عند حد بس ضايقني موت معرفش ليه يلا باي باي يا رب اذاكر🌷

بحس دايما بالخنقه كل ما افتكر ان البنت اللي عايزها كانت بتبادلني نفس المشاعر لحد ما فجاه كل حاجه وقفت وبقينا نتخانق في وسط الشله طول الوقت ومش لنعرف نفتح كلام منغير ما نستفز بعض ، عندي احساس ان السبب اني عندي اصحاب بنات بس طبيعي ده يبقي موجود عشان الحياه مش مثاليه واني كده كده مضطر اتعامل من خلال شغلي وجامعتي ، فوصلنا لنقطه مفيش تواصل فردي وكل تواصلنا بقي من خلال الشله والتلقيح ، كنت ببادر الاسبوع اللي فات وبعتلها كذه مسج فردها كان سخيف اوي ويقفل الشخص وكانها مش عايزه تواصل بينا ، وهي عمتا situationship والبنت صغيره ١٦ سنه

دلوقتي أنا كنت بحب واحد و سيبنا بعض بس مفيش اي امل أننا نرجع و حاولت معاه كتير بس قال خلاص مبقاش ينفع.....أنا دلوقتي مش عايزه ارجع بس حاسه اني عايزه ترن اتكلم معاه كلام عادي يعني عامل ايه و كده مش كلام حب و أنا هقوله الأول حسيت اني عايزه اتكلم معاك شويه بس مش في حاجه فاتت والله لو مش حابب براحتك و هوه علي حسب رده اعمل كده ولا بلاش

من فتره اتعر، فت علي واح، د هنا " ما، نجاوي " المهم هو ساعدني جدا بصراحه بس لما جه وقت الشات انه يخلص اتفق، نا اننا ف اول الشهر كل يوم السا، عه١٠ هند، ور علي بعض هنا 😂 او هكتب ليه كوم،نت علي فيديو بنسمعها بس الفكر ان اول يومين كان في مشكله ف النت ف مش فتحت و بعد كدا كنت بفتح كل يوم بس مش كنت بلاقيه و كتبت كومنت بس هو مش رد عليه ف انا مش عارفه دلوقتي المفروض اعمل اي و ف نفس الوقت انا مش بفتح كتير علشان اشوف لو نزل اي حاجه

من شهور كان عندي مشكله وصدفه لقيت البرنامج كتبت مشكلتي والناس ساعدتني وتكلموا معايا واختفوا بعدها لكن في شخص فضل مكمل معايا الحكايه شهرين بعدها وبعدين الظروف شائت ان يحصل اختفاء من الشخص ده وبصراحه نقدر نتواصل تاني بس في خوف ان انا احاول اتواصل ويحصل رفض للتواصل ده او رد بطريقه ممكن تضايقني... خبرايه ... يمكن الشخص يفهم انا اقصد ايه واتمنى لو الشخص ده موجود دلوقتي وبيقرا اللي انا كاتبه.. يا اصدقائي هل احاول ولا احترم الغياب واسكت

ازاي بتعرفوا ان الشخص بيفكر فيكوا برغم ان مفيش اي اتصالات ولا كلام من سنين طويله بس بيطلع في اشخاص قد تعرفهم وعمري مابطلت افكر فيه خلال السنين الكتير اوي دول ونفسي اعرف هل بيفكر فيا ولالا

انا كنت كاتب قبل كده الدكاترة النفسيين مش بيساعدوا الواحد وكده يعني ف انا حابب اضيف حاجة جات ف بالي ان المشكلة ممكن مش الدكتور المشكلة مني انا مثلا اني مش عارف اوصله المشكلة اللي انا فيها عشان احكم عليه، اللي محدش قالي عليه قبل كده اني اما اكلم دكتور نفسي لازم اكون عارف مشاكلي كويس عشان اساعده يعالجني هو ف الاخر انسان و مش ساحر يعني مش هينجم ف انه يعرف حياتي انا عايشها ازاي وكده. العلاج النفسي والتواصل المستمر والمتابعة مع الدكتور متعبة بشكل رهيب المشكلة بس ان الواحد دايما بيبقى حاطط ف باله انه طالما بيكلم دكتور خلاص كده هيتعالج و زي الفب لا هو مش شرط على حسب تعاونك مع الدكتور وشطارة الدكتور الاتنين مع بعضهم انا فكرت فيها زي الجيم بالزبط كانك بتدفع اشتراك ومبتروحش او بتروح بس مش بتلعب كويس او مش بتتغذى كويس او لعبت يومين و لقيت الوضع كما هو انا احيانا الدنيا بتنور ف دماغي واحيانا دماغي ده بيبقى قفل حرفيا

انا شايفة انو الحياة بالموبايل سيئة للغاية بحيث انه لا يوجد تواصل بين الاخوات في العائلة او بين الام و الاب حتى الي يبغى يفضفض ما يقدر صار يبغون الاختصار في كل شي قبل كانو يسولفون مع بعض يشربو قهوة برواء كان الطفل ذكي و عندو قدرة على الصبر و التعلم بدون غضب و قلق هذا العصر الحديث صدقا كان مدمر للانسان بطريقة سهلة عن نفسي اتمنى اعيش في بيت من غير موبايل

يعني فيه حجات مينفعش اطلبها مينفعش اجي اقولك كل شويه انت ليه مختفي انت ليه مقصر في حقي ليه مش بتبادلني نفس اهتمامي بيك في حجات لو مقلتهاش تلقائي من الي قدامك هتتقفل منه ولو طلبتها هتحس انك تقيل عليه وبعد محاولات وكلام مكتوب هتبعد

الاب ده على قد ماهو فكرته لذيذة على قد مافي رولز رخمة بجد وصارمة اوي واوقات كتير مش بتكون متطبقة صح المهم كنت بتك&^لم مع حد كان عنده مش&&كلة (مع اهله كانوا عاوزين يجبروه على حاجة) وملحقتش اسمعه للأسف وانا مهتمة اسمعه ومش عندي فكرة حتى اوص$&له ازاي اعتقد هيفتكرني

