منذ 20 أياميشعر بـ متعب
عندى سؤال انا عارفه اننا كلنا ك بشر بنحتاج وقت نفصل فيه عن كل حاجة فى حياتنا عموما، حتى عن الحاجات اللى بنحبها فالشخص اللى انا بحبه طلب انه يفضل لوحده فتره و انا فى الاول اعترضت جدا لانى كنت فاكره ان دا بسببى عشان كنا متخانقين قبلها بس بعد عناد و كلام كتير، هو عمل اللى دا و اختفى فعلا و بقاله دلوقتي عشر ايام هل دى فتره كفايه انه يفصل و يرجع ل نفسه...!؟ و اروح اكلمه و لا استنى لما هو اللى يجى يتكلم مع انى حاولت مره انى ارن عليه و مردش مع العلم ان الحب بينا متبادل و بقالنا سنين مع بعض حرفيا فمعنديش شك واحد فى الميه حتى انه بطل يحبنى اقترحوا عليا اتصرف ازاى او اقوله اى عشان انا بقالى عشر ايام بعانى فى بعده عنى
معندكيش شك اه، مش هيطلب راحة او يفصل الا لو كان زهق منك، مش قاصد اشكك فيه بس بنسبة كبيرة حس بملل، استني عادي وشوفي اخره بس نصيحة، بنسبة كبيرة هو بالنسباله عايز ينهي العلاقة وزهق منها ف لو فعلا كده حاولي متتأثريش زيادة
يعني انا عملتيلي داون فوت والي بيقول خونيه معملتيلوش
ان شاء الله كل حاجة تبفى زى الفل
مساء النور مينفعش نعمل خناقة ع الضيق هنا😂 بصي انا قريت معظم الكومنت غالبا واستنجت ان سنك مش كبير وكمان مفيش بينكم ارتباط رسمي فا انا حابب انصحك لوجه ونصيحة اخوية قبل اي حاجة لاني لو عندي اخت بنت مش هرضي ليها بكدا وعارف ان كلامي يكاد يكون صعب عليكي ولكن فيه مثل بيقول ي بخت من بكاني وبكي عليا ولا ضحكني وضحك الناس عليا وعشان كدا عايز اقولك بكل وضوح وصراحة انهي العلاقة دي ، قولا واحدا
حصل فتور بس وان شاء الله العلاقة بينكم ترجع زي زمان واحسن، طبيعي يحصل مشاكل لان الحياة ابيض واسود
أنا مش فاهمة معلش .. هو ليه سنين وليه طالما متأكدين مفيش ارتباط رسمي ووضوح أنا أسفة لو فاهمة غلط أكيد بس هو اللي عاوز حد وواثق من ده فعلا بياخد الخطوة دي وبيكون مستعجل عليها وبيسعى بكل طريقة غير كدة بحسه ظلم بجد للنفس قبل أي حد وعاوزة أقولك مفيش حاجة اسمها مفيش شك احنا بتدعي ونقول اللهم يا مقلب القلوب .. بيبقوا متجوزين وبينفروا من بعض أوقات االه أعلم بالقلوب بس ربنا يريح قلبك ويهديكي للأصلح ليكي
لو عايزك هيكلمك متقلقيش انتى مش عايزة تخسريه؟
سيبيه علي راحته
خونيه 😂
الانسان لما بيضمن وجود حاجة بيحس ان قيمتها قليلة، متقلليش نفسك ومتبالغيش فى الحب وشوفي حياتك هو لما يحس ان وجوده معادش فارق هيجي لوحده