دكتور نفسي

فيه حد جرب يروح لدكاترة نفسيين ونجح او جاب نتيجة كويسة ؟ او فرقت في اي حاجة ؟؟ لاني حاسس اني بدات افقد الامل مع ذلك انا مش عارف لو بطلت هعمل ايه والعلاج هيعمل تاثير او اعراض انسحابية لما ابطله او كده وللامانة انا اجبن من اني اسيب لاني حاسس ان ده الامل الوحيد اللي عندي

جماعة انا كنت بدور علي دكتور نفسي او ثيرابست اونلاين بس مش لاقيه للاسف واللي بلاقيه ياما مش موثوق ياما طالب فلوس كتير في الجلسه. ممكن لو حد جرب ثيرابست اونلاين يقولي ازاي عرف يلاقي حد مناسب ولاقاه فين اصلا والتجربه كانت مفيده ولا لا.

عايز يجماعة اي دكتور نفسي او اخصائي يكون شاطر و يساعدني اتجاوز الازمة بتاعتي عشان جربت كذا واحد وبدفع فلوس على الفاضي و عايز يكون اونلاين انا ف محافظة بعيدة عن القاهرة هيا مشكلة رهاب اجتماعي ووسواس قهري واضطراب الشخصية التجنبية

لو نزلت بوست برايفت بقاا يدخلك ناس كتير و يعرضو عليك مساعده ماشي بس محدش بيعرف يحللك مشكلتك هما ي بيأكدو انهم بيمرو بنفس الحاجه ي معندهمش حل الل هو الواحد مش عارف هل يثق ف حد ولا ميثقش هل الاسم السن المكان كل دا حقيقي ولا اي بجد احنا وانا اولهم مش عايزه اتجرح تاني بحاول اتعافي و الاقي حل ل مشكلتي و كلو داخل يقولي احكي هنسمعك الكلام بجد لو بيعالج مكانش دا بقا الحال انا اتكلم مع كذا دكتور نفساني اون لاين و قالو اني محتاجه کام جلسه وبس

الواحد تعب من الحيات سويت كل شي بس علشان أوصل لمرحلة اني انساه صج كل لحظه افكر فيه وكل ثانيه يطري على بالي جربت حتى اروح لدكتور نفسي بس صج مافي فايده انا شنو ذنبي لاني حبتها من كل قلبي ؟شنو سويت بدنياي علشان أوصل للمرحلة هذي ؟ ليش كنت اجي على نفسي بسببها ؟ الواحد تعب صج طول الليل شرب دخان وسهر حتى طلعت الشمس حزن وعذاب

انا كنت كاتب قبل كده الدكاترة النفسيين مش بيساعدوا الواحد وكده يعني ف انا حابب اضيف حاجة جات ف بالي ان المشكلة ممكن مش الدكتور المشكلة مني انا مثلا اني مش عارف اوصله المشكلة اللي انا فيها عشان احكم عليه، اللي محدش قالي عليه قبل كده اني اما اكلم دكتور نفسي لازم اكون عارف مشاكلي كويس عشان اساعده يعالجني هو ف الاخر انسان و مش ساحر يعني مش هينجم ف انه يعرف حياتي انا عايشها ازاي وكده. العلاج النفسي والتواصل المستمر والمتابعة مع الدكتور متعبة بشكل رهيب المشكلة بس ان الواحد دايما بيبقى حاطط ف باله انه طالما بيكلم دكتور خلاص كده هيتعالج و زي الفب لا هو مش شرط على حسب تعاونك مع الدكتور وشطارة الدكتور الاتنين مع بعضهم انا فكرت فيها زي الجيم بالزبط كانك بتدفع اشتراك ومبتروحش او بتروح بس مش بتلعب كويس او مش بتتغذى كويس او لعبت يومين و لقيت الوضع كما هو انا احيانا الدنيا بتنور ف دماغي واحيانا دماغي ده بيبقى قفل حرفيا

فيه حد راح لدكاترة نفسيين ونجحت او على الاقل فيه تحسن شوية ؟ انا بقالي حوالي ٦ شهور بروح ومنتظم على العلاج و حاسس انه مفيش نتيجة او ساعات بالعكس اصلا بحس الموضوع بيبقى اسوا، هو قالولي انه رحلة العلاج طويلة وكده بس انا بدات اتعب للامانة وحاسس اني عايز اوقف خالص ومروحش وابطل علاج خصوصا انه غالي اساسا، بس في نفس الوقت معرفش اعمل ايه عشان اتحسن لاني جربت كل حاجة حرفيا ، ف ده يعتير الامل الوحيد بالنسبالي

لو سمحتو حد يعرف دكتور نفسي شاطر بس يكون كويس و عن تجربه +تفتكرو ازاي الواحد يقدر يتخلص من شعور انه واقف ف مكانه و كل الناس للي حواليه عماله تتقدم و تشتغل و تنجح ف حياتها و هو لسه مش حقق اي حاجه و دي الحقيقه بصراحه يعني انا مش اشتغلت و حاسه اني مش بعمل اي حاجه ليها لازمه و كل للي قدي و كانو معايا اشتغلو و بيكسبو فلوس كتير ونا مش عارفه اغير التليفون للي باظ