عايز رد ضروري وعايز رد البنات بالاخص انتي لو ملكيش ف الارتباط والصحوبيه والشغل دا ومحافظه علي نفسك ولبسك ومحترمه بس عجبك ولد معاكي ف الجامعه او الشغل وبتبادلو بعض نظرات اعجاب بقالكم كتير اوي بس ولا عمركم اتكلمتم مع بعض خالص وهو ف نيتو عايزك وعايز يتقدملك لو لسا الوقت مش مناسب عشان بتدرسو مثلا او اي ظرف ف الوقت اللي لسا مستنيين فيه هل بتستني منه يخش يكلمك يحاول يتعرف بطريقه غير مباشره ويلمحلك بالموضوع ومش قصدي تتكلمو بقا وتحبو ف بعض قصدي يعرفك الموضوع بس ويقفل الكلام ولا هتحرجيه او تبلكيه حتي لو معجبه بيه عشان حياءك !؟ ولا ممكن تردي باختصار وبدون مشاعر وتحترميه عادي ؟ ولا الافضل تستنيه يكلم باباكي نفسي اعرف تفكير البنات ف الحته دي وبذات مع ولد هي معجبه بيه وحاول يلمحلها ف شات خاص باحترام رد فعلهم اي ؟

حوار اني اكون بتكلم مع حد و معرفش اتكلم معاها تاني ده رخم اوي كنت بتكلم مع بنوته لذيذه اوي يا رب تشوف كلامي حوار اني اكون بتكلم مع حد و معرفش اتكلم معاها تاني ده رخم اوي كنت بتكلم مع بنوته لذيذه اوي يا رب تشوف كلامي

صحبتي عملتلي ghosting و بتتحجج ان واتساب كان في مشكله مع ان سهل تبعت اي ابلكيشن تاني .. مش عارفه انسي الحوار الهو عماله افكر في تصرفاتي معاها الفتره الاخيره وافكر اسألها زعلتها فأيه و هعاتبها ولا لا عموما حاسه بخزلان ومكنتش عايزه صداقنتا تبوظ بعد السنييين دي

ازاي اقدر اخلص من الفجوه ايل بيني وبين اهلي وبالذات ابويا الفجوه دي بتزيد كل يوم اهلي مبقوش عارفين عني حاجه وانا وربي تعبان محتاج اتكلم معاهم اترمي ف حضنهم بس مبقتش قادر انا تعبان فشخ بج

سؤال مهم بجد شاغلني بقالي فتره وياريت محدش يرد بأستهزاء علشان نفسيتي مش ناقصه .. لو بعيده عن شخص البحبه وهو فعلا معندوش اكونتات ليا و مفيش معارف مشتركه او وسيله تواصل يقدر يوصلي بيها .. هيعرف ازاي ان انا مت .

تحدثت في منشور سابق عن مشاكلي مع اهلي .. وهي السبب الحقيقي الذي دفعني لتنزيل هذا التطبيق كي اعبر وافضض عن مشاكلي باريحية .. وصلت بهم بان منعوني عن الزواج والان عمر يقارب 30 سنة ومن الطبيعي انه امراه بمثل عمري ستحتاج الى رجل ستحتاج الى سند وشخص يعوضها عن المشاعر الايجابية التي لم تحصل عليها مع عائلتها .. مرات توسوس لي نفسي ويوسس لي الشيطان بان اقوم بانشاء حساب في وسائل التواصل الاجتماعي واتحدث مع الرجال .. اعلم ان الامر خطأ و لن يسبب لي الا المزيد من الالم بتعلقي برجل لن اتزوج به مستقبلا خاصة وانني لم اقم بأمور كهذه من قبل .. ادعوا ان يثبتني ربي و يهديني ولا أقع في اخطاء كهاته

ازاي بتعرفوا تفتحوا كلام مع الناس بقا ما هو مش كل شوية ابعتلها كلمتين ونتكلم شوية ونرجع نسكت شهرين كله بسبب الرهاب الاجتماعي ابنل، حرفيا بفضل يوم كامل بفكر في اي سبب عشان ادخل اكلمها (هي بتحبني وانا بحبها بس بنستعبط) وبصراحة حاسس الاحسن نفضل كدا ومنرتبطش عشان كدا كدا هيحصل مشاكل ومش هنكمل بس بردو بحس عايز اكلمها😔

حبيت اقول حاجه جوايا كفضفضة يعني ان من مخاوفي العشوائية اني ارتبط بإنسان صامت كتوم وانا واحده بتحب تسمع اكثر ما تتكلم ف بحتاج لحد دايما يرغي معايا عن أحلامه أفكاره، خيالاته حتى تفاهاته يفضل هو الي يفتح معايا في مواضيع من غير مانزهق ودي حاجة انا بلاحظها في نفسي اني برتاح اكتر مع الناس الرغاية الي بتتكلم بعفوية وتلقائية يمكن في ناس بتشوفهم انهم مزعجين شوية لكن انا بشوفهم معبرين اكتر ومريحين الرغي معايا بيديني احساس بالاطمئنان للي قدامي لكن الشخص الكاريزما التقيل الي دايما صامت وكتوم عمري ماهطمنلوه

جماعه انا اللي سبت الاكس وعايزه ارجعلوا بس هو كان موبايلو مسروق وماشي بموبايل اي كلام وعرفت بطريقتي انه غير موبايلو من شهر ٢ وكل الاكونتات اللي معايا قديمه ومبقتش معه ف حاولت اكلم حد من صحابو بس مش عاوزه اقول انه انا ف قولت انه بابا كان بيتعامل معه بس بردو محدش منهم راضي يديني اكونته اعمل ايه

يعني الواحد كل مره يلاقي حد تروح 6امله بلوك يابر namg بضان بجد اي ليه عشان اي اتخنقت بجد كل شويه كلمه يقولك اصل مش عارف اي ضد اي تصل حاجه خرا بجد بقي حاجه ممله اوي مش عارف ماله معرفش وحاولت حتي احذف الحساب مفيش فايده

محتاجين نطلع الي جوانا و نتكلم حتى ولو كلام فاضي او مش مهم لغيرنا ف هو ممكن يكون امل لينا او بسبب الكلام و النصيحه شفنى حاجه مش كنا واخدين بالنا منها في مواضيع كتير و اي حد عاوز يتكلم اني موجود

