خوف من الموت

انا الظابط الطيار اللي حكيتلكم قصتي عن اني بخاف من ال مو ت ودا اللي مخليني متجوزش وانا عندي 30 سنه اهو. بس عندي مشكله كبيرة الواحد حساس بطريقه زياده عن اللزوم ساعات كتيرة اووووي مفتقد اني بعد يوم طويل احكيله يومي ماشي عامل ازاي يطمن عليا. يقولي مالك احكيله تفاصيلي. بحب التفاصيل جدااا اوقات كتيرة ببقي عايز حد يسمعني يسمعني بس زي دلوقت كدا. لو حتي مش هيعلق علي كلامي بس يسمعني نفسي اقول لحد المواقف اللي ببقي بشوف فيها ال م و ت. انا اصلا حتي اهلي ميعرفوش مثلا اني هطلع مأموريه اصل هقلقهم عليا ليه اي لازمتها لو حصلي حاجه هيعرفوا. طول مانا كويس خلاص. حاسس ان حياتي بتهرب مني وتعبان جداا من التفكير ومبعرفش انام

عندي احساس اني هموت قريب جدا جسمي مش سليم و كل شويه حاجه جديده توجعني و مبتخفش بالعكس بتعب اكتر و اعصاب وشي مشدودة مبعرفض اتحرك وضربات قلبي سريعه و سناني وجعاني و مبشوفش كويس ولا بسمع كويس و عندي طنين وعيني و جعاني و صداع و جيوب انفيه و دوخه و وجع بطن كل ما اكل و احيانا برجع و طبعا مع كل دل مبعرفش اعمل اي حاجه ف حياتي بالعافيه بصحي و بنام يعني حرفيا مفيش حاجه فيا شغاله الحمد لله ومن اقل اقل مجهود بتعب يعني لو نزلت من البيت ورجعت ممكن اقعد أسبوع عشان اعرف انزل تاني وكل ما اقول لحد يقولي بطلي دلع حتي صحابي بعدو عشان كل شويه يقولولي انتي علي طول تعبانه كدا و انا بجد مبدلعش والله ياريته كان دلع مكنتش هبقا كدا و الدكاتره كلهم مبيفهموش كل ما اروح لتخصص يقولي دا توتر او انيما معرفش ايه من غير ما اعمل تحاليل ولا اشاعات لدرجه انهم زهقو مني ف البيت و مبقوش يودنوني لدكاتره و عملت تحليل الزفت الانميا معنديش حاجه كويسه وكل دا مخليني احس انها اشاره اني قربت خلاص بحاول اقرب من ربنا بس خايفه بردو مش عارفه انا حاسه اني لسه مبدأتش حياتي حتي عشان تتاخد مني بس الحمد لله يعني بحاول اتعايش بس خايفه يحصلي حاجه والله بفكر اشتغل عشان اروح اكشف ف اماكن احسن بس بخاف يحصلي حاجه او اتعب ف الشغل وانا لسه متخرجه ومش لاقيه شغل اصلا حرفيا مش عارفه ابطل تفكير وحاسه اني هنام ف مره من غير ما اقوم ومحدش ف الدنيا دي كلها حاسس بيا و كله بيقول اتنشن و خرا يا ريتني كنت اتينشن والله انا بس نفسي اعيش حياه طبيعيه زي البني ادمين

السلام عليكم ورحمة الله وبركاته عاملين ايه تعرفوا اني بخاف من الموت اووي بترعب من الفكرة عارفين يعني ايه هتبقوا لوحدكوا في مكان ضلمة بس انت واعمالك بس بترعب اكتر كل ما اقرأ عن اللحظات الاولى في القبر رعب يجدعان محتاجين نعمل لأخرتنا بجد

اني افضل زي ما انا سنين ومغيرش اي حاجه ف الواقع بتاعي عايزه اخس وعايزه ابني حياه لنفسي جديده لاني معنديش حياه غير الشغل والبيت وعايزه اتخطي واتشافي من كل اللي عدي ف الماضي وعايزه ابطل صرف واكل بطريقه مرضيه وعايزه احقق احلامي اللي مرعوبه اموت قبل ما احققها وعايزه ربنا لو مت ف اي لحظه ميكنش غضبان عليا ويدخلني الجنه من غير ما يعذبني ولا انا ولا اهلي

في اخر ٣ سنين فقدت تيته و جدو و من ساعتها وانا خايفه علي اي شخص في حياتي من الموت بخاف اسيب الشخص ينام ميصحاش طول ما انا شيفاهم قدامي بفضل ادعيلهم بطول العمر و التخيلات بقي مش سيباني حاسه الموضوع بقي مرض مش مجرد خوف علي اللي بحبهم مش عاوزه كلام يهون قد ما انا فعلا محتاجه نصيحه حقيقيه

السلام عليكم انا عندي اضطراب القلق وطنت بخاف من الموت والمرض جدا في الاول حصل شوية بانيك اتاك على شوية ضغط واطي وضريات قلب في السما زرعت عندي الخوف الموضوع دا من زمان بس دلوقتي الحمد لله احسن امبارح بالليل كل ما اجي انام احس إن قلبي هيبقف واقوم من السرير مفزوع مرة والتانية قومت صليت الفجر وبعدين نمت شوية وللاسف مش بنام غير بمنوم حبيت احكي عشان مش عايز اكتمها جوايا كفاية اللي جوا دعواتكم ليا بالشفا وربنا يعافينا جميعا

انا ولد عمري 16سنه بيجيلي افكار كتير هو انا أمتى هموت وهموت وانا عندي كام سنه ولا هموت قبل ما احقق اي حاجه انا عايزها ولا هموت قبل ما اكون عيله انا والدي متوفي من وانا سنتين ونص مش فاكر اي حاجه خالص ليه ودا مدايقني اوي المهم انا اصلا على معصيه دلوقتي في حاجات كتير ف هل هموت على معصيه؟ واصلا هموت صغير ولا كبير و كل مره بقول هتوب وبتوب فعلا في نفس اليوم برجع اوحش وهكذا ومبقتش بصلي قصد وبجد انا زعلان اوي ومش عارف اعمل ايه

معاكم شخص كان يعاني من نوبات الهلع حيث إني اكتشفت ان السبب الرئيسي انه لديكم احد من العائلة و احد تعرفونه مات او مريض فتأثرتم به دون وعي و تخافون من الموت اعلم انكم تقولون ماعلاقة هذا ....😅 ولكن اضطراب الهلع بدايته تغير في نبضات القلب بسبب موقف ما على حسب الحالة النفسية و عندما تركزون مع النبضات تحسبون انكم تموتون و بهذا يختل التنفس حقا ثم الدوخة و يطول اضطراب الهلع تنفسو بعمق و اعلمو انها فترة ستمر وشكرا😁👍