السلام عليكم انا عايزة احكي مشكلتي ان انا شخص حساس جدا و بتضايق من اقل حاجة و ممكن بجد اقل حاجة تقلبلي مودي طول اليوم الشخص الحساس ده بيقى بجد الناس مش فاهمينه غير اللى زييه ، انا مشكلتي بجد هما صحابي ، مدمرني نفسيا بس انا مش عارفة ابعد عنهم ، هي عموما شخص واحد بس هي ال bestie بتاعتي ف كل نرة تضايقني و تصدرلي طاقة سابية اسامح و اعدي اسامح و اعدي لحد ما انفجرت و مش قاظرة استحمل عايزة ارزح لدكتور نفسي و والدتي مش موافقة

محتاجة مساعدة من دكتور نفسي و حاليا معيش فلوس ف لو دكتور او دكتورة يقدر يساعدني احل مشكلتي فترة هكون متشكرة جدا انا عندي تعلق مرضي شديد و كمان حاليا مرتبطة بشخص عنده اضطراب الشخصية الحدية و اضطراب ما بعد الصدمة و احنا الاتنين تعبانين و حاليا هو عنده تريجر و مكتئب و عنده خمول و انا بقلق من البعد ده و ف نفس الوقت بحاول اتعامل و حاجات تانية بردو كتير جدا محتاجة مساعدة و شكرا

إمتي الشخص فعلاً لازم يروح لدكتور متخصص علشان يساعده مش مجرد شعور انه مش كويس فعاوز يروح وخلاص يعني ايه المشكلات او الحاجات اللي الشخص لو حس بيها فعلاً مشكلته عاوزة حد متخصص مش مجرد شعور وخلاص

تقريبا بقالي سنتين في دوامة من كره نفسي بسبب شكلي، انا طولي 197 ودائما بفكر اني هبقى مرفوض من العلاقات وهعيش وحيد طول عمري أو هعيش مع حد مبيحبنيش، الفكرة اني اصلا لسه طالب ومش في مرحلة اني افكر في العلاقات ولا حتى بعد تلات سنين من دلوقت، لكن مهما أفكر نفسي بالكلام ده بترجع تاني نفس الأفكار وكأنها مفروضة عليا بالقوة، يعني في الاول كانت ممكن تيجي بعد ما اشوف بوست أو تويتة لواحدة بتذم في الطوال لكن دلوقت بلا اي مؤثر حقيقي لازم ادخل الدوامة دي ولازم تسحبني لفترة من الوقت كلها كآبة وبقت تنتهي بالنوم الحقيقية مش في طولي فعلا علشان الناس متفهمش اخطأ، المشكلة في الحالة النفسية وانا محتاج اروح لطبيب نفسي بس قدامي عائق اني طالب هندسه مش بيشتغل حاليا ومعندوش وقت يشتغل ومعنديش حد يصرف على السيشنز دي

عمرك ما هتعرف ان عندك اكتئاب غير لما تتعالج منه او انك تلحق نفسك اول ما تعرف وتحس انك محتاج مساعده بجد من شخص مختص، اما بالنسبه لتجربتي مع الاكتئاب انا مكنتش اعرف اصلا وقتها ان عندي اكئاب وكان عندي ١٤ وكنت فاهمه اني للي كنت بمر بيه مجرد ضعف ايمان ف بالتالي مكنتش بهتم ،وطبعا كنت بمر بعارض الاكتئاب الشأعه والمعرفه وقتها كنت كتير ان الحياه دي ملهاش لازمه ولا حتي وجودي ليه لازمه ف بتلتالي كنت بفكر في افكار انتحاريه كتير ،المهم قعدت سنه وكام شهر مصابه بالاكتئاب، وعرفت اني مصابه بالاكتئاب قبل العلاج بشهر وفضلت ادور عل دكاتره يكون العلاج اونلاين لان طبعا فكره الدكتور النفسي منبوذه من المجتمع، وبالفعل اسمريت في العلاج ٦ شهور ،منكرش ان العلاج ساعدني كتير و خصوصا الدكاتره النفسين ،عشان كده لو حد خايف ياخد الخطوه لمجر "الناس هتقول اني مريض نفسي" ف طز لان بجد انت اللي بتتأذي وكل ده بيأثر عل دراستك، شغلك، علاقتك بأهلك، علاقتك مع الناس وربنا.

بفكر اروح لدكتور نفسي في مستشفى حكومي قلقانه شويه من انهم ميفهمونيش كلمت قبل كدا تبع المجلس القومي للمرأه و الدكتوره الي كلمتني قالتلي كلام سخيف اوي بعد ما سمعتني و حسستني بشعور وحش ف خايفه من المسش

ليه في حد ممكن يوصل واحد انو يروح لدكتور نفساني عشان بتعالج بسبب جرح كبير هو عمله و مخليه مش عارف يرجع يعيش حياتة طبيعية ولا عارف يثق في حد ثاني عشان بس هو كان داخل يضيع وقت و انت غصب عنك حبينه

بفكر اروح لدكتور نفسي في مستشفى حكومي قلقانه شويه من انهم ميفهمونيش علشان مريت بتجربة وحشه كلمت رقم قبل كدا تبع المجلس القومي للمرأه و الدكتوره الي كلمتني قالتلي كلام سخيف اوي بعد ما سمعتني و حسستني بشعور وحش ف خايفه من دكاترة المستشفى ممكن تشاركوا تجاربكم او تنصحوني اعمل ايه