مش عارفه في ناس زيي ولا لاء بس لما بتكلم مع حد وممكن يقول كلمه عاديه أو هزار بالنسبه لي تقيل أو ينفع مع حد غير مش انا ممكن يكون قصدهم عادي يعني ميقصدوش يضايقوني بس دماغي بتعمل اناليسيز للكلمه وأنها اتقالت بتون معين أو رأيكشن معين فاتضايق وقتها بحس أن دماغي تعبانه لأن الكلام شات اصلا

سؤال محيرني لو انا اتعرفت علي بنت في لعبة بعدين اتكلمنا في الانستا ،وبقالنا 3 شهور يعتبر ،بس في حاحه انا مش فاهمها ،انا عمري مطلبت منها صورة ليها سايبها علير راحتها، قصدي صوة عادية خالص مش شئ تاني ،بس هي اوقات كانت بتبعت من نفسها وبعدها بتحذفها بعد ما بشوفها ،وهي واثقة فيا اني مش هحظها عندي ،بس الفكرة الحوار دا اتكرر كتير ونا زعلت منو وعرفتها إما تبعت حاجه وتسيبها او متبعتش خالص،فقالتلي رد غريب جدا ،قالتي بحذفهم عشان لما تشوفني علي الواقع تتفاجئ اللي هو لما اجي اخطبها ،ومن بعدها معدتش بتبعت اي صورة ليها ،وفي حوار تاني برضو،عمرها مبعتتلي فويس بصوتها ،ڤويس عادي جدا ،عمرها معملتها ،بس كانت بتبعتلي صوتها وهي بتغني ،بس مكنتش بتبعتو ڤويس ،كانت بتبعتو ڤديو والناميرا محطوط عليها صورة سودا ،اللي كان ظاهر الصوت منغير صورة،قلت يمكن بتسجل صوتهغ من علي برنامج لانو في صدى صوت ظاهر ،فعشان كدا مش بتبعتو ڤويس ،بس قلت لها غني منغير مؤثرات و ڤويس مش ڤديو ،رفضت وقالت انها مش بتحب تبعت ڤويس ،ف قفلت الموضوع ،بس لقيتها اخر فارة بقت بتطلب تسمع صوتي ،فلما باجي اطلب انا بترفض ،ولنا اسألها السبب بتقول انها مبتحبش تبعت ڤويس ومش بتبعت غير لقرايبها ،وبالل عليكم محدش يدخل ينصحني ويقولي حرام او حلال و ارضها علي نفسك وكلام من دا ،وشكرا

جماعة كنت نزلت بوست قبل كدة عن حدود الاختلاط بين الولاد والبنات انا لو عندي صاحبة مثلا وعايزة انصحها عن الاختلاط ازاي اعمل كدة من غير ما تتضايق او تحس مثلا اني بنتقدها مش بنصحها قوليلي افكاار

جماعه انا امبارح والنهاردة جاتلي نغزات في قلبي هل الزعل الجامد هو السبب ولا ايه... وللعلم انا عايش لوحدي اصلا يعني حتي ربنا قافلها في وشي ومعرفش حد اتكلم معاه مش عارف اعمل ايه حد يهون عليا ربنا يكرمكم

محتاج حد عنده طاقة يدخل يتكلم معايا فانا هقدر دا جدا حاسس اني عاوز اتكلم مع بني دمين واتعرف ع ناس جديدة نتجازب اطراف الحديث سويا مشكلتى مش بعرف افتح مواضيع وبستنى الى قدامي يفتح الحوار عشان ادوس فيه

فيه ولد كان بيكلمنى بقاله كذا يوم مش حب وكدا هو بيسال عليا وانا برد عليه ببرود بس هو بيحب يتكلم ويهزر معايا امبارح كالعادة بيضحك وبيهزر ومرة واحدة لقيته بيقولو الواحد لما بيبقا مخنوق يعمل اي فانا رديت كاالعادة بردو ببرود وقلت معرفش فقولتله احكيلى مالك قالى انا ناس كتير اوى خذلتنى وانا لوحدى ومش عارفه اي وكدا فصممت عليه ان هو يحكى قالى طب ثوانى وقعد طول الليل م بعتش وانا نمت لما صحيت لقيته بعتلى الساعه 12ان هو هينتحر وبيقولى اقريلى الفاتحة وادعيلى بالرحمه من الصبح وانا ببعت فى رسايل مش بيرد ف بعد العصر كدا لقيته بعت انتى مين وتعرفى فلان ده منين انا مغرفش اي اللى حصل ولا مين اللى بعتلى ده من الصبح وانا مخنوقة اوى وحاسة انى روحى بتطلع حاسة بالذنب انى متكلمتش معاه كويس وعرفت ماله وهديته ىمعرفش اذا كان بيهزر معايا ولا هو مات بجد مش عارفه بجد هموت وانا اصلا معرفش هو منين ولا هو مين اعمل اي المفروض دلوقت

السلام عليكم، عندي مشكلة بتضايقني جدًا في الفترة الأخيرة، وأتمنى أسمع تجاربكم ونصايحكم. أنا بتدايق أوي لما أكلم حد (في أي أبليكيشن أو حتى في الواتساب) ويأخر في الرد، أو يرد بكلمات قصيرة جدًا، أو يعمل نفسه تقيل ومش مهتم. المشكلة إني بقت أحس إن الناس كلها بتسلكلي في الكلام، كأنهم مجبرين يردوا عليا، أو كأنهم شايفيني "مثير للشفقة" ومش عايزين يعاملوني طبيعي. حتى لو الشخص ده صاحبي أو بنت بحب أكلمها، لما يتأخر في الرد أو يرد برد بارد، بيجي لي إحساس مزعج جدًا إني "ثقيل" أو "محتاج" أو إن محدش بيهتم بيا فعلاً. الغريب إني عارف إن ده ممكن يكون تفسيري الخاص، بس مش قادر أسيطر على الإحساس ده، وبيأثر عليا نفسيًا. عايز أسألكم بصراحة: حد بيحس بنفس الإحساس ده لما الناس تتأخر في الرد أو تبقى باردة؟ إزاي تتعاملوا معاه؟ هل ده خوف من الرفض؟ ولا حساسية زيادة؟ أتمنى تساعدوني بتجاربكم الحقيقية، لأني فعلاً تعبت من الإحساس ده. شكرًا لأي حد هيرد.

في حاجه حصلت معايا انهارده كنت واقف عند الدمشقي بتاع الشاورما فطنطا فالحلو تمام واذا فجاة الاقي واحدة معاها امها والبنت اواخر عشرينات بس حرفيا بطل ولا غلطة بالعباية السمرا وقعدت تلاغيني وتبادلني نظرات العيون وكده بس للاسف ركبو توكتوك هي وامها ومشيو ومش عارف اوصلها المشكلة مش في كده المشكلة اني مكنتش عارف اشقطها ازاي وهي مع امها

مساء الخير انا مرتبط ببنت وناوى اخطبها كمان شهرين أن شاء الله المهم ان بقا فى تصرف مريب بتعمله كل فترة كدة وهيا أنها يتختفى باليومين والتلاتة وساعات اسبوع وترجع بعدها ولا اكن فى حاجة ولما اكلمها ياتقول تعبانة ياما عندها مشاكل ف مبقتش فاهم التصرف دا عبارة عن اى واخرها من يومين اهو كنت يكلمها بليل ف قفلت وتانى يوم كلمتنى بعد العصر ومن ساعتها لحد الان لا فتحت ولا رنت عليا رغم انى سبتلها رسالة انى مش عارف اوصلها ولو فتحت تبقى ترن عليا فتحت شافت الرسالة ومعبرتنيش من امبارح والنهاردة بعتلها مواعيد الدروس بتاعتها باين عندى أنها فاتحة نت عادى رغم كدة مبتردش ومعرفش هيا فين والحركة دى مش اول مرة عموما ف كدة افكنى منها ولا دا سببه اى يعنى

هل انا فعلاا شخص سام وغلطان؟ انا كنت انتعرفت علي بنت ودخلنا في علاقة و اتحت لها و ارتاحت ليا ،وبعدنا عن بعض ورجعنا اكتر من مره ،بس اخر مره دي كانت مختلفة ،بقت دايما تفتح مواضيع وهي عارفة ان المواضيع دي هتقلب بمشكلة في الأخر ،لاني قايل لها ومعرفها ان في نوضوع معين من رابع المسيتحيلات اتكلم فية ولو اتكلمت في ف انا بتنازل علي مبدائي ،بس كانت بتفتح الموضوع دا برضو وبتحاول تتكلم فيه بس انا كل مره كنت برفض فيها كانت بتزعل وبيحضل مشكلة ونزعل من بعض ،ولما انا كنت بزعل كنت ببين اني زعلان بإني اكون بارد في الردود شوية، بحيث ابين ان فيا حاجه متغيرة عشان تفهم ان الموضوع ضايقني ،بس في كل مره كنت بكون بارد في الردود كانت بتعيط، ولما يعرف انها بتعيط كنت بقفل الموضوع ولو انا زعلان بنسى الزعل وبصالحها ،وجينا في اخر مره وعملت حاجه قايل لها مريتين قبل كدا تاها يتضايقني ،وفعلاا الموضوع ضايقني بس محبتش اكون بارد في الردود زيادة عشان متعيطش مني ،كلامي كان طبيعي بس كان متغير ،ف الموضوع كبر شوية ،ولاقيتها زعلت وعيطت وقالتلي انها مش عاوزة تكمل ،بسألها ليه؟ قالتلي عشان انت علطول بتخليني اعيط لانك بتكون بارد في كلامك وانا لما بعيط بتعب جسديا ،فسالتها المفروض لما اكون زعلان من حاجه انا قايلك عليها بدل المره اتنين انها بتضايقني اعمل اي مثلاا؟قالتلي عاتبني وعرفني ،وسيبتها علي راحتها وخليتها تحذفني وتعمل اللي عاوزاة ،انا فعلاا ممكن اكون غلطان اني مقولتش اني زعلت ،بس الكلام دا كنت هكون غلطان فيه لو هي بتعمل كدا ،انا لما بكون مزعلها من شئ محدد كانت ممكن تقعد ساعة عشان اعرف ليه زعلانه واصالحها وردودها بتكون باردة بشكل كبير ،وعاوزاني لما ازعل من حاجه اقول لها علطول اني زعلان واتسى في ثواني ،انا كل اللي عاوز اعرفة هو مش المفروض انا ليا حقوق فالعلاقة دي؟ هو حرام عليا اني ابين اني زعلان في ردودي وهي لا؟ زي ما هي بتكون باردة في ردودها انا من حقي اعمل كدا ،انا ممكن اكون غلطان زي ما قلت قبل كدا بس لو هي فعلاا مبتعملش دا ،ليه تزعل من حاجه هي نفسها بتعملها ،عاوزاني معملش حاجه هي نفسها بتعملها معايه!!والمشكلة في انو انها بتزعل عشان بينت اني زعلان!! يعني اصلاا اللي فتحت الموضوع دا هي،وكمان عارفة انه هيقلب بمشكلة ومتأكدة بدا ،بس برضو قررت تفتحة ولما انا اتضايقت زعلت من رد فعلي ،رد فعلي اللي هو اصلاا بسببها ،عاوز رأيكم ،عارف. اني كاتب جرنان كامل بس حبيت افضفض شوية ،وبعد إذنك محدش يتطقول رأية الديني ،وشكرا

محتاج حد عنده طاقة يدخل يتكلم معايا فانا هقدر دا جدا حاسس انى عاوز اتكلم مع بني دمين واتعرف ع ناس جديدة نتجازب اطراف الحديث سويا مشكلتى مش بعرف افتح مواضيع وبستنى الى قدامى يفتح الحوار عشان ادوس فيه

تكمله للبوست الي قبل دا انا عيد ميلادي كمان ٨ ايام واكيد هي هتخش تبعتلي او تقولي كل سنه وانت طيب، هل افتح كلام عادي ولا ممكن تكون هي زهقت مني اصلا يعني حاسسها لو عايزه تكلمني كانت دخلت كلمتني بس هي خجوله انا مش عارف ومش فاهم حاجه ومش فاهملها حاجه

احممم احممم انا دلوقتي عندي مشكلة يعتبر بتواجه أغلبية الشباب الا وهي الرهاب الاجتماعي والموضوع ده واقف في طريقي بطريقة وحشة بيخليني معبرش عن اي حاجة خالص حتي وصلت اني ممكن اخفي اعجابي ببنت علشان خاطر خايف علي شكلي وده اصلا بيحصل حاليا

عادي ان ناس اغلب كلامهم بقا تافهه يأما ميتكلموش؟ اصل لو عايزه اعرف شخصيه القدامي واحنا طول وقت مش بنتنافش في مواضع مهمه و طول الوقت هزار و نكش و تفاهه فزهقت. انا هفهم شخصيه الناس ازاي منغير نقاشات.انا عادي شخصيتي مش جد وبحب الهزار لكن خير الامور الوسط . انا جوايا اسئله و توهان و حاجات عايزه افهمها للقدامي فازاي اعبر اصلا عن حوار ده و ازاي ممكن تلاقوا وقت تتكلموا زي ما اقصد

انا ديما شايف هنا سن ال 20 فقط هوا سن ال 30و 35 راح فين يا جماعه مش موجودين ولا موجودين وعاملين نفسكم صامت اتمني تكونو بخير واللي عايز يتكلم انا موجود تحت امره في اي موضوع او مشكلة مش عارف يحلها يمكن اقدر اساعده

بقالي فترة مش بنزل حاجة واغلب البوستات مش نصيحه خاصة وبحس لما بعلق تعليق بيروح وسط الي كاتبين ومبعرفش ارد حتا ف الي عندو مشكلة او محتاج حد يسمعو بجد انا هنا عشان كدا انا حرفيا محتاج اسمع الي عاوز يحكي ❤❤

دلوقتي كنت بكلم واحدة هي فراو ./لة و مش عارف شافت الرسالة ولا لا بس يا ريت تكون شافت معا أن أظن أنه لا كانت بعتت أصل احنا قولنا تمام بس الي حصل و الواحد مش عارف يتكلم بجد هي أولها ١٢ و آخرها ٥٧ يا ريت تشو .في

سلام عليكم ازيكم يا جماعه عاملين ايه انا صراحه مش واكل معايا حوار ساعه دي في الشات مع شخص عشوائي يا اما اللي بتراسل معاه يكون بنت او يكون حظي وحش بس فانا هجرب الميزه دي انه التعليقات تكون زي شات وكده

الحمد لله طلعت كل الناس من حياتي العاطل ع الباطل السؤال بقي بتعرفوا تتحكموا ف أعصابكم ازاي لما تحصل حاجة تصايقكم من شخص مش بلاقي حل أسلم من البلوك الفكره خايفه أطبق ده مع شريك حياتي واكيد مش هيقبل بكده وحقه لأني لازم نتفاهم مش اعمله بلوك 😆

اكتشفت مؤخرا او تفشت نفسي ان انا يركز مع الشخص اللي قدامي نظرته معناه ايه إحساسه ايه شيفني ازاء باتري قصدو اذا كان زعلان فرحان عايز يديفتي أخذ باله ان إعلانه ولا لا تحليل كامل ديما في اي موقف أو اي كلام ومركزشرع انا حسه ايه أو حتي أعبر عن اللي جويا باي شكل اذا كان حب زعل انا مش قادرة أعبر اكثر من كده بس ده ليه واليه الصح

اهلك ولا صحابك ؟ تختار تكون منغير صحاب بس عندك اهلك ولا تكون منغير اهل بس عندك صحاب انا لاحظت اني مكتفية بنفسي واهلي بس مبكلمش حد من صحابي ولا بتواصل معاهم ولا حاسة اني محتاجة دا مع اني بحبهم بس هما مبيسألوش مع انهم بيحبوني برضه ونا عارفة كدا كويس

تاني يوم، دخلت المكتب وأنا مقرر أكون مختلف. سلمت على الكل، حاولت أفتح كلام حتى لو بسيط. الغريب إنهم استقبلوني كأني كنت معاهم من زمان. واحد حكى نكتة وضحكنا كلنا، والتاني عرض يساعدني في شغلي من غير ما أطلب. فجأة حسيت إني مش غريب زي ما كنت فاكر. لكن وسط الضحك، افتكرت الراجل اللي قابلته امبارح. بصيت حواليا ولاقيت نفس النظرة اللي كانت في عيني امبارح… في عيون حد تاني قاعد لوحده. كان شاب جديد برضه، واضح عليه التوتر. فكرت أسيبه زي ما أنا كنت، لكن حاجة جوايا خلتني أقوم وأقعد جنبه. سألته نفس السؤال: "مالك تايه كده؟" ابتسم بنفس الابتسامة اللي كانت على وشي امبارح. يمكن فعلاً كلنا بنعدي بنفس اللحظة… بس الفرق مين فينا بيقرر يمد إيده للتاني.

كيف اتخلص من هوسي في تكوين اصدقاء و بمعني الهوس فعلا و ازعل و اتأثر كثيرا فوق التخيل إذا لم القي من اتكلم معه و هذا يؤثر علي حياتي بشكل لا يمكنني التركيز علي حياتي و إنجاز ما عليا من متطلبات

مستنيه شخص كنت بكلمه يكلمني... في بستانٍ هادئ، جلس عصفور صغير فوق غصن، ونظر إلى الطيور وهي تحلِّق عاليًا، وقال: "ليتني أطير مثلها، لكنَّني ضعيف". سمعته شجرة عجوز بجذور عميقة، فابتسمت وقالت: "أنا أيضًا كنت صغيرة مثلك، لكن مع الصبر كبرتُ، واشتدَّ ساقي، فلا شيء يأتي فجأة"

مساء الخير يا جماعة، يارب تكونوا بخير في بنت أنا معجب بيها، بس هي أكبر مني بسنة أنا شغال صحفي، عرفتها من جروب واتساب، ولاحظت إنها متدربة ومش عارفة أي حاجة خالص، يعني حرفيًا على الله حكايتها، وأنا اللي أشطر منها بمراحل بكتير جدًا، مش بمقارنة أصلاً. البنت كانت كل شوية تنزل على الجروبات تسأل وتطلب مساعدة، ومحدش كان بيرد عليها نهائي، فقولت خلاص أنا هدخل أساعدها، كلمتها برايفت، وبدأت أشرح لها وأساعدها في حاجات كتير جدًا، لدرجة إني اديتها أرقام مصادر ناس تقيلة جدًا في مصر، الأرقام دي أصلًا مش مع حد في مصر غيري وكتير كانوا بيتحايلو عليا ابعتها وانا برفض واديت ليها دايما ولما كانت بتطلب رقم ببعتهولها عشان هي متدربة. ووريتها شغلي وعلاقاتي واللي أنا وصلتله، واتكلمت عن نفسي شوية عشان تبقى فاهمة أنا مين، مش أي حد وخلاص يعني، وبرغم كل ده، لاقيتها ولا هنا، ولا مهتمة أصلًا! سجلت رقمي آه، وشوفت إنها بتشوف الاستوريهات وكانت تحطلي على كل ستوري قلب قولت اكيد فرحانة بيا وطريقة تفكيرها بصراحة شدتني جدًا، رغم إني بصراحة شايف إني اللي أعلى منها بكتير في المستوى والشغل والعلاقات، وكمان أنا أصغر منها وهي أكبر مني بسنة، وبرضو مش عاملة ربع اللي أنا عملته في المجال. بعتلها Add، مقبلتش، قولتلها تقبلي، قالت حاضر، وطبعًا كبرت دماغها ومقبلتش، وبرضو أنا مكمل في مساعدتي ليها، بشرحلها وبدعمها، وهي ترد عليّ بـ “شكرًا لحضرتك” كده رسمي أوي رغم إنها أكبر مني بسنة بعد كده جيت أفتح معاها كلام تاني، لاقيتها مردتش، وبعدين بعد يومين تكلمني تطلب مساعدة! عملت اللي طلبته، وردودها كانت مقتضبة جدًا، يعني على قد السؤال وخلاص. حاولت أفتح كلام تاني، مردتش خالص. وبعدين أخد بالي إنها مسحت رقمي أصلاً، وبعدها بقت لا بترد ولا بتفتح كلام، وأنا بطبيعتي مش من الناس اللي تزن أو تبعت لحد مردش، أنا بكبر دماغي فورًا. الكلام ده كله كان في شهر 8. دلوقتي بفكر أرجع أنكش وأسأل مثلًا “إزيك عاملة إيه”، أو أي مدخل كده، بس أنا عمري في حياتي ما حصل إن حد مردش عليّ وأنا اللي أرجع أبعتله تاني، مش ستايلي خالص وانا معملش كده والمفروض هي اللي تخش تكلمني. بس في نفس الوقت، من بوستاتها واستوريهاتها حاسس إن دماغها عاجباني، بس هي مش مدياني أي فرصة، وده غريب جدًا خصوصًا إن المجال أصلًا نادر فيه بنات، وهي أكبر مني بسنة ومع ذلك أنا اللي معلمها كل حاجة تقريبًا. فمش فاهم بجد، هل أخد خطوة وأبعتلها وأسأل عليها وأجرب تاني؟ ولا أخليني تقيل كده وأكبر دماغي خالص؟ والأغرب من كل ده… إزاي واحدة متدربة، أكبر مني بسنة، ومش عارفة أي حاجة تقريبًا، وأنا اللي معلمها ومساعدها وعلاقاتي أقوى منها بمراحل، ومش منبهرة بيا أصلاً؟!

بحس ان فيه واحدة في الشغل معايا بتكرهني وبتكره زاميلي فيا من تجنبهم التعامل معايا . في ايام بتقعد في المكان اللي انا فيه عادي وتتعامل معايا وفي ايام تانيه بحس انها بتجنب تواجدي عمدا وتنزل تشوف حد تتكلم معاه المشكلة اني لما بحس بالرفض بتوتر جامد وببدأ اتكلم في اي حاجه حتي لو انا مش عايزة اتكلم فيها مع اي حد موجود وبتعقد من نفسي بعدها ومعرفش اكل او اصلي او اعمل اي حاجه غير اني اندم

أنا عمري ما اتكلمت مع بنت ومن فترة تواصلت مع ليدر الدفعة بسبب مشكلة حصلت على جروب الدفعة وحسيت اني اخيرا لقيت حد فاهمني وفضلت تتكلم معاها كتير اوي وتقريبا حكيتلها قصة حياتي كلها وعايش الشهرين دول في عذاب كل شوية أقول مش هتكلم معاها تاني عشان ده ضد مبادئي وارجع تاني اكلمها واحكيلها اي حاجة بتحصل معايا وهي عاجبها كده مش عارف ليه مع انها محترمة أنا زعلان من نفسي اني بكلمها وعلى نفسي اني بعد ما اخيرا حد بيفهمني مش عارف اتكلم معاه

مش فاهم نفسي في موضوع العلاقات بصراحة. نفسي أتعرف وأتكلم مع بنات بس بتلخبط ومش بعرف أبدأ، وبرضو مش عايز أبان محتاج أو تقيل. حصلت كذا محاولة قبل كده ومكملتش، فحاسس إني تايه شوية ومش عارف أتصرف،حد عنده نصيحه

انا اتعملى بان فا لو حد بعتلى ومردتش اعرفه انه بسبب البان 🙂 معرفش ليه مع انى مقولتش حاجه يعنى بس الموضوع بقى بجد غريب بكتب دلوقتى عشان الكلام يكمل العدد المطلوب وممكن ينزل وممكن لا الواحد زهق 🫠

انا اسفة لو البوست طويل بس ياريت تقولولي انا غلطت ف حاجة ولا لا علشان اريح ضميري جماعة انا كنت مرتبطة بواحدة ليا شهور وهو من محافظة وانا من محافظة واحنا قد بعد ف السن المهم اني سبته بسبب شئ عمله وانا كنت بتصرف برد فعل هو ف اخر ايام بينا كان يبعتلي مسدج وانا كنت برد عليه ويختفي باقي اليوم وممكن اليوم الي بعده ويرد عليا تالت يوم وبعدها كنت بسئل عليه بقوله فينك رد بعد فترة وقالي انه تعبان وصاحب مرض واختفي من تاني وانا من اول ما قالي انه تعبان كنت ببعتله اتطمن عليه كل شوية وكل ساعة بس هو كان مختفي ومش بيرد عليا وف نفس الوقت الي كان مختفي فيه ومش بيرد كان بيقعد ينزل استوريهات ولما عدي وقت طويل مردش عليا قولتله عايزة اتكلم معاك راح رد عليا بعد فترة برضو قالي تعبان نفسيا وسافرت اشم هوا وسألته هو في ايه وحصل معاك حاجة ولا ايه راح قالي انه نفسيته تعبانة وعنده مرض بشع وظروفه وحشة ف انا دعيتله ان ربنا يشفيه ويعينه ويخفف عنه وقولتله يطمني عليه كل شوية ودعيتله ان السفرية تفرق ف نفسيته وتكون احسن شوية بس مردش عليا خالص بعدها ولقيته بعدين منزل استوريهات وصور وخروجات وبعدين بليل بعتله اذا كان اكل ولا لا واديتله وقت يرد بس مردش عليا برضو ف مسحت الرسالة ومعدتش دقايق لقيته بيقولي علي فكرة انا علي فكرة انا شوفت الرسالة ومش فاهم بتمسحي ليه ودي حركة بتعصبني وانا نفسيا متدمر ومش بكرف ولا الجو ده ف رديت عليه قولتله انا مسحت لما اديتك وقت ترد وانت مش بترد عليا وبتتجاهلني بتتعامل كأني هوا وفي الوقت الي انت شايفني قلقانة هارية نفسي وبتطمن عليك انت مش بترد و مش قادر ترد عليا ولا تتكلم معايا تقولي مالك بس عندك الطاقة انك تنزل استوريهات ولا هي كده معاك ف انا مش عايزة اضغط عليك وكان طبيعي اني اسحب رسالتي راح قالي والله؟ الي شايفاه اني بتجاهل مش ان نفسيتي متدمرة وغير كده انا شايف برود منك وفين قلقك ده بس اشطا وافتكري انك كنتي كده معايا ف وقتي الصعب ف رديت قولتله انا كنت كل شوية ادخل اشوفك رديت وطمنتي ولا لا ومبعملش حاجة ف يومي غير اني مستنية رد منك وكنت بدعيلك دايما ف الاخر تقولي فين قلقك ده وطول ما انت مش بترد انا بلاقيك بتنزل استوريهات وسايبني لوحدي وانا لو مش قلقانة كنت من اول مرة مردتش عليا فيها انا مكنتش بعتلك تاني بس انت شايفني هارية نفسي مسدجات بتطمن عليك فيها وانت مش بترد عليا غير لما تفتكر بس راح شاف رسالتي ومردش تاني خالص واديته ايام علشان يرد فيها واكون عملت الي عليا ومردش خالص ف عملتله بلوك ، هو انا كده غلطت ف حاجة ؟

انا كنت صديقة لشخص وكان عزيز عليا مرة كثير وكنا نحكي ونتكلم وكنا مرة قراب بس تركنا مانحكي مدة بعدين رجعنا صح نحنا كنا رفقة بس بنحس في اشي يعني بيناتنا انا هيك كنت حس من الكلام بس ما بعرف وبعدين كان معي في السناب وكنا نحكي نحكي فجا بطلنا نحكي شي يمكن شهر بعدين محاني منو ماصار في تواصل ابدا حتا في الحياة الواقعية لما نلتقي صدف ما يسلم ويحكي وانا هاد الشي كثير مدايقني واشتقتلو الصراحة ومش عرفانة ليش يعمل هيك بدي رايكم 🤷🏻‍♀️

ماهو الحل مع المشاعر المتناقضة؟؟ انا شخص ممكن يوم احب شخص او اقدره اليوم الثاني استثقله واتهرب اني اتواصل معاه او حتى اتجاهله، حاسة اني منافقة رغم اني مااتمناش السوء لحد بس احيانا الاقيني كدا احس بنفور من الناس الي حولي من غير سبب!!

لية الفترة دي بحس بحنين لناس قديمة خرجوا من حياتي حتى لو أذوني وناس تانية الدنيا خدتنا من بعض وبقالنا سنين منعرفش حاجة عن بعض. من سنتين كنت شغال في محل ما ولكني قعدت 3 اسابيع بس المهم قولتلهم لو نجحت صافي وعد كله معزوم على شاورما وسيبت المحل والنتيجة اتأخرت وظهرت وكانت برضو علاقتي بيهم حلوة روحت نزلت جبت للفرع كله شاورما سوري وروحت مفاجأة لاقيت 2 مديرين قالولي منت لازم تسيب المكان اللي زيك مش محتاج فلوس وواحد تاني كنت مسلفه 150 وقولتله مش عايزهم ومتقولش لحد قالي قدامهم ده انت صارف عليا 150 ولا كأنك ابويا روحت عملت نفسي عادي مزعلش بس روحت عملت ليهم بلوك كلهم ولحد دلوقتي لما بروح الشارع ده بلف من ناحية تانية عشان محدش يشوفني لأنهم كانوا بيتصلو كتير وغالبا اصلا اتغيرو وناس مشيت معرفش بس بعمل الإحتياطات ولكن دلوقتي بحنلهم وبفكر اكلمهم أو اروح اشتري منهم. مرة بنت حبيتها قولتلها نرتبط ونخطب قالت لا انت اخويا خوفت اتعلق بعدت فضلت تكلمني كل يوم لمدة سنتين اتعلقت بعدت عني وقالتلي خلاص زهقت عملت ليها بلوك بفكر اخش اشوف هي مين دلوقتي. زمان كان ليا صاحب قريب اوي اوي ورغي 24 ساعة وانا اتخانقت مع طرف تالت هو دخل دافع عنه وخسرني بسببه واللي حواليه قالولي ده ماسك على بنات حاجات مش كويسة وبيشرب خم،،، ور دلوقتي انا كنت عامله بلوك وهو قالي فكه فكيته بس جيت ادور على الاكونت لاقيتو غيرو ورقمه ضاع وكل اللي حواليه قالولي منعرفش عنه اي حاجة. ليا بنت اعجبت بيها وكنت يساعدها كتير في شغل وهي ترد على القد وردود مقتضبة جدآ وكنت بنكش فيها ونيتي خطوبة بس حابب أنها تعرفني اكتر وتديني فرصة بعتلها رسالة عاملة اية مرديتش قولت اشوف لو مش هسال هي هتعمل اية من شهر 8 لحد دلوقتي مردتش ومسحت رقمي. ليا واحدة بنت بنت عمتي عرفتها قريب ودخلتني جروب مع قرايب تانيين ومكناش نعرف بعض حصل مشكلة بين الناس وكله خرج من الجروب ومتكلمناش بقالنا شهور بفكر اخش اكلمهم. اية السبب من اللي أنا فيه؟

طيب دلوقتي انا محتاجه حد يفاهمني اي دا انا وهو المفروض صحاب بس احنا مش صحاب احنا اطتر من كده بكتير يومنا كله سزا وبنعمل كل حاجة سوا بنخرج سوا وفعلا يمكن في مقام المتجوزين بس انا دلوقتي بحس ان لسا بكتشفه او اول مره اعرفه لان ازل مره يحصل بينا كده بقالنا تالت ايام مش بنتكلم عشان قبلها كان عندي امتحان وانا كنت بذاكر مكنتش ماسكه تلفوني بس عارفه ومتأكده انه بعت بس كنو حبه احس انا مهمه عنده وهيحس بغيابي ولا لا فمفتحتش زلا رديت عليه بس هو رن عليا قولته اسفه كنت مشغوله في المذاكره وماختش بللي هو قالي بجد وزعل وقلب المكلمه علي طول اما بصراحه كنت مبسوطه انه فاكرني ومهتم وكده واستنيت وبعتالي تاني مسدج قالي براحتك وبكفيك وكده قزلته ان فعلا مشغزله عشان عندي امتحان قالي تماام انتي حره وقولته مش هبررلك اكيد انا عرفتك متكبرش الموضوع راح رن تاني وقالي بكيفك انتي هنبدائي الشغل ده انت حر وانا هعرفك وبتاع قولنله اقفل بلاش هبل وقفلت في وشه ومتكلمتش تاني شويه اخر الليل رنيت تاني عشان اصالحه ومكبرش الموضوع مردش عليا تاني يوم رنيت مردش بعتله قولتله تمام مردش عليا واحنا كده تالت ايام مش بنتكلم معا انه كام كل يومي وكل حاجة بشركها معاه مش عاوفه اعمل اي بجدعوزا حل وفي نفس الوقت اما مش هكلمه تاني عشان هو اصلا معبرنيش كل ده ولا اطمن عليا وهو عارف ان انا في فتره امتحانات اعمل اي بجد حد يفدني

عايزة حد يساعدنى فى شخص انا بحس بإعجاب ناحيه بس انا و هو مبنتكلمش خالص بس ف بينا نظرات و نفسى اوى اننا نتكلم بس عايزة تيجى منه هو ..هو عارفنى و عارف اسمى ..لو حد بس يفاهمنى انى عايزة اخليه هو اللى يكلمنى من احسسه انى مدلوقة عليه.. اكونتاته كلها مقفوله محتاجه بس لو حد عنده حيله 🥺😂

زمان كانت فكرة انى اكون فى خلاف مع حد و حد تاني قريب ليا على تواصل معاه كانت عادي و بقول مش فارق لي زي صحاب مثلا انا زعلت من حد و غيري مالوش دعوة و ع علاقة بالحد ده ف تمام بس حاليا شايفة ان الموضوع بجد مستفز اوووي و خاصة اما تكون من اقرب الناس ليك يعني ليه ابقا مع خلاف مع ناس او اذوني بشكل نفسي بشع و اهلي راحين جايين عليهم عادي و بيتعاملوا بكل حب و تواصل كأني ماليش لازمة ولا نفسيتي مش فارقة معاهم .... بجد الموضوع بقا معصبني و مقرفني اوي هو انتوا بتحبوا اللى بيأذوني ليه ولا مستنيينهم يأذوكوا و تتأكدوا انهم زفت !؟

انا ع طول بفهم غلط لما حد يبعتلي كلام بفهمه غلط وبزعل اوي عليه وممكن اقعد ساكت كتير وشايل جوايا من الشخص ده وقولت التمس ليه عذره ويمكن ده مش قاصده بس كل حاجه ييقولها بترجم غلط فمبقتش عارف افهمه غير كده قولت اهدي ومنفعلش واساله الاول انت قاصدك ايه لاقيت رد فعله هو انت كل شويه تفهم غلط هو كل شويه مش عارف تفهمني م عارف تفهم انا بقول ايه انا بقيت مش عايز اتكلم معاك بجد وكل مره ع نفس رده الفعل

عرفنا بعض حوالى تلت شهور وهو كان بيحاول يتسلى ومعرفش وزهق ومشي وسابنى من حوالى شهر او اكتر ودلوقتي عملى بلوك واتساب انا اصلا محبتهوش بس حبيت وجودة بشكل عام كنت بدعى انه يبقى جد انا بس عايزة افهم هو ليه عمل بلوك واحنا اصلا مش بنتكلم وليه انا زعلانة انه عمل دلوقتي انا مسحت الشات والرقم وكل حاجة بس معملتش بلوك

في واحدة بقالها مدة معايا على الواتس و مدة كبيرة بس مش بنتكلم بتشوف الاستوري و انا كذالك بس مش بنتكلم كنا بنتكلم زمان بس الكلام قل تدريجياً مع العلم هي صاحبة بنت خالي و دايما بتقول كلام حلو عليا و بتشكر فيها قدام بنت خالي و لما بكلمها بحس ان هي بترد الكلمة بكلمتها بالظبط ف مش عارف اعمل ايه و يوم العيد نزلت صورة ليها و عملتلها لاف و من بعدها قاعدة تنزل صور صور صور مع العلم هيا مكنتش بتنزل العدد دا كله مش عارف اعمل ايه انا مش متعلق ولا حاجة انا بس مش عارف هل المفروض اكلمها ولا افكس مع العلم انا المفروض داخل على فترة خطوبة او هدور على واحدة

عمري 23 نقرى في جامعة جامي كانت عندي علاقة ولا خرجت مع وحدة من طلعت لي ليسي و انا مركز غير مع قراية مي عامين بديت نسيي ندير مدامة و ما صلح لي والو في لول كنت نقول كيما جديد و ما عنديش خبرة و مع وقت تتريقل مي درك بديت نتوسوس زعما انا عندي مشكلة ولا عيب علميا أني طويل القامة و ملامح وجهي حسنة اسكو كاين لي مر بمرحلة هكذا في حياته و بواش تنصحوني

الواحد بيعاني بقالو فتره من تصرفات نفسه الغريبه حزن مره واحده خنقه بعد عن الناس القريبين الاتجاه للعزله وساعات ببقيرعايز ناس جديده اكلمها بدخل اكلم اي حد من علي منصات التواصل بس بضايق علشان بعدها بحس اني بضايق الناس مش عارف اعمل ايه ف التصرفات